سِبت الميدان

سِبت الميدان ورجعت .. وتعبت م الهتافات .. صوت الهتاف إتخنق .. مافضلش غير بحّة ..

والدم لما نِشف لونه على الطُرقات .. نِزْلِت دموع الناس لجل ما تمسحها

مات اللي مات وخلاص .. وماعدش بيهمّنا .. نهبوا فلوس البلد .. طب مين يرجعها ؟

قالك بقى كفاية .. نرجع نشوف شغلنا .. "آن الأوان نشتغل ، واللقمة نطفحها"

طب عجلة التنمية .. نايمة من الأول  .. قالك بقى حِكْمِتُه .. بُكره نصلحها

.. عاوزين بقى استقرار مهما الحساب طوّل ..
مش يبقى حقي أنفجر؟ وأشخر وأقول (***) ؟؟؟