Total Pageviews

Tuesday, August 05, 2008

أوبريت العشرة الطيبة

تحديث كاريكاتوري
الكاريكاتير منشور على موقع ماشي دوت كوم

تنويه : عنوان التدوينة لا علاقة له بمحتواها ، وأي تشابه بين العنوان وما يجول بخاطرهم فهو محض صدفة وغدة دنيئة .

في البداية ، تحبوا نتكلم جد ولا نهزر ؟
أرى بينكم من يعتدل في جلسته ويقول بصوت هاديء رخيم : نتكلم جد شوية
بينما يتقافز شخص آخر وهو يصفق بيديه صائحا في هتاف حماسي : نهزر .. نهزر .. نهزر
حسنا ، فلنفعل الامرين تباعا .
نتكلم بجد الأول ونهزر براحتنا في الآخر

فحوصات ما قبل الزواج تعتبر من الأمور التي لا غنى عنها في حالة زواج الأقارب تحديدا ، حينما تكون الأمراض الوراثية شائعة جدا ، كما انها تنم عن ثقافة عالية نسبيا تستحق كل احترام وتقدير لكل زوجين مقبلين على الزواج ، اللي بيهزر ورا قاعد يقول لي إزاي زوجين وهما لسة مقبلين على الزواج ، بقول له : اصبر يا حبيبي الهزار جاي بعدين وخلينا نتكلم جد شوية .
أنا نفسي فكرت في ذلك ورتبت أموري على أن أقوم بفحوصات طبية على الأقل بالنسبة لي ولكنني تراجعت في اللحظة الأخيرة نظرا لإرتباطي الشديد بخطيبتي ولكون علاقتنا ليست مجرد زواج تقليدي ولكنها تتويج لحب طويل استمر لخمس سنوات كاملة بالكلية ، لذا خشيت أن أكون مصابا بأي شيء يتعلق بقدرتي على الانجاب وهذا شيء وارد لأي شخص ولن يمكنه اكتشاف ذلك إلا بعد الزواج . وما دمت غير مصاب بالتهاب كبدي وبائي باعتباري طبيب وأعرف تماما الأعراض بالإضافة إلى حرصي الشديد في انتقاء ما آكله وفي التعامل مع أدوات الأسنان وغيرها من وسائل نقل العدوى ، إذن ما الداعي لهذا الفحص ؟
كل هذا جميل جدا ، وظل جميلا لفترة ما حتى ظهر القانون الجديد الذي يجبر المقبلين على الزواج من إجراء فحوصات طبية ومنها تحليل السائل المنوي للرجل ..
ولنا هنا وقفة .
بصفتي رجل ، ساتكلم عما اشعر به تجاه هذا القانون الذي أصفه بالتخلف وذلك من وجهة نظري الشخصية .
ليس من حق أحد أن يجبرني على الاستمناء بمستشفى حكومي بإجراء إجباري لعقد القران .
بالرغم من أنه لا حياء في العلم وأن هذه ضرورة طبية ولكن ذلك في حالة أن يكون الأمر بدافع شخصي مني وليس بأمر رسمي من الحكومة وأن أفعل ذلك وفقا لقانون ، بعض الشباب يعتبر ذلك امتهانا للكرامة وانا منهم حتى الذين يمارسون العادة السرية ! ــ أقصد بالطبع أنني من المعارضين وليس من الممارسين للعادة السرية ــ ولقد وضعت علامة التعجب لأن الأمر مختلف ، حينما يمارس الشاب العادة السرية على الأقل فإنها سرية كما يبدو من اسمها والشاب يخجل من المصارحة بذلك باعتباره عمل غير أخلاقي أو ينم عن كبت ما ، أما فعل ذلك إجباريا باشراف طبي فهذه هي المشكلة .
هناك شباب متدين ويعتبر الاستمناء مهما كانت دوافعة أمر حرام أو مكروه ، كيف تطلب من رجل متدين جدا ولنفترض أيضا أنه إمام مسجد مقبل على الزواج لأول مرة أن يفعل ذلك ؟!
ولنفترض أيضا أن الشاب يعرف تماما أنه غير قادر على الانجاب وقد صرّح بذلك لخطيبته وهي موافقة وراضية ولكنها لا تريد إخبار أهلها ؟ لماذا يتم فضحة وتجريسه أمام أهل العروس ؟
ولنفترض أن الشاب الذي يحب خطيبته بجنون لا يعرف أنه غير قادر على الانجاب وقام بالفحص الطبي الإجباري واكتشف ذلك في اللحظة الأخيرة مما تسبب في فضيحة له وفي إفساد هذه الزيجة قبل أن تتم ، كيف سيكون شعوره خاصة وانه قضى طوال حياته يجمع المال سواء في مصر أو مغتربا في دول الخليج ــ وما أدراك صعوبة جمع المال في هذا الزمن ــ ليفى متطلبات زواجه من مهر وشبكة ومسكن وأثاث و و و ، ليس أمامه عندها إلا إختيارات محدودة مثل الانتحار أو الإنغماس في الرزيلة أو أن يتحول إلى عدو للمجتمع أو على أقل تقدير ستتكون لديه عقدة كبيرة من الحياة نفسها .

لنتكتفي بهذا القدر من الجدية ، فلقد حان وقت المرح .

أولا : فليخبرني أحدكم عن طريقة الاستمناء في حمام حكومي قذر تفوح منه رائحة النشادر وأشياء أخرى مقززة لا داعي لذكرها .
ثانيا : هل مسموح للشاب باصطحاب وسائل مساعدة معه أثناء ذلك ؟ مجلات مثلا ، أفلام على الموبايل ؟ أم ستقوم المستشفى الحكومي بتعليق صور لهيفاء وهبي وروبي على حوائط الحمام من الداخل ؟ أم ستكون هناك ممرضات متخصصات في ذلك على غرار بعض المستشفيات الاستثمارية والتي تفعل ذلك بشكل غير رسمي طبعا ؟
ثالثا : ما هي الاستعدادات التي سيتبعها الشاب ليلة الاختبار ؟ يأكل سمك وجمبري واستاكوزا ويبلع قرصين فياجرا على الريق ؟ وماذا لو أنه أحتلم في صباح يوم الاختبار ؟ هل يؤجل زواجه ؟
رابعا : من المفترض انه سيكون في حالة نجاسة بعد الاختبار ، هل يمكنه الاستحمام بالمستشفى الحكومي ؟ أو يجوز أن ياخذ معه طشت وليفة من البيت ؟ أم يصبر حتى نهاية اليوم ويسير في الشارع هكذا ؟ طبعا لو كان من المصلين فلن يمكنه تأدية فرض واحد في هذا اليوم إلا بعد الاستحمام .
خامسا : هل سيكون هناك طابور على باب الحمام ؟ وما هو حال المنتظرين في الخارج أمام الباب ؟ ترى هل سيصفرون ويهللون ويصفقون تشجيعا لمن بالداخل أو ربما يمررون له صفحات من مجلة الشبكة من أسفل الباب ؟ أم سيقرعون الباب عليه كل دقيقة مع قولهم : ما تخلّص بقى يا عم الدكر ياللي جوه ورانا مصالح ؟ في كل الاحوال سيعجز من بالداخل عن التركيز على ما يبدو .
سادسا : ماذا لو عجز الشخص عن الاستمناء نتيجة للتوتر ؟ أو لأنه مؤدب جدا لدرجة أنه لم يمارس العادة السرية في حياته كلها ، هل سيخرج ويخبر الطبيب ؟ وماذا لو أصر الطبيب على أن يكتب في التقرير : ده معرفش يستمني ، امال حيعرف يتجوز إزاي ؟؟؟
سابعا : هل سيكون هناك تزوير وغش ؟ يمكنني أن أتخيل مجموعة من الشباب اللي صحتهم مسعداهم واقفين أمام مدخل المستشفى يبيعون السائل المنوي السليم لهم في برطمانات ، أشتري الطاااااازة
ثامنا : ما هو مصير السائل المنوي لعشرات الآلاف من الشباب بعد التحليل ؟ هل سيتم القاء ذلك في بالوعة مجاري ؟ أم سيتم بيعه لبنوك الحيوانات المنوية في الخارج ؟ أم ماذا ؟
تاسعا : أخشى أن يتسبب الازدحام الكبير على هذا الاختبار الاجباري في أن يضطر الشباب للاستمناء الجماعي ، ماهو مافيش وقت بقى واللي فرحه بعد بكره واللي حجز القاعة وهكذا .
عاشرا : مازلت لا أفهم طريقة الاستمناء ؟ هل يمكن استخدام الصابون أم الكي واي وغيره من أنواع اللوبريكانتس أم الطريقة البلدي بالبصاق يعععع ، أم على الناشف ؟

تكفيني هذه العشرة ، أقصد العشرة نقاط الساخرة التي تناولتها وفي انتظار تعليقاتكم


ملحوظة : والله العظيم تلاتة انا لا اتعمد خدش الحياء في تدويناتي الأخيرة ، الأخبار هي التي تفرض نفسها والله يشهد على ذلك .

41 comments:

mohamed hassan said...

لموضوع غريب بس ممكن تحليل الفيروسات يبقى كويس
انما الجنس ده صعب شوية و خصوصا حكوميا
بس برضه مش حرام لو الواحد حب يعرف بيخلف و لا لا
موضوع صعب ابداء راي فيه

Bipolar-Girl said...

:)

أشرف حمدي said...

mohamed hassan
أرجو ألا يفهم من كلامي أنني ضد الفحوصات الطبية قبل الزواج ولكنني ضد الإجبار
لا يمكنك أن تجبر شعب على شيء ما لمجرد أنك تظن ان هذا الشيء في صالحه
أعتقد ان هناك ضغوطا خارجية لهذا القانون الذي تم الموافقة عليه فجأة دون أخذ رأي الشعب ولو حتى بالاستفتاء
تحياتي وشكرا على التعليق
-------------------
bipolar-girl
:))))

جبهة التهييس الشعبية said...
This comment has been removed by the author.
amr said...

انا معاك ان الفحوصات دي ضرورية و ان الطريقة اللي بتتعامل بها الحكومة عشان ( تجبرنا ) على عمل الفحوصات دي .. اظن الموضوع ممكن يندرج تحت بند السبوبة برضة ... طبعا بجانب الضغوظ .. بوست شديد يا مان .. :))
تحياتي

فنان مسلم said...

:(
مينفعش الكلام كده
عـــــــــــــايزين كاركـــــــــــاتير

فنان مسلم said...

ملاحظة :
انا قطعت الخلف من الضحك وانا بقرأ التدوينة دي

TAFATEFO said...

د/ أشرف
لا يخفى عليك طبعا كم التقدير والاحترام والاعجاب لحضرتك
لكن أنا مش معاك على طول الخط .. وأراك للأسف حدت عن الحق في هذه التدوينه

اختبارات ما قبل الزواج في مصر بالذات لا بد أن تكون إجباريه لعدة أسباب من أهمها:
* فرصة ولادة طفل مصاب بعيب خلقي شديد 3%
* فرصة ولادة طفل مصاب بمرض ناتج عن اختلال جيني 4%
1- منع انتقال العدوى من طرف لاخر فى حالة وجود مرض وبائى غير ظاهر عند أحد الطرفين مثل الالتهاب الكبدى الوبائى أو الإيدز .. ولا يخفى على حضرتك طبعا ان مفيش أي احصاء رسمي للمصابين بمرض الايدز ولا الوبائي سي .. وان نسبة انتشار فيروس سي عند المصريين في التقديرات غير الرسميه لا تقل بأي حال من الأحوال عن 40% ده في أحسن الظروف طبعا.
2- منع انتقال الأمراض الوراثية غير الظاهرة للأبناء مثل أنيميا البحر المتوسط و الأمراض العقلية ولا يخفى على حضرتك معاناة الأب والأم مع ابنهم المصاب بأي من هذه الأمراض ومعاناة الطفل نفسه.
3- الاكتشاف المبكر و العلاج للأمراض التى تؤدى إلى العقم .. وطبعا في مصر الوعي الصحي أقل من 1% وأقل من 1% بيهتم بالموضوع ده .. وممكن واحد يكون غير قادر على الانجاب حتى لو يمكن علاجه ويتجوز ويطلق 20 مره وهو بيستبعد انه يكون هو السبب.
4- الاكتشاف المبكر و العلاج للأمراض التى تؤدى إلى الضعف الجنسى.
5- الاكتشاف المبكر و العلاج للأمراض التى تمس الصحة العامة.
6- منع وتقليل الانفصال المترتب على الاكتشاف المتأخر لهذه الأمراض أو المعوقات .. وكم من بيوت بتتخرب بعد اكتشاف هذه الأمور.

يا د/أشرف .. لما حاجه تتعمل صح (وما أقلها) .. المفروض نحاول نقف معاها .. وندافع عنها
أسمحلي بقى أرد على النقاط اللي حضرتك أثرتها:
إجباري ليه؟ لأن أقل من 0.01% من المصريين بيعملوه اختياري.

هناك شباب متدين ويعتبر الاستمناء مهما كانت دوافعة أمر حرام أو مكروه
ولذا يعتبر إصابة نفسه من أجل إجراء عمليه أو تحليل دم حرام برضه .. وأنا أقترح اننا نبعت استفتاء لمفتي السعوديه .. وأعتقد انه هتكون الفتوى .. مستحب درءا للضرر وجلبا للمصلحه.
ولنفترض أيضا أن الشاب يعرف تماما أنه غير قادر على الانجاب وقد صرّح بذلك لخطيبته وهي موافقة وراضية ولكنها لا تريد إخبار أهلها ؟ لماذا يتم فضحة وتجريسه أمام أهل العروس ؟
ولنفترض أنه لا يعرف .. ولنفترض أنه يعرف ولم يخبر العروس؟ .. ولنفترض أنه مصاب بمرض يمكن علاجه وتزيد نسبة علاجه مبكرا .. ولتفترض أنه تزوج ولم يعرف ومدى معاناته ومعاناة الأسره طوال فترة انتظار الحمل؟ و........ ميت ألف افتراض يا دكتور.
ولنفترض أن الشاب الذي يحب خطيبته بجنون لا يعرف أنه غير قادر على الانجاب وقام بالفحص الطبي الإجباري واكتشف ذلك في اللحظة الأخيرة مما تسبب في فضيحة له وفي إفساد هذه الزيجة قبل أن تتم
الفضيحه لا تناقش .. ده جهل .. أما لو تسبب في عدم إتمام الزواج .. فما بالك لو تمت الزيجه والانفصال لهذا السبب ؟؟!! وماذا يحدث لو دمر هذا الحب طفل مشوه أو مصاب بمرض جنسي .. أو دمر هذا الحب إصابة أيهما بمرض جنسي!!!

د/ أشرف .. اوزن الأمور مره تانيه

هرطقة said...

عندى استفسار منطقى
بالنوسبة للنقطة السابعة
هو اللى محتاج يغش فى الموضوع ده مش برضه احتمال يبقى محتاج يغش فى الجواز كمان
وعندى نقطة كمان
المستشفى الحكومى المفترض ,وبالنظر لمستوى نظافة المستشفيات الحكومية, متوقع يبقى مليان مخلفات من الاخوة اللى عملوا فحوصات سابقة
انا ما دخلتش دورة مياة فى مستشفى حكومى قبل كده لكن عندى ذكريات منيلة من أيام المدرسة
والناس اللى كانت بتنشن بره التواليت

بطوط حبوب said...

فاكر انا ايام 3 اعداى ( وتخيل انت ولد او شاب محترم جداا لدرجه تخنق) والاستاذ فى الفصل بيحذرنا من اضرار العاده السريه وعمال يقول كل اسمائها المتداوله بين الطلبه

وانا بقى مش فاهم حاجه اصلا ولا عارف هو بيتكلم عن ايه

اظن دلوقتى من حقى انى احمد ربنا انى بقيت بعدها منحرف وصايع وعارف الكفت حتى بعد ما ربنا هدانى لسه فاكر الكفت


عينى على معرفش الكفت
ليهم ربنا بقى

بطوط حبوب said...

اهو اميات بقى عرفتها وانا بعرف الكفت
:)
اصلك كنت مندهش عرفتها ازاى؟؟
:)

لماضة said...

هههههههه
مش عارفه اقولك ايه بصراحه
الموضوع محرج جدا اني اعلق بس عندك حق
رغم ان الفحوصات دي دليل على ان الاشخاص واعيه ومتعلمه وبتقدر
لكن مش بالغصب

Anonymous said...

المفروض يعملوا استمناء شعبي, آآآآآآآسف إستفتاء شعبى على الموضوع!!!!!

Pink Cougar said...

الحمد لله انهم لم يطلبوا تحليل سائل البروستاتا كمان
طبعا عارفين بيحصلوا عليه ازاي

Ahmed said...

د. أشرف
انت انسان محترم و أنا من متابعى و عشاق مدونتك و رسوماتك مع ان شكلك من أول وهله يعطى انطباع لا مؤاخذه يعنى انك راجل شمام و بتتعاطى لكن اللى يقرالك يفهم ان معدنك أصيل
المهم انى عايز أقولك ان تدويناتك الأخيره جيده من حيث الموضوع و الفكره لكن أنا خايف ان إسلوبك فى الكتابة يتطور و نلاقيك بتكتب بإسلوب ممكن يفقدك إحترام ناس بتحترمك فى زمن قل فيه الإحترام.
إوعى تفتكر انى مش عاجبى تدويناتك الأخيره بالعكس دى عاجبانى جدا دى بس كانت ملحوظة و تذكرة و نصيحة لوجه الله
على فكره دى أول مره أعلق رغم انى ما بيفوتش يوم من غير ما أفتح مدونتك أكثر من مرة
تحياتى
أحمد

جبهة التهييس الشعبية said...

انت عامل موديريشن؟

Mohamed Emad Hegab said...

يعني انا حانسى اختبار الكلية الحربية ايام ما كان عندي وطنية
الدكتور مسكني من إحم و إحم و فضل يفعص في الاخر ماعندوش حاجة بس عاوز يبطل إحم و إحم
كنت حاحلف ميت يمين اني مش بعمل الحاجة دي بس لو حلفت حاسقط و ياريتني حلفت اديني سقط كده كده

وائل عباس said...

مش ها يكون انقح من الاستنماء على رئاسة الجمهورية

TAFATEFO said...

اقرا دي يا دكتور أشرف .. أصلي، ولكن ليس من أجلي .. خمس مصابين بالايدز يروون قصصهم

مواطن مصرى نايم said...

طب يا اشرف الصورة بس لوسمحت
دى صورة ايه بالظبط
و الا ده تجميع للعشرة : اقصد العشرة نقاط برضوا بلاش تفهمنى صح
ايه هه بقى؟؟؟؟
اشروف اوعى البلوج اخلاقه تبوز من التدوينة يفتحها مركز اختبار
ممكن يومين تلاتة تلاقى البلوج مخلف لك بانر و الا حاجة
ههههههههه
طب اشرووووف لو واحد وقع على ايده اتكسرت الاتنين
يوم الكشف
و اتجبسوا حيعمل ايه بقى؟؟؟؟؟؟؟؟
لا يا راجل مش قصدى الدكتور يساعده
شوف انت بقى

جامد البوست المنوى ده يا اشروف

أشرف حمدي said...

في البداية أرجو أن تعذروني ، فلقد تراكمت التعليقات وأصبح الرد على الجميع مشقة كبيرة خاصة أثناء العمل ، لذا أرجو ألا تعتبروا هذا تعاليا أو تكبرا لا سمح الله ، مدونتي لا قيمة لها أصلا دون تعليقاتكم وزيارتكم الغالية التي اعتز بها كثيرا .
سريعا ، بالنسبة للكاريكاتير فأقول لفنان مسلم أن طلباته أوامر ، ها هو الكاريكاتير مرفق كتحديث للتدوينة .
دكتور تفاتيفو أثار نقطة هامة جدا ، ولكن أولا أود أن أؤؤكد على أن الإختلاف في الرأي ضرورة بالطبع ولقد أسعدني التعليق بشدة ، ما أريد ان أقوله هو : هل تعتقد بالفعل أن هذا سيطبق بالشكل الذي يتحدثون عنه ؟ انت طبيب مثلي وتعرف تماما ما الذي يحدث في المستشفيات الحكومية وأنا اتحداك لو تم تنفيذ ذلك على النحو الصحيح ، الموضوع سيحدث هرج ومرج ليس أكثر والنتيجة كلام فارغ ، وخمسين جنيه من تحت الترابيزة والتقرير التمام ينكتب وسلامو عليكوا ، أهم ما في تعلقيك هو انك نوهت على ان نسبة ضئيلة للغاية من الشباب هم من يتقدمون لإجراء الاختبارات اختياريا ولهذا ترى انه لابد وأن يكون إجباريا وهذا خطأ فادح ، أن تجبر شعب غير مقتنع اساسا وتعتقد أنك كمسئول ترى ما لا يراه الشعب وتجبره على الإلتزام بشيء لا يقبل عليه كما ذكرت ، هذا تعسف ، من الواجب أن يتحقق ذلك بالتوعية وزرع ثقافة طبية سليمة لا ان أجبر الناس على ذلك وكأنهم مجرد ماشية . أنا معك في كل ما تقوله ، إذن فلتقنع الناس به لا ان تجبرهم عليه لاننا هكذا نزداد جهلا وسلبية . هذه وجهة نظري ، وأشكرك كثيرا على التعليق الدسم .
وبالنسبة لأحمد فأنا شاكر جدا للتعليق وأفهم ما تقصده تماما ، انا نفسي غير راض بشكل كامل عما أكتبه ولكنني غير نادم أبدا ، بشكل ما يمكنك أن تقول بانني مجبرا على ذلك وإلا تكونت بداخلي بالونات يمكن ان تنفجر في أية لحظة . لفترة ما وانا أشعر بالعبثية والسخف بقدر لا يمكن الصمود امامه إلا بالسخرية المبالغ فيها ، حينما يصبح كل شيء حولك منذرا بكارثة كل لحظة لن تجد امامك سوى مزيدا من العبث ، الغلاء الجنوني وبراءة كل المتهمين في حادثة عبارة السلام وفتي وفتاه في الأوتوبيس المكيف أمامك يمارسان فعلا فاضحا علانية وإزدواجية شنيعة تجعل الشاب الآن يخرج من المسجد إلى صالة الديسو مباشرة ، ويقرأ القرآن ثم يختمه بسيجارة حشيش ، الفساد والكبت والقهر والظلم ، الرشوة والمحسوبية ، الفقر والمرض والجهل ، لقد رأيت وسمعت خلال عشرة أيام ما يكفي لكتابة مجلدات، كيف يمكنني أن أكون محترما في ظل أجواء شديدة القذارة ؟ أفهم كلامك وأشكرك عليه كثيرا ، وربما أصبحت أكثر هدوءا وحكمة الفترة القادمة ، أعتقد ان هناك الكثير من الموضوعات الهامة التي يمكن تناولها بشكل أكثر رزانة وأولها التدوينة القادمة

وشكر خاص للمدون اللامع وشيخ المدونين الأستاذ وائل عباس
تكفيني زيارتك .
مع خالص حبي واحترامي وتقديري
وعذرا لكل من لم أرد عليه بشخصه ، أقسم أن هذا ليس تجاهلا أبدا .

فنان مسلم said...

تحديث مهم ----------

علمت من مصدر مؤكد ان فيه ناس مستنية عند المستشفى , بتظرفهم الـ 100 جنيه يطلعولك شهادة انك 7 رجالة في بعض
وانك خالي من جميع أمراض العالم


هو ده اللي كنا بنقول عليه :)
احنا بلدنا مش وش نظام

فنان مسلم said...

تحديث تاني -------------

والله العظيم ما ببالغ
فيه واحد واقف بره برضو معاه موبايل محشي بلاوي زرقاء , وبيوجب مع الشباب اللي داخل

أصبحنا في عالم يختلط فيه الكاريكاتير بالواقع , ومش عارفين نفرق بينهم

ana ga3an said...

مسخرة يا اشرف بجد
والكاريكاتير فظيع بجد
ولا البقعة اللي علي الباب
مش ممكن
انا كنت فعلا لسة بكتب موضوع عن المهزلة الجديدة دي
بعد اذنك هاستلف الكاريكاتير
ولو لقيت كلام مشابة في التدوينة عندي
والله توارد افكار

أشرف حمدي said...

فنان مسلم
تصدق بقى انا حتجنن خلاص ، من حوالي 5 شهور اكتشفت كده ، مش عارف أرسم كاريكاتير بجد بسبب إن الواقع بقى كاريكاتوري جدا ، كل ما آجي أبالغ أو أهزر يطلع الهزار والمبالغة بجد فعلا وواقع
طب أرسم كاريكاتير إزاي دلوقتي ؟
كده الكاريكاتير ما بقاش كاريكاتير ، بقى مجرد تقرير للواقع
مش عارف أقولك ايه بس بجد أشكرك انك حاسس بيا وإنك واخد بالك من المفارقة دي
-----------------
ana ga3an
يا باشا الكاريكاتير تحت أمرك ، وارد جدا التوارد وأرجوك لا تقوم بتعديل موضوعك بأي شكل من الأشكال عشان شفت التدوينة ، أكتب براحتك بجد أنا بحب أقرالك جدااااااا حتى لو كان فيه كلام متشابه
انا حدخل عندك حالا ويارب ألاقي الموضوع

TAFATEFO said...

نسبة ضئيلة للغاية من الشباب هم من يتقدمون لإجراء الاختبارات اختياريا ولهذا ترى انه لابد وأن يكون إجباريا وهذا خطأ فادح ، أن تجبر شعب غير مقتنع اساسا وتعتقد أنك كمسئول ترى ما لا يراه الشعب وتجبره على الإلتزام بشيء لا يقبل عليه كما ذكرت ،

يا دكتور .. أنا عارف وقولت انه لا ينفذ فعليا .. ودي مش مجرد تكهنات .. بعض الناس بتدفع 50 جنيه رسوم الكشف وعشرين للممرض أو التمرجي وتاخد الشهاده من غير حاجه .. زي شهادة النظر والباطنه لرخصة القياده .. لكن يا دكتور ده مش معناه انتقاد القرار .. لأن حضرتك سيد العارفين كل حاجه في مصر بتواجه بانتقاد في بدايتها وبعدين يبتدي تطبيقها يزيد نسبته شويه شويه.

موضوع عدم الإجبار .. اسمحلي أختلف معاك تاني .. هو قانون المرور ده ايه؟ وقانون ممارسة الخدمات الطبيه؟ والتعليم الإجباري؟ وكل القوانين اتعملت ليه؟ إذا كنت حضرتك لا تختلف على أهمية وجود هذا الاختبار وإجراءه وخصوصا في مصر .. فيبقى الأولى أن نفكر في ضمان آلية تطبيقه .. مش العكس
وبرضه لو متنفذش كما يجب وأنقذ طفل واحد .. أو كان نتيجة إثارته توعية بعض الفئة العليا أو المثقفه لأهمية هذا الاختبار وأجروه .. يبقى ساهم في التوعيه الصحيه.

TAFATEFO said...

وعلى فكره يا دكتور .. حضرتك مقولتش لغاية دلوقتي رأيك في قشتمر وصباح الورد .. وهل تم عقد اتفاق المصالحه مع نجيب محفوظ وغيره من الأدباء ولا لسه؟

أنا لسه عند وعدي بتوفير كل الكتب اللي تؤمر بيها
:D

مواطن مصرى نايم said...

الكاريكاتير مشكلة
موتنى من الضحك
و الا الجردل
هههههههههههههههههههه
هههههههههههههههههه
لا بجد جامد جداااااااااااا

Anonymous said...

دكتور أشرف

تعليقي علي الموضوع المنيل بنيله ده
انك تسأل مجرب
وانا جربت وكان بإختياري ومستشفي خاص
قعدت نص ساعه ومفيش خالص انت فاهم بقي
انا نفسي بقيت مخضوض علي نفسي
وكل شوية الباب يخبط والعملية تزداد صعوبه وكمان الكوبايه دي كانت صغيره جدا للأسف معرفتش انشن فيها الا 1 من 3 وانت برضه فاهم
ف.ب.ج

bastokka طهقانة said...

الموضوع اكيد في سبوبة كويسة للحكومة زي موضوع شنطة الاسعافات كده لازم حيبيعو العينات لبلاد تانية تثق في نسل الفراعنة

بس تدوينة فقرية منه لله بقى سي نظيف اللي دخلكم النت
اوروفوار

وينكى said...

انا مش داخله اعلق على الموضوع من كتر كسوفى وغيظى واحراجى
انا داخله بس اقولك ليك واجب عندى
على مدونتى
تعالى وحله

ana ga3an said...

نزل يا فنان
منتظرين تشريفك

Anonymous said...

لو سمحت عندي استسفارات و عايز اجوبة . هو الاستمناء اصلا مضر ؟ لو مستغربين ليكوا حق انا مبتديء انا 15 سنة . و بقرا جاجة و اسمع عكسها . والله ما بقيت عارف اية صح واية غلط . تاني حاجة . اية اكي واي او الواي كي دي . تالت حاجة . وائل عباس شكلوا هيطير هاهاهاها . رابع حاجة . الاخ بتاع الحربية عايز اسئلوا سؤال . هو في اختبار بلية ؟ عشان في واد صحبي بيحور و مش متاكد . بيفولي بيحطوا بلية في الاس هول عشان يعرفوا انت شاذ ولا لا . اريد اجوبة سريغه

Anonymous said...

شغفي المستمر بتدوينات المميزة وحبي في ان اضيف تعليق شكله هيتحبس بسبب تدويناتك العنصرية..ولاانت شكلك مش عايز بنات تعلق :(
البذائة مش هي الشكل الوحيد للمشاكل الموجودة حاليا...البلاوي كتير بس انت نقي
واتمنى ان يكون تعليقى لي صدى
شكرا

أشرف حمدي said...

سريعا أود الرد على
Tafatefo
انا لست ضد التحاليل ، ولكنني ضد إجبار الشباب على تحليل واحد بعينه وهو السائل المنوي
كون الشاب قدار أو غير قادر على الانجاب فالحكومة مالهاش فيه
وهما مالهم إذا كان منجب ولا غير منجب
لو كان الأمر جدي فليكن تحاليل الفيروسات وغيرها من الأمراض المعدية
انما اموت وأعرف تحليل السائل المنوي ليه ؟؟؟؟

TAFATEFO said...

د/ اشرف
الحكومه ملهاش في أي حاجه .. ولو كان قرارهم غلط فده العادي .. ولو ده الصح نقدر نعتبره غفله وهفوه
بس رأيي (المحض) ان تحليل السائل المنوي مهم .. ليه؟

3- الاكتشاف المبكر و العلاج للأمراض التى تؤدى إلى العقم .. وطبعا في مصر الوعي الصحي أقل من 1% وأقل من 1% بيهتم بالموضوع ده .. وممكن واحد يكون غير قادر على الانجاب حتى لو يمكن علاجه ويتجوز ويطلق 20 مره وهو بيستبعد انه يكون هو السبب.
4- الاكتشاف المبكر و العلاج للأمراض التى تؤدى إلى الضعف الجنسى.
5- الاكتشاف المبكر و العلاج للأمراض التى تمس الصحة العامة.
6- منع وتقليل الانفصال المترتب على الاكتشاف المتأخر لهذه الأمراض أو المعوقات .. وكم من بيوت بتتخرب بعد اكتشاف هذه الأمور.

يا دكتور أشرف .. معرفة المرض مبكرا أسهل للعلاج .. وأفضل للطرفين.

=-=-=-=-=-=-=-=-=-=-
هقولك على حاجه كمان على جنب .. عينة السائل المنوي لا تجلب إلا باليد .. ويمكن أخذ العينة في المنزل على أن يتم تحليلها بعد أقل من نصف ساعه.

TAFATEFO said...

لمعلومات مفصله عن تحليل السائل المنوي

أحمــــــــدبــــــــــلال said...

ماهى دى عاملة زى فتوى الرضاعة
فاكرها
دى بقى المرحلة الجديدة فى حياتنا
و هايتغير اسمها من العادة السرية للعادة العلنية
ماهو كل اللى داخل المكان ده هايكون معروف هو داخل يعمل ايه جوه
يعنى فضيحة بجلاجل

فاكر لما كانوا بيقولوا عن فض البكارة بالأصبع و المناديل و الكلام الفاضى ده
و العروسة كانت بتتفضح
دلوقتى بقى فى حاجة زيها الراجل اللى يدخل و أهله يستنوه بره
و أول ما يخرج غارقاً فى العرق و فى يده دليل أدانته قصدى فضيحته و طبعاً هايكون فى العلبة البلاستيك الشفافة الشهيرة
و اللى يقولك هو ده بس اللى قدرت عليه و اللى يقعد يحوش كام شهر علشان شكله ساعة الفضيحة مايبقاش وحش


نحن ننزلق الى الهاوية بسرعة البرق


و على فكرة انا من المطالبين بحلق شعر صدر تامر حسنى
و ياريت الباقى كمان
بس أوعى تفهمنى غلط

اجار الدين كشمش said...

طبعا لازم يكون اجباري لحماية الاثنين ...مش بس من عدم الانجاب ..القضيه اوسع من كده ياراجل ..كثير من الحالات ان الراجل لا يستطيع اصلا ممارسة حق المراه الشرعي وكثير خداعين ويوقعوا ..المراه بالمحاكم بعد اول ليله ومش عاوز يطلق الا بفلوس

او احدهم فيه الايدز ومخفيه ...او السرطان

هي العمليه مش انجاب وبس ...المجتمع وااااااسع

والحياة مش سهله كما كان زمان

حتى لو اعطت المراه حق الطلاق ...يجب عمل فحص اجباري ...الدوله مش ناقصه امراض

في امان الله
الكويت

Shimaa Gamal said...

If it is just a sperm count, I believe this test should be optional.
يعنى اللى عايز يطمن على الخلفة من قبل الجواز هو حر . لكن اللى مش فارق معاهم براحتهم .
و لو كان الإختبار ده مخصوص علشان يثبت إن الرجل معندوش مشكلة فى الخلفة فأحب أبشركم بمشاكل لا حصر لها ، لإن كل واحد بعد شهر من الجواز هايقول لمراته أنا معايا شهادة تثبت إنى زى الفل و إنت اللى فيكى العيب .
لكن لو كان فى فايدة تانية منه مش عيب إنه يبقى إجبارى . بس من المفروض يتقال الإختبار ده ليه .

إختبارات الفيروسات أكيد مهمة ، مش علشان تمنع الجواز لكن علشان الجواز يبقى على نور و الإحتياطات الواجبة تتاخد فى الإعتبار . حتى لو الشخص عنده مشكلة فى الخلفة مش معنى كده إنه مالوش حق يتجوز ، و المرض مش فضيحة .

لكن المشكلة فعلاً إن الشهادة دى هاتتباع زى شهادة المرور . يعنى الحكومة الرشيدة بتحاول ترفع دخل المواطنين من غير ما ترهق الموازنة . و تبقى ضربت 100 عصفور بحجر واحد . لمت تمن التحاليل و خلت الناس تسترزق و يمكن تمنع فئة من الإقبال على الجواز و تبقى نجحت فى تفعيل حملة الوقفة المصيرية

المهم لو حاجة فيها مصلحة يبقى تطبق صح ، لو مافيهاش يبقى قلتها أحسن

Anonymous said...

ناقص يخلو البنات كمان يعملوا نفس الكلام عشان يشوفوا الوسط مناسب للحيوانات المنويةولا لأ....وحتبقى طوابير رجالة وطوابير بنات ....وهو نفس الحمام :D:D

Counter