Total Pageviews

Wednesday, January 09, 2008

محمد معايا ؟

كنت عائدا يوم السبت الماضي من موقف سخيف ربما أحكي عنه قريبا هنا.
ثم حدثت هذه المكالمة :
ــ ألوه ؟
ــ ألوه ، محمد معايا ؟
صوت أنثوي يبدو وأنه قادم من أعماق منطقة عشوائية
ــ لأ يا فندم محمد مش معاكي
ــ أمال انت مين ؟

ــ إنتي اللي مين ؟ انتي اللي متصلة
ــ يعني محمد مش معايا ؟

ــ ماهو أنا قلت لحضرتك يا فندم ان محمد مش معاكي
ــ طب صوتك حلو قوي

ــ طب شكرا

شعور لذيذ وأنت تغلق الهاتف في وجه من أمامك !
وعلى رأي المثل : كنت فين يا خشب لما كنا نجارين ؟
مكالمة كهذه كنت انتظرها طوال فترة مراهقتي وحتى قبل ارتباطي بحبيبتي هند ، ولكنها تأخرت كثيرا هذه المكالمة ، ربما أكثر من اللازم ، ارتبطت وخطبت وتزوجت وأنجبت وأصبحت أبا ، ماعدش ينفع .
ثم صوتي إيه اللي حلو ده ؟ حنبتديها كدب ؟
هيييييييييه ، أشياء كثيرة تتأخر أكثر مما ينبغي ، ككل أحلامي المؤجلة .

12 comments:

semsem said...

هههههههه
كل سنه وانت طيب يا فنان

تعيش وتاخد غيرها

مش محمد معايا بردو

فخفخينا said...

واضح ان الموضوع كان اشتغالة
النصابين كتروا في البلد و طرقهم اتعددت
متهيألي لو كان علي الشريف هو اللي رد عليها كانت هأتقول نفس الكلام

اسكندراني اوي said...

وبعدين انت مش ناوي تجيبها البر ولا عشان المودام لسه فس فتره نقاهة ما بعد الولاده
لم الدور الله يسترك وخلينا جنب الحيط

يا صديقي لو نظرت لكم الاحلام المؤجله لوجدته طاول عنان السماء
بارك الله لك في اسرتك
اخذي الشيطان كده وروق

Zika said...

اول تعليق
اول مره في حياتي اعلق عند حد وابقي اول حد
المهم
.....
عاجباني اوي جملة كنت فين يا خشب ايام لما كنا نجارين؟
وبالنسبه للصوت اللي سمعته ده انا بقالي فتره واحده بتتصل بيا كل اسبوه وبتقول ان انا برن عليها
وانا مبرنش عليها ولا حاجه
كلها اشتغالات
اديني اهو في فترة المراهقه بس هعمل ايه بواحده بتشتغلني :D
بس فعلا في حاجات كتير بتفوت علي الواحد ..او بتجيله بعد ما خلاص بيبقي مش محتاجلها
بس سيبك انت ..طريقتك تحفه
:)
تحياتي

doudy said...

Great site,
you really make laugh I like your work very much.
I will make a link to your site on my blog... if you don't mind...

my blog is:
http://doudysketche.blogspot.com

give your comments

taheyatti ya fanan

Nader Shenouda

لماضة said...

هههههههههههههههه
يا ام عمرووووووووووو

ياسر حسين said...

دي رسالة مسجلة يا باشا
مقلب قديم اول ما التليفونات اللي بتسجل المكالمات وتحط عليها أغاني طلعت
وفي منهم رسالة
واحدة بتقول لك انا سبت خطيبي وقاعدة مخنوقة ويا ريت نبقى اصحاب
:)))))

Amr Ahmed said...

هههههههههههههه

ياعم قلها محمد

ولو ام عمرو بتقرا المدونة ابقي اكتب اي حاجة

هههههههههه
يا سلام عليك وانت مخلص كده

ربنا يسعدك

raghda said...

ياااااااه يا اشرف
فعلا حاجات كتير بتيجى متأخرة
فكرتني بحاجات كتير مبقالهاش لازمة في حياتي
مجاتش وقت ما احتجتها
و جت وقت لما مبقاش ليها مكان
عجبنى اوى اوى اوى مثل كنت فين يا خشب ده
انت موسوعة رائعة
هههههه

عبد الرحمن أبو بكر said...

فينك يا ام عمرو تشوفي طابو عمرو كان نفسة يعمل اية من زمان

أشرف حمدي said...

الفنان ياسر حسين
مش مسجلة يا باشا :) عيب عليك
ثم ده تليفون أرضي !

somaa said...

ههههههه كنت فين يا خشب ...اصلا معاكسات التليفون دى اعجب معاكسات ممكن الواحد يضحك عليها وتقريبا كلها واحد ....ونفس الكلام بس للاسف بقى البنات مش زى الولاد فى المعاكسات يعنى انا احتجت شهر قبل كدا عشاان اتخلص من سئيل قعد يعاكس لكن انت تقفل السكه مش حتتصل تانى....

Counter