
قمة الاستفزاز
لما واحد يدخن قدامي في الأوتوبيس المكيف
لما واحدة تلبس حجاب من فوق وبادي من تحت
لما الفتاوي يبقى فيه منها جاهز ومنها تفصيل وبكل المقاسات
لما كل يوم نسمع عن انتهاك لآدمية انسان في قسم شرطة وبرضه مافيش فايدة
لما كل يوم نسمع عن شباب بيهج م البلد ويموت في عرض البحر
لما آجي أكلم واحد أجنبي في موضوع ويقول لي " روح شوف اللي بيحصل في بلادكم الأول
لما أشوف إعلانات ميلودي
لما أشوف إعلان " انت مين فيهم ، اللي راح اشتغل وبقى كسيب ولا اللي فاته القطر ؟
لما أشوف إعلانات الضرائب مصلحتك أولا
لما اسمع الشيخ محمد حسنين يعقوب
لما أشوف كليب مبروك اتحجبتي
لما اسمع أغنية يبقى انت أكيد في مصر
لما أشوف جاد شويري أو أسمع اسمه
لما اعرف ان هيفاء وهبي مأمنه على جمسها بمليار دولار
لما أشوف عيل بيشحت من سائح
لما أروّح بيتي كل يوم في آخر فيصل في ساعتين ونص
لما ملاقيش وقت ألعب جيمز
!
وانتوا إيه قمة الاستفزاز بالنسبالكم ؟
لما انزل المطار الاقي امناء الشرطه ولبسهم كله مبهدل واسود
ReplyDeleteلما سواق مشروع يلف من الدوران الغلط ويدي العسكري نص جنيه
لما الاشاره تكون حمرا والعسكري يقولك امشي يا استاذ
لما سواق عربيه الاسعاف يكون مموت نفسه صفافير وسراين وسواق تاكسي بايخ ماسك الشمال وماشي على مهله
بس كده هي مش ناقصه حرق دم
لما تكون مستعجل و توقف تاكسي لكن مايرضاش يروح المكان إل إنت عايزه عشان مش على مزاجه
ReplyDeleteلما كل حد يطلب منك حاجة يفهمك إنه مستعجل و لازم تخلصهاله على طول و هو مش مستعجل ولا حاجة
لما الناس إل بترسم كاريكاتور في الجرنال يكون مستوى رسمهم زي طفل في الثالثة من العمر
لما كل الأفلام المصرية تبقي كوميدية و القصة عبارة عن واحد فقير بيحب بواحدة غنية و أبوها مش موافق و لازم يكون أهلاوي عشان الجمهور يتبسط
ازيك يا استاذ اشرف
ReplyDeleteموضوع جميل بس مشعارف ايه اللى بيستفزك فى الشيخ محمد حسين يعقوب هو اذاك فى حاجه . اكل حقك لسمح الله ولا نصب عليك.........لو مشعجبك متسمعوش
يا اخى دا كل من هب و دب بقى بيتكلم و ليهم برامج دا فيفى عبده لها برنامج
انا متأكد انك متعرفش الراجل ده كويس دانت حتى كاتب اسمه غلط .......
نصيحه اخيره متحكمش على حد الا لما تعرفه كويس (خلى بالك من كويس دى) و بعدين قول رأيك فيه بموضوعيه مش تقول بيستفزك و خلاص ده مشنقد
و يا ريت ما لكش دعوه بالحجاب الله يخليك
اسف لو كنت طولت عليك و متزعلش من كلامى
ســــــــــــلام
anonymous
ReplyDeleteأنا فعلا كاتب اسمه غلط
لإن اسمه الشيخ يعقوبيان :)
والله ده رأيي وانا مغلطتش في البخاري
ياريت نفهم الفرق بين الشيوخ والأنبياء ونبطل نمجدهم عمال علي بطال
لي بوست مطول قريبا بخصوص هذا الموضوع ان كنت تحب متابعته
تحياتي
اللي بيستفزني إنه معظم الإفلام و برامج التلفزيون و إعلانات الترويج الإنتخابات أو أي مشروع قومي الستات اللي بيطلعوا فيه كلهم مش لابسين إشاربات رغم إن 70% من الستات و البنات في مصر لابسينه. مين الستات دول اللي بيجبوهم في الإعلانات؟؟
ReplyDeleteقمة الاستفزاز اى كلمة تعبر عن الاستفزاز
ReplyDeleteوبس كفايه عشان انا استفزيت
تحياتى
وبالنسبه لمشروع الشاورمه انا معاك بس بشرط
استفزكو
تحياتى
مستر اشرف
ReplyDeleteاهو كل اللى انت قولته دا بيضايقني ماعدا انى اروح فيصل فى ساعتين ونص لأنى مش من فيصل :D
وكل اللى قلته بعد كدا بيتفزنى تماما
ودول كمان لما اقف اربع ساعات ومفيش ميكروباص راضي يركب ويقولك مش مركب وكمان لما اكون من القاهرة وادرس فى الزقازيق وميكونش فى تحويل
بس كدا حلوين اوى
تحياتى
تشي
هو بعد كل الى رصيته ده فى قمة اعلى من كده ؟
ReplyDeleteو يبقى انت اكيد اكيد فى مصر :(
لما بشوف لسه عربيات كارو وعربحية ماشيين فى شوارع القاهرة الرئيسية واحنا فى سنة 2007
ReplyDeleteلما مريض يدخل مستشفى ويقولوله روح الحسابات الاول عشان ندخله
ReplyDeleteوطبعا كل اللى انت قلته بيستفذنى موت
والله أنا مش بحب اسمع محمد حسين يعقوب
ReplyDeleteلعدة أسباب
بس مش معنى كده إنى أحطه فى قائمة اللى بيستفزونى
بيستفزك ليه ؟؟!!
مش عاجبك ماتسمعوش يأخى
فى غيرك ربنا هداه على إيد الراجل ده
تقوم تسميه يعقوبيان
ده بأه الغلط نفسه
على فكره انا Anonymous تانى
مش اللى عمل الكومنت الأولانى
ياااااااااااه
ReplyDeleteاقولك ايه اكتر حاجة مستفزة
اننا عايشين فى مصر بلد العجائب
بلد المواقف والطرائف صدق او لا تصدق بس احسنلك لازم تصدق ان شاء الله بالعافية فى مصر
ياراجل دى كل حاجة بقت مستفزة
لو مش وراك حاجة ممكن اكتبلك ليستة بالحاجات المستفزة بس خايف لتنام منى
قصر الكلام لو الحاجات دى بس بتستفزك فانا بحسدك على روقان دماغك
يا اشروووف
أنا مبسوط قوى يا أشرووف إنك بتكره جاد شويرى .. زيى بالظبط!ـ
ReplyDeleteو الحاجات اللى بتستفزك دى بتستفزنى برضه .. يعنى بصرة يا معلم
بس هى الحياة كدة ح نعمل إيه .. من غير مانشوف الجهل مش حنعرف قيمة العلم ، و من غير مانشوف النفاق مش ح نعرف قيمة الصدق .. يعنى مثلا أما تشوف "محجبة" لابسة ضيق ، دا نفاق ، أو لوحة كاريكاتيرية للنفاق من غير و لا كلمة أو تعليق ، و لما البلياتشو بتاع "فتوى" إرضاع الكبير أما أصدر فتوى التخلف العقلى بتاعته دى ، خلانا نفهم إزاى نستعمل عقولنا فى الدين و نصوصه ، و لما رقاصة زى هيفاء وهبى (هى آخرها رقاصة) تأمن على جسمها بمليار دولار (أول مرة أسمع الحكاية دى) نتأكد فعلا إن فيه آخرة و ثواب و عقاب و إن ربنا ح يعاقب الأشكال دى لإنها بتصرف ملايينها فى كلام فارغ و فيه ناس بتموت م الجوع
بالحق
ReplyDeleteمستنى مرورك على مدونتى
فى حاجتين عاوز تعليقك عليهم
مستنى تعليقاتك
سلاموووووز
اول حاجه تسلم ايدك حلو اوى موضوعك
ReplyDeleteتانى حاجه انا بجد مش عارفه اعلق على الموضوع لان كميه الاستفزاز فيه كبريه اوى وكمان التعليقات فيها كميه حاجات بتستفزنى وانتو فكرتونى بيها
بس بجد تسلم ايدك
وربنا يوفقك
امال ارتفاع ضغط الدم والسكر انتشروا فى مصر ليه من الصغير للكبير
ReplyDeleteبخصوص بيتك اللى فى آخر الفيصل
أحسن لك تعزل انا كنت امبارح فى شارع الهرم وصلت فى ساعتين ونصف وندمت انى نزلت من بيتنا من عند المطار لغاية الهرم علشان احضر فرح
حد عبيط يسفسط معايا فى الكلام
ReplyDeleteتطبيق مثل خدوهم بالصوت قبل ما يغلبوكوا
أركب فى العيد الميكروباص ابو 30 قرش ويقولى السواق ادفعوا 50 قرش عشان العيديه اللى بعد كده بتيقى السعر الرسمى للمواصله
أقف قدام موظفة التأمينات الساعه 11 الصبح عشان تختملى ورقه واحده وورايا مليون بنى ادم وهى قاعده بتاكل ساندوتشات وبترغى مع زمايلها فى سعر الزيت اللى غلي
لما امشى على الرصيف وقدامى 3 بنات ماشيين على اقل من مهلهم وسادين عليا الطريق
لما اقعد سرحانه مع نفسي فى المواصلات وواحده تاكل ودانى وتحكى على ذكريات 60 سنه فاتوا
لما واحد معفن عدى الخمسين مايسواش نكله يعاكسنى
لما اعرف ان الاهلى اتظلم فى الماتش
وطبعا كل اللى البلوجرز قالوه قبلي
كل الحاجات اللي انت قلتها
ReplyDeleteو عليهم.....
لما
اكتشف ان الشغاله الأثيوبيه اللي عند احد الأصدقاء بتقبض اكتر مني
لما اشوف من الشباك ان الجو برد و اخرج الاقيه حر او العكس
لما استعمل ماوس بكوره من تحت
لما استحمي و الميه تقعد تلعب شويه سخن و شويه بارد
ياهههههههههههههه
كتير مش هخلص
حينما يكون الدين هو القطن الذي يدخل ماكينة عقل المصري فيخرج بدل القماش تخلفا و يصبح مبرر لتصرفات و افكار غير منطقية
ReplyDelete.
عندما يكون العقاب غير مجديا مع الاغبياء
.
حينما يكون الغضب بلا عقاب
.
حاجات كتير تعتبر قمة الاستفزاز بس انا مجاش على بالي الا اللي مأثر فيا من وقت قليل
.
لي تعليق لو سمحت يا اشرف على تعليق الاخ اللى اعترض على رايك في يعقوبيان ، يعقوبيان يعتبر شيخ مشهور ، و المشاهير النقد عليهم حق ، و مش مفروض اننا كلنا كمواطنين عاديين اننا نطاردهم و نحتك بيهم و نحقق في ماضيهم و حاضرهم عشان نعرفهم كويس و نقول تقييمنا ليهم بعد ما دققنا فيهم
المشاهير لا يخضعون للتقيم من العامة ، بل يخضعون للاعجاب او الانتقاد الغير مباشر
محدش قالهم يبقوا مشاهير ؟
ده لو الاخ شايف انه ظلم ليهم
من يختار شئ فعليه تحمل عواقبه مهما كانت جيدة او سيئة
انت دورت عن الشهرة و حصلت عليها ، استحمل كل ما له علاقة بيها
...
من حق من اعطاك وقتا ليسمع وعاظك ان يقول رايه فيك ، من حق من اعطاك قرشا يشتري به خطبة ليك انه برضه يقول رايه فيك
و القائمة طويلة
بس بلاش كلكعة و عنصرية
و على فكرة اللى ساب تعليق يعقوبيان قلبه مش صافي ، كان مركز على انتقاده ليك عشان كده نسي او خاف يسيب اسمه