كفاية بقىمش كفاية بقى ؟
يعني هو مش كفاية بقى بجد ؟
ايييييه ؟ عاوزين مني ايه ؟ أسرق ؟ ما بعرفش ، أنصب ، ياريت كنت أقدر
طب مطلوب مني ايه طيب ؟ ماهو حد يقوللي ويرد عليا
يعني مش كفاية أم العيشة كلها اللي بقت نار كمان التليفون الأرضي ؟
طب فاضل ايه تاني ؟ ايه تاني نسيوا يغلوه علينا ؟
آه صحيح ، ماحنا مابندفعش تمن الهوا اللي بنتنفسه
طبعا ده عشان احنا شعب سلبي وراضي وساكت وبيقول الحمد لله
ماهو المهم تقول الحمد لله ، صح ؟ وإلا تبقى كافر لا سمح الله
خد على قفاك وقول الحمد لله ، كفاية بنشم هوا ببلاش
السلام عليكم
ReplyDeleteوالنبى يا ابو عمرو يا اخويا
الحكاية بقت بجد حاجة تخلى الأقرع -اللى هو انا-يشد فى شعر إيده
يمكن الناس دول ما عنهمش فى قاموس لغتهم ثلاث كلمات(رحمة-حرام-كفاية)
أو يمكن لغتهم كلها كلمة واحدة زى عفريت الخالة نوسة كده(أدينابابا)
كده يبقى غصب عنهم
وبعدين مستعجل ليه ع الهوا بكره يلوثوه و يستوردوا هوا من بره و يبيعوه و اللى مش عاجبه
(يشم ملوث بقى)
ربنا يرحمنا
أو ياخدهم
أو ياخدنا
؟؟؟؟؟؟؟؟؟؟؟؟؟؟؟
؟.؟؟؟؟؟؟؟؟؟؟؟؟؟؟؟؟
أو نروح له
أستغفر الله العظيم
سلامى لعمرو
ودعواتى لك و له بهجرة قريبة إن شاء الله
الله اكبر
ReplyDeleteكدا ضمنا ان تليفون البيت هيتقفل بالقفل و مش بعيد يتشمع بالشمع الاحمر
و ربنا يبارك لفودافوون و موبينيل و اتصالات الرزق اللي هيجيلها من ورا الموضوع ده
و بهذه المناسبة احب اهدي اغنية تليفوني بيرن ترررن تررررن
للبشمهندس احمد نظيف راعي الرياضة و الرياضيين و ربنا يوريني فيه يوم
هنسمع قريباً عن زيادة اسعار ...
ReplyDeleteوالله ما انا عارف حاجه تضحك اكتبها
كل لما افكر فى حاجه الاقيها اصلاً غاليه
حسبى الله ونعم الوكيل
هو صحيح سيادة رئيس الوزراء(خلينا فيه) لما بينزل السوق علشان يشترى كيلو بطاطس مثلاً بيزعل لما يلاقى البطاطس غليت ولا بيفاصل ولا بيدعى على وزير التموين ولا هو اصلاً مابينزلش السوق ولا هو اصلاً مابياكلش بطاطس من مصر ولا هو اصلاً عايش فى الوليات "عذراً الولايات"المتحده الأمريكانيه
وقس على ذلك باقى..
باقى إيه
كل حاجه عايشين فيها
تحياتى
طب الحمد لله
ReplyDeleteوانت عامل ايه دلوقتى؟؟
يا سيدي اتكلم من الموبايل حد جبرك تتكلم من التليفون الارضي
ReplyDeleteناس غريبة والله
هوه انا لية حاسة ان المشاكل كلها تفاقمت مرة واحدة
يعني في غضون سنة او هيا السنة دي مش فاكرة
بدأ كل حاجة تغلا بالاضعاف
ماهي دايما بتغلي انا عارفة
بس الوض باظ قوي الفترة دية
هوه إية المشكلة؟؟؟
دمت سالم
وربنا يستر علينا
ولا اتفق معك في الكاريكاتير
سلامون عليك
واحد من البلد دي
ReplyDeleteدول ماعندهومش غير كلمة واحدة في قاموسهم وهي
"قولوا الحمد لله"
أو
" أحمدوا ربنا ان ماحصلش كذا وكذا "
يعني انا أكتر حاجة تغيظني لما الحرامي يتكلم في الدين ويقوولي : قول الحمد لله اني سرقتك بس ماقتلتكش
شكرا على التعليق
-----------------
Ketchup
أضيف على كلامك اني بجد نفسي أعرف شعور سيادة الوزير طارق كامل وهو بيقرا التعليقات على الخبر في موقع مصراوي
والله العظيم تلاتة أنا لو مكانة وقريت بعنيا الشتيمة دي من الناس لأنتحر فورا
يا خوفي لتكون شركات المحمول هي اللي ضغطت على المصلحة تعمل كده عشان يكسبوا هما أكتر
-----------------
OSS
بطاطس ايه ؟ هما دول بتوع بطاطس ؟
البطاطس دي اتخلقت عشان ناكلها احنا في زيت العربيات ده اللي بيغلا بمعدل مرتين في اليوم
حسبي الله ونعم الوكيل
-----------------
بطوط حبوب
أنا والحمد لله اتخرب بيتي وبشحت دلوقتي
الحمد لله
-----------------
نعكشة
ماهي سنة سودا والحمد لله
واللي جاي أسود من السواد على رأي محمد صبحي في مسرحية ماما أمريكا
شكرا على التعليق
والله يا باني مش عارف اية ممكن يحصل تاني
ReplyDeleteوانت بتقول فيها !!!!!!!؟
والله مش بعيد يعبو الهوا في قزايز ويبعوه زي المية المعدنية
انا شكلي الشتاء الجاي هاعمل بيات شتوي واريح دماغي
:(
يخرب بيت سنينك يا أشرووف
ReplyDeleteالكاريكاتير موتني من الضحك و علي فكرة فيديو التدخين رغم أني مش متفق معاه طبعا ..بس بجد فكرته تحليليا رائعة ..كل اصحابي اللي حكيتلهم عليه عجبهم جدا
كويس ايديك مشيت أهي زي زمان و رجعت تمتعنا:)
د.حسام
والله يا استاذ اشرف انا سامعه ان الكهربا كمان هتزيد
ReplyDeleteومش بعيد ياخدوا مننا ضريبة للمشى فى الشوارع واستعمال الارصفه
والكح والهرش والعطس وكل الافعال اللاارادية والارادية
وخلى الحكومة تعيش
انا داخل المدونة دلوقتى مخصوص عشان اعلق ع الكاريكاتير ده اللى وقع قدامى بالصدفة ع الفيس بوك
ReplyDeleteمسسسسخرة
ياريت تعمل سلسلة وقفة مصرية :D