مش عارف ليه يا أخي من ساعة ما شفت اعدام صدام وانا مش طايق نفسي
بالرغم من كل شيء .. لا أنكر أنني أرى صدام بطلا
شيء ما ذكرني بعمر المختار ومشهد اعدامه
ولو حد قال يستاهل عشان اللي كان بيعمله في شعبه
أرد عليه وأقوله : لو كل حاكم عربي أعدم عشان بيعمل كده في شعبه
مش حنلاقي حد يحكمنا
!
مع إحترامي لحضرتك
ReplyDeleteصدام قتل 2 مليون نفس في الوقت إللي مقتلش فيه إسرايلي واحد
ولو مكنش أيام إمتحانات كنت جبتلك بالوثائق تاريخ صدام الوضيع من أول مولده
وبرده مع إحترامي:
جملتك الأخيرة إهانة لإن كدة بتقول إننا مانستاهلش حاكم عادل
مع احترامي لحضرتك
ReplyDeleteجملتي الأخيرة دعابة ماكرة ولكن يبدو أنك لم تفهمها :)
تحياتي
ومرحبا بك
وانا متفق معاك يا اشرف فى رأيك
ReplyDeleteوارجع وأعيد الكلام اللى قلته قبل كدا ألا وهو ان مين من الحكام العرب لم يعذب شعبه ويقتل فيه واعتقل من شعبه الآلاف؟؟؟؟
اللى بيقول ان صدام قتل مليون عراقى في 30 سنة من حكمه ...هسأله كام عراقى اتقتل من بداية الاحتلال؟؟!! انا أقولكم العدد هو 750 الف مواطن عراقى فى 3 سنوات
على الأقل صدام كان رجل قومى وعروبى
وكان بيهتم بتعليم شعبه بدليل آلاف
العلماء العراقيين المنتشرين في كل دول
العالم واللى ساهموا في نهضة العراق
انا لا انكر ان كان ديكتاتور وان كان له اخطائه وخاصة غزو الكويت
ذلك الغزو اللى كنت هموت فيه انا واسرتى واحنا بنهرب من الكويت عبر الصحراء الجرداء الى السعودية، ولكن يجب عدم لى الحقائق
مش عاوز اطول عليكم اكتر من كدا
دمتم بخير
اما اللى اتبقى منهم في العراق فبيبقتلوا كل يوم عشان تصفية العراق من عقوله ومن سبيل نهضته
لا داعي للخلاف صدام مات
ReplyDeleteوالموضوع اهو بقاله عشر ايم
يعنب فاضله كام يوم ويتنسي
وبهديلكو اغانيه عمرو دياب
اهو بكره نقول كانت ذكري
مع إحترامي لحضرتك
ReplyDeleteانت فين؟؟
ايه يا عم بتتقل علينا بالبوستات
ليه؟؟
طب الطلبة عندهم امتحانات
وانت؟؟
معقول الشغل
شغلك قوي كده
الله ينور عليك يا أشرف
ReplyDeleteأيوه كده لقيت حد يسندنى ويبل ريقى
حمدالله ع السلامة
عزيزي أشرف
ReplyDeleteلا يوجد وجه مقارنة بين المناضل الليبي عمرالمختار والرئيس العراقي الراحل صدام حسين فالأخير حاول احتلال دولة عربية مجاورة له وأسر وقتل العديد من أبناء هذه الدولة علاوة علي ما قام به مع شعبه ، قد تكون الصورة الدرامية التي تم اعدامه بها هي التي اعطتك هذا الايحاء
أما بالنسبة لتعليقك الاخير فواضح للجميع وأنا أولهم والله يسامح اللي في بالي
وانت مصدق يا أ.أشرف انه مات..؟
ReplyDeleteآه معلش فهمتك متأخر :D
ReplyDeleteماحدش علق علي الكاريكاتير
ReplyDelete:(
مش عارف اذا كانت فكرتي وصلت ولا لأ .. ومش عاوز أحرقها بالشرح
بس الظاهر اني مضطر
انا رسمت سنة 2007 باللون الأسود فقط للأرقام
007
للتعبير عن جيمس بوند للسخرية من الطريقة الأمريكية في التعامل مع صدام حسين سواء في القبض عليه أو اعدامه
وطبعا رقم سبعة كما يرسمونه عبارة عن مسدس جعلته موجها لرأس صدام
وبهذا جمعت بين مقتل صدام والعام الجديد والسخرية من أمريكا في رسم واحد
برجاء اخباري هل هذا هو ما فهمتوه من الكاريكاتير أم انكم رأيتموه بشكل مختلف ؟
تحياتي
بيتهيألي ان كل الناس فهمته كده
ReplyDeleteبس كله قرا الكلام اللي بعد الكاري
وعلق عليه
ما عادا انا معلقتش عل حاجة خالص
عزيزي أشرف
ReplyDeleteالكاريكاتير واضح ومفهوم جدا ولكن كما لاحظت ان رايك المدون اسفل الكاريكاتير كان مثير للانتباه والجدل فخطف الأضواء وتركيز المتلقيين بعيدا عن الكاريكاتير ، في المرات القادمة أعرض الكاريكاتير فقط وكما تعلم أن أقوى أنماط الكاريكاتير بدون تعليق فلا يحتاج إلى شرح أو لغة مكتوبة بل يعتمد على اسقاطات المتلقيين على الكاريكاتير
كاريكاتير جميل ومبتكر وإلى الأمام دائما يا دكتور اشرف يا فنان
تحياتي
ياستااذ يامبدع
ReplyDeleteانا معجبة برسوماتك مووت
فظيعة بجد
وروعة جدا فكرة 2007 والسلاح لي موجه منها تحفة
ولو اني زعلانة على حاجة كده انا متفائلة ب2007 وحباها السنة مالهاش دعوة بالي حصل لصدام
والله يرحمه بقا
وانا معاك في جملتك الاخيرة
لو كان بيعدمو اي حاكم عشان لي عمله صدام ده لو كان عمله فعلا ماكناش لقينا حد يكمنا قصدي يحكمهم
تحياتي
باسمه
يسمع من بقك ربنا علي الأقل نشم شوية هوا
ReplyDelete