
سبق وأن تحدثت عن هذا الموضوع من قبل في تدوينة قديمة
الآن أشعر بأنني موشك على التقيؤ من فرط ما أصابني من مرارة ، ولكن أعتقد انه ومن واجبي كشاب مصري مدون أن أطرح الأمر من وجهة نظري تاركا الموضوع برمته بعد ذلك ، فلقد سئمت الكلام بالفعل .
القضاء الإداري يلزم وزارة الاتصالات بحجب المواقع الإباحية عن مصر
كيف أعلق بشكل موضوعي بالله عليكم ؟ هذا قرار كاريكاتوري هزلي فكيف أتحدث عنه بموضوعية ؟
سأجرب ، وأتمنى ألا يرتفع ضغطي مرة أخرى
أولا
أتسائل عن الفئة المستهدفة ، لصالح من هذا القرار ؟ للأطفال ؟ للشباب ؟ للشعب بأكمله ؟ في الواقع أنا لا أفهم ، المواقع الإباحية مثلها مثل أي شيء في الدنيا ، مثل الخمر ، مثل شقق الدعارة ، مثل شم الكلّة ، مثل اللعب في أنفك وتلويث وسادتك بالمخاط الخارج منها ، مثل أي شيء مرفوض دينيا أو أخلاقيا أو مجتمعيا ، هذه الأشياء لا يمكن بأي حال من الاحوال منعها ، ولكنها تقبل التوجيه من خلال حملات التوعية ومن خلال الدعوة الدينية العصرية كما يفعل عمرو خالد ، مثلا بالحديث عن المواقع الجنسية كنت أتمنى أن أجد حملة بعنوان : لا للإباحية ونعم للحب ، طبعا ده كلام أفلاطوني مايكلش معانا بقرش حلاوة ولكن ما المانع ؟ أو أن أجد حملة دينية تقول : الله يراك ، لا للإباحية ، أو حملة على أساس علمي وطبي تقول : المواقع الاباحية تتسبب في تشويه فكرتك عن الجنس ، كل هذا مشروع ورائع وجميل وفي الغالب سيلقى رواجا كبيرا شريطة ألا يكون لصالح أهداف أخرى مثل تهئة المجتمع لحكم الجمعات الاسلامية ، عموما هذا ليس موضوعنا . ببساطة شديدة هذا القرار يعتبر سبة للشعب بأكمله ، الحكومة تقول للشعب : أنتم أطفال ولا تعرفون مصلحتكم ولم تنضجوا بعد ولا يمكن أن نأتمنكم على اطفالكم ولا على انفسكم نفسها ! وبالتالي حجبنا المواقع الإباحية تماما . انا شخص راشد عاقل أبلغ من العمر ستة وعشرين سنة لحظة هذه التدوينة ولي مطلق الحرية ــ وضع تحت كلمة الحرية هذه ألف ألف خط ــ في دخول أي موقع على شبكة الإنترنت وفي اختيار مأكلي وملبسي ومشربي وأعرف تماما كيف أحمي أولادي من أي شيء يضرهم .
ثانيا
لم نعرف لصالح من هذا القرار ، وأيضا لم نعرف لماذا كان القرار ؟
القرار ببساطة شديدة يشجع على رواج الإباحية وبشكل غير مسبوق بالمرة ، حاول أن تمنع الخمور من مصر وستجد من لا يشرب يبحث عنها لمجرد المعرفة ! ، الممنوع مرغوب وهي قاعدة أزلية لا تقبل جدال ، وأكرر سؤالي الذي طرحته من قبل ، هل ترون الناس واقفة أمام محلات الخمور بالطوابير ؟ الطوابير أصبحت حصرية لرغيف العيش والمواصلات فقط ، لماذا ؟ لأن الخمر مباحة وانت حر نفسك ، دينك يحرم الخمر فلا تشرب طبعا ، المحال موجودة وقرآنك موجود ، إذا أردت أن تتبع أي منهما فأنت حر والحساب يوم الحساب طالما أنك لا تضر إلا نفسك ، وأقول بأن حجب المواقع الإباحية سيفجر قنبلة جنسية موقوتة وحالة من الهيستيريا لم تشهد لها إلا بلاد تعرفونها جميعا ، كل من لديه أفلام جنسية سيصبح في خلال ليلة واحدة ملكا متوجا على عرش سوق الجنس الذي سيفتح أبوابه على مصراعيها لكل شاب وفتاة ورجل وأمرأة وطفل أيضا .
ثالثا
هل الحجب سيحجب فعلا ؟
استكمالا لثانيا أقول بأن الحجب لن يحجب أي شيء بل على العكس ، سيكشف كل شيء ، وإليكم السيناريوهات المتوقعة
سيناريو الاكتفاء الذاتي
لن نحتاج هنا إلى مواقع أجنبية ولدينا شباب حلو وعسل وزي الورد ، سيتم تصوير عشرات الآلاف من الصور الإباحية من داخل مصر نفسها وتبادلها من خلال الموبايل وعناوين البريد الإلكتروني وهذا السيناريو يحدث بالفعل ولكن على نطاق ضيق.
سيناريو العبقرية التقنية الفذة
الشاب المصري العبقري ، سيكسر الحجب ، وسينشيء مواقع ومنتديات إباحية لا حصر لها يعصب حجبها ، وسيستخدم كل ما يملك من مهارة في ارسال واستقبال الصور والأفلام بألف ألف طريقة لا تمر على كيبورد السيد الحاجب الرقيب المسكين ، أمل هما اخترعوا البروكسي ليه ؟ .
سيناريو الصاحي بدلا من المجمد
الصاحي صاحي ، ولا يمكن مقارنته بأي شيء آخر ، أوعى بقى للصاحي ، اللي بيلعب ، لا حاجة للمواقع الإباحية طالما هناك دعارة ، بل سيمتد الأمر من الدعارة إلى نطاق الأصدقاء والأصحاب والحبايب والجيران والنادي والكافيه وكله بالإكتفاء الذاتي ، والصاحي يكسب ، قال صور وأفلام قال بلا خيبة .
سيناريو الكبت الوهمي
المواقع الإباحية ليست وسيلة للتنفيث ، ولكن منعها سيولد شعورا بالكبت ، حد فاهم حاجة ؟؟؟ أقصد بأن منع المواقع سيولد شعورا لدى الشاب أنه مكبوت أكثر مما هو عليه من كبت أساسا ، عاجز عن ممارسة حقه الطبيعي في الزواج وعاجز أيضا عن مشاهدته حتى وإن كان لا يشاهده أساسا ، أنا أتحدث عن تأثير القرار نفسيا ، ولا انادي بالطبع بأن تكون المواقع الإباحية للتنفيث ولا أعنى أن الشباب يزور هذه المواقع للتنفيث ، ولكن وجودها حتى وبدون الدخول عليها أفضل من حجبها .
سيناريو الهوس الجنسي
إذا كان الجنس تابو فإن غلق المواقع الجنسية سيجعله ألف ألف تابو ، سنصبح مثل الشعوب التي أصابها الهوس الجنسي فأصبحم لواطا وسحاق ولا حديث لهم إلا عن الجنس ، ستزازد أهمية الجنس كمتعة في غير إطارها المشروع ، ستتضخم المكتبات الجنسية على الهاردات والفلاشات والاسطوانات يوما بعد يوم لانها أصبحت عملة نادرة ، ولها ثمن .
سيناريو آخر مهم
بالطبع سيتم غلق مئات المواقع المدونات الجادة بحجة أنها تحوي صورا إباحية ، في الواقع هي مواقع معارضة ببساطة شديدة ، يسهل تلفيق هذه التهمة لحجب أي شيء حتى وإن كان موقع شبكة السي ان ان الاخبارية نفسها . لقد أعطيت الحكومة الحق في السيطرة على الشبكة وبالتالي توقع منها أي شيء .
ساتوقف عن الكتابة هنا لأنني بالفعل أشعر بالـ ....
لا أجد مزاجا رائقا لإختيار تعبير مناسب ، مافيش فايدة .
الحل سهل بسيط
ReplyDeleteوهو وضع الناس ووضعنا جميعا على طريق الاستقامه
عندها لن تجد من يقوم بفتح المواقع الاباحيه او السرقه او مد يده لأخذ الرشوه
علينا معرفة الحلال والحرام
لكن صدقني الدعوه ليست شيئا منكرا -وأعلم بالطبع انك لم تقصد ذلك-
بل هي وسيله لإنقاذ ما يمكن انقاذه والسلام
فحيث ان الطريق الى الاستقامه صعب وطويل، فيمكن ان نبدأ بشيء مثل هذا
صحيح ان الحجب ليس كل شيء، ولكنه من وجهة نظر من قاموا بالدعوه إليه ما هو إلا طريقه لتحجيم المفاسد المنتشره في المجتمع
وقالوا انه ربما يفعلوا شيئا محترما يكون في الصالح العام
بصوره عامه الحجب فقط لن يفيد
ولكن الحجب مصحوبا بشيء من الارشاد والوعي الديني يكون افضل بكثير
الموضوع يحتاج لمجهود ضخم ارى اننا حاليا لسنا اهلا لتحقيقه مع الاسف
لك تحياتي
مفكرتش فى الموضوع بالشكل ده قبل كده مع انى مع قرار الحجب بس فعلا مش هيعمل اى حاجة لان المفروض يكون الرقيب من جوه الانسان مش رقيب عليه من برة وزى ما حضرتك قولت كل المشاكل دى واردة
ReplyDeleteانها تحصل فعلا
بسم الله
ReplyDeleteبداية وده أول تعليق ليه في مدونتك المتميزة أتمنى أن يتسع صدرك لقبول رأيي المتواضع طالما حضرتك احتكمت الى الموضوعية
:)
بإذن الله سأجمل رأيي في 3 نقاط
_1_
فكرة أن هذا القرار سلبي وأن مينفعش حد يكون وصي على الشعب والاقناع العقلي ومنهج الدعوة والبلاغ كفيلان ببناء مجتمع محترم متزن ده كلام جميل ومنطقي وأوافقك عليه وأؤمن به
لكن بشرط وجود مناخ صحي سليم تنشأ فيه الافكار وتتبادل
ده مش موجود في مصرنا الحبيبة ..احنا عندنا قانون الطوارئ
مفيش دعوة ، مفيش بلاغ، ممنوع التجمعات ، ممنوع حد ينصح الناس في المسجد بلا تصريح ، ممنوع الدعاة يلتقوا بالشباب تحت اي مسمى
اذن نحن في أوضاع استثنائية وحال مايل ومقلوب فالأخطاء تجر الأخطاء وبالتالي عندما توازن في ظل كل هذه المعطيات والاوضاع على الارض ستجد ان القرار بخصوصيته هذه ايجابي...!!
_2_
ReplyDeleteالقرار مفيد ليه ؟؟
لأنه يستهدف شريحة عريضة جدا من المجتمع بعيدة جدا عن ذاك الهوس الجنسي ولكنها أصبحت حديثا في نطاق تأثير تلك الثقافة الجديدة
رجل الشارع الساذج بسيط التعليم الذي يتعامل مع الحاسوب والانترنت من باب الفضول وحب الاستطلاع
الاطفال الذين يملؤن المقاهي وهم أطفال يبحثون عن اللعب المتعة الاثارة لا شك ان مثل تلك اللقطات سيكون لها تأثير سلبي عليهم
البنات فارغات الهوى والاشغال قد يجرهن فضولهن الى تلك اللقطات بسذاجة وبغير قصد فتفسد فطرهن ويقتل حياءهن
هذا هو المجتمع المصري ...ناس بسيطة اشتروا كومبيوتر وجابوا وصلة وكانوا قبلها ناس عاديه مشغولة في حياتها واكل عيشها ومش عندهم ولا في ذهنهم ذلك الهوس الجنسي اللي هيتحول الى كبت لو منعت المواقع
_3_
ReplyDeleteالشريحة المحدودة اللي حضرتك شايف انها هتتحول الى ذئاب مسعورة وقراصنة لترويج الجنس دي شريحة موجودة في كل مجتمع بتبحث عن كل حرام ...
فاكر حضرتك من 10 سنوات لما كان النت في السيبر الساعة بـ 5 جنيه وأجهزة الكومبيوتر متواضعة جدا 2 جيجا مساحة القرص كان الناس عندها هوس جنسي ..؟؟ قطعا لا
معاك كان في شريحة محدودة بتجيب شرائط فيديو اباحية وبتتداولها بينها لكنهم كانوا قلة مش هم المجتمع
الناس بتوع الادارة لما بييجوا يصمموا نظام معين system design
مبيسيبوش المسؤلية على الافراد وبيحاولوا انهم يعالجوا كل حاجة في النظام ويسدوا كل منافذ الاخطاء والمشاكل في النظام ... بعدها اخطاء الافراد
اكيد هتكون محدودة
خلاصة الكلام أن لما نكون عايشين في أوضاع مقلوبة يبقى توقع ان حاجات كتير كان المفروض تكون معدولة وبتتقلب ...!!!
ربنا يرزقنا جميعا العفة
دمت بخير
انا اتفق معك بشكل ما او بأخر فى نقطة ان الاغلاق ليس حلا لجذر المشكلة الان ، مكن للشباب حياتهم ومستقبلهم اقتصاديا بتوفير الوظائف المناسبة والشقق لينتشر فكرة ان المنفذ الطبيعى والوحيد للجنس فى الدنيا هو الزواج والا لاصبحت غابة لاتراعى فيها غيرة ولا حرمات ولا انساب ، على اية حال اذا تيسرت اسباب الزواج فمن السهل بعدئذ اغلاق جميع المواقع الاباحية ليس الاغلاق لمنع الحرية ولكن حماية للمجتمع من فساد الغرب بعد ان مكنت انت لاتاحة المشروع منه بيسر
ReplyDeleteمش عارف يا اشرف انا مختلف معاك شويه شمال كده
ReplyDeleteاقولك احنا عموما مش انا وانت بعض الشباب والبنات وكتيرررررررر جدا
بيستخدموا كل حاجه زفت وغلط وعندك اليوتيوب اهو مثل مهبب من اللى بيحصل من عيال هايفه وهبله وفضايح ملهاش لزمه
نرجع لموضوعنا بقى
ان فعلا فيه ناس لازم يتعمل الحجب ده عليهم جدا لانهم بيستخدموا الحاجات دى فعلا
جارتى صرخت لما اكتشفت ان ابنها دخل عليها من النت فى البيت الاف الناس لسه خايفه تدخل النت البيت بسبب ده
صدقنى فيه ناس كده
بص يا اشرف عيبنا اننا متعلمناش نستخدم الحاجه صح
المواقع دى مش ثقافه جنسيه دى مواقع مش كويسه وعلى المستوى الشخصى للفرد بتجيب له امراض
الحاجات اللى قولت هتترتب عليها اقل بكتير من المنافع اللى هتبقى بسبب الحجب
انا معاه بجد وامبارح شوفت البرنامج وكنت مبسوطه من الفكره بجد
احنا الناس بقت قنبله موقوته يا اشرف فى كل حاجه
البوست سود الدنيا فى عنيا !
ReplyDeleteبوست جامد جدا يا دكتور
ReplyDeleteوانا بشاركك الرأى فى معظم النقط اللى ذكرتها
وخصوصا نقطة الكبت والهستريا الجنسية
الحجب فكرة ممتازة وصح 100%
ReplyDeleteانا معاك في كل كلمة قلتها بس في كمان الافمار الصناعية اما نشوف هيعملو فيها اية والاطباق في البلد دي لأكتر من البني ادمين وعايز بصراحة اسمع تعليقات الاخوة اللي بالدقون على الموضوع دة وعلى فكرة الوزارة طلعت بيان ان الحجب مستحيل ولو حجبوا مش هيقدروا يحجبو التورنت و الــ p2p
ReplyDeleteيعني هيحجبوا الصفح والصور بس مش الافلام.
التدوينه اللي فاتت أنا كنت قولت اني مع الحجب
ReplyDeleteواني مش عايزه ألحجات دي تبقى ف ايد أبني ف أي وقت
مع العلم طبعاً أني حربيه كويس على قد قدرتي
بـــــــــــــس
بس حضرتك قولت جمله " دخلت دماغي " قوي
قولت :- ياعني الحجب حيلعب على إثاره الفضول
صححححححححححححححححححححح
طب ما أنا ف مصر ما عنديش حجب
بالاش
طيب مأنا عندي 6 أقمار صناعيه ع الرسيفر ... مالينين بلاوي
ليه عمري ما فتحتهم
ولا اهتميت أصلاً
عارف أمتى أهتميت وفتحت القنوات دي .. أول ما أتجوزت .. والسبب ببسطه أن ف بيت والدي جايبلنا النايل سات بس
لنفس فكرة الحجب
ياعني أنا ما بصتش ع القنوات دي غير بدافع الفضول
وبعد كده بتعامل معاها كأنها غير موجوده بالمرة
الغريب أني أصحبت لا أكلف نفسي عناء حزفها ,,, لأني متأكده اني غير مهتمه بالمرة
وبكده تبقى حضرتك لخصت الحكايه
ما تثيروش فضولنا .. وسيبولنا الحريه
طولت عليك يا دكتور معلش
انا مع الرأي دة
ReplyDeleteالشاب المصري العبقري ، سيكسر الحجب ، وسينشيء مواقع ومنتديات إباحية لا حصر لها يعصب حجبها ، وسيستخدم كل ما يملك من مهارة في ارسال واستقبال الصور والأفلام بألف ألف طريقة لا تمر على كيبورد السيد الحاجب الرقيب المسكين ، أمل هما اخترعوا البروكسي ليه ؟ .
و رائي المدونات
هتبقى تهمة ل أي مدونة أنها تبث اباحية
و بعدين
مش الاولى انهم يحاربو الفساد
على انة فسق و حرام
يحاربو و يحاكمو الوزير الي وراء
صفقةالقمح الفاسد
صدق علاء الاسواني حين تكلم عن
التدين البديل
انا عرفت لية صعب يبقى فية كوميكس في مصر
ReplyDeleteتابوة سياسي تابوة ديني تابوة جنسي
دة كانو عاوزين يمنعو رواية يوسف زيدان الجديدة الاهوت العربي قبل ما تنزل
مع احترامي لكل التعليقات
ReplyDeleteولاء قالت شيئا غاية في الأهمية وعن تجربة عملية ووفرت على الكثير من الكلام
اهتموا بتعليقها أرجوكم
أختلف تماما مع فكرة الحجب
وقرات تعليقا رائعا على الخبر بمصراوي يسأل
ماذا لو كان الجو بارد جدا ؟
هل نرتدي ملابس ثقيلة ؟
ام نشعل الحرائق في البلد حتى تصبح دافئة ؟؟؟
هذا المثال رائع ويختصر على الكثير من الكلام والشرح
يذكرني بالنكتة التي تقول بان شخصا أشعل النار في الجاموسة كي يشرب اللبن دافيء
المنع من الداخل وليس من الخارج
المنع لا قيمة له لأنه سيزيد الأمر اشتعالا
المنع هدفه الوحيد هو السيطرة على الانترنت وغلق المواقع المعارضة
المنع هو المقابل المباشر للتخلف
وأكررررررر للمرة المليون :)
الحرية لا تعني الإباحية
الحرية هي أن تكون لديك الحرية في مقاطعة الإباحية
يا جدعان ، ركزوا في الجميلة الجاية دي
الحجب يكون للأمور العامة ، بمعنى ، لا يجوز تعليق صورة عارية في ميدان عام لأنه عااااام
الانترنت خاص ، انت تكتب بيدك وبحريك وبإرادتك الشخصية اسم الموقع ، الموقع الإباحي لا يظهر لك فجأة من تلقاء نفسه
وانت حرررررررر
تدخل وتعصي الله أو لا تدخل وتعصم نفسك
انا مش فاهم بجد أي تعليق يتوافق مع قرار الحجب ولكني لا أحجب اي تعليق بالمناسبة
لكم الحرية في التعليق وفي معارضتي طبعااااااااا
أم انكم مع الحجب ؟؟؟؟ هههههههههه
مفيش فايدة فعلا
ReplyDeleteانا متنرفزه جدا بجد
ReplyDeleteلأنهم بكده عملوا الشعب كله عيال صغيره ما بتفهمش
طب ليه ما يعملوش مثلا مفتاح تحكم على كل جهاز كمبيوتر بحيث الاهل من خلاله يتحكموا في حجب المواقع عن الاطفال
كل واحد يربي ولاده كويس وبعد كده الدنيا ليك عيشها بمبادءك
بس فى نفس الوقت فيه شريحة من الشعب دى انا موافقة ان القرار ده لازم يتخذ ضدهم
زى السايبرات مثلا على اساس انها ملكية عامة
بص
احنا نحط ايدينا على خدنا ونستنى اللى هايحصل فى الدنيا
وربنا يستر
انا خلاص قررت انى لما اتجوز هارحم ابنى او بنتى من انهم يعيشوا الدنيا المنيله دى وما هاجيبهم اصلا
ولا انشالله ماعنى اتجوزت
طيب ما هو تي داتا عامله خدمة الحجب للي عنده اطفال
ReplyDeleteفوق ان مش بس الموقع الاباحيه الى مش لازم تعدي على الاطفال
ثم مين هايحدد ايه هو الموقع الاباحي
ماهو في فرق بين كلمة اباحي
وكلمة للكبار فقط
بس احنا ما بنفرقش بينهم طبعا احنا اقل علما وثقافه وفهم من كده بكتير
اول ما نسمع ولا نقرا الثلاث حروف دول ج ن س
ولا اي حاجه تشير اليهم من بعيد ولا من قريب
تبقى على طول قلة ادب
طيب يعنى انا مدونتي هاتتحجب ولا ايه
ههههههههههههههههههههههه
ايوه ما قبل كده نشرت بوست بعنوان ورده على جسدي على لسان واحده بعتته ليا
وفى ناس بعتت قالتلى انتى كانك نشرتي فيلم سكس
ههههههههههههههههههه
عموما لما يعملوا البروكسي هايدوا فرصه للعيال المراهقين يفتكسوا اكتر فى عالم الكمبيوتر ويعرفوا ازاي يفتحوه بسهوله جداااااااااااااا
قبل كده وثيقة بث الفضائيات ودلوقتي حجب المواقع
ReplyDeleteيلعن ميتين أم الحكومة، علي أم الشعب المصري
حتي حرية التعبير كمان هتتاخد مننا، وانتم فرحانين يا ولاد العبيطة
جتكم القرف.. بهايم
انا بختلف معاك في الراي المرة دي
ReplyDeleteحجب المواقع الاباحية بداية ممتازة لتحسين اخلاق الناس الي باظط فعلا والي اتعودوا يدخلوا يتفرجوا عليها.
وزي ما المثل بيقول" المال السايب بيعلم السرقة"
اكيد كمان الاباحة السايبة بتعلم البلادة و انعدام الحياء
واكتر دليل على كدة تدوينة سابقة ليك بتحكي فيها عن ولد وبنت في اتوبيس مكيف......؟؟؟!!!!
ليه هم توقعوا ان من حقهم يعملوا حاجة زي كدة في مكان عام؟
عشان مبقاش عندهم حياء نتيجة الفرجة على الاباحية بقى ده العادي بتاعهم
الخطوة سليمة وفي محلها واتمنى حال البلد والاخلاق تتصلح للاحسن.
اللهم حسن خلقنا جميعا كما حسنت خلقنا
يوتوبيا
ReplyDeleteيحاولون خلق المدينة الفاضلة على الارض
و مش أى أرض
دى أرض سبعة ألاف سنة من الفهلوة و اللعب بالبيضة والحجر
يعنى اللى هايمنعوه النهاردة
هنلاقى له حل تانى بكره
و الشباب المصرى مافيش أفضى منه
هايخترع مليون حلو و طريقة للهروب من الازمة
لما هايحجبوا المواقع على الانترنت
تفتكر هايقدروا يحجبوا الخيال
الخيال الوغد المريض اللذيذ
خيالك قادر على ان يجعلك نجم أفلام أباحية
و ليس مجرد مشاهد
أعطنى النار و أخبرنى انها تحرق
و لكن لا تتركنى أعيش فى الظلام
الله عز و جل نفسه تركنا فى الحياة للأختبار
أخبرنا الصحيح و الخاطئ
و لكنه تركنا لأختيارتنا الحرة
و ألا ماكنت هناك جنة و نار
صالحين و مارقين
فلما يريدون تمثيل دور آلهة الاوليمب القديمة
حتى لو منعوا المواقع الاباحية
فلم يمنعوا المجتمع الأباحى التفكير و النزعة
الجميع يبحث عن الجنس
بأى شكل و بأى لون
السينما تلعب على نفس الوتر
وتر الرغبة فى المشاهد الجنسية
أذن فليمنعوا السينما
و التليفزيون
و الاعلانات
و المجلات
و الصحف
فليمنعونا عن الكلام و السمع و المشاهدة
و لكن لن يستطيع منعك من التفكير
ياللتخلف و الرجعية و التفكير المحدود
بالعكس انا اؤيد الخطوه دي تماما ..ومش شايف ان الدوله بتعتبرنا كده اطفال ...المساله وببساطه الباب اللي يجيلك منه الريح سده واستريح
ReplyDeleteكنت معدي وشفت الموضوع دة وعلي فكرة في مشكلة كبيرة من موضوع الحجب دة غير اللي الأخ صاحب الموضوع تفضل بية وهلخصهم في كام سطر :
ReplyDeleteاولا الحجب دة هيسبب بطء الأنترنت لان طبعا عملية الفلترة دي مسؤل عنها سرفرات والسرفرات دي هي وظروفها وطبعا السرعة مستحيل تكون طبيعية والي في دول الخليج هيعرف معني البطء اللي انا اقصدة
ثانيا هيحجب مواقع غير اباحية زي الديركت دونلود لينك او دي دي ال والمواقع دي للي ميعرفهاش هي مواقع شاملة فيها كل حجاة من برامج وكتب والعاب بالمجان وسبب الغلق ان المواقع دي بيكون في صفحاتها ارتباطات دعائية لمواقع جنسية او مواقع للبالغين
يعني هيقفلنا الموقع كلة ومنستفدش بكل الحاجات المجانية دي عشان خاطر بنر ولا رابط دعائي ولا كلمة اعلانية جوة الصفحة
الحاجة التالتة مواقع الشيرنج زي رابيدشير وميجا ابلود كمان المواقع دي معظمها هيتحجب عشان ساعات بيكون فيها روابط دعائية لمواقع للبالغين او مواقع مواعدة ودي كلها اعلانات مش ظاهرة في المحتوي لكن طبعا لان الفلتر دة مش بني ادم مجرد جهاز غبي فطبيعي هيقفل المواقع بالشبهه
بصراحة الموضوع دة هيرجعنا ميت سنة ورا واحنا اساسا ورا من غير حاجة فهنلزق في الجدار اللي ورانا
هع هع هع
ReplyDeleteيحجبوا.. ما يحجبوا فى الف طريقة وباب خلفى لفك الحجب
ده غير الخيال العربى الخصب فى الانتاج المنزلى للافلام اياها
انا شخصيا اعرف مدونة على اللوجر مليانة افلام عربى ومصرى تصوير منزلى
حاجة اخر قذارة
الحجب لا هيحل ولا هيربط ده هيثير الشعب اكتر ماهو هايج
طيب نستنتج من كدة عدة استنتاجات وهي الآتي
ReplyDeleteـــــــــــــــــــــــــــــــــــــــــــــــــــــــــــــــــــــــــــــــــ
يجب عدم حجب المواقع الإباحية حتى
1-- لا يصير بعض الشباب ملوكًا متوجين :)
2- حتى لا تزيد اهمية الجنس كمتعة !!!!
3-حتى لا يصير الجنس سلعة لها ثمن !
4- بما ان المواقع مثل المخدرات والدعارة فيجب ان نعاملها جميعًا بالمثل .. اي بالإباحة !
5- منع المواقع الإباحية سيفتح ابواب سوق الجنس على مصراعية لكل رجل وشاب وامرأة وفتاه وطفل , بينما اباحتها ربما يساهم في ( رد ) الباب !
6- يجب عمل حملات توعية اما إذا كانت ستمهد لحكم الإسلاميين , فلا يجب :)
8- حجب المواقع الإباحية قد يقودنا لحجب السي إن إن :)
7- الحكومة بدون هذا القرار لم تكن لتحجب اي شيئ ,
9- حضرتك ضد انتشار الدعارة , ومن وسائل منعها توفير المواقع الإباحية :))
أحمد ذكريا
ReplyDeleteأيوة ، ماعدا النقطة التاسعة
إضحك بقى براحتك ، المهم تبقى مبسوط
ما عدا النقطة التاسعة اي انك مش ضد الدعارة , ام انك ضدها ولكن لا ترى ان وجود المواقع الإباحية سيقلل منها ؟
ReplyDeleteأحمد زكريا
وعلى فكرة انا مش بدحك انا بستنتج معاني وعبارات ممكن يكون حد مش واخد باله من معناها بس مش اكتر :)
الأستاذ او الأستاذة ايوشة وكل الليلة اللي على المدونة وكمن للأستاذ اشرف حمدي
ReplyDeleteايوه صح الرقيب المفروض يبقى من جوة
بس
هل مثلا اللي بيخش على المواقع دي بيبقى مش عارف ان كدة غلط ولا حرام؟؟؟
وزي ما كتبيت تعليق في المقال الاخير
(نعمتان مغبون فيهما كثر من الناس الصحة والفراغ)
او كما قال صلى الله عليه وسلم
فانا شايف ان اللي بيخلي الشباب يعمل كدة هو طاقة موجودة جواه (الصحة) ومش عارف يفرغها فين
والفراغ اللي بيخلي الإنسان يمل ويسأم
يعني الفكرة نحجب المواقع دي لأن ده الصح وده اللي في ايدنا
وبكدة الشباب طبيعي هيدور على وسيلة تانية لتفريغ طاقاته وشغل وقته
وهنا برده يجي دور المجتمع والأهل في توجيه طاقة الشباب في الاتجاه الصحيح (بأي شكل طالما صحيح)
والله بسيطة بس احنا بنعقدها