إضغط علي الصورة للتكبيركفانا جهلا
كفانا سخفا
كفانا تخلفا
كفانا غرورا
كفانا ضحك علي أنفسنا
كفانا كذبا
كفانا "اشتغالات"
كفانا استهزاءا بأنفسنا وبديننا
كفانا استهزاءا بنبينا الذي بدأ يظهر في المنام لكل من هب ودب ويأمره بكذا وكذا والا فالويل له ولأهله
كفانا إرهابا
لو كنا نحن نحترم ديننا بحق ما كان لأحد أن يسخر منا .
ولكننا نسخر من أنفسنا.
نحن نستحق هذا وأكثر .
كفانا سخفا
كفانا تخلفا
كفانا غرورا
كفانا ضحك علي أنفسنا
كفانا كذبا
كفانا "اشتغالات"
كفانا استهزاءا بأنفسنا وبديننا
كفانا استهزاءا بنبينا الذي بدأ يظهر في المنام لكل من هب ودب ويأمره بكذا وكذا والا فالويل له ولأهله
كفانا إرهابا
لو كنا نحن نحترم ديننا بحق ما كان لأحد أن يسخر منا .
ولكننا نسخر من أنفسنا.
نحن نستحق هذا وأكثر .
اللي كتب الكلام ده يا أما شخص جاهل
ReplyDeleteأو عقله على قده
يا أما شخص غير مسلم ويريد إثارة السخرية ضد المسلمين
حلوة دي
اللي هينشر ها هيشوف الخير بعد 4 أيام
حقيقي هم يضحك
خالص تحياتي ليك
وخالص حزني على من ينشر ويعتقد في هذه المنشورات
معلش الى كتب الكلام ده مش شخص جاهل على الاقل من وجهة نظره ووجهة نظر ناس كتير..,, ناس بقت مفكرة ان الدين بتاعنا بقى صلاة وصوم وشويه زعيق على سماع كام درس وخلاص ..بجد بجد احنا عمرنا فى مصر ماكنا بنفكر بالاسلوب ده على الاقل فى الخمسين سنه الى فاتت كنت هاتلاقى اغلب الى هايشوفو حاجة بالشكل ده مش هايقتنعو بيها وهايبتدو يحللوها لكن التسليم المطلق ده مكنش عندنا طب هو ايه الى جد على الناس علشان تبتدى تفكر كدة بجد موضوع يستاهل ان حد يدور على اصله
ReplyDeleteدا شغل ناس دارسة يا بيه، كلهم من اعداء البلد
ReplyDeleteبيعملوا الحجات دي عشان يوزعوها جوه البلد و يسيروا الفتنة بين المسلمين الحمدلله عندنا في الباطنية بنعرف كويس قوي ازاي ندمر الشغل ده
و نصحتي ليك ان اول حاجة لازم تعملها هو انك تعمل ديليت للبوست ده يا اشرف يا حمدي لأنك بكده بتساعد على نشره بطريق مش مباشر حتى لو قصدك انك تنقده
ناس بتشتغل نفسها
ReplyDeleteوالألعن بتشتغل ناس تانيه معاها
والحاجات دى فى ناس بتصدقها وتنفذها
ربنا يشفيهم
تحياتى
بتفكرني بواحدة جامدة جدا قريتها من فترة
ReplyDelete"
هذه الرسالة هامة جداً لا تتهاون بمحتواها
ذكر احد الأطفال بأنه رأى في منامه طيف أبيض و جاء له وبلغه الرسالة التالية .
ردد 3 مرات "أفتح يا سمسم ابوابك نحن الاطفال"
أرسل هذه الرسالة الى عشرة أشخاص وسترى بطوط في منامك
واذا قرأتها اكثر سترى ميسون وسيأتيك تويتى يحمل اخبارا سعيدة
تنبيه هام.....
ارسلت الى شخص واهملها فانقطعت عنه قناة سبيس تون
وشخص آخر عمل بها فرزق بشريط جرندايزر
وارسلت الى شخص واستهزأ بها فانقلب الى كعبول
"
تعرف يا أشرف ، من فترة دخل عليا أخويا و ورانى ورقة نفس النظام كدة ،
ReplyDeleteبس تخيل بقى كان مكتوب فيها إيه ؟؟
بيقولك واحد اسمه الشيخ أحمد ، و الشيخ أحمد دة المفروض إنه شيخ المسجد النبوى ، شاف الرسول برضه فى و قاله أنا شفت ناس بتدخل جهنم عشان ما كانوش بيصلوا و لا بيحسنوا لوالديهم و حاجات كدة ، و بعدين بيقولك صور الورقة دى و وزعها على أكبر عدد "من المسلمون" - مكتوبة كدة - و بعدين بيقولك إن الورقة وصلت ثلاثة أشخاص : واحد عمل 25 صورة و وزعهم فربنا فتح عليه أبواب الرزق ، و واحد نسى يوزعها فاترفد من شغله و لما افتكرها صورها و وزعها فاتعين فى وظيفة أعلى من الأولى ، أما التالت بقى يامعلم قطع الورقة و رماها فمات بعد تسع تيام .. !-
بصراحة مش عاوز أسيب نفسى أتكلم لإنى غالبا ح أشتم شتايم أبيحة .-
أنا مازعلتش لما الرسام الدنماركى إياه شتم النبى لإنهم بيكرهونا أصلا .. بس بصراحة بالطريقة دى إحنا شتمنا النبى و الإسلام و ربنا كمان ، لإننا كدة حولنا الإسلام لشئ شبيه بالوثنية .. آل بعد أربع تيام ح تشوف الخير و الرزق ح ينزل عليك .. ياخى (...).-
و ما أستبعدش إن واحد ييجى ويقول إن سورة النساء بتعالج العجز الجنسى ، و سورة النمل بتطرد الحشرات من بيتك !!-
فعلا يا اشرف
ReplyDeleteاحسنت بنشرك للموضوع دا
لان الواحد بصراحة شبع اشتغالات من دي
والاعجب
اني باقابل ناس مصدقة
وتروح تصور الورقة خمستاشر صورة
ويجيبي بابتسامة بلهاء ويقول لك تفضل
جاتهم القرف ملو البلد
وتحياتي لك مرة اخرى
ممتاز يا معلم
ReplyDeleteأنت كدة فلتت من الهلاك
شوف بقى يا ريس انت نشرتها لكام واحد شافو التدوينة دى
أبقى قوللى على اللى حيحصلك بعد 4 ايام و متيقاش تنسانا لما ربنا يفتحها فى وشك
الشيخ خليل
ممم .. الحكاية دى مش عندنا بس .. دى أول ماظهرت ظهرت عند الغرب .. انا كانت وصلتنى كام رساله من النوع ده بس أجنبية ... لكن الفارق الوحيد ان الرسالات الأجنبية كانت بتربط الموضوع بالقدر أما الرسايل اللى انت عارضها بتربط الموضوع بالإسلام ><
ReplyDeleteعزيزي أشرف ـ أو الفنان كما يقولون لك ــ أنا أتعذب فعليا و أنا أشاهد مثل هذه الرسالات المنحطة.. في نظري أن هذا أخطر على الإسلام من القضايا التي شبعنا أكلا فيها ـ و التي تروق للجميع ليتحدثوا فيها! ـ على غرار هيفاء وهبي أو روبي أو أم فاروق المصابة بالحول الرسمي .. هذا الأمر يحتاج لإعلام هائل ـ بدلا من برامج المتخلفين و الصحافة الصفراء ـ و طبعا لن تجد هذا الإعــلام في بلادنا .. حقيقة انا أريد أن أبكي قهـــرا..أصعب شيء هو تغيير أفكار و معتقدات غبية التصقت في رؤوس الناس كالتابو..خاصة إذا ما كانت الفئة المسئولة قد صدرت الطارشة عوضا عن تصدير الصناعات الحديثة!
ReplyDeleteربنا يشفي
ReplyDeleteالحكايات ديه بتجيب للواحد عته