كلمة عبقرية هي
من حرفين ... ولكنها أبلغ من ألف مقال...
طظ
Sunday, November 18, 2007
إنت مين فيهم
إنت مين فيهم ..
اللي راح اشتغل وبقى كسّيب ؟
ولا اللي فاته القطرررر ؟
في انتظار ردودكم اللازعة \ الفاجرة \ المسخرة في حدود جميلة واحدة فقط ، وسوف يتم نشر الردود المتميزة في مجلة جديدة أعمل على إعدادها حاليا خلوها مفاجأة :)
على فكرة فى فئة من الشباب ممكن تكون انت مش عارفها يا اشرف و علشان كدة الإعلان دة بيستفزك فئة التنابلة الشباب القعيد بمزاجه دى فئة موجودة فعلاً .. علشان كدة الإعلان دة مش بيستفزنى .. عشان انا أعرف من الفئة دى كتير أعرف واحد مثلاً .. وصل 30 سنة و لسة قاعد فى البيت و ابوه بيصرف عليه .. حتقول مش لاقى شغل .. حقولك لأ الشغل موجود لكن مش على مزاجة .. لأنه مصمم ان الشغل يعنى الشغل فى الحكومة و ان القطاع الخاص ده إستعباد .. و الكلام الفاضى دة بالذمة ده مش يبقى من التنابلة؟ و يبقى هو و أمثاله محتاجين مليون إعلان و مليون قلم على قفاهم علشان يصحوا و يفوقوا من التنبلة أنا طبعاً بتكلم عن التنابلة مش الشباب اللى بيدور فعلاً و مش لاقى نتيجة نقص المهارات خلى بالك الإعلان ده موجه للتنابلة..لو بصليتله بالنظرة دى مش حيستفزك بعد كدة
صديق عمري خليل انا متفق معاك طبعا ، ولكن أنا باصص للإعلان من ناحية تانية خالص :) يعني ايه مثلا أبقى خريج كلية طب أو هندسة أو علوم أو تجارة أو حقوق وأروح اشتغل عامل في مصنع ؟ لأكتر من سبب الفكرة دي عبثية أولا : طب انا اتعلمت ليه من الأول أساسا ؟ ماكنت أدخل صنايع من الأول بلا مذاكرة بلا دروس
ثانيا : ايه علاقة واحد خريج طب بالمصانع ؟ عامل المصنع لازم تتوافر فيه شروط كتيرة ولازم يكون متدرب كويس جدا وفاهم صنعته كويس
ثالثا : الموضوع لو كانوا عاوزين شغل صح بقى يبقى تصنيف الطلاب من مرحلة ثانوي مين يدخل ثانوية عامة ومين يدخل صنايع لأن فيه كتير جدا بيدخلوا ثانوية عامة وياخدوا دروس كتير ويخربوا بيت أهاليهم وفي الآخر يفشلوا لأن كان الأفضل ليهم يدخلوا صنايع ساعتها حيبقى كل واحد في مكانه الصح
اللي مش لاقي شغل يروح يدرس لغات أو كمبيوتر أو اي مجال تاني يكون الشغل فيه مطلوب انما واحد معاه بكالوريوس علوم مثلا ويروح يبقى عامل في مصنع ده الي اسمه عك يدعو للسخرية :)
لينا قعدة قريب ان شاء الله نسيب الناس بقى دلوقتي تقول كلمتها جملة واحدة بس يا جماعة وحتتنشر بصورة البروفايل بتاعة صاحبها تحياتي
واشمعنه الي الي ركب القطر ليه ميكونش مكروباص يعني او حتي اتشعبط ومركبش او من الي ركبو القطر ولعبو في الجزرايه بتاعه الفرامل ولبس في المحطه او الي ولع بيهم القطر او الي سطح او الي باع امشاط وفليات في القطر او حتي من الي عزمو القطر تحياتي يا فنان ومستني ردك في مدونتي الي بقالك كتييييييييير مشرفتنيش فيها ومليتها ضحك لحد مجالي القلب هههه تحياتي تاني غير الاولانيه
طيب صحيح اشمعنه الي ركبو القطر والي ملحقوش القطر متخلوها من الي باعو امشاط وفليات في القطر او الي سطحو علي القطر او الي لعبو في جزره الفرامل واتقلب بيهم القطر او الي ولع بيهم القطر وهما ملهومش زنب او حتي من الي اشترو القطر وكمان اشمعنه قطر ميخلوه مكروباص او حتي توكتوك والله اعلانات مستفزه وكام 90 في الميه كدب والعشره الي في الميه كدب بردو يالله اهي دنيا وغير كده يا فنان انته بقالك بتاع تلتين سنه مجتش مدونتي ومنورتهاش بتعليقاتك اللاذعه مستنيك انشاله حتي متكتبش تعليق بس اشو صورتك منوره عندي تحياتي
والله يا باشا مش كل القعدين دول قعدين علشان مش لقيين شغل لا سمح الله بس ليه وجع الدماغ وأم الوش بتاع الستات ومشاكلهم احنا والله عندنا دكتور في الكلية ... بس ايه دكتور كبير أوي ولسة ما اتجوزش الراجل بيروح كل صيف يقضيه برة في ألمانيا ومريح دماغه ويجي يأرفنا احنا في الامتحنات :(
ياه ده اعلان مستفز اوي و اكتر حته بتستفزني ........ عفوا لكل مين حاول يتصل و لقي الخطوط مشغوله احنا زودنا الخطوط عشان نعرف نرد علي جميع مكالمتكم انا بقي حاولت الحق القطر الصراحه و سواق القطر جه علي نفسه كتير و استناني اكتر من اللازم بس رمسيس زحمه زي ما انت عارف و عقبال ما وصلت محطة مصر كان السواق بتاع القطر فاض بيه و مشي و سابني كان ليهم حق انا كان لازم اقوم من علي القهوه بدري شويه بس اعمل ايه في الداء المنيل بتاع الطوله هما دول اصدقاء السوء
على فكرة
ReplyDeleteفى فئة من الشباب ممكن تكون انت مش عارفها يا اشرف و علشان كدة الإعلان دة بيستفزك
فئة التنابلة
الشباب القعيد بمزاجه
دى فئة موجودة فعلاً .. علشان كدة الإعلان دة مش بيستفزنى .. عشان انا أعرف من الفئة دى كتير
أعرف واحد مثلاً .. وصل 30 سنة و لسة قاعد فى البيت و ابوه بيصرف عليه .. حتقول مش لاقى شغل .. حقولك لأ الشغل موجود لكن مش على مزاجة .. لأنه مصمم ان الشغل يعنى الشغل فى الحكومة و ان القطاع الخاص ده إستعباد .. و الكلام الفاضى دة
بالذمة ده مش يبقى من التنابلة؟
و يبقى هو و أمثاله محتاجين مليون إعلان و مليون قلم على قفاهم علشان يصحوا و يفوقوا من التنبلة
أنا طبعاً بتكلم عن التنابلة مش الشباب اللى بيدور فعلاً و مش لاقى نتيجة نقص المهارات
خلى بالك
الإعلان ده موجه للتنابلة..لو بصليتله بالنظرة دى مش حيستفزك بعد كدة
صديق عمري خليل
ReplyDeleteانا متفق معاك طبعا ، ولكن أنا باصص للإعلان من ناحية تانية خالص :)
يعني ايه مثلا أبقى خريج كلية طب أو هندسة أو علوم أو تجارة أو حقوق وأروح اشتغل عامل في مصنع ؟
لأكتر من سبب الفكرة دي عبثية
أولا : طب انا اتعلمت ليه من الأول أساسا ؟ ماكنت أدخل صنايع من الأول بلا مذاكرة بلا دروس
ثانيا : ايه علاقة واحد خريج طب بالمصانع ؟ عامل المصنع لازم تتوافر فيه شروط كتيرة ولازم يكون متدرب كويس جدا وفاهم صنعته كويس
ثالثا : الموضوع لو كانوا عاوزين شغل صح بقى يبقى تصنيف الطلاب من مرحلة ثانوي مين يدخل ثانوية عامة ومين يدخل صنايع
لأن فيه كتير جدا بيدخلوا ثانوية عامة وياخدوا دروس كتير ويخربوا بيت أهاليهم وفي الآخر يفشلوا لأن كان الأفضل ليهم يدخلوا صنايع ساعتها حيبقى كل واحد في مكانه الصح
اللي مش لاقي شغل يروح يدرس لغات أو كمبيوتر أو اي مجال تاني يكون الشغل فيه مطلوب
انما واحد معاه بكالوريوس علوم مثلا ويروح يبقى عامل في مصنع ده الي اسمه عك يدعو للسخرية :)
لينا قعدة قريب ان شاء الله
نسيب الناس بقى دلوقتي تقول كلمتها
جملة واحدة بس يا جماعة وحتتنشر بصورة البروفايل بتاعة صاحبها
تحياتي
انا كسيب بيب بيب
ReplyDeleteقطري مولع و شغلي عجيب
اتعلمت ولا اتقدمت
ياريتني طلعت واد هليب
اشتغلت موظفه بتلات ملاليم ونص يا خسراه اللى صرفوة اهلى عليا
ReplyDeleteاحمد ربك يا بوى ان الجطر فاتك دول بيولعوا اليومين دول
ReplyDeleteخليك جنبنا يا ولد طاولتك اولى بيك
على جنب : على استعداد تحويل مسار وادخل زراعه المهم مقعدش على القهوه
ReplyDeleteدى بلدنا بتتقدم بينااااااا
ولا ايييييه
انا الي سايق القطر
ReplyDeleteالقطر ما فاتنيش طبعًا .. لإنه داس عليا من زمان
ReplyDeleteهيه مجرد مجموعه من الاسئله:
ReplyDeleteلو القطر طلع وانا مالحقتوش ايه معاد القطر الى بعده..؟؟
طب لو القطر ده مصر (لأن مصر طبعا بتتقدم بينا) والقطر طلع من غيرى يبقى ايه الموضوع ...مصر طلعت وسابتنى...؟؟
طب لو مصر طلعت وسابتنى يبقى انا فين يا جدعان ..المحطة على الحدود ولا كدة دخلنا فى وسط افرقيا ..؟؟
طب سيبك انت ..لو الواحد لحق القطر وركبه اهم سؤال يطرح نفسه.......تفتكر هالاقى مكان اقعد ولا هاتشعبط؟؟
طب لو قعدت فى القطر تفتكر هيعدى على كوبرى القبه فى طريقه ...؟؟
طب لو طلع مابيعديش على كوبرى القبة تفتكر هالحق الى بيروح؟؟
اخر سؤال :
تفتكر وانا رايح اخطب البنت واقول لاهلها ان انا واد كسيب ومكافح فى مصنع حلاوة طحينيه ...تفتكر اخد معايا مفك صليبه ولا مفتاح انجليزى؟؟؟
أنا القطر
ReplyDeleteلأ أنا العبيط علشان اتعلمت من اساسه
ReplyDeleteاللي راح اشتغل
ReplyDelete.
.
.
.
.
.
.
.
.
.
.
أنا اللي هشيل الفلنكات وأقلب القطر
ReplyDelete:)
ReplyDeleteفي الواقع , مدونتك مميزة جداً و انا متابعها من فترة , و معجب بطريقة كتابتك .. , حطيت لينك مدونتك عندي !
احمد يحيى
يا استاذ اشرف انا كان في 2 ايميل بعتهوم
ReplyDeleteمعرفش جولك ولا لا
وياريت تقولي لو الايميل الي ببعت عليه غلط
بتاع ال
gmail
والله أنا خايفه يكون الأعلان ده وهم وبيلموا فلوس من المكالمات دي وخلاص
ReplyDeleteانا مادخلتش المحطة اساسا
ReplyDeleteراحت عليا نومة زى مابتروح على نص شباب مصر
انا اللي فاته القطررررر
ReplyDeleteبس هاخد اول ميكروباظ ... او تكتك (والمجد كل المجد للتكتك) ووراكوا جري
واشمعنه الي الي ركب القطر ليه ميكونش مكروباص يعني
ReplyDeleteاو حتي اتشعبط ومركبش
او من الي ركبو القطر ولعبو في الجزرايه بتاعه الفرامل ولبس في المحطه
او الي ولع بيهم القطر
او الي سطح
او الي باع امشاط وفليات في القطر
او حتي من الي عزمو القطر
تحياتي يا فنان ومستني ردك في مدونتي الي بقالك كتييييييييير مشرفتنيش فيها ومليتها ضحك لحد مجالي القلب هههه
تحياتي تاني غير الاولانيه
طيب صحيح اشمعنه الي ركبو القطر والي ملحقوش القطر
ReplyDeleteمتخلوها من الي باعو امشاط وفليات في القطر او الي سطحو علي القطر
او الي لعبو في جزره الفرامل واتقلب بيهم القطر
او الي ولع بيهم القطر وهما ملهومش زنب او حتي من الي اشترو القطر
وكمان اشمعنه قطر ميخلوه مكروباص
او حتي توكتوك
والله اعلانات مستفزه وكام 90 في الميه كدب والعشره الي في الميه كدب بردو
يالله اهي دنيا
وغير كده يا فنان انته بقالك بتاع تلتين سنه مجتش مدونتي ومنورتهاش بتعليقاتك اللاذعه
مستنيك انشاله حتي متكتبش تعليق بس اشو صورتك منوره عندي
تحياتي
صحيح اشمعنى القطر
ReplyDeleteاحنا بتوع الاتوبيس
طمنا عليك يا ريس اخبارك ايه
انا اللى اتشعبط ف القطر و اتبهدلت وراه لحد ما زهقت و رميت نفسي وانتحرت منهم لله
ReplyDeleteالاعلان ده فعلا مستفز .. ربنا يحرقهم كلهم بجاااااااااز هههه
والله يا باشا مش كل القعدين دول قعدين علشان مش لقيين شغل لا سمح الله
ReplyDeleteبس ليه وجع الدماغ وأم الوش بتاع الستات ومشاكلهم
احنا والله عندنا دكتور في الكلية ... بس ايه دكتور كبير أوي
ولسة ما اتجوزش
الراجل بيروح كل صيف يقضيه برة في ألمانيا ومريح دماغه
ويجي يأرفنا احنا في الامتحنات
:(
انت شكلك كدة ركبت القطر
ReplyDeleteياه ده اعلان مستفز اوي
ReplyDeleteو اكتر حته بتستفزني ........ عفوا لكل مين حاول يتصل و لقي الخطوط مشغوله احنا زودنا الخطوط عشان نعرف نرد علي جميع مكالمتكم
انا بقي حاولت الحق القطر الصراحه و سواق القطر جه علي نفسه كتير و استناني اكتر من اللازم بس رمسيس زحمه زي ما انت عارف
و عقبال ما وصلت محطة مصر كان السواق بتاع القطر فاض بيه و مشي و سابني
كان ليهم حق
انا كان لازم اقوم من علي القهوه بدري شويه بس اعمل ايه في الداء المنيل بتاع الطوله
هما دول اصدقاء السوء
انا موتني من الضحك تعلي
ReplyDeleteM.bazeed
أنا اللي اشتغل ..
ReplyDeleteو برضه ..
داسه القطر