Total Pageviews

Thursday, June 18, 2009

عدو الله 2



اللي مش عاجبهم صورة الخبر عن فتوى لوجوب وجود محرم مع المرأة أثناء تصفح الانترنت نظرا لعهرها ومكرها ، وبيقولوا إنها صحافة صفرا وأكذوبة لعينة
رغم إني سمعت بوداني الشيخ محمد حسين يقوب بيحرم الانترنت أساسا للرجالة والستات ، ما علينا
قمت بإضافة فتوى أخرى رسمية وموقعة ومختومة عن تحريم الورد والزهور ، وانت داخل على عيان خش عليه بقفص جوافة إنما لو دخلت بورد حتبقى كافر متشبه بالكفار
----------------------
حسنا
لنبدأ خطوة خطوة سويا .
ما الذي يحدث حينما تربي لحيتك وتحلق شاربك ؟ أو ترتدي صليبا عملاقا ، أو تسير حاملا علم النادي الأهلى ؟ ، ما يحدث هو أنك تصنف نفسك أولا ، وتعلن عن هويتك الدينية أو عن انتمائك أيا كان ثانيا ، وثالثا وهي الأهم أنك تواجه المجتمع بذلك .
لاحظوا معي أنني لم أرفض هذا السلوك ، أنا اتحدث بمنطق متسلسل حتى يمكننا الوصول إلى نتيجة
حسنا ، اتفقنا أن من يربي لحيته ويقصر جلبابه ويستخدم مسواكه في المواصلات العامة وفي الطرقات أنه يقدم نفسه للمجتمع بصفته مسلم ، سواء أكانت هذه المظاهر صحيحة أم لا ، وسواء أكانت تمثل مظهر ديني سليم أم لا ، المهم أن جميعنا يتفق على كونها صورة المسلم الملتزم بسنة نبيّه والمترسخة في أذهاننا جميعا حتى أنن نطلق على ذلك الشخص عم الشيخ ، حسنا
إذن أنت يا من ربيت لحيتك أصبحت الآن تحمل صفة المسلم الملتزم ، لقد اخترت أن تقدم نفسك وفقا لهذا التصنيف ، لم تتعمد أن تحمل معك المعطف الأبيض مثلا كي تقدم نفسك كطبيب ، بل قدمت نفسك بصفتك مسلم . رائع
هذا الملتحي يستحق الشفقة ، لأنه لابد وأن يراعي قيمة وحجم تعاليم الاسلام في كل حرف ينطق به وكل فعل يقدم عليه بل وكل نظرة تفلت من عينيه ، لماذا ؟ انتم تعرفون لماذا ، ولكن لتوضيح الأمور بشكل تام وكامل فأنت لا تحب أن يقال عن المصري مثلا أنه شخص يتبول بالشارع وتكون هذه هي الصورة المترسخة في عقول الجميع ، لذا فإنه وحينما تقرر التبول بالشارع لا تحمل معك علم مصر أليس كذلك ؟ لن تقف تحت تمثال الحرية مثلا معطيا ظهرك للمارة فاتحا سوستة بنطالك لتمارس فعلك هذا بينما تظهر عبارة انا مصري مع علم مصر على التيشيرت الذي ترتديه ، هذا يعطي انطباع سيء بل انطباع قذر عن مصر نفسها ، ومن واجبي كمصري ألا أسخر ممن يقولون أن المصريين عديمي التحضر بل أن أمسك هذا المصري المشين وأمسح بيه الأرض لأنه أخطأ في حق مصر قبل أن يخطيء في حق المصريين أو نفسه .
هذا هو ما أقصده ، وتعالوا نطبق ما تعلمناه من هذا المثال
تخيلوا معي شخصين
كلاهما منحل ، كلاهما لص ، كلاهما كاذب ومنافق ، كلاهما به كل العبر
ولكن أحدهما ملتحي وزبيبة الصلاة تحتل نصف وجهه بينما الآخر يبدو مثلي أو مثل أي شخص طبيعي بالشارع لا تعرف دينه ولا تعرف انتماءه ولا تعرف إن كان أهلاوي أم زملكاوي .
ما هي المشكلة
إنه وحينما يواجه المجتمع بهوية دينية يختلف الأمر تماما ، هو بذلك يمثل صفوة التابعين لدينه ، يمثل درجة من المفترض وفقا لما هو متعارف عليه أعلى من المتدين العادي ، شخص أكثر التزاما بالدين ،أي أنه ومن المفترض كونه يمثل أفضل ما في تعاليم هذا الدين وبالبلدي ، وش القفص ، فحينما يكون وش القفص معفن ــ لامو آخذه ــ فكيف سيكون حال باقي القفص ؟؟؟
ذو اللحية هذا يسيء لي أنا المدخن ذو الشعر الطويل والدبلة الذهب التي تثير استياء البعض باعتبارها حرام ، على الأقل أنه وبالرغم من التدخين ومظهر الفنانين البوهيميين والذي ربما يفهم على نحو خاطيء انه رقاعة وقلة أدب ، بالإضافة إلى دبلتي الذهب التي اعتز بها ، بالرغم من كل ذلك فأنا على خلق ، ولي مباديء ، ذو اللحية حينما يسب بألفاظ بذيئة أو يصرّح بشيء ما متخلف مثل تحريم الفن الجاد الذي لا جدال عليه ويتفوه بأفكار عن القمع ، وبأقاويل كاذبة عن الذبح وسفك الدماء كنوع من الجهاد في سبيل الله وغيرها من الأمور الكثيرة التي تناولتها مرارا من خلال مدونتي ، هو بذلك يسيء لي أنا والذي ربما أكون غير ملتزم بالدين ولكنني انتمي له على اية حال وفخور به ، وكلما أخبرني شخص ما أن الاسلام دين بربري يزداد حنقي لا منه بل ممن أعطى هذه الصورة القذرة عن الدين الذي أنتمي له . أتقبّل كل ما يقوله المسيحيون عن الاسلام مهما كان ، عدا أكاذيب زكريا بطرس ، لأنني أعلم أن هذه الصورة نحن السبب فيها ، أتقبّل كل ما يقوله الغرب عنا كمسلمين عدا ما تنشره اسرائل ، لأنني اعلم أيضا أن علينا كل اللوم في ذلك .
على الهامش ، مظهري ربما يسير السخرية في البداية ، حتى أنني سمعت زميل لي يقول لآخر ــ مين الشاب الباروكة ده هع هع هع ــ حينما تعامل معي هذا الزميل وعرف أنني مهذب وخجول ومرح أصبح يحترمني ، بل أصبح مظهري الذي كان يدعو للسخرية يروق له .
الدعوة الحقيقية ليست أبدا أن أدعو فتاة للحجاب
الدعوة الحقيقية من وجهة نظري أن أجعل المسلم يعلم تماما أن دينه لم يكن مطلقا دين دماء وظلم ورجعية وتخلف ، أن الدين أساسه الأخلاق وبعد ذلك يأتي كل شيء ، شخص على خلق ولا يصلي أعتقد والله أعلم أنه أفضل من شخص يصلي ليل نهار وهو كاذب ومرتشي وحرامي ونصاب وسافل ، على الأقل الأول يمكن أن يهتدي ويكمل ما ينقصه من عبادات ، أما الثاني الحريص على كل العبادات وما يقال أنها سنن لن يصبح أبدا في يوم ما صادق ومخلص وأمين ومهذب ، لقد أصبح لديه من النفاق أن يقول : الله الأكبر ثم يسب الدين بعدها مباشرة وأقسم أنني رأيت كثير من هؤلاء بل شيوخ وأئمة مساجد ، منهم إمام يعمل كقواد ومحبوس الآن في قضية سرقة بالإكراه ، هذا هو قمة ما وصلنا إليه من نفاق ، ليس نفاق الرؤساء بل نفاق الرب ذاته .
حينما أواجه المجتمع بصفتي ملتزم ، وأكون حسن الخلق ، لن أحتاج إلى دعوة من أي نوع ، حى غير المسلم سيسأل عن هذا الدين الذي جعل المنتمين إليه على هذا الخلق العظيم ، وأعتقد أن الاسلام انتشر بهذه الصورة . لم ينتشر بحد السيف ولم ينتشر بالإرهاب وعبارة اسلم تسلم التي يتم تحريف معناها بشكل مستفز .
لو رأيت شيخا بعد الآن من المفترض أنه يمثل ديني ويواجه المجتمع باعتباره ملتزم بالدين الذي أنتمي له ، يسب الدين أو يشتم أو يتهم نساء مصر أنهم عاهرات سأبصق في وجهه وفي وجه كل من يعترض طريقي ، هذه ليست مسألة حرية رأي أو تعبير . هذه إهانة شخصية وإهانة للدين .
يا يبقى محترم وعنده أخلاق يا يحلق دقنه أسهل لو مش عارف يبقى محترم .
يا البنت تعمل بحجابها اللي فرحانه بيه يا إما تقلعه أسهل لو مش عارفة تبقى محترمة وماحدش يقوللي فرض بقى .
يا إما تعمل بصلاتك يا إما تصلى لوحدك في البيت مع نفسك ، أحسن ما الناس تشوفك طالع من الجامع بتسب الدين وتعاكس البنات .
عشان ما حدش يتضايق بعد كده لما يقال أن الاسلام دين الشبق الجنسي ودين المتخلفين والنصابين والحرامية والمجرمين .
يا أخي ده الواحد بيحاول يبقى كويس على قد ما يعرف عشان ما يديش انطباع زفت عن مهنته كرسام كاريكاتير زي الانطباع الزفت عن الممثل أو المخرج مثلا باعتباره لازم يكون منحل أخلاقيا وطبعا الممثلة لازم تكون عاهرة أو عن الصحفي اللي غالبا شاذ جنسيا أو عن دكتور الأسنان اللي بيصور نفسه بلبوص مع بنات في العيادة ، عشان كده النقابة بترفده ، بتتبرأ منه ، فما بالك بالدين بقى ؟
أتمنى أن يكون البوست السابق مفهوما بالقدر الكافي الآن
تحياتي

49 comments:

Mo7ammed said...

عندك حق يافنان
الدين مش بالمظاهر
ولا حتى الأهلوية بالمظاهر
^_^

وياما شوفنا زبايب فوق "جمع زبيبة" وشفنا لسان زفر تحت
وياما شفنا حجاب فوق
ومينى جيب "وميكرو كمان" تحت

بوست جميل
وفى كلام حلو طالع من واحد عايز يبقى معاه shoot gun
وسيبه بس يمشى فى الشارع 3 ساعات

هههههههه
هتلاقيها تانى يوم احالت اوراقه لفضيلة مفتى الديار الاهلوية


سلاموءاا

adel said...

كلام كله صح ولا تعليق علي اي حاجة
معاك قلبا و قالبا
التدين عمره مكان منظر
الدين في القلب و بينك و بين ربنا حتي لو عريان

The Alien said...

تحية علي الرأي المعتدل
محتاجين كلام من دا كتير
ومحتاجين الناس تقراه وتفهم

تحياتي

عمرو فكرى said...

الله الله يا شيخ اشرف ^_^

Sweet Violet said...

ماهى النماذج اللى قولت عليها دى للأسف هى اللى بتعطى الانطباع السيء للإسلام

ولو لومته تلاقى هجوم عليك من جميع الجوانب لتوضيح ان الانسان الملتزم مش معصوم من الخطأ ده بشر بردو

مولتو said...

الحقيقة من وجهة نظر فلسفية ارى ان الدين : هو الاعتقاد فى الله اساسا اى ان اساس الدين هو العقيدة او ماتعتقده ، حتى ولو كنت غير ذى خلق فلن يخرجك هذا من الدين ولكنه سيسئ لسمعة عقيدتك ودينك على اعتبار انك سفير بسلوكك لما تعتقد ثم الالتزام بالشريعة او القانون (law ) والعبادات اللى جه بيها الدين ومايستلزمه ذلك من حفظ المجتمع من التحلل والانفلات بالانضباط الاخلاقى
اما الاخلاق من وجهة نظرى فهى متمم من اسس الدين ولكنها قد تنفصل عنه ، بمعنى لو اعتقدت فى الله بشكل سليم ولم تكن على خلق فلن تكن كافرا هنا ولكن عاصيا ، فاجرا قل ما شئت ، ولنشرح قول الرسول - عليه الصلاة والسلام
خياركم فى الجاهلية ، خياركم فى الاسلام المعنى ان من كان كافرا على خلق فى الجاهلية ويحسن معاملة الناس ، سيكون من خير من اسلم لانه اصبح مؤمنا وذو خلق !!
وقال ايضا بعثت لاتمم مكارم الاخلاق ، فهو لم يبعث لنقض الاخلاق التى كانت موجودة اساسا كالرحمة والعطف والصدق والامانة الخ ، وانما بعث ليحث عليها ويتمم بهاءها يايمان تستقيم معه اعمال
الناس
اما التقوى فهى امر اخر ثالث وهى ان تخشى الله ، تخشاه لذاته وتخشى عقوباته فى الدنيا والاخرة وهى مقياس التفضيل للناس فى الاخرة وليس بعدها شئ فهى ان وجدت دفعتك للاخلاص والعمل وفق الاخلاق والدين بشكل قهرى لو اردت تعبيرا حديدا
اذا انت فى النهاية تحتاج لاخلاق اولا فى المجتمع ثم ترشدهم لعقيدة دينية سليمة ثم يقوموا باتباع شرعيتها وعبادتها بشكل يخلو من التظاهر ويحمل صدق داخلى ، وفى النهاية يصل من يصل الى درجات التقوى المختلفة فى السر والعلن وهذا شأن شخصى يعنى فيه اللى يحب يكون من الفائقين واللى من المتفوقين واللى اخره معهد سنتين وهكذا
المهم الا نجعل الدين ظاهرة للتظاهر!

لورنس العرب said...

أولا: يوجد شيء مختلط عند الناس
من قال ان الدين ليس بالمظاهر؟
الدين بالمظهر مع الجوهر
ولا تحاول ان تفصل المظهر عن الجوهر لأن هذا الكلام أو هذه الدعوه هي السبب في انسلاخ الناس عن دينهم
وإن كان الدين ليس بالمظهر فيمكن لي ان أحضر شيخ جامع لنصارى أو احضر قس لمسلمين وسيقول لهم ان السرقه حرام والاغاني حرام وينصحهم ببر الوالدين وغير هذا من الكلام المحترم
إذن المظهر شيء مهم جدا بالنسبة للمسلم
ويكون لي الفخر وانا امشي في الطريق والناس تعرف من مظهري انني مسلم
ثانيا: انتم من وضعتم هؤلاء في منزلة الانبياء وهذا عن طريق تصيدكم لأخطائهم بصفه مستمره، يا سيدي الفاضل الملتحي والمنقبه هم بني آدمين، يمكن لهم ان يغلطوا مثلهم مثلك
هو ليس بنبي ولكنه ملتزم او يريد ان يكون ملتزما قدر المستطاع، ولا تنكر عليه التزامه مهما فعل من اخطاء، الاحظ انك تتصيد للفئه التي تتخذ من الدين مظهرا فقط لتضحك على الناس ولازال سلوكها مشين جزء من الحكم على الناس او هذه الفئه بصفه عامه وهذا خطأ، فعندنا مثلا القس برسومه المحروقي صاحب شريط الفيديو الشهير، هل لي ان اقول ان جميع القساوسه هكذا؟
لك ان تعرف جيدا ان المنحلين موجودين في كل مكان وفي أي مظهر
ثم ان من يلبس الزي الازهري او الاسلامي ويكون -مش كويس- او يسرق الناس ويضحك عليهم كما نرى في التليفزيون هذا شيء ليس ضد من يلبسون هذا الزي
ولكنه حجه لهم لأن هذا الحرامي او النصاب او قليل الادب عندما اراد ان يضحك على الناس ماذا فعل؟
ذهب وتشبه بأفضل الناس
فلو لم يربي ذقنه لما وثق الناس فيه
وهذا أكبر دليل على ان هؤلاء الناس يسيرون في الطريق المستقيم وليس العكس كما يفهم الناس
....
نقطه أخرى: تقول ان الدين اساسه الاخلاق
لكن يجب ان تضيف إلى هذه الاخلاق المظهر الخاص بهذا الدين
وإلا كما قلت لك من قبل، يمكن ان أحضر لك شخص ملحد وسيكون محترم جدا جدا ويفهم في الاصول لكنه لا يعترف بوجود الله
إذن فالمظهر شيء اساسي لا يمكن فصله ابدا عن حامل الدين
...
لفت نظري انك تقول "اتقبل ان يقول المسيحيين عن الاسلام اي شيء عدا اكاذيب زكريا بطرس" كما انك تتقبل ما يقوله الآخرين في الغرب وهذا بالطبع بسبب القله التي رأيتها انت تفعل مالا تطيقه
لا اريد ان اتحدث في هذا الموضوع لأني لو تحدثت فيه فلن يكفيني صفحات
فقط أقول لك انه لو لم يتبقى من سلوكك كمسلم سوى انك تقول لا إله إلا الله محمد رسول الله ما تركك اتباع الملل الأخرى في حالك
....
ملاحظه أخيره: بخصوص الدبله الذهب، يوجد امور أنت لست حر فيها
طالما انك رضيت لنفسك ان تكون مسلما فيجب عليك ان تتمسك بقوانين الاسلام
فكما لو سافرت المانيا مثلا يجب عليك ان تلتزم بقوانينها، يجب ايضا ان تلتزم بقوانين الاسلام
قال لك لا تأكل لحم الخنزير - فلا تأكل
قال لك لا تلبس دبله دهب- فلا تلبس وتقول اني حر
ان رضيت لنفسك بأن تكون مسلما فأنت لست حر
انت تطبق قوانين البلد التي تعيش فيها وتلتزم بها- وتطبق قوانين صاحب العمل الذي تعمل عنده وتلتزم - فلماذا تقول انت حر على امر من أمور الدين؟
....................
لاحظ انني لم انتقدك كشخص - فلا يجوز لي انتقادك كأشرف الرسام الذي ادخل مدونته باستمرار
فلا تأخذ الكلام على محمل شخصي
انا اتحدث عن صلب الموضوع
وقد اكون على صواب أو اكون على خطأ
.....................
تحياتي لك

kalam said...

لا اسمحلي يا اشرف اختلف معاك
ما ينفعش تعتبر اللي مربي دقنه ولابس قصير انه لازم يبقي معصوم
في دول زي السعوديه مثلا كل الناس شكلها كده يبقي مين بقي الصفوه ومين العامه
انا باعتبره والله واحد بيحاول ياخد خطوه يقرب بيها من ربنا او يلتزم بالسنه
زيه زي اي واحد بيقرر يطلع صدقه او يروح يحج او حتي قرر يصلي الفجر كل يوم
مجرد خطوه بتريحه وتوسع فتحه الباب بينه وبين ربنا
ولو حتي اختلفنا انها عباده حقيقيه او لا
هو اقتناعه بيها يا سيدي انها حقيقه وممكن ربنا يا سيدي يقبلها حتي لو مش مفروضه
اذن ان اصلا مش متوقع منه انه ما يثورش او ان كان عنده عادات قبيحه زي كلنا ما عندنا (بيشتم او بيسب) انه لازم يتخلص منها
هو بيجتهد في حاجات وبيفشل في حاجات وهو ده حال اي انسان
وهو حر
وباكررها
وهو حر
لا عمر الدقن والحجاب كانوا هما السبب ان الناس تشتم او اخلاقها تبقي تعبانه
ولا الروشنه وكشف الراس معنها انه متفتح واخلاقه هاديه
الحالتين موجودين وعكسهم موجود
والكل حر وربنا اللي بيحاسب

فنان مسلم said...

السلام عليكم يا أشرف

طبعاً انا مش فاهم ايه علاقة الصورة اللي انت حاططها بالمقال , بس ماعلينا

كلامي هذه لامرة لن يكون دفاعاً عن الاسلام , لانه ليس في محل اتهام اصلا
ولا دفاعاً عن الملتزمين , ولا دفاعاً عن (السلفيين) كما يطلقون على انفسهم , مع اني ارى التعميم الذي تكلمت به عنهم خالي من الموضوعية (والأدب أيضاً) , فكل هذه الامثلة التي ذكرتها لا تمثل السواد الاعظم من السلفيين , وانا شخصياً من واقع تعاملي معهم يمكنني ان أكتب 50 بوست من المواقف المشرفة لهم , على الرغم من اختلافي الشديد معهم في كثير من المسائل الفكرية والدينية
ولكن كلامي سيكون دفاعاً عن هذه العبادة التي هاجمتها واخدتها في الرجلين كده في وسط كلامك .. اللحية .

خليني أبدأ معاك انا كمان خطوة خطوة

انت أكدت في البوست اللي فات على هويتك الاسلامية وانك مسلم موحد تعبد الله وتؤمن برسوله صلى الله عليه وسلم
طيب , ده معناه اني أفترض انك مؤمن بما أنزل على هذا الرسول , وما أمرنا و ما نهانا عنه ؟
اذا كانت الاجابة بنعم , فما موقفك من شيء ذكره الرسول صلى الله عليه وسلم في أكثر من 17 حديث صحيح (وضع خطاً تحت كلمة صحيح ) , تختلف صيغة هذه الاحاديث ما بين أمر و استحباب و ترغيب .
طيب هل نحتاج من الرسول صلى الله عليه وسلم 17 حديث لنعتبر ما يقوله أمراً , أو شيئاً مستحباً ؟؟ بالطبع لا !! لا نحتاج أكثر من حديث واحد !!
على الرغم من اختلاف الفقهاء في كون هذا الأمر أمراً كالفرض أو أمر استحباب , الا ان ما اتفقوا عليه جميعاً انها من العبادات التي يفعلها الانسان تقرباً لله.
وأنها من الفطرة الطبيعية , التي فطرها الله للرجل , وليس لها علاقة بسلوكه او خلقه , أي ان المسلم والمسيحي والملحد وأي رجل فطرته الطبيعية هي كونه بلحية (بجانب كونها عبادة كما ذكرت سابقاً )
وهذا ليس كلامي , بل كلام من لاينطق عن الهوى عليه الصلاة والسلام (عشر من الفطرة ) وذكر منها اللحية

طيب ايه اللي بيحصل لما واحد ملتحي يسرق / يزني / يتحرش بالناس / يعمل أي فعل منافي للخلق والدين ؟
الطبيعي ان كل انسان تحمل مسؤلية غلطه , ولكن لقصور نظر المجتمع و هوس الكثير من الناس بالتشفي من اخطاء الاخرين فانهم يعممون , ويطلقون الالقاب والاسماء والتصنيفات
فيصبح هذا النموذج هو مثال نموذج (الملتحين) أو (السلفيين) أو اي تصنيف
مع ان المجتمع ملئ عن بكرة أبيه بالنصابين والحرامية والمتحرشين و تدنى مستوى الاخلاق فيه بشكل مقزز .

خلاصة الكلام , الانسان الذي لا يتفق مظهره الخارجي , مع ما بداخله هو انسان منافق ,أو غير سوي

واللي عاشر السلفيين (السلفيين الفعليين , مش النماذج التافهة اللي ذكرتها يا أشرف في كلامك ) هيعرف ان كلمة "ربي ذقنك تربيك " دي اخترعوها عشان يترفعوا عن هفوات انتو أصلاً مبتعتبروهاش غلطات , زي نظرة عابرة تفلت منه أو كلمة بسيطة ممكن تخرج من فمه لاترون انتم فيها أي بأس , ولكنها تعني لهم الكثير

أشرف حمدي said...

فنان مسلم
تعليقك هذا كارثي :)
انت تشجع علي النفاق ، تريد أن تجعل المجتمع الذي انتشر فيه الفساد وانعدام الأخلاق على حد تعبيرك يتمسك بالمظهر الديني لتأكيد الصورة
طب ما تخلي عنده أخلاق الأول
تخيل واحد غير مسلم بيقرا كلامك ده حيقول ايه ؟
بصراحة ؟
حيقول ايه يا عم الدين ده ؟؟؟ دول عالم مناخوليا ونشكر الرب إننا مش مسلمين
وبعدين ما تقولش إني كلامي خالي من الموضوعية والأدب

المفروض اللي بيقول عن زوجتك أنها عاهرة بالحرف الواحد كده وبالبلدي كمان مش بالفصحى ، والتاني اللي يقول إنها لازم تدخل على الانترنت بمحرم عشان عهرها هو اللي قليل الأدب
ولا هو ما شيخ يقول كده يبقى آمين ولما أشرف حمدي يشتم أبو دقن اللي بيقول على زوجتك عاهرة يبقى هو اللي قليل الأدب

فين المنطق هنا والنبي ؟

عندك نماذج لناس بدقون كويسين وحلوين وجامدين قوي جدا خالص قولها يا سيدي وتبقى رد على كلامي بالمثل
أكتبها عندي أو أعمل لها بوست عندك
يمكن يتوع السعودية هما اللي كويسين

وبرضه تاني انا ماشفتش واحد بدقن وزبيبة ومسواك محترم في مصر

يا حرامية يا سفلة يا مرضى نفسيين يا إرهابيين

اللحية عبادة في شبعتاشر حديث
والحجاب عبادة ، لأ النقاب
والمسواك عبادة
وضرب المسيحي عبادة
وشتيمة أي واحد مش مسلم عبادة
ويمكن التعليق في مدونة أشرف حمدي عبادة كمان

يمكن علمونا غلط في ابتدائي إن الاسم بنى على خمس وهما خمس وخمسين

لو كنت واحد تاني ولو ماكنش عندي تمسك كافي بديني كنت نفيت كوني مسلم لو حد سألني بدل ما أسمع لي كلمة مالهاش لازمة على غرار : مسلم ؟ آه طب شربت بول على الفطار النهاردة ؟ مسلم ؟ آه طب رضعت من زميلتك في الشغل ؟ مسلم ؟ آآآآه طب قوللي مراتك بتخش ع النت بمحرم ؟ مش دينك بيقول إن العهر في طبعها

ههههههههههه انتوا حتطلعوا الواحد من دينه بجد
مش بس حتنفروا أصحاب الديانات الأخرى منه

kalam said...

"وبرضه تاني انا ماشفتش واحد بدقن وزبيبة ومسواك محترم في مصر"

يا اشرف ده كلام مطلق اوي اوي
انت بتقع في نفس الخطأ اللي انت بتحذر منه
يعني انت شايف انهم بيعتبروا كل اللي مش مربي لحيه مش مسلم
وانت بتعتبر ان اي حد يربي لحيه مش محترم
!!!!!!!!!!!!!!

أحمــــــــدبــــــــــلال said...

انا معاك ملايين فى المئة
من البوست اللى فات بالرغم من أنى أكتفيت بقراية الردود فقط
بس بجد الفتوى اللى فوق دى مستفزة جداً
يعنى أيه لخبث طويتها
الانسان هو اللى بيدور على الحاجة مش الحاجة هى اللى بتجيله
يعنى انا اللى مسئول مسئولية كاملة عن اختياراتى و طلباتى و كلامى و فكرى

ده غير الجزء الاكثر أستفزازاً
مقدراً لعهر المرأة
للدرجة دى نصبنا أنفسنا قضاة على جنس بأكمله
على أساس أن الرجل لا يخطئ

على فكرة لم أسمع كثيراً من قبل عن أغتصاب أمرأة لرجل
أو امرأة مسئولة عن بيع رجال لأعراضهم فى سوق الدعارة

ياللهول
إلى أين نتجه؟

Anonymous said...

هناك حديث عن النبى صلى الله عليه و سلم يقول
إنك على ثغر من ثغور الإسلام فلا يؤتين الإسلام من قبلك

و المعنى المقصود هو إنك لو كنت صاحب سمت و مظهر إسلامى فلابد أن تحترس حتى لا يقال أدى المسلمين أدى الدقون

و تصديقا على هذا المعنى هناك أمثلة كثيرة

شخص ملتحى و طول الوقت فى المسجد و هو طالب فى الكلية و سايب دراسته و امتحاناته و معتكف و فى الأخير يسقط و يشيل دستة مواد !!

و طالب ملتحى و مقصر الثوب و زوغ من الإمتحان و لما والده عرف الولد أقر إنه حضر الإمتحان و بمراجعة دفاتر غياب الإمتحان وجدنا صاحبنا غايب

المشهد التانى حصل أمامى و كنت فى غرفة عميد كلية ما و الطالب اياه كذب و الدكتور احتدم عليه و قاله يا خى اختشى على مظهرك و لحيتك دى و بتكدب و كمان ساقطلى سنتين

و فى النهاية

إنما بعثت لأتمم مكارم الأخلاق
واحدة من اهم الأمور فى ذلك الدين العظيم
و عجبى لمن أفرغوه من كثير من محتواه و إكتفوا بالقشور

Anonymous said...

الأخ فنان مسلم

مش فاهم سبب إشمئزازك من المجتمع المصرى

فى بوست سابق برضه كان واضح كدا من كلامك

هو انت عشان قعدت فى السعودية خلاص

طب ما المجتمع السعودى ثلاث أرباعة لحى و جلابيب قصيرة و نسوان لابسة خيام سودا كليل بهيم

و تجد السوس نخر فى أوصاله

متمسكين أهم بمظاهر إسلاميه و نسواالأخلاق

أشكال الكبر و الجدل و أكل الحقوق و السرقة و الزنى و الشذوذ الجنسى و السحاق

بل و الكيل بمكيالين
يحرمون تحرك المرأة بدون محرم و فى نفس الوقت يتم إستقدام الخادمات اللولبيات و الممرضات بدون محرم

الهيئة المصونة أوقات الصلاة تحاسب المحلات و الاجانب على التأخير و لا تحاسب المواطنين

يا عم إرحمونا

الإسلام
معاملة
أخلاق
و روحانيات
و عبادات

تكامل و توازن فى كل ما سبق

مش من براه هلا هلا و من جوا يعلم الله

تحياتى يا دكتور أشرف

أشرف حمدي said...

kalam
والله لو شفت حقولك
إنما لحد دلوقتي ماشفتش ، يمكن أنا حظي كده
الشخص المتدين والملتزم من وجهة نظري مش محتاج يربي دقنه أساسا
تربية الدقن دي في الظروف دي والوضع الحالي هو نفاق وكذب
سواء بيكذب وبيضحك على نفسه
أو على الناس
لو شفت واحد بدقن بيعمل حاجة كويسة حتى ولو تمثيل كده وكده استحالة حتكلم عنهم بالشكل ده ، على الأقل حتكسف يا أخي ، دول كانوا مش عارفين يقولوا ايه على النبي ، يقولوا كاذب ؟ ما ينفعش ، إنه الصادق ، يقولوا نصاب ؟ ما ينفعش إنه الأمين
ماحدش عرف يمسك على النبي غلطة لدرجة إنهم لما غلبوا قالوا عليه مجنون

إنما دول العكس تماما ، ماشفتش ليهم حسنة واحدة تخليني أقول عليهم كلمة منصفة

فنان مسلم said...

والله يا أشرف انتم بتصعبوا عليا جداً :)
وأعني بـ(أنتم) من أسميهم بـليبراليين الرقص عالسلم
اللي لا هم عارفين يعملوا نفسهم ليبراليين 100% وينسلخوا من كل قيود وضوابط الدين اللي فرضت عليهم ويسيبوا نفسهم ل(بهيمية) الحياة الليبرالية المتحررة من كل القيود على الفكر, و لا هم عارفين يلتزموا بضوابط دينهم على الفكر و الحياة اللي عايشين فيها
بتلاقيهم شوية بيصرخوا بالحرية والليبرالية والضوابط الشخصية للاخلاق , ويشوية بيرجعوا للدين والمرجعية الدينية اللي في الاساس (مع شوية تفكير) بتكون متعارضة تماما مع ما يروجون له من أفكار .

على سبيل المثال , انت قلت انك مسلم وبتشجع الناس على الالتزام بتعاليم الاسلام الحقيقية وليس المظاهر , وفي نفس الوقت (مثلاً) بتدخن و لابس دبلة دهب و (بتعتز) بيها !! طيب هو مش عدم لبس الذهب ده من تعليمات الاسلام الحقيقية ؟؟
المشكلة أصلا مش كده , كل واحد هيتحاسب لوحده , المشكلة انك (بتعتز) , يعني مش مثلا بتقول انا عارف اني بعمل غلط لكن انا ضعيف قدام الغلط ده ومضطر أعمله, لأ ده انت بتعتز بيه !
طيب ليه بقى بتلوم على حد انه يقول انه مبتزم هو كمان ويربي دقنه وبتاع , ويعمل أخطاء تانية ؟؟ ايه الفرق بينك وبينه ؟
هتقولي هو بيقدم نفسه على انه الاسلام ! هقولك وانت بتقدم نفسك على انك ايه ؟؟ مانت ليل نهار تتكلم عن (حقيقة) الاسلام وانه جوهر وانه .. وانه ..

يعني انت برضو لفيت حوالين الموضوع , ومقلتليش موقفك الصريح , انا عايز موقف صريح من ال(عشرتاشر) حديث اللي بيتكلموا عن اللحية دول
هل انت رافض احاديث الرسول بشكل عام اصلاً ؟
هل انت مؤمن باحاديث الرسول لكن مش كلها ؟؟
هل انت مؤمن بيها كلها لكن بتفسير مختلف ؟؟

مش فاهم ؟؟ ايه موقفك بالضبط ؟ عشان نقدر نحدد نقطة مشتركة نبدأ منها حوار بناء .

فنان مسلم said...

"يمكن علمونا غلط في ابتدائي إن الاسم بنى على خمس وهما خمس وخمسين "

انا بجد بضحك من قلبي

فعلاً , الاسلام بس هو الخمس أركان
مفيش حاجة اسمها شريعة ولا عقيدة ولا فقه
وملهاش لازمة مئات الالاف من الكتب و لا عشرات الالاف من العلماء و لا الجامعات ولا الابحاث والاعمار اللي افنيت في تفصيل هذا الدين

اللي بيتعلم الخمس أركان دول بيبقى شيخ طريقة , كفاية عليه علام كده :D

أشرف حمدي said...

لورنس العرب
كلامك خاطيء تماما من الناحية المنطقية وليس كمجرد رأيي أنا الشخصي فيما قلت

المظهر هو مجرد صورة ليست من أساس الدين ، ولو اعتبرناها كذلك ــ ونحن نعتبرها كذلك بالفعل ــ فسيكون ذلك تفسير الكم الهائل من الانحلال بالشارع المصري والعربي ، كلهم محجبات وكلهم بدقون وأكثرهم حرامية لأنهم اكتفوا بالمظهر عشان سهل
ماهو سهل أربي دقني ، ده حتى توفير ، لكن صعب قوي أقوم لواحدة ست عجوزة في الأوتوبيس
وهكذا

الدين مش أوبن بوفيه آخد منه حجاب على مسواك على زبيبة والباقي بقى لما ربنا يسهل

أنا لم أضع هؤلاء في منزلة أنبياء ولا أتصيد لهم أخطاء ، أنا أقول أنه مادمت تظهر في زي الملتزم فالتزم أو اخلع الزي
من المفترض أن عليك مهاجمة هؤلاء وليس أنا

انا اتحدث عن التسويق ، الدعوة بمفهومها الحديث هي
Marketing
كيف يمكنك أن تسوق لدين أو عقيدة ؟ أكيد ليس بالسباب وقلة الأدب

فنان مسلم said...

اسف لتكرار التعليقات ,
بس لما قرأت ردك تاني اكتشفت ان يمكن فيه جمل بتظهر عندك وجمل تانية بتستخبى
:)
"خلاصة الكلام , الانسان الذي لا يتفق مظهره الخارجي , مع ما بداخله هو انسان منافق ,أو غير سوي "

هذا ما قلته في تعليقي
ماعرفش انت قريته ولا لأ
تحبه أكرره في كل تعليق؟ عشان تبطل الكلام الغريب اللي بتقوله على لساني ده ؟
"ريد أن تجعل المجتمع الذي انتشر فيه الفساد وانعدام الأخلاق على حد تعبيرك يتمسك بالمظهر الديني لتأكيد الصورة
طب ما تخلي عنده أخلاق الأول .... الخ الخ "

أشرف حمدي said...

فنان مسلم
يا باشا اللي يتعلم الخمسة دول ويعملهم يبقى مسلم بيعمل اللي عليه من عبادات ، كتر ألف خيره لو عملهم اساسا
انما أربي دقني عبادة دي اللي ماخدتهاش :)
منهم لله بقى مدرسين الدين الكفرة

فنان مسلم said...

والله يا أشرف انتم بتصعبوا عليا جداً :)
وأعني بـ(أنتم) من أسميهم بـليبراليين الرقص عالسلم
اللي لا هم عارفين يعملوا نفسهم ليبراليين 100% وينسلخوا من كل قيود وضوابط الدين اللي فرضت عليهم ويسيبوا نفسهم ل(بهيمية) الحياة الليبرالية المتحررة من كل القيود على الفكر, و لا هم عارفين يلتزموا بضوابط دينهم على الفكر و الحياة اللي عايشين فيها
بتلاقيهم شوية بيصرخوا بالحرية والليبرالية والضوابط الشخصية للاخلاق , ويشوية بيرجعوا للدين والمرجعية الدينية اللي في الاساس (مع شوية تفكير) بتكون متعارضة تماما مع ما يروجون له من أفكار .

على سبيل المثال , انت قلت انك مسلم وبتشجع الناس على الالتزام بتعاليم الاسلام الحقيقية وليس المظاهر , وفي نفس الوقت (مثلاً) بتدخن و لابس دبلة دهب و (بتعتز) بيها !! طيب هو مش عدم لبس الذهب ده من تعليمات الاسلام الحقيقية ؟؟
المشكلة أصلا مش كده , كل واحد هيتحاسب لوحده , المشكلة انك (بتعتز) , يعني مش مثلا بتقول انا عارف اني بعمل غلط لكن انا ضعيف قدام الغلط ده ومضطر أعمله, لأ ده انت بتعتز بيه !
طيب ليه بقى بتلوم على حد انه يقول انه مبتزم هو كمان ويربي دقنه وبتاع , ويعمل أخطاء تانية ؟؟ ايه الفرق بينك وبينه ؟
هتقولي هو بيقدم نفسه على انه الاسلام ! هقولك وانت بتقدم نفسك على انك ايه ؟؟ مانت ليل نهار تتكلم عن (حقيقة) الاسلام وانه جوهر وانه .. وانه ..

يعني انت برضو لفيت حوالين الموضوع , ومقلتليش موقفك الصريح , انا عايز موقف صريح من ال(عشرتاشر) حديث اللي بيتكلموا عن اللحية دول
هل انت رافض احاديث الرسول بشكل عام اصلاً ؟
هل انت مؤمن باحاديث الرسول لكن مش كلها ؟؟
هل انت مؤمن بيها كلها لكن بتفسير مختلف ؟؟

مش فاهم ؟؟ ايه موقفك بالضبط ؟ عشان نقدر نحدد نقطة مشتركة نبدأ منها حوار بناء .

أشرف حمدي said...

فنان مسلم
انا بقدم نفسي على اني رسام كاريكاتير :)
مش فنان مسلم
تريد الخوض في موضوع الحديث
حسنا
أنا لا أؤمن بفكرة الحديث أساسا كمنهج
هل أمر الرسول ص بكتابة أقواله ؟ هل راجعها قبل نشرها قبل أن تقال على لسانه ؟
حسنا ، ولكني لا أرفضها ايضا لأنك ستقول لي وكيف تصلي دون أن تعلم كيفية الوضوء والصلاة من الحديث ؟
يمكن أن تقول انني أقبلها ولكن ليس كشيء موثوق فيه مثل القرآن
كما لا أقبلها كلها
لأن بها أحاديث مشينة ، وعيب تتقال على لسان الرسول
ولو افترضنا أنني اقتنعت بالحديث وبصحته فأقول لك انها كانت أحاديث لعصر يرجع الي ألف وخمسوميت سنة ورا
يعني لا يمكن تطبيقها كلها الآن

تكاثروا تناسلوا فإني مباه بكم الأمم يوم القيامة

قوللي انا اعمل ايه مع حديث زي ده ؟
أصدق إنه صح ؟ ولا غلط ؟
طب أصدق إنه صح لكن ما ينفعش دلوقتي ؟

اللي اعرفه انه ما ينفعش دلوقتي ، احنا لاقيين ناكل لما نتكاثر ونتناسل

عرفت بقى ليه الحكومة بيتقال عليها كافرة ؟ لإن الحكومة بتقول أنظر حولك وتنظيم الأسرة
الحكومة مش كافرة ، لكن مكّفرانا دي حاجة تانية هههههههه

أشرف حمدي said...

على فكرة
موضوع الدبلة ده بقول من خلاله إني مش ملتزم بالدين تماما وربنا يهديني
إنما تقدر تمنعني ؟؟؟؟
تعالى اقطع صوباعي ياللي معترض
يعني ايه تمنعني ألبس دبلة دهب ؟ هههههههههه
إذا كان أنا عندي حرية العقيدة أساسا

فنان مسلم said...

ممتاز جداً

اذن فأنت تؤمن بكتاب الله كمرجعية , ولاتؤمن بجزء من السنة كمرجعية

ورداً على اسئلتك :
هل أمر الرسول ص بكتابة أقواله ؟
نعم أمرنا بحفظها واتباعها
حتى انه كشف لنا كل تفاصيل حياته بما فيها تفاصيل علاقته صلى الله عليه وسلم بزوجاته لانها جزء من شريعة كبيرة ضمت كل حياته وأقواله وأفعاله

وقال "خذوا عني مناسككم "
وقال الله تعالى :
" وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا" [الحشر 7]

ازاي ربنا هيأمرنا نتبع حاجة مشكوك في حفظها ؟

انصحك تقرأ شوية في طريقة تجميع الاحاديث وازاي وصلتلنا , وهتعرف ليه بيعتبر كتاب صحيح البخاري أصح كتاب بعد كتاب الله

وبالنسبة لموضوع تكاثروا تناسلوا , انصحك بشدة بمشاهدة التقرير ده
http://www.youtube.com/watch?v=6-3X5hIFXYU
اللي لازم كل مسلم يشوفه

وهتعرف معنى تكاثروا تناسلوا دي

مولتو said...

حتى لا يحتدم الخلاف بين الناس حاولوا التمييز بعقولكم ان الاخلاق شـــــــــئ والدين شـــــــئ تانى خالص ، مش كل اللى عنده دين عنده اخلاق وسلوك جيد ، بل احيانا تجد اخلاق عند من لايدينون بشئ ،المشكل هنا فى الشخص مش فى الدين ، فى البيئة والتربية والشخصية وهى المفاتيح الثلاثة لهذا الموضوع ، وما الدين الا لوصل الانسان بربه والحث على تماسك المجتمعات بالاخوة الدينية
بشكل ابسط لو شفت واحد ملتزم شكلا بمظاهر الدين ولا يأتى منه شيئا مما دعا اليه من خلق يبقى العيب مش فى الدين العيب فى المفاتيح الثلاثة عنده ، والعيب ده على فكرة موجود عنـــــــدنا كووووولنا ، كل واحد فينا عنده صورة ما من التناقض ده
واللى قرا رواية اقنعة عارية هيفهم ان كل انسان منا عنده كذا وش وكذا شخصية يعنى ازدواج من الاخر يمكن متحسش بيه ، المشكلة التانية هى وصم الدين بهذه النماذج وده مش عيب النماذج دى فى رايى لانهم بشر ، ولكن عيب المجتمع اللى مش قادر يفهم ان كل ابن ادم خطاء ، وخير الخطاؤن التوابون وان فى حديث اخر ان لو لم تخطئوا لبعث الله قوما يخطؤن فيستغفرونه فيغفر لهم ، اذا ياشباب الخطيئة حتم على الناس كلها اما وصم الدين بالناس اللى اخدت بمظهره فده مش صح ، ومن كان منكم بلا خطيئة فليرمها بحجر ولا ايه ؟
نقطة اخيرة الاساءة لجوهر الدين من خلال هذه النماذج ، برده النقطة دى صعب الرد عليها جدا لان كل دين فيه النماذج دى يااشرف ، يعنى من الاخر دى حاجة بتاعة البشر مش بتاعة مسلم او مسيحى او يهودى واخواننا المسيحيين اللى سالوك اذا كنت رضعت من زميلتك ولا شربت بول علفطار اسألهم الاول يعرفوا ايه عن عقيدة الاسلام قبل مايتصيدوا جهل بعض من تصدى للافتاء فى عصرنا
لوالتزم المسلمون بالعقيدة الاسلامية + التفاتهم للفضيلة المسيحية لملكنا الدنيا بما فيها بامر الله
بالمناسبة فتوى ارضاع الكبير دى عجبانى اووى وكان نفسى الاقى لبن بالمانجة او حتى زبادى خلاط هههههههههه

أشرف حمدي said...

فنان مسلم
تخيل بقى لما الاسلام ينتشر وهو كده ، تخيل أجيال وأجيال حيتربوا على دين يتم العبث به باستمرار وتشويهه لخدمة مصالح معينة
تعرف بقى من الآخر مين أحسن واحد في الدنيا ؟
واحد زي مصطفى محمود
ده اللي تقدر تقول عليه أحسن واحد مسلم ، لإنه كان ملحد ، وجرب أديان كتير لحد ما اختاااار الاسلام واختاره صح
ما اتولدش بيه
لإنه لو كان اتربى على اللي اتولد بيه كان زمانه واقف في خناقة بعين شمس عشان يضرب الواد المسيحي بقزازة على دماغه
ده الاسلام الي بنتربى عليه
فاهمني ؟
كان زمانه مربي دقنه وسيجارة الحشيش في ايده ، هو الحشيش حرام يا راجل ؟ الخمرة هي اللي حرام هههههههه
دين + جهل = نهاية العالم
فاكر أيام الكنيسة اللي حكمت بالاعدام على علماء الفلك ؟
كان عصر متخلف صح ؟
صحصح بقى للتخلف اللي جاي

magi said...

شوف يا دكتور انا بعد مدخلت فى مناقشات مع الناس دول اكتشفت انك فى النهايه مش فايده مفيش حل غير التجاهل التام واكتر من كده وبيزيح ربنا وربنا يشفيهم يا رب مبوظين صوره الاسلام فى العالم كله حولوه من ديانه عظيمه تسمو بروح الانسان الى نظام حياه ونظام سياسى واجتماعى قارنوه بانظمه تانيه وده غصب عنهم حوله الى نظام قابل
للنقض بديل عن كونه دين سماوى فوق النفض

Anonymous said...

hi ashraf,i want to ask u about buying a digital camera,thinking u are an expert i'd like u to recommend a style
it won't be sony of course and of course not from radwan el 3ogaal :D
please tell me ur recommendation here on the blog or better send me an e mail ( esper_007@yahoo.com)
thanx in advance

ايوشة said...

بوست رائع هو دين فعلا مش مظهر وبس وارفض اى انسان يهتم بالمظهر وينسى الجوهر
بس حضرتك مرت عليك شوية صور سيئة وشخصيات غير سوية جايز من وجهة نظرك بقيت سمة سائدة فى المجتمع بس الحقيقة غير كده خالص شخصيات مسلمة قلبا وقالبا جايز يكونوا قلة بس فعلا لو من خلال تعاملى مع بعض منهم ماشاء الله عليهم عمرهم ما ينفروا اى انسان من الدين ولا بينصح بالطريقة الفجة دى لكن بالحسنة دايما
وعلاقة كل انسان بربه علاقة سرية محدش ليه دخل فيها بالمرة بس على الرغم من كده مينفعش يطلع عليا شخص تصرفاته غير مقبولة بالمرة واقول عليه هو حر اى نعم هو حر ما لم يضر يعنى مش ينزل الشارع من غير هدوم ويقول انا حر

kalam said...

انا اتربيت في عيله كلها ملتحين ومنتقبات
ووالله ما هماش ناس وحشه اكتر من البشر العاديين
بشر بتغلط وبتصيب عادي يعني
يمكن اللي بيضايق معظم الناس ان بيبقي فيه نغمه وعظ دايما في كلام اي حد ملتزم والحقيقه ان حتي شيوخ السلف نفسهم بيطلبوا من الملتزمين الجداد ما يحاولوش يوعظوا ويسيبوا الموضوع لاهل العلم

نقطه تانيه:
انا مش عارف ليه فيه اصرار في التعليقات علي ان اهم حاجه الجوهر وان الدين مش مظهر
ايه المانع يا جماعه انه يبقي مظهر وجوهر
ليه الاتنين مش ممكن يجتمعوا انا مش فاهم

بتفكروني بواحد صاحبي كان فرفور جدا وكان مصمم ان عشان انا بالعب جودو والجودو لعبه تعبانه يبقي هو ممكن يضربني
اه والله وكان مصمم انه عشان ما بيبلعبش جودو يبقي هيضربني
بنفس المنطق المضروب الناس بتعتبر انها عشان مش مهتمه بالمظهر يبقي جوهرها تمام

علي فكره انا لا ادعي التدين ولا حاجه
انا حتي عايش في دبي مش السعوديه واخر فنكشه والله

hartaka said...

بوست جميل وتسلسل منطقي جداً
كنت حابب اضيف حاجة يا اشرف
لفنان مسلم

بالنسبة لموضوع اللحية والاحاديث
الاحاديث لا تخرج عن كونها امور ارشادية من النبي بس للاسف الناس حولوها لدين ودي مشكلة كبيرة جدا
النبي نهي اتباعه عن تدوين احاديثة علشان الناس متحولهاش لدين مطلق لانها مرتبطة بظروف عصر معين وتدوين الاحاديث مبداش غير بعد اكثر من 100 سنة من وفاة الرسول بوازع من الولاة
اذ كان يتحرج اتباعه من كتابتة طوال حياته ختي لا يقعوا فيما نهي عنه


لا تكتبوا عني سوي القران فمن كتب عني غير القران فليمحة
رواة احمد والترمذي والنسائي

وفية احاديث كتير بتدي نفس المعني
دة

اما بالنسبة لللحية والجلباب
فالرسول لبس زي عصرة , شانة شان اي انسان وقتها , المشكلة بتيجي للاسف بسبب احساسنا كمجتمع مصري وعربي دلوقت بالهزيمة حضاريا في كل مناحي الحياة
فدة بيولد حاله من الاحباط فبيلجا الانسان لااراديا للماضي يستمد منه الثقة بان ربنا مشهيتخلي عنة
الموضوع فية جزء نفسي يعني
انا اعرف ناس كتير جدا بتلجا للمظاهر الدينية تستمد منها قوة وراحة نفسية بعد حالات من الاحباط بتجيلهم في العمل والحياة

أشرف حمدي said...

Hartaka
أشكرك كثيرا على الحديث فقد كنت أبحث عنه ، الغريب فعلا إن فيه حديث ينهى عن كتابة الأحاديث !
أنا لا أتفق مع تعليقك فحسب بل أقول أنك وفرت علي الكثير ، لا أعتقد أنني سأعلق مرة أخرى هنا بعد ما ذكرته
خالص حبي واحترامي

فنان مسلم said...

رداً على
Hartaka

الحديث اللي ذكرته قاله رسول الله لان الصحابة كان يكتبون كلامه مع القرأن , فنهاهم عن ذلك
أي ان القرأن يجب ان يكتب منفرداً

وأمرهم بكتابة وحفظ سيرته في أكثر من موضع أخر
روى الإمام أحمد فى مسنده (6474 ، 6763) وأبو داود فى سننه (3646) والدارمى فى سننه (484) عن عبد الله بن عمرو قال كنت أكتب كل شيء أسمعه من رسول الله صلى الله عليه وسلم أريد حفظه فنهتني قريش وقالوا أتكتب كل شيء تسمعه ورسول الله صلى الله عليه وسلم بشر يتكلم في الغضب والرضا فأمسكت عن الكتاب فذكرت ذلك لرسول الله صلى الله عليه وسلم فأومأ بأصبعه إلى فيه فقال : "اكتب فوالذي نفسي بيده ما يخرج منه إلا حق".

وأرجو ان لايتم الجمع بين الجلباب واللحية , لان الرسول لم يأمر بالجلباب ولم يستحسنه حتى , ولكنه ذكر اللحية بذاتها في 17 حديث

لورنس العرب said...

ملاحظه يا أشرف

يبدو أن الأخ هرطقه فعلا بيقول كلام مطابق لأسمه المستعار

فقد نسي حديث النبي صلى الله عليه وسلم عندما قال
تركت فيكم ما إن تمسكتم به لن تضلوا بعدي ابدا، كتاب الله وسنتي

يعني السنه لم تتغير ولم يكن لها وقت محدد كما يريد ان يقول
وهذه الدعوى التي يقولها هرطقه ما هي إلا دعوه الابتعاد عن السنه وهذا هو طريق القرآنيين
هذا الكلام غير صحيح بالمره
فكلام سيد المرسلين ليس امور ارشاديه يا سيدي الفاضل يمكن أن تأخذ بها ويمكن ان لا تأخذ بها
بل هي اوامر من الرسول الذي لا بنطق عن الهوى
وقد قال الله عز وجل "واطيعوا الله واطيعوا الرسول" صدق الله العظيم

وقال الله تعالى: «وما آتاكم الرسول فخذوه وما نهاكم عنه فانتهوا» الحشر/

وكونك ترى في بعض الامور التي ألزمك بها الرسول ان تطيعه فيها بعض التضجر ولا تطيقها فهذا شأنك
انت لا تطيف تنفيذ اوامر الرسول أو بعضا من اوامره ولهذا تسعى إلى ان تنقضها بالكامل لترى نفسك على صواب والآخرين على باطل!
يعني مثلا متجيش تلبس ذهب وتقولي انا حر لأنك لو لبست الذهب لن تقبل منك الصلاه لأن هذا كلام النبي وليس كلامي أنا
فالنبي عليه الصلاة والسلام قال ان الذهب والحرير حرام على ذكور أمتي
فلا تأتي انت وتقول لي شيئا آخر لأن هذا من التخاريف
والله يكرمك كما انت لا تطيف من احدا ان يتحدث فيما لا يفهم فأترك انت الآخر ما لا تفهم ولا تتحدث فيه بعد اذنك
.................................
بالنسبة للحديث المذكور انتم مع الأسف لم تفهموا المقصود منه
كان اصحاب النبي صلى الله عليه وسلم يكتبون كل كلمه ينطق بها
فخشي ان يختلط الأمر عليهم ويعاملوه معاملة القرآن نصا من حيث الحفظ والقول في الصلاه وغير ذلك ولهذا نهى عن كتابته
ولكن مع تقدم الزمن وبعد حفظ القرآن في الكتاب خشي الولاه من ضياع الحديث فقاموا بكتابته

فهمت ما المقصود من الحديث؟

ليس كما فهمت -أو أردت ان تفهم- وهو ان تدوين السنه شيء ثانوى لا فائده منه

أرجو التحقق من الأمر قبل كتابته وعرضه على الناس لأن هذا الكلام خطير ولا يحتمل الخطأ فيه

طه said...

السلام عليكم ورحمة الله يا أشرف..

اولا وقبل اي حاجه .. الفتوى اللي ملهاش علاقه بالموضوع اللي انت مصدر بيها الموضوع .. كنت اتمنى منك وانت راجل مقضي حياتك كلها على النت زي حالتنا انك تتاكد منها

الصحيح انها لم تصدر وده افترا وده الرد بتاعها من موقع الشيخ نفسه

http://almanhaj.net/fatwaa/fatwaa_detail.php?fatwaa_id=222

فلو سمحت من باب الامانه .. تشيل الصوره وتحط اللينك مكانها كاعتذار عن الافترا بغير قصد على الشيخ



بالنسبه للبوست انا كنت هكتب رد .. وبالفعل كتبت شويه نقط جالت في بالي وانا بقرا.. بس بعد ما قريت ردود الناس.. وانك قررت متردش.. قررت ما اكتبش..

بس هوريك الافكار بس للمعلوميه مش اكتر

وانا عندك عالفيسبوك لو حبيت تقللي حاجه ..

1- اللي بيتكلم على الناس كده .. لو من باب النصح يبقى حاله بحاله مش كلام عام لكل زبيبه ودقن وسواك .. لان زي ما في واحد بدقن بيسب الدين في الف واحد مبيسبوش .. وزي ما في بوهيمي محترم .. في بوهيمي بيلحس في جسمه وكاتب كده علنا بالمناسبه.. فالتعميم هنا ظلم
2- ان كان يرجى لمن كان لا يصلي ويلبس دهب وغيره الهدايه .. فالمصلي المنتظم للهدايه اقرب
متنساش ايه العنكبوت ان الصلاه بتنهى عن الفحشاء والمنكر فثبت الصلاه مع الغلط
3- اللي على خطأ ويرجى الصلاح .. بيتكسف من نفسه .. وينظر للجانب الكويس في غيره لعله يبقى زيه .. غير كده مش هيوصل.. اللي معجب بحاله وشايف ان الاخلاق تكفي وياتي بعدها كل شئ.. مكنش يبقى في حد للصلاه وحد لترك الزكاه ويقاتل عليها
4- كره مظاهر الدين - وان سلمنا اسما على انها مظاهر - دليل كره للب .. والا اللي بيحب حاجه بيحب كل اللي جي منها
5- كون الاسلام بني على خمس .. فده معناه ان الاسلام حاجه تانيه .. لما اقلك ان الفيلا اتبنت على القواعد الخرسانه ..ده معناه ان الفيلا غير القواعد .. بس من غير القواعد دي الفيلا دي مهما كانت كويسه هتقع .. فالدين هو عبادات وسلوك وتعاملات وكده .. انما كلها مؤسسه على الخمس دول .. فكون شئ مش فيهم لا ينفي دخوله في الاسلام

وربنا يكرمنا ويكرمك .. وشكرا على صبرك

والسلام عليكم

مولتو said...

ليا تعليق صغنن جدا واخير انا عارف اتكلمت كتير هنا بس اساسا ده من المواضيع اللى فقعانى
بخصوص اللبس واللحية
فى اللحية انا ممكن اتفق مع راى فنان مسلم فى استحباب تربيتها للرجل بصفة عامة مش كمظهر دينى ، لانى من انصار الراجل راجل والست ست ،ده بالرغم انى من غير لحية اساسا
عن اللبس او الزى
اتفق هنا مع راى هرطقة فى ان الرسول لبس زى عصره فقط يعنى طب ماهو كان من احفاد ابراهيم واسماعيل هل اقتدى بيهم فى اللبس زى ماربنا قال فى القران بهداهم اقتده" طبعا لا ، طب بص معايا كده لو اليهود اقتدوا بسيدنا موسى فى اللبس تفتكر هيمشوا ازاى دلوقت وشوف كان بيلبس ايه على عصره من 3000 سنة
اذا ارتداء الجلباب فى الشارع على هذا النحو امر غير محبذ من وجهة نظرى
ودمتم على الود اخوانا

فنان مسلم said...

على فكرة , الفتوة المحطوطة دي فتوى مكذوبة
عادي يعني صحافة صفراء
وده رد الشيخ عليها من موقعه الرسمي
http://almanhaj.net/fatwaa/fatwaa_detail.php?fatwaa_id=222

ياريت بقى تشيلها , وتحط اللينك دي

عشان دي مسئولية كبيرة جداً , معتقدش حد هيقدر يتحملها قدام ربنا

حمادة زيدان said...

ازيك يا فنان

مشايخ القنوات السلفية أكلوا دماغ الناس ورجعونا خمسين سنة من التخلف والجهل
كفاية أنهم بيحددوا ده مسلم ولا لاء عن طريق لحيته وجلابيته
تصدق من فترة واحدة متخلفة بعتتلي موضوع كبير عن تحريم كلامي معاها وكل ده حصل بعد ما قولتلها صباح الخير
موضوع مميز جدا اشكرك عليه

magi said...

انا داخله مخصوص عشان فتوى الورد دى بجد موت على نفسى من الضحك
اكتر من كده وبيزيح ربنا

allah-slave said...

اممممم

مش عارف يا اشرف انتكنت مضطرب المر دي في المقال ليه يعني كان فيه كذا حاجة بتناقض فيها نفسك

وبصراحة الرجالة اللى اتكلمت مخلوش حاجة ليا اقولها
ولكن فعلا انت خدت صدمة كبيرة وقدرك وقعك في ناس وحشة بس دايما في خير حتى لو مبقاش غير فرد واحد علىالكرة الارضية لازم هيبقى في جواه خير

مهجبنيش فيك المر دي حاجتين
1- انك بدات تغلط وده غلط المفروض تشرح وجهة نظرك من غير ما تغلط

2- انك عممت الحكم
يعني اكيد اكيد لو لقيت كل المحيطين بيا بدقون ونصابين وزناة مش معنى كدة انى انا شخصيا مربيش دقنى

لو المسيحيين واخدين عنى فكرة انى رجعى ومتخلف وان المسلم ده واحد بتاع نسوان عشان دينه محلله4
يبقى برضو انا هقع في نفس الغلط لو قلت ان كل المسيحين بيعملوا علاقات غير شرعية وانهم خمورجية وانهم تخان عشان بياكلو خنزير
(اسف لكل مسيحي بيقرى الكلام ) كمان يا اشرف انت اول واحد عممت بعدها وقعت في شر اعمالك كمان انت عكيت لما بدأ تتكلم علىالاحاديث واننا مناخدش بيها لان الرسول مأمرش بكتابتها ... طيب يا اشرف لو قلتلك ان سبب كتابتها كان حرصا عليها من الضياع مش اكتر كدة هتفرق معاك الاخذ بالسنة

طيب لو انت يا اشرف مربي دقنك وتعاملاتك كويسة مع الناس مش هتزعل لما واحد يجي يوقل عليك نصاب لمجرد انك مربي دقنك وانه تعرض لمواقف زبالة من كل اللى مربي دقون

وانا لو مش مربي دقنى وعملت حركة نقص فيك ممكن ساعتها تسامحنى عشان انا مش مربي دقنى يعني عشان انا مش مدعى الالتزام ولكن في الحالتين انا انسان واطي سواء ربيت دقنى ولا لا

الرسول لو كان بيعمم كدة كان رصي ان جبريل يعذب اهل الطائف وخلى بالك الغلط ده وقع فيه سيدنا يونس لما زهق من قومه وسابهم ومشي



انا اسف انى في يوم من الايام اضطريت اكتب كلام مختلف معاك فيه ... ولكن اعرف انى بحبك اوي بدبلتك الدهب وبشعرك الطويل وانى متابع مواضيعك من زمااااااان بس بجد يا اشرف راجع نفسك وراجع الردود وياريت تعمل تدوينة كمان تقول فيها الكونجلوجن النهائي اللى وثلتله من التدوينتين دول

محمد سعيد said...

طيب انا مش فاهم برضه ايه المشكله ...بص ياعم اشرف ..في كل فئه في حياتنا فيها ناس منضمه ليها او منتميه ليها لكنها مش بتفع بل علي العكس بتضر لانها بتخالف قوانين ومبادي الفئه دي ...يعني ممكن تلاقي ليبرالي مش ملتزم بمبادي الليبراليه ...او اشتراكي وغد منضم للاشتراكيه لمجرد تحقيق اهداف شخصيه ...ممكن تلاقي مسلم مرتدي الجلباب ومربي لحيته واخلاقه مش كده ..وممكن تلاقي مسلمه مرتديه الحجاب او النقاب ومش ملتزمه يمكن هي بتلبسه علشان بس اهلها فارضين عليها او عشان بيئتها بتفرض كده او اي سبب اخر ...يمكن تلاقي شيخ او قسيس مضطر انه يظهر ويتعامل كده رغم ان ده عكس شخصيته لان الظروف الاسريه وتقاليدها بتفرض عليه كده عكس ماهو حابب انه عايز يكون ...اتفهم طبعا غيرتك علي دينك واختيارك لنموذج الملتحي اللي مش ملتزم وبيسي لدينا علي اعتبار انك عايزه يكون قدوه ...ده خلل في المجتمع ككل ولابد للبحث عن علاج ليه لانه اصبح وباء يهددنا بالتفشي ..مش في الدين بس ..في كل حياتنا

محمد سعيد said...

معلش بس لي تعليق تاني هاقوله ..يا استاذ اشرف ليك مطلق الحق ان تنتقد اي شي مادمت تنوي خير ومدمت لم تتجاوز الحدود .لكن انا شايفك بتنكر الحديث كمرجع اساسي للدين ...قال رسول الله صلي الله عليه وسلم ..تركت فيكم ماان تمسكتم به لن تضروا بعدي ابدا كتاب الله وستني ...يا تري يكفيك الحديث ده للعلم بان الرسول امرنا كسملمين اننا نقتفي الحديث كمنهج للاخذ منه في تعاليم الدين ..ثم ان هناك امور فقهيه احكامها لا تعتمد الا علي نص الحديث ...راجع نفسك من فضلك وابتعد عما يسي لله ولرسوله ...من تاني اتفهم غيرتك علي الدين لكن انت كده بتغلط في الدين اللي انت غيران عليه ..وبعدين لي رد علي الاخ حماده زيدان اللي شكله راكب موجه شيوخ السلف اللي رجعونا وعايزين يرجعونا لحياه البدو والصحراء ..احب اقولك ان الشيوخ او ان العصر اللي طبقت فيه تعاليم الاسلام بحرفيه صحيحه ساد فيه المسلمون العالم وكثرت حركه التراجم واذدهر الادب والعلوم وغيره ...لكن احان في عصرنا ده التخلف بقي سمه اساسيه من سمات المسلم ...الغريبه اننا مش بنطبق تعايلم ربنا ولا الشريعه كما يجب ان تكون وبرغم كده بنركن كل تخلفنا وسطحيتنا للسلف وللدين ...رغم ان الدين هو اول من حثنا علي طلب العلم ..

لورنس العرب said...

قد وجدت الفتوى التي وضعتها وبالطبع انت وضعتها من أجل السخريه ومن أجل ان تبين ان هذا لا معقول
ولكن يوجد شيء اسمه مخالفة المشركين في بعض الأمور وهذا ما لا تعلمه
ليس بعيب انك لا تعرف - ولكن العيب ان تسخر مما لا تعرف
وقد قلت لك من قبل مرارا
طالما قد رضيت بالاسلام دينا فيجب ان تلتزم بما أمر أو نهى عنه
لكن من الواضح ان هناك الكثيرين يريدون اسلام تفصيل على المقاس وحسب الاهواء
وهذه هي المشكله التي نعاني منها الآن
وعلى هذا الاساس نجد الهجوم المستمر على العلماء وانتهاز فرصة لو حدث خطأ من احدهم للتشهير -بهم جميعا- كما يفعل كثيرين


تحياتي

الكحيان said...

يسرني فيك أنك استفزازي وهع احترامي لرأيك فأنا أرى أن ما قلته رغم أن فيه شيئا قليلا من الصواب فإن كلامك في أغلبه فيه تحامل ومبالغات شديدة وإلحاحك على هذا التحامل وتماديك في المبالغة يشعرني أن هناك حاجة في نفس يعقوب لعلها مشكلة نفسية أو أزمة شخصية الله أعلم ما علينا . النماذج التي ذكرتها موجودة بالفعل في كل مكان وفي كل دين وفي كل حضارة لا فرق بين المتقدمين والمتخلفين لأن النموذج الفاسد لو لم يوجد لما علمنا ماهو النموذج الطيب. والدين لم يرد من أتباعه أن يكونوا ملائكة وهو بالطبع لا يتوقع أن يكون الأتباع ملتزمين به مئة في المئة فقد يكون المسلم مدخنا ويرتدي الذهب ويخالف في بعض الأمور لكنه موحد ويصلي ويراعي ضميره مثلك ويشعر بتقصيره والطبائع مختلفة وليس معنى أني أدخن أو حتى اضطررت أن أزني فيجب هنا على أن أحلق لحيتي وأترك صلاتي لأن الزنا وإن كان كبيرة فقد يغفرها الله لي يوم القيامة أما الصلاة فلو مت وأنا تاركها فلا مفر من النار ولذلك حكمة لا مجال لذكرها الآن يكفي أن النبي قال في رجل شديد المعصية لعل صلاته تنهاه يوما .وهنا جزئية مهمة أريد التنبيه عليها النماذج المشوهة التي تحدثت عنها سببها الجهل وغياب العلم والثقافة وضحالة الإعلام والدعوة الصحيحة واختلاط المفاهيم حتى عند المثقفين فمثلا الفتوى التي ذكرتها ليست ملزمة لأحد لأن الإسلام ليس فيه رجال دين كالديانات الأخرى بل فيه مستشارون ومفتون تسالهم إن كنت لا تعلم وهم يخبرونك فقط مجرد الإخبار لا تكون فتواهم واجبة إلا إذا كان الأمر يتعلق بالصالح العام ورأى ولي الأمر - إن كان صالحا- ضرورة فرض هذه الفتوى مثل منع السفر مثلا إلى بلاد حل بها طاعون مثلا فالفتوى قد تفرض وتصبح ملزمة .. وبالنسبة للورود ليس فيها شيء لأنها مما يدخل السرور على المريض وإن كان لا بد من الاستشهاد فقد كان النبي يحب شم الريحان ويروقه ومن المعلوم أن رد الريحان لمن أهداك إياه مكروه في السنة النبوية كما أن النبي قد ذهب يوما إلى قبر رجلين مذنبين كانا يعذبان في قبرهمالأن أحدهما كان نماما والآخر كان لا يستبرأ من بوله فوضع على قبرهما عودا أخضر وقال لعله يخفف عنهما ما لم ييبس وأتمنى أن يكون المسلمون قدوة حسنة بسلوكهم وأقوالهم وأفعالهم وأن تذهب تلك الصور القبيحة التي ضايقتك وحق لكل مسلم شريف غيور أن يتضايق وشكرا لك على بوستك المستفز وآسف جدا للإطالة

أحمــــــــدبــــــــــلال said...

الورد حرام؟
بدعة تكفر من يقوم بها؟
هو علشان الحاجة ماحصلتش فى عهد النبوة حتى لو كانت كويسة تبقى حرام و كفر؟
طيب نعملهم أيه حرام عليهم هم
مش علينا احنا
أننا بنضيع وقتنا معاهم من الاساس و لا هم هايتغيروا ولا أحنا هانرجعلهم لورا

أشرف حمدي said...

ههههههههه
واحد عاوز يطلعني مجنون والتاني عاوز يستفزني ويطلعني من ديني

بزمتك يا أخي لما واحد بدقن يقول على ستات مصر كلهم عاهرات في وسط الخلق كده عيني عينك وقدام ستات كمان ، يعني بيشتم أمك وأختك ومراتك وبنتك
مين فينا اللي مريض نفسي ؟

أما التاني اللي عاوز يستفزني وبيقوللي مادام رضيت بالاسم يبقى خد على قفاك بقى :)
أنهي اسلام ؟ فيه 92896845646456 اسلام دلوقتي ، تقصد أنهي فيهم ؟

اعتبرني شيوعي يا أخي وقوللي إنت الاسلام بتاعك بيقول ايه يمكن ربنا يهديني وأبقى من أتبعاك
هذا وبالله التوفيق

---------
بجد حاجة تنقط
طول عمري بكتب بشكل واضح تماما لا جدال عليه أصلا وتلاقيلك الناس جتلها حمى الدفاع عن الاسلام وكأني بهاجمه
رغم اللي مجنني إني بعمل العكس
بقول للناس إن الاسلام مش كده ، ولااااا ، ولا يكونشي انتوا فاكرينه كده دي تبقى مصيبة تانية
---------------------------------
الاسلام ما بيقولش زيارة المريض بورد حرام
الاسلام ما بيقولش سب الدين براحتك واشتم في خلق الله بس صلّي
الاسلام ما بيقولش ربّي لحيتك وأي حاجة تانية مش مهم
الاسلام ما بيقولش الفن حرام
الاسلام ما بيقولش ضرب المسيحي واجب وطني وجهاد في سبيل الله

السؤال بقى :
متفقين معايا في الكلام ده ولا لأ ؟؟؟؟؟؟
هي دي التدوينة

لو مش متفقين وشايفين إن الاسلام بيقول كل اللي فوق ده فحاجة من اتنين
يا أنا مش مسلم
يا انتوا اللي اتبعتم الدين الجديد :)

Anonymous said...

آآآآآه يامراري .. على فكره الي بيدافعو ويقولو ان الفتوى متلفقه .. انتو متعرفوش السلفيين السعودين ولا ايه ؟؟ دا سلفين مصر ارحم بكتير .. وعموما الي ميعرفهمش اهو يعرفهم من بعض فتواهم بالصوت والصوره على اليوتيوب .. اولا : لبس الكاب حرام وتشبه بالكفار ولازم نحافظ على هويتنا الاسلاميه بلبس الغتره والعقال !! ثانيا : الدبله حرام اصلا يعني مش دهب ولا فضه .. حرام حرام وتشبه بالكفار وعاده دسيسه على عالمنا الاسلامي .. ثالثا : قص المرأه لشعرها تشبه بالكفار .. ومش موضوع القصه تبقى طالعه من شعرها .. لا دا القص عموما .. يعني الوحده تفضل محتاسه بشعرها لطول ركبها وحرام تقصه ..
الفتوى للصبح والتخلف للصبح ومحدش واخد باله في السعوديه لحد مابقى الشذوذ الجنسي زيي الرز بينهم والبنات فعلا بقو عاهرات والشباب كفرو في حياتهم وبقى فيه ازدواجيه رهيبه عندهم من التخلف العقلي الي ربوهم فيه وعيشوهم فيه .. والي مش مصدق برضو يرجع للمواقع السعوديه ويرجع لمواقع البلوتوث ويدخل اي شات سعودي .. مدام مجتلهوش الفرصه انو يتعرف عليهم شخصيا .. بلاش جهل وتخلف بقى ارحمونا وكله بأسم الدين

Anonymous said...

ادي اللي خدناه من السعوديه وبلاويها واللي الناس الجهله في مصر بتعتبرها المثال الاعلى
انا عشت فيها 15 سنه واتولدت واتربيت فيها كل ماتتخيله عن السعوديه صحيح كل حاجه في السعوديه ماكنتش موجوده في عصر الرسول حرام في السعوديه انت متهم حتى تثبت برائتك الناس هتحاربك في افكارك وعقليتك وخيالاك وهيعتبروك متهم ومذنب طالما هما شايفين انك ممكن تفكر في الشهوة مثلا او اي حاجه منافيه ليهم حتى لو ماعملتش كده .
اللي مارحش السعوديه ولا عاش فيها هيعرف ان اللواط هناك زي الميا والهوا شيء اساسي انت مربي دقنك اوكيه ومقصر جلبيتك ومخليها فوق الركبه اوكيه فانت كده شيخ وتقي لكن انت بتاع عيال مش مشكله ده موضوع تاني المهم انك تربي دقنك وتصلي هوا ده الاسلام تطلع بعد الجامع تخطفلك عيل عادي طالما الجلابيه قصيره وطالما شعر رجلك باين .
الفتاو دي من شيوخ الجهل هتلاقوها للصبح لو انت ركبت اسانسير وفيه بنت نازله مثلا للدور التاني هيقولك حرام والواجب الشرعي يقولك انك تنزل من الاسانسير.
مبدأ شيوخ السعوديه هوا الانسان حيوان شهواني غبي غير عاقل غير مفكر وبالتالي لازم تتعامل معاه بالمبدأ ده وتحطه في قفص.
السعوديه يحبوا اوي الظاهر مالهمش دعوة بالباطن .
والفتاوي هناك بتتفصل على حسب تتطرف كل شيخ ورغباته الشخصيه يعني لو الشيخ شهواني هيحلل جواز الرجل اللي عنده 90 سنه من بنت عندها 11 سنه وهيقولك ده عادي ليه عشان بيوافق هوى في نفسه وقيس على كده كل الفتاوى زي فتوى النت البنت حرام تخش من غير محرم وخلاص اعتبرت متهمه حتى لو ماعملتش حاجه , منتهى التخلف والهمجيه
والمنشكله انهم فاصلين نفسهم عن الدنيا وبيطلقوا فتاوى واحكام على حاجات ماجربوهاش اساسا .
الورد والنباتات ثبت علميا انه بيريح الاعصاب وبيدخل البهجه والراحه النفسيه على الانسان لكن لما تقول كده يقولك لأ حرام طب ليه ياخويا هيقولك انا عايز ابقى بلد متفرد وانا اخترت ان تفردي يكون في تطرفي.
ايام الانفجارات في مصر في ال تسعينات كل شيوخ البلد الكريم ده واللي المفروض يكونوا مسلمين وقبل كده بني ادمين زينا وعندهم انسانيه كل الشيوخ حللوا التقتيل ده ليه عشان في رأيهم ان الناس دي بتدافع عن الاسلام وعن تدينهم وجلابيتهم وكأننا كفرا ولو حتى كفرا ده الحيوانات مش بتقطع بعضيها كده
انا لو قعدت اكتبلكم عليهم مش هيكفيني اسبوع كتابه ولو قعدت اكتب امثله على جهلهم هحتاج سنين كل اللي تتخيله موجود
السعوديه دلوقتي زي اوروبا في العصور المظلمه ايام ماكانت الكنيسه مسيطره على كل حاجه وليها الحق تكفر وتدخل الناس الجنه هما كمان كده بالظبط

Anonymous said...

حبيت اقولك نكته

فتوى للمعلم الكبير ابن باز

فتوى الشيخ عبدالعزيز بن باز في تحريم القول بدوران الكرة الأرضية، والله أكبر!

بسم الله وحده والصلاة والسلام على نبينا محمد خاتم الأنبياء والمرسلين عليه الصلاة والسلام، والحمد لله رب العالمين، القول بدوران الأرض قول باطل والاعتقاد بصحته مخرج من الملة لمنافاته ماورد في القرآن الكريم من أن الأرض ثابته وقد ثبتها الله بالجبال أوتاداً، قال سبحانه وتعالى {والجبال أوتادا} وقوله جل وعلا { وإلى الأرض كيف سطحت} وهي واضحة المعنى فالارض ليست كروية ولاتدور كما بين جل وعلا، وقد يكون دورانها او تغيرها من غضبه سبحانه، كما في قوله سبحانه: { أَأَمِنْتُمْ مَنْ فِي السَّمَاءِ أَنْ يَخْسِفَ بِكُمُ الْأَرْضَ فَإِذَا هِيَ تَمُورُ أَمْ أَمِنْتُمْ مَنْ فِي السَّمَاءِ أَنْ يُرْسِلَ عَلَيْكُمْ حَاصِبًا فَسَتَعْلَمُونَ كَيْفَ نَذِيرِ }. والجبال موضوعة في الأرض لترسيتها عن الدوران والتحرك، قال تعالى { وَأَلْقَى فِي الْأَرْضِ رَوَاسِيَ أَنْ تَمِيدَ بِكُمْ وَأَنْهَارًا وَسُبُلًا لَعَلَّكُمْ تَهْتَدُونَ} وقال سبحانه {وَجَعَلْنَا فِي الْأَرْضِ رَوَاسِيَ أَنْ تَمِيدَ بِهِمْ وَجَعَلْنَا فِيهَا فِجَاجًا سُبُلًا لَعَلَّهُمْ يَهْتَدُونَ} وَقَوْله " وَجَعَلْنَا فِي الْأَرْض رَوَاسِي " أَيْ جِبَالًا أَرْسَى الْأَرْض بِهَا وَقَرَّرَهَا وَثَقَّلَهَا لِئَلَّا تَمِيد بِالنَّاسِ أَيْ تَضْطَرِب وَتَتَحَرَّك فَلَا يَحْصُل لَهُمْ قَرَار.

والأرض تدل على عظمة الخالق سبحانه وهي آية من آياته كبقية آياته العظيمة وقد ذكر الله سبحانه أن الشمس والقمر يجريان في فلك في آيتين من كتابه الكريم وهما قوله عز وجل في سورة الأنبياء { وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُونَ} وقوله سبحانه في سورة يس: { لَا الشَّمْسُ يَنْبَغِي لَهَا أَنْ تُدْرِكَ الْقَمَرَ وَلَا اللَّيْلُ سَابِقُ النَّهَارِ وَكُلٌّ فِي فَلَكٍ يَسْبَحُونَ } ولم يذكر أن الأرض تدور كما يزعمون.

ولو كانت الأرض تدور لأخبرنا بذلك الله سبحانه أو نبيه عليه الصلاة والسلام الذي تركنا على المححة البيضاء ليلها كنهارها لايزيغ عنها إلا هالك. والحمد لله رب العالمين.

عبدالعزيز بن عبدالله بن باز

***

د احمد خالد توفيق كتب مره عن كتاب بيناقش ان العلم الي درسناه كله بتنجان .. بس مقلش مين كاتب الكتاب

انا دلوقت عرفت مين :)

ويقولولك سلفيين ووهابين

اه صحيح

صدرت فتوى بتحرم على المرأه لبس اللون الابيض لأنه تشبه بالرجال !

يامثبت العقل والدين يارب

Counter