Total Pageviews

Friday, August 07, 2009

سياسة الاستخدام العادل

معلومة هامة : قليلون هم من يعرفون أنني أحيانا أصبح شديد الغباء ، ذلك النوع من الإصرار الغبي الذي يجعلني أنطح الصخر مرارا وتكرار بلا كلل أو ملل ، أنتصر على إحباطي وقتها ولا أترك الصخر حتى يتهشم ، ودون تخطيط ، ومن الغريب حقا انه يتهشم في النهاية ، ودون تخطيط ، وعلى عكس كل التوقعات ، تكفيني الرغبة المجنونة ، وأترك لرغبتي هذه اتخاذ القرارت الصائبة التي توصلني إلى الهدف دون التفكير في منطقية تحقيق الهدف نفسه ، لأن التفكير عادة ما يصيبك بالإحباط ... حينما قررت أن أتزوج حبيبتي تزوجتها هكذا في حين ان كل الظروف كانت ضد هذا الزواج ، وحينما عملت بمجلة صباح الخير ــ الأمر الذي كان مستحيلا وقتها ــ عملت بها بنفس الطريقة ، حتى بعد أن اتهمني الفنان الكبير ايهاب شاكر بأنني فاشل ورسومي لا تصلح للنشر منذ ست سنوات ، أعتقد أنني أثبت له الآن عكس ذلك ، وحينما قررت الفوز بمسابقة كاريكاتير عالمية فزت مرتين ، وحين وضعت فكرة الرسوم المتحركة قيد التنفيذ وأنا في المرحلة الثانوية أصبحت الآن رسام ستوري بورد ومصمم شخصيات ومونتير وربما مخرج أفلام رسوم متحركة قريبا ، وحينما قررت أن أعيش وأتزوج وأنجب وأعمل وأكسب وأنجح في بلد تعتبر كل هذا لمن هم في مثل سني أمرا خارقا فعلتها ، وواصلت نجاحي وبقيت على قيد الحياة ، هذا أنا ، ويجب أن تنتبهوا لذلك وأوجه كلامي لمن ينوى تهديدي او اعتراض طريقي فيما يخص بحملتي على هذا القرار المتخلف عقليا والذي ينم عن مزيج فريد من الغباء والفساد واللصوصية والجشع والاستهانة الكاملة بشباب مصر ، أحذروا من أنا فأنا على عكس ما أبدو تماما

التدوينة تبدأ من هنا .
ونبدأ أولا بالخبر :


أصدرت هيئة الاتصالات المصرية قرارا بتطبيق سياسة الاستخدام العادل ملزمة بذلك القرار جميع شركات الإنترنت في مصر وهي على النحو التالي من مواقع شركات تقديم خدمة الإنترنت والتي بدأت فعليا وفورا بتطبيق القرار دون الرجوع إلى العميل





وإليكم التعاقد الخاص بي مع شركة آي إم \ انترنت مصر ويمكنكم قراءة بنود العقد والتي لم تتناول سياسة الاستخدام العادل من قريب أو بعيد أي انه يحق لي مقاضاتهم ، وحتى في حالة ذكر بند الإلتزام بالاستخدام العادل فهو ليس محدود بكم محدد واضح بالتعاقد ولكن تم تحديده بعد ذلك بما يحقق لهم مكاسب خرافية ، يعني يا فرحتي انا بخط انترنت سريع تنزل سرعته للربع بعد عشر أيام أو أدفع عشرة جنيه على كل جيجا .


متسوط حجم الاستهلاك للمستخدم العادي وليس الداونلودر
دعوني أوضح لكم حجم الاستهلاك لأقل سرعة انترنت في مصر
512 كيلو بت \ ثانية

في اليوم الواحد أنت ببساطة تتعامل مع حجم بيانات يتراوح من جيجا إلى اثنين جيجا بايت ، الاستخدام العادي من تصفح انترنت وسماع أغاني ومحطات إذاعية ومشاهدة اليوتيوب وتحميل ملفات مرفقة برسائل البريد الإلكتروني وتحميل عدد محدود من الملفات متوسطة الحجم بشكل مباشر وتحديث البرامج ونظام التشغيل ــ ولن أذكر هنا تحميل الأفلام والألعاب بالتورنت لاننا لن نحسب ذلك ضمن الاستهلاك حتى نكون منصفين ــ فإن كل هذا يتعدى جيجا بايت يوميا ، أو ما يوازي استخدام الشبكة لمدة سبع أو ثمان ساعات على الأكثر ، إذن اتفقنا أن الاستهلاك المتوسط هو جيجا بايت أو سبع ساعات يوميا ، ولكن من منا يستهلك ذلك بالفعل ؟ لو افترضنا أن هناك أسرة مكونة من خمسة أفراد ثلاثة منهم يستخدمون الإنترنت فسيتجاوز الاستهلاك ما ذكرته بكثير بحيث قد يصل إلى أربعة جيجا بايت في أربع وعشرين ساعة في حالة وجود عدد كبير من المستخدمين على خط واد وأقول داخل الأسرة واحدة وداخل المنزل الواحد ولا اتحدث هنا عن الوصلات ، ليس من المنطقي أن يكون هناك خط انترنت لكل فرد من الأسرة ، أب وأم وأربعة أولاد مثلا سيصل استهلاكهم إلى أربعة جيجا بايت بسهولة ، ولو افترضنا شخص واحد فقط مثلي يستخدم الإنترنت في تحميل فيديو دروس تعليمية خاصة بمجال عمله ، ومتابعة الأخبار على اليوتيوب بالصوت والصورة ، ورفع وتحميل عشرات اللوحات والصور والمجلات الرقمية والكتب الإلكترونية الغنية بالصور أيضا بالإضافة إلى عمليات التصفح لمواقع غنية بعروض وتطبيقات الفلاش والإعلانات وربما الموسيقى ، فسيكون استهلاكي اليومي قرابة الجيجا والنصف من البايتات ، في حين أن التحميل الفعلي للملفات التي أحتفظ بها واستخدمها لا يتجاوز ثلاثمائة ميجا فقط كتحميل فعلي داون لوود ، والباقي مستهلك في التصفح والمشاهدة وتحديث النظام والبرامج المختلفة ، جيجا ونصف يوميا هو استخدام عادل بالنسبة لي دون أفلام ودون ألعاب ودون بورنو ودون ان أخلع ملابسي أمام الكاميرا ودون أن أتبادل حديث ليلي مع فتاة لعوب على الميسنجر بالرغم من أن كل ذلك من حقي ولا شأن لوزارة الاتصالات به وإلا فليتم تجريمه بنص قانوني واضح ، هذا ليس موضوعنا على أية حال


يمكنكم التأكد من حجم الاستهلاك بالنقر المزدوج على ايقونة الاتصال أسفل يمين الشاشة ، إليكم هذه الصورة للتوضيح
هذه الصورة التقطها شاب مصري يستخدم حقه المشروع فيما دفع ثمنه بأقل سرعة انترنت في مصر
512 كيلوبايت \ ثانية




حتى وإن كان لم يغلق الجهاز لمدة تسعة أيام متواصلة كما ترون في الصورة فهذا حقه ، وهذه أقل سرعة في مصر وربما في العالم ، وهذا الاستهلاك لن يضر بباقي المستخدمين لأنه استهلاك محدود أساسا بالسرعة ولا يحتاج أصلا إلى أن يتم تحديده بكم التحميل .

حينما نتكلم عن سياسة الاستخدام العادل لابد وأن نتحدث عن السرعة ، مثلا فإنه مع سرعة تصل إلى أربعة وعشرين ميجا بت \ ثانية يجب تطبيق الاستخدام العادل لأنها سرعة مهولة يمكنك من خلالها تحميل عدد فلكي من الملفات ربما تصل مساحتها إلى أرقام مرعبة نهاية الشهر ، من المعروف أيضا أن سياسة الاستخدام العادل تمنع استهلاك أكثر من خمس وستين بالمائة من قدرة التحميل القصوى لسرعتك ، أي أنه من حقك أن تستهلك أقل من ثلاثة جيجا بايت يوميا مع سرعة
512 كيلو بت \ ثانية
بحيث لا يتعدى استهلاكك الشهري تسعين جيجا لا خمسة وعشرين كما نص القرار


.
هل هذه سياسة استخدام عادل أم سرقة ؟
بالطبع ، هذا نصب واضح وصريح ، ولي أسبابي المقنعة
أولا : سياسة الاستخدام العادل ليس لها معيار ، بمعني أنه من غير المعقول أن يتم تحديد حجم الاستخدام بخمسة وعشرين ميجا وفقا لسياسة ، ولكن يتم مراقبة عمليات التحميل من خلال برامج خاصة تحدد ما إذا كنت تستخدم خط الإنترنت بشكل طبيعي أم انك تستخدمه في التحميل فقط لفترات طويلة جدا ، اليكم هذه الوصلة التي تشرح سياسة الاستخدام العادل مع شبكة ايه أو إل ، وأرجو منكم الضغط على الوصلات الوجودة بالجزء الأيمن من الصفحة لمعرفة كل التفاصيل .
ثانيا : سياسة الاستخدام العادل لا يمكن شراء إمكانية خرقها ، حينما تخبرنا الشركات بأن الجيجا الإضافية بعشرة جنيهات فهذه سرقة علنية لا سياسة استخدام عادل ، لأن هذه السياسة من المفترض انها وضعت لتوفير خدمة أفضل لجميع المستخدمين وضمان عدم حدوث ضغط كبير على الخطوط وبالتالي مهما دفعت من نقود فلن تحصل إلا على حقك ، اما في مصر فتخبرنا الشركات أنه من الممكن أن تدفع مبلغ إضافي وتحصل على جيجابايتات إضافية ليست من حقك وفقا لشروط سياسة الاستخدام العادل ، هذا المنطق الغريب الذي يقول لك مثلا لو قتلت فستعدم ولكن لو دفعت المبلغ الفلاني فمن حقك أن تقتل .
وإليكم هذه الفقرة التي تؤكد كلامي من الوصلة التي ذكرتها
Can I buy extra usage and if so at what cost?
No this is not possible as we do not limit your usage, we simply monitor it to ensure that it is at a fair level and does not negatively affect other users or impact the service our networks can deliver

ثالثا : على اي اساس تم تحديد الخمسة وعشرين جيجا ؟ أسال هذا السؤال بالرغم من توضيحي السابق بأن هذا التحديد غير قانوني
رابعا : ماذا عن الشركات والمجلات والصحف ومقاهي الانترنت والمقاهي العادية والمطاعم التي تتيح لروادها الدخول على الشبكة لاسلكيا ؟
خامسا : تكلفة الإنترنت في مصر من المعروف لنا جميعا أنها الأغلى على مستوى العالم ، انت تدفع مائة جنيه شهريا للحصول على أقل سرعة في العالم حاليا ولم تعد مستخدمة أساسا بالرغم من أنها خدمة مجانية .
السؤال هنا
حينما قررت وزارة الاتصالات مضاعفة جميع السرعات ، هل كان ذلك تخطيطا لهذه الخطوة ؟ نضاعف السرعة بنفس السعر ثم نطبق ما يطلق عليه سياسة الاستخدام العادل وهو في واقع الأمر تحجيم للخدمة واستغلال واضح من أجل تحقيق مكاسب فلكية من خلال تحديد سعات تحميل أقل بكثير جدا من متوسط الاستخدام للفرد العادي .
الأمر واضح
هذه سرقة ، حتى وإن تم تقيل السرعة بعد بلوغ الحد الأقصى للاستخدام ، الاستخدام له ثمن ، فإما أن تدفع أكثر لاستخدامك العادي وإما ان تحصل على خدمة أقل بنفس ما تدفعه وفي الحالتين أكرر أنها سرقة علنية وفجة



.
ماذا يمكنك فعله ؟
أولا : الاشتراك بجميع الجروبات التي تقف ضد هذا القرار المتخلف ، وهذه وصلة لأحد أهم الجروبات

ثانيا : ارسال هذه الرسالة


إلي جميع الساده و المسئولين و المدافعين عن الحقوق في مصر , إلي كل قلم صحفي أو أعلامي أو مسئول يهمه إلا تحدث عمليه نصب واسعه علي أغلب الشباب المصري الذي يعتبر الأنترنت هو المتنفس الوحيد له , منذ أن تولي السيد أحمد نظيف رئيس الوزراء رئاسه وزاره الأتصالات من سنوات عده حدث تطورا ملموسا و واضحا و أستمر كل جاء من بعده علي نهجه , إلا أن الجميع فوجئ في الأيام العديده الماضيه بأحد أبتكارات الجهاز القومي لتنظيم الأتصالات و شركات الأنترنت المصريه المقيده للحريات و المخالفه للأتفاقيات الموقعه مع المشتركين و المخالفه لتوجهات الدوله بضروره أنتشار الأنترنت بمصر و هو ما يسمي بسياسه الأستخدام العادل لتقييد حجم التحميل للسرعات غير المحدوده كما هو منصوص في التعاقدات مع الشركات المختلفه مما يعني مخالفه هذه الشركات بنود هذه العقود و مما يعتبر أستهتار و أستهانه بوزاره الأتصالات و بتوجهات الدوله حيث أن الكميات التي حددتها الشركات لا تكفي لمجرد التصفح اليومي للأنترنت و عمليه التحديث المطلوبه لأغلب البرامج الحديثه و الكفيله بأنهاء هذه الكميه , فبعض أنظمه تشغيل الحاسب الحديثه تحتاج تقريبا لتحديثات تمثل نصف هذه الكميه المتاحه هذا بخلاف التصفح و التحميل الفعلي , نرجو من سيادتكم التدخل و بذل الجهد لأعاده الحق لأصحابه و عدم حرمان الشباب من المتنفس الوحيد لهم و مواجهه أستغلال شركات الأنترنت و مخالفتها لعقودها و من القوانين الغير مدروسه من الجهاز القومي لتنظيم الأتصالات الذي يبدوا أن القائمين عليه بعدين كل البعد عن توجهات الدوله أو حتي مجال عملهم في تقييم الأحتياجات المتوسطه

لمستخدم الأنترنت


........ودى الايميلات ونحطها مره واحده فى خانه العنوان



info@cpa.gov.eg;questions@cabinet.gov.eg; cccomplaints@tra.gov.eg; info@techdevfund.com; eltahrir@eltahrir.net; akhbarelyom@akhbarelyom.org; ahram@ahram.org.eg; ait@ahram.org.eg; baridelgomaa@ahram.org.eg; alkaheraalyoum@orbit.net; a_ragab@akhbarelyom.org; 7day@mbc.ae; al3ashera@dreams.tv; mostafabak@hotmail.com; 90min@elmehwar.tv


ثالثا : الاتصال برقم 155 وهو رقم تلقي شكاوى هيئة تنظيم الاتصالات والشكوى من هذا القرار الظالم
.
رابعا : المقاطعة لا تكون بوقف استخدام الانترنت ، هذه فائدة للشركات ، حيث أن قيمة الاشتراك ثابتة ومدفوعة مسبقا بالفعل ، استخدم الشبكة بشكل عادي تماما وكما يحلو لك ، المقاطعة تكون بإلغاء الخدمة تماما لو أراد احد المقاطعة ، وهو ما سنهدد به
.
خامسا : الاتصال بمزود خدمة الإنترنت ، خدمة العملاء وتحصيل الاشتراكات والشكوى من القرار والتهديد بفسخ التعاقد
.
سادسا : بالنسبة لي أرجو من جميع زملائي الصحفيين والإعلاميين الاهتمام بالموضوع وطرحه بموضوعاتهم وبرامجهم الفضائية ، وخلال الأسبوع القادم وبدءا من هذا اليوم سأعمل على نشر كاريكاتير ضد هذا القرار الغبي بجميع وسائل النشر المطبوعة والمرئية

سابعا والأهم : عدم التخازل مهما كانت النتائج ، الاصرار على موقف واحد دون تنازلات ودون مساومات هو الحل ، والحل بالنسبة لنا سلمي حتى لو وصل إلى تنظيم مظاهرات ووقفات سلمية وتعرفون أن هذا الأمر سهل جدا ويمكن تنفيذه خلال يوم واحد

ثامنا : لو استمر هذا الأمر سنقوم برفع دعوى قضائية لأن هذا القرار مخالف لكل القوانين العالمية على عكس ما هو مذكور بصفحة الاستخدام العادل الخاصة بجميع شركات الانترنت في مصر .

46 comments:

TAFATEFO said...

شفت حدود الإستخدام العادل اللي حاطاها فودافون؟؟

حاطه للـ 1 ميجا 100 جيجا بايت .. أعتقد ان ده مناسب

كان رأيي ان يتم الضغط لزيادة السعة .. ولتكن 65% من الحد الأقصى حسبما ينص القرار .. أو على الأقل المساواة بحدود فودافون .. والمطالبة برفع السرعة لمن يتعدى حد الإستخدام العادل إلى نسبة من السرعة الأصلية مش لسرعة ثابتة

أعتقد ان القرار صعب يلغى .. لكن ممكن الضغط لتغيير الحدود الجاشرة اللي أقرتها شركات تي اي داتا و لينك

TAFATEFO said...

أقصد تعديل السعة لتصبح 65% من قدرة التحميل القصوى وليس الحدود التي نص عليها القرار

احمد ماهر said...

مهما عملنا دى حكومة بت مت (اكمل بنفسك
لو هى اصرت تعمل القرار ده مش هيمها حد
بس فى سؤال محيرنى
هى الحكومة ليه غلسة ؟؟؟

Anonymous said...

تحياتى يا دكتور

جميل.. ولكن العمل الموحد ضرورة وحتى الآن فى الفيس بوك العمل مشتت بدرجة رهيبة..
التهديد بفسخ التعاقدات بتاريخ 1/9/2009م ضرورة وليست رفاهية

عمل توكيلات بإمضاءات تتم فى الديسكشن بورد ضرورة يتم بموجبها لفرد أو اثنين أن يمثلو الموقعين فى الظهور التليفزيونى والتحدث باسم 20 ألف مشترك مثلا...
أعتقد ان عمل كهذا سيثير قلق شركات الانترنت وستجعل بينها وبين المصرية للاتصالات مساحة من المراجعة والمناوشة " بالبلدى هتخرب العلاقة بينهم"...

العمل ليس فسادا فقط ونصب وسرقة ولكنه عمل سياسى ولعبة حقيرة كما أرى بهدف تشتيت التجمعات الشبابية على الانترنت كمدونين وناشطين و جروبات فيس بوك...قبل انتخابات 2010 التشريعية و2011 الرئاسية0
مع الانترنت الجديد قابلنى لو حد عرف يبعت يتصفح جروبين تلاتة...

بالنسبة للحكومة الفركيشة دى مطلوبة قبل الانتخابات فى 2010 و 2011

تحياتى
عمرو

Anonymous said...

آه نسيت
دكتور لو سمحت عاوزين بانر او صورة موحدة وبسرعة لوضعها فى المدونات والفيس بوك...
طبعا ده دور سيادتك0

الله يخرب بيتهم مش عارف هندور على مشكلة هبة نجيب ولا الانترنت التايوانى ده ولا قش ارز اللى داخلين على حرقه كمان أسبوعين..0

عمرو فكرى said...

بسيطة
تهديدات بالايميل لتى اى داتا ولينك واى ام باننا كلنا هانحول لفودافون

safa7_karmooz said...

حسبى الله ونعم الوكيل

على فكرة اعرف ناس كتير فى فودافون وكلهم قالوا ان مافيش اى بيانات نزلتلهم انهم يلغوا اى عروض مجانية او اى حاجه

وبالنسبة لليمت اللى معمول 100 جيجا ده من زمان وانا مجربها...بس مش بيعكوا زى العك ده

يعنى انا كل شغلى على النت ...اشتغل ساعتين مثلا ...وباقى الاسبوع ااقمر عيش ولا اعمل ايه يعنى

adel said...

الناس دي بتستعبط و ربنا
35 جيجا ايه في الشهر
انا ممكن اخلصهم في 3 ايام
واساسا مش قانوني هو سرقة و السلام

دي ناس تجيب القلب و الضغط
:(:(:(

وينكى said...

بش هاخبي عليك
انا مش فاهمه أغلب الكلام اللى انت بتحكى فيه
بس انا مستفزة جدا من موضوع زيادة السعر والنصب العلني
بس تفتكر الوضع ده ممكن يتعدل
عموما انا هحاول اعمل اللى ممكن اقدر اعمله

Anonymous said...

أستاذ أشرف ..

لو الصور دي بتاعة حضرتك ، هل ينفع أحصل على نسخة منها بس بعلامة مائية؟

عشان حقوق النشر والتوزيع بس :P

Anonymous said...

احلف بسماها وبترابها .. احلف بدروبها وابوبها ..

وربنا مافهمت كلمه من كل الي مكتوب ده

انا قريت الكلام مرتين وتلاته ومفهمتش بردو ..

بس انا معاك يا اشرف !ـ

هآله

المعلم محمد صاحب المطعم - طعمية سخنة said...

حاجة مش جديدة يا دكتور اشرف
قالك نشوف ايه ممكن نعكنن بيه علي الشباب و يطلع لينا فلوس
قالك نشوف النت متنفس الشباب العاطل و اللي شغال

عادي انا مستعد لمظاهرة بجد

FlashPack said...

شئ محبط جداً

أشرف حمدي said...

انا ملاحظ ردود كتير بتقول مش فاهمين
ده بالظبط الي بتكلم فيه ، الحكومة دي بتستغل إن ناس كتير قوي مش فاهمة ، بس هي فاكرة إن كل الناس مش فاهمة ودي المصيبة اللي حتحل على دماغ الحكومة دي
اننا فاهمين
وبنفهم الي مش فاهمين

ححاول اشرح الموضوع ببساطة شديدة
دلوقتي انت مشترك في خدمة الانترنت ، عندك خط سرعته
512
مثلا ، المفروض انك مشترك في الباقة الغير محدودة يعني تقعد ليل نهار ع النت براحتك ، دلوقتي الباقات كلها بقت محدودة
يعني بعد ما تستهلك خمسة وعشرين جيجا النت يا إما تقل سرعته جدا ويبقى بطيء جدا جدا يا إما تدفع فلوس زيادة

يعني ايه انت بتستهلك نت ؟
يعني الصفحة الي قدامكم دي مثلا ، بمجرد ما تفتحها تحسب مثلا خمسين كيلو بايت ، فتحت موقع تقيل تحسب 200 كيلو بايت ، شغلت فيديو على اليوتيوب تحسب خمسة ستة أو حتى عشرين ميجا بايت ، سمعت أغنية آدي اربعة ميجا طاروا وهكذا
لو وصلت لخمسة وعشرين جيجا قبل آخر الشهر يبقى انت ما التزمتش بساسة الاستخدام العادل
وتتعاقب

اللي حيقول خمسة وعشرين جيجا كتير حقوله تعالى اتفضل شوف استهلاكي العادي كام وانا على خط لوحدي ومش بعمل داون لوود غير عند الضرورة فقط
مجرد بشوف فيديو على اليوتيوب على كام مجلة وكتاب وكام موقع بتصفحهم وكام برنامج بعمل لها أب ديت

اللي مش فاهم تاني يقوللي بدون أي كسوف وانا تحت أمره أشرح تاني وتالت ورابع بجد مش بتريق ولا بهرج

انا عاوز الناس كلها تعرف وتعمل حاجة

أشرف حمدي said...

بالنسبة للصور
فيه صورة منهم من على منتدى
والباقي ممكن أبعته بحجم أكبر ومش لازم علامة مائية
انا مستغني عن حقوق الملكية ، حقوق ايه بس دلوقتي ، اتفضلوا الصور تحت أمركم بس نعمل حاجة
حقوق الملكية للكاريكاتير فقط بالنسبة لي
خالص حبي واحترامي

بت خيخة وأي كلام said...

يا اشرف الموضوع خطير جدا

انا الاول ماكنتش فاهمة لما عمرو فكرى سابلى عنوان

ولما سابلى لينك للموضوع بتاعك وقعدت اقرا
فهمت

الفترة اللى فاتت لما جوزى كان بيدفع الاشتراك عن طريق النت
كان بيقعد يستغرب ويقولى هو انتى حملتى حاجات كتير الشهر ده
اقوله لأ العادى يعنى
بيقولى الطبيع ندفع خمسة وتسعين
انا مش عارف ليه بيقولوا ان علينا 100 وشوية

ودفعنا عادى معتقدين ان انا اللى زودت فى تحميل ملفات
رغم ان انا ولا بحمل افلام ولا نيلة


دلوقتى لما قريت الموضوع
حسيت اد ايه اننا كنا بنضرب على قفانا
وبيسرقونا وبيستهبلونا

الموضوع بتاعك هايخلينى اول ما النهار ما يطلع هاتصل بأبو ابنى واقوله انا مظلومة
انا بستخدم النت عادى وان هما اللى بيسرقونا


انا رغم ان الانترنت زى ما انت وصفته المتنفس الوحيد للبنى ادم

الا انى ممكن اعمل مقاطعة و وانهى الخدمة
ولا تفرق معايا

بس المقاطعة علشان تبقى محسوسة وتجيب فايدة
لازم نبقى كتييييييييير جدا


ياريت تعملنا بانر او صورة تشير لموضوع السرقة ده
ونحطه كلنا عندنا على المدونات بتاعتنا


وانا هاعمل لينك عندى لموضوع بتاعك ده
علشان الناس تفهم الحكاية


رغم ان الموضوع مش مرعب

بس صدقنى اترعبت

لما تحس انك بتتسرق من غير ما تحس


هى الحكومة بتكره شعبها اوى كدة

هو احنا للدرجادى شعب وحش


هما بيعملوا فينا كدة ليه

شكرا على البوست الى بينورنا ده وبيخلينا نفهم اللى احنا مش فاهمينه



اول مرة ادخل عندك
اسلوبك ممتاز فى الكتابة


سلام
اختك خيخة

بت خيخة وأي كلام said...

اشرف معلش هاخرج برة موضوع البوست

بما انى اول مرة ادخل عندك فلاقيتك كاتب انك بتعالج اسنان البنى ادمين


ده بجد يعنى ولا تهريج؟

اصل انا بقالى فترة محتاجة اروح لدكتور اسنان

فلو انت دكتور اسنان فعلا

يبقى ياريت تدينى عنوان عيادتك وتقولى الكشف بكام علشان لو طلعت غالى مش هاروحلك وهاشوفلى اى مستوصف



سلام
اختك خيخة

أشرف حمدي said...

للأسف انا طبيب أسنان بالفعل
بس ماعنديش عيادة وحاليا ما بشتغلش في طب الأسنان وركزت في الكاريكاتير والرسوم المتحركة
ممكن أرشحلك حد كويس من أساتذتي أو زملائي
ابعتيلي التفاصيل على الميل
dr.ashrafhamdi@gmail.com
تحياتي

اسماعيل محمد said...

كتبت موضوعين عن المشكلة في مدونتي ، واكتشفت موضوعك دلوقت حالا ، وقمت بالتنويه له في آخر تدوينة تتعلق بكارثة السياسة الجديدة الجائرة .

ولك أن تعلم يا دكتور أن شركة لينك دوت نت أعلنت انه لن يتم إحتساب أي إستهلاك عند تصفح مجموعة مواقع تملكها هي ، تخيل المهزلة !

أرجو أن تنه عن هذا كذلك في تدوينتك أو في تدوينة جديدة ، وأتمنى أن تدعمنا بمجموعة رسوم كاركتورية

Amy said...

لفيت لفة عالنت لقيت احباط وهمي
اول حاجة ان سياسة الاستخدام العادل دي بتطبق علي خدمات انترنت القمر الصناعي. و اكيد دا طبيعي لانها في الاصل خدمة غالية
ثانيا القرار اللوذعي في مصر قرر انه بيخفضلك سرعتك الي 128 لما تتعدي حد التحميل المسموح لك بيه. و دي افتكاسة جميلة منهم بصراحة لاني لما دورت ما لقتش شركة واحدة بتعملها اللهم بعض الشركات الي بتخفض سرعتك وقت الذروة بس مش طول الايام الباقية من الشهر
ثالث حاجة و هي الاختيار. دول العالم اللي بيتطبق فيها الاستخدام العادل بتديلك فرصة انك تختار الخدمة دي او الخدمة الغير محددة
رابعا: دول اوروبا كلها ارخص مننا الفين مرة. ايطاليا بيدفعوا فيها عشرين يورو في الشهر علي سرعة 20 ميجا واححسب انت فرق الدخل بين هنا و هناك، دا عير ان الطلاينة بيشوفوا ان سعر النت عندهم سرقة. بلاش ايطاليا خلينا في الكويت اهم حتي اقرب. الكويت الاشتراك فيها شهريا ب 170 جنيه لسرعة 512 و مفتوح. بلاش الكويت خلينا في الدول الفقيرة الي زينا. باكستان مفيش فيها سرعة اقل من 1 ميجا و تكلفتها الشهرية 60 جنيه مصري و تحديدا 900 روبية.
جتنا نيلة في حظنا الهباب
اؤيدك تماما اننا نرفع قضية عالناس دي

مولتو said...

بسم الله الرحمن الرحيم سلام قول من رب رحيم نت ايه المحدود اللى بتقولوا عليه ده تفوا من بئكوا ، ما الحكاية دى موجودة من زمان يادكتور اشرف وكان بتوع تى زفت كل ماكلمهم يقولولى السياسة دى متطبقة بس على السرعات من اربعة وانت طالع لحد 24
ايه اللى جد تانى بس ، ؟ وبعدين اقولك على كايس ستادى خاص بى انا شايل شبكة من 10 بنى ادمين ، هما الحقيقة مش بنى ادمين هما حيتان نت بسرعة 2 ميجا طبعا دول مسمعوش عن ان النت فيه حاجات تانية غير الداونلود اسمها تصفح مثلا وخلافه اعمل معاهم انا اييييييه بقى لو القرار ده اتطبق فعلا ؟ عندى حلين
ياما الغى الشبكة خالص نهائى وبكده نجح سيادة معالى فخامة الوزير فى خرب بيوتنا بقراره الرشيد
ياما نستحمل ان السرعة تنزل علينا احنا العشرة ل 256 وده خبل وجنون وعته محدش يقدر يناقشنى فيه
ببساطة وده لانى مش مستعد ادفع من جيبى 400 ج كل شهر
كزيادة استخدام بحد ادنى 40 ج لانى ساعتها مش هعرف مين اللى حمل عشان احاسبه ، يلا بلاقرف شكلى هالغيه وارتاح
اسف طولت

Anonymous said...

سلام عليكم
أنا في السعودية و كان لي تعليق علي مسالة إن خدمة الإنترنت في مصر أسعارها أعلي ما يكون في العالم

من خلال إشتراكي للإنترنت هنا أحب أقلك الإنترنت عندك أقل بكثيررر

راجع الرابط دا
http://www.stc.com.sa/cws/portal/ar/individual/ind-alhatif/ind-alh-discover/ind-alh-disc-intathom/ind-alh-disc-intathom-dslshm

دا غير إن مستوي و جودة الخدمة هنا سيئة دا غير إن خدمة العملاء و لأنهم سعوديين فمش عارفين حاجه في أي حاجه يعني عشان تحل مشكلة بتواجهك محتاج لك وقت عشان يستوعبوها

لكن أسهل شئ عندهم يبعت لك فني يفحص الخط
دا مش شئ رائع قوي يعني لأن في مشاكل كثيرر جدا تتحل في ثانية لكن لأنهم أي خدمة العملاء مش عارفين او مش فاهمين فبيستسهل و يبعت لك الفني و دا بيجيلك تاني يوم

أشرف حمدي said...

مولتو
انا مش قادر أكمل قرائة تعليقك ، اعذرني فيه أخطاء كتير قوي
أولا السياسة دي جديدة متطبقة من يوم خمسة اغسطس
ثانيا السياسة ده اتطبقت على كل السرعات بما فيها سرعة
512
ثالثا الشبكة اللي عندك كلها يومين وتقل السرعة إلى
128
يعني ماحدش حيعرف يفتح صفحة جوجل اساسا
رابعا لو اتبطقت سياسة الجيجا بعشرة جنيه في الحالة دي حتلاقي نفسك بتدفع أكتر من ثلاثة آلاف جنيه
تحياتي وأرجو ما أكنش ازعجتك بتعليقي

أشرف حمدي said...

الأخ اللي عايش في السعودية
مين قال إن مافيش نصب وسرقة في السعودية ؟ انت بتستشهد بإيه ؟ ماتتكلم عن كندا وأمريكا وأوروبا
بلاش
اتكلم عن باكستان يا سيدي
شوف الأسعار في باكستان إزاي
حاجة تانية مهمة
لما تحسب السعر احسبه بالنسبة لمتوسط الدخل في البلد
شوف المصري هنا عشان يدفع 100 جنيه في الشهر بيعمل ايه
ده بيتسحل بيهم

مولتو said...

ده انا اللى اسف يادكتور واتمنى انى مكنش بزعجك بتعليقاتى الطويلة المتكررة بس ...
اولا / الموضوع قديييييييم جدا وكانوا بيغنوا عليه من يجى 8 شهور او اكتر وده سبب انى حولت من تى داتا لفودافون لانى كنت عايز اجيب سرعة 4 ميجا وقالولى محدود ب 200 جيجا
ثانيا / الجديد فى الموضوع بقى واللى عندك حق هنا فيه هو انهم طبقوها على كل السرعات بس لو لاحظت فودافون هى افضل شركة يعنى بتديك 150 جيجا استخدام رشيد ودى اعلى نسبة الصراحة
ثالثا / الشبكة اللى عندى فعلا كلها يومين وتقل السرعة ل 256 وليس 128 لان فودافون مش بتنصب وتعد عليك الجيجا بعشرة لا والكلام ده من موقعهم والصبح
هكلم خدمة العملا اتاكد تانى
رابعا / ولايهمك انا مش زعلان ولا متضايق ولا حاجة بس مستغرب من الحالة العامة والاخطاء اللى وقعتنى فيها وانا مسئول شبكة كبير يعنى مش هتفوتنى حاجة لامؤاخذة ، المهم هل تعتقد ان الحملات دى هتنجح ؟ لو عايز اجابتى ؟ ماظنش .. النتيجة نبتدى ناقلم نفسنا
تحياتى

مولتو said...

نسيت اعمل العملية الحسابية البسيطة دى عشان تستفيدوا
تى اى داتا بتديك 40 جيجا شهريا استخدام عادل لسرعة واحد ميجا ام 140جنيه غير ايجار الراوتر لو معندكش
المهم عشان نحسب السرعة القصوى للخط ده وهى افتراض انك ستقوم بالتحميل 24 ساعة فى اليوم / 30 يوم بالشهر
اذا عدد الجيجات القصوى للتحميل على هذا الخط = 86.400 × 30 × 110 = 285 مليون كيلو بايت شهريا يعنى 278 الف ميجا يعنى بالبلدى الخط ده فى سرعته القصوى يديك 200 تيرا بالشهر على اعتبار سرعة تحميل ثابتة هى 110 والاصل للسرعة دى 128 كيلو بايت داونلود اساسا
طب بسلامتهم بقى هيدوك كاااااام 40
جيجا فقط
احسبها انت بقى على عدد ساعات قعادك على النت وشوف انت هتاخد ايه وهما هيدوك ايه والخط لو فرى ممكن تعمل بيه ايه شوف قوة الميجا بس ربنا يصبرنا

أشرف حمدي said...

مولتو
شكرا على تعليقاتك واهتمامك
بس انت تقصد 200 جيجا مش 200 تيرا طبعا
جيجا يا باشا

أشرف حمدي said...

ولو طبقنا قانون الـ 65 في المية يبقى أكيد من حقك 130 جيجا تحميل بدون خرق سياسة الاستخدام العادل

أشرف حمدي said...

شوف انت بقى الفرق بين 130 جيجا ويمكن اكتر كمان لو حسبناها بدقة أكبر ، وبين الـ 40 جيجا اللي بتاخدهم
يا فرحتي
الـ 40 دول يخلصوا في كام يوم ، طب وباقي الشهر ؟
كأني قاعد على مودم ؟

مولتو said...

اسف 278 جيجا سرعة قصوى للخط وليس 200 تيرا
المهم اللى هتاخدوه فى تى داتا اقل من 65 % من قوة استخدام الخط بكثير يبقى خليكوا مع فودافون بتدى 100 جيجا
للخط ده يعنى تقريبا 36 % ههههه

تحياتى لك اشرف حمدى واشكرك على صبرك على تعليقاتى

George said...

انا جالي احبااااااط :(((

Anonymous said...

دكتور أشرف
كلامك في محله
لكن حضرتك عممت و قلت الخدمة في مصر أعلي ما يكون في العالم

فانا حبيت أنقل لك معلومة من واقع وجودي في البلد دي

الازهرى said...

بصراحه
أول مره ألاقى معلومات كافيه عن الموضوع

وأنا معاكم بإذن الله فى اى حاجه تنووا تعملوها

وعلى فكرة أحب اقول لك إنك غلبان وانى دماغى طقه اكتر من كده بكتير
واسأل العباسيه عنى
يعنى معاك ولو فكرت تنسف الهرم

Marwa Rakha said...

http://globalvoicesonline.org/2009/08/09/egypt-adverse-reactions-to-te-data-fair-usage-policy/

......ولاء said...

الحق يا دكتور
بتصل ب 155 عشان أسألهم يحبوا أخبط دماغي ف انهي حيطه ؟؟
قالولي كل الموظفين مشغولين بعملاء تانين - طبعاً بيشتكوا هما كمان - المهم قالولي حتنتطر 16 دقيقه
نــــــــــــعم
هو أنا معايا أدفع كهربا لما تبقى كهربا وتليفونات
قفلت
ممكن تشتكيلي من عندك .. ربنا يخليك للولايا اللي زيي- وغلاوة عيالك يا فندم - الله يخلهوملك:))))

أشرف حمدي said...

الأزهري
تمام يا باشا ، بلاش بلاش كلمة تفجيرات ليفتكرونا ارهابيين :) ههههه
والله بضحك من غلبي ومن اللي بشوفه من بلد العجائب دي
تصدق أنا فيه أماكن حظرة نشر كاريكاتيري عن الموضوع ده عشان مصلحتهم الشخصية ؟

ولاء
على فكرة موضوع الربع ساعة ده معروف قوي ، كذا حد اشتمى من الانتظار الربع ساعة ده

أشرف حمدي said...

شكر خاص للأستاذة مروة رخا على ترجمة جزء من التدوينة
خالص حبي واحترامي وتقديري وشاكر لك مساهمتك الإيجابية كعادتك دائما

أشرف حمدي said...

شكر خاص للأستاذة مروة رخا على ترجمة جزء من التدوينة
خالص حبي واحترامي وتقديري وشاكر لك مساهمتك الإيجابية كعادتك دائما

المتبهـدلـون فـي الأرض said...

أنا طالب في طب أسنان

..!!؟

أشرف حمدي said...

تقصد تسأل : إنت طالب في طب أسنان ؟؟؟
ولا بتقوللي إنك في طب أسنان
عموما انا طبيب أسنان خريج 2005

المتبهـدلـون فـي الأرض said...

لا ..انا عارف إن حضرتك داكتوور أسنان قد الكونترا

بس أنا بقول إني انا في طب أسنان ؟؟

ستيته حسب الله الحمش said...

السلام عليكم
باستئذنك في الكاريكاتير اللي ناشره على مصراوي وانا قرأت انك سامح بس برضه الأدب الشعبي فضلوه على قلة الأدب الحكومي

أشرف حمدي said...

طبعا يا باشا اتفضل الكاريكاتير وشكرا ليك على رسالتك

ঔღঔ نـــوارة ঔღঔ said...

ألف شكرر عالتوضيح

كنت هموت وافهم شو الي بيحصل عندكم

واستغربت كتير بس 25 جيجا بالشهر

دا ظلم والله
ربنا يقويكم عليهم

واعتقد صعب يلغوا القرار لكن اضغطوا عليهم يمكن يزودوا السرعة ويعطوكم حقكم الطبيعي

بالتوفيق ان شاء الله

Anonymous said...

يا جماعة خلينا عامليين شوية عايزن كام محامي شاطر من عندنا يلم نبعتله عقودنا مع شركات خدمات الانترنت ونعمله توكيل ويرفعنا قضية علي الشركات دي فوراً لانها اخلت بما تعاقدنا به معها من قبل مما الحق الضرر بنا ياريت ياريت يا جماعه بجد نرفع مجموعة قواضى علي كل من السيد المهندس / وزير الاتصالات بصفته وشخصة
وشركات تزويد خدمة الانترنت فى مصر

Anonymous said...

من الآخر وباختصار شديد
الموضوع مفهوش جديد
حكومتنا حكومة حرامية
وكل يوم السرقة تزيد

بيقولوا استخدام عادل
ودة ظلم ومحدش سائل
لما يسرقوا كمان في النت
طب قولي ايه بس فاضل

شهادات ملهاش لازمة وعادي
وبطالة وفي كل بلادي
واحنا ساكتين ومش نافع
بس مش نسكت المرة دي

دي نظافة ايه قولي يا نظيف
لا شغلة نظيفة ولا حتى رغيف
وحتى النت عايزين تلغوه
ما تقولها صريحة وبلاش تزييف

العدل ملوش دعوة بيكو
دي شرقة ودة عادي منيكو
والحكاية كلها اتفاقات
بزنس واحنا رحنا بنيكو

لو راجل هات دولة واحدة
على انفاس شبابها قاعدة
وعاملة قرار زي قراركو
وبتدمر زهراتها الواعدة

العدل فين في كل الحوار
لما ممكن ادفع واختار
اني اعمل اللي انا عايزه
واللي ميدفعش نضربه بالنار

من الآخر حقول من غير حوارات
بفلوسنا دول عبوا الشوالات
ولو احنا فضنا كدة ساكتين
يبقى اللي حيجي اوسخ من اللي فات

اصحوا يا مصريين

محمد سليمان
http://www.arab-mt.com

Counter