Total Pageviews

Sunday, December 30, 2007

وداعا كاميرتي المفضلة


Benq DC C500
شهدت هذه الكاميرا قصة كفاح ! ، مرحلة المقهى التي تلت إغلاق جريدة إضحك للدنيا ، والإعداد لأن أغير مجال عملي الثابت من رسام كاريكاتير إلى صحفي بجريدة وشوشة ، محاولاتي لإدخار نقودا من أجل شراء الثلاجة ، ثم التضحية بهذه الخطوة لشراء كاميرا رقمية تلائم احتياجاتي كصحفي ، خروجة سيتي ستارز مع خطيبتي فقط لنشاهد الأسعار ونضحك دون أن نشتري حتى إبرة ، مغامرات تصوير عاهرات على المقهى من أجل موضوع لم ينشر ، جلستي مع الفنان المبدع جورج البهجوري ، لقائي مع الفنان المبدع والصديق العزيز خالد الصاوي ، وبعد أن قررت الرحيل من وشوشة كانت لا تزال هذه الكاميرا جزء لا يتجزأ مني ، أضعها دائما بجرابها الجلدي مثبتة بحزام البنطلون أو في حقيبتي في انتظار اللحظة ، شهدت مراسم كتب الكتاب ، والفرح ، ومجيء ابنى عمرو إلى الدنيا .
ياااااااااه ، أكثر من ألفين وأربعمائة صورة ومقطع فيديو التقطتها عدسة هذه الكاميرا .
مشكلتي هي تعلقي بالأشياء ربما أكثر من البشر .
وما حدث أنها سقطت من على ارتفاع أقل من أربعين سنتيمترا لتصاب بشلل كامل .
شيء مؤلم للغاية وكأنني فقدت صديق قديم ، وباءت كل محاولاتي بالفشل لبث الروح فيها .
لا أؤمن بالصيانة ، ولا وقت لدي للذهاب إلى التوكيل الذي يعتبر سفرا بالنسبة لي علاوة على أنه ضياع ليوم عمل كامل .
كل ما أمكنني عمله هو تدوين هذه الكلمات عن كاميرتي المفضلة ، كما أشكرها على كل ما قدمته لي ، وكل اللحظات الجميلة التي شاركتني إياها طوال عام ونصف من الكفاح .
أفتقدتك كثيرا يا كاميرتي .
واللعنة على المنتجات الصينية رديئة الصنع .

من ينصحني بكاميرا رقمية نصف احترافية بأقل من ألف جنيه تعمل ببطارية مدمجة قابلة للشحن ؟
في انتظار تعليقاتكم

10 comments:

Yasser Hussein said...

أولا فداك 1000 كاميرا وربنا يعوضك خير
ثانيا ألف مليون مبروك يا أبو عمرو
على قدوم عمرو
ثالثا لك عندي كاميرا ياشكا ممكن تشوفها الشهر القادم لما نتقابل في مصر إن شاء الله والتفاصيل ع الماسنجر
:)))))

خالص تحياتي

Coca said...

معلش انا من الناس بردو اللي بتتعلق بالحاجه جدا
خصوصا لما بتبقي عاشت وشافت معايا مواقف كتيره

اوعدك لو لقيتلك حاجه هقولك عليها

تحياتي

Polka Dotted said...

damn chinese products fe3lan :D
but some of them are okay...mesh da mawdo3na

bas talama el benQ 3agabetak...why dont u get another one bas with better specifications?!!
my benQ has been workin perfectly for almost 3 yrs now...
u can ask in any computer mall... u will find good brands with reasonable prices...
mabrook 3la el garida..w 3la 3amr :)

أسامه يوسف said...

سيبك من الكاميرا يا دكتور
فداك ألف كاميرا
إيه بأه حكاية عمرو
الف مبروك أنا فرحان قوى لحضرتك
يا ريت تحكيلنا عنوا

Anonymous said...

العزيز أشرف
من أفضل الاختيارات للتصوير بوضوح عالي جدا هي احد الكاميرات الباناسونيك 7.1 ميجا بيكسل و لانها تصور فيديو بدون صوت فالموضوع ده خسف بسعرها الارض بالرغم من وضوح صورها الغير طبيعي
حتلاقي زيها بس بتصور فيديو بصوت و 7.1 ميجا بيكسل برضه بس بحوالي ألفين جنيه..يعني ضعف السعر عشان حاجة مش مهمة قوي..دي تلاقيها في اي فرع من فروع أبلاينس القاهرة.
ممكن كمان سوني سايبر شوت بدون ضمان 6 ميجا بيكسل بعدسة كارل زيس المميزة اللي بتدي وضوح عالي جدا للالوان
دي بقي تلاقيها في العجيل اللي في عمارات العبور صلاح سالم
لو عاوز اي معلومات تانية ممكن تكلمني
أخوك
د.حسام
dayem_Hossam@hotmail

мσнη∂ιš said...

ياااااااااااااه
ألف رحمة ونور عليكي يا كامرة
أنا أيضا أتعلق كثيرا بأشيائي، أحيانا أرفض رمي زجاجات العطر الفرغة الخاصة بي
معلش يا دكتور خيرها في غيرها

abdallah mortada said...

سبحن الله كأنك لسة متجوز امبارح
معنى كدة انى عجزت اوي وانا مش داري

Anonymous said...

لا أدري لم أرد على هذه التدوينة بالذات رغم وجود الكثير جدا من التدوينات التي أردت الرد عليك فيها لاختلافي معك في الآراء،لكني أفضل الرد في هذه المدونة لأقول لك:أقدر شعورك..حاول أن تحتفظ و تعتني بها ..

ع*2

Asmaa mahaba said...

معلش ساعات فعلا بنتعلق باشياء وبتكون غاليه علينا جداا ...ايا كانت غاليه او رخيصه لكن اعرف ان كاميرتك مباظتش لان لسه الصور موجوده وحتى لو الصور اتمحت على الاقل اكبر دليل على ان الكميره سليمه هو وجود عمرو ربنا يخليهولك
تحياتى ليك

حازم said...

صباح الخير
أولا أحب أشكرك على المدونة الجميلة دي والكاركاتير المبدع بتاعك
أنا أول مرة أشوفها فى العيد وقريتها كلها فى اليومين اللى فاتوا وعجبتنى جدا
بس ده كان اكتر بوست لمسنى عشان أنا كمان بحب الحاجات بتاعتى وبأعمل علاقات معها أقوى من الناس
وكمان الC500
كانت اول كاميرا أصور بيها
وبعدين جبت واحده تانيةP500
المهم يعنى حبيت أقولك شغلك جامد
we keep up the good work :)))))

Counter