Total Pageviews

Tuesday, January 30, 2007

الحب برائحة المعسّل

بالرغم من كوني أقدر الشيشة تقديرا عظيما , وبالرغم من مكانتها الرفيعة عندي كوسيلة للتنفيس عن الغضب والقرف والظلم والاستبداد والاستعباد بدلا من قتل رئيسي في العمل أو تفجير نفسي في أوتوبيس أو حتى هتافي لكلمة كفاية .
وبالرغم من إيماني الكامل بحرية المرأة حتى وان تمثل ذلك بشد أنفاس
معسل التفاح أو حتى السلوم أو الزغلول أو القص , إلا أنني لم استطع مقاومة رغبتي بنشر هذه الصورة التي التقطها خلسة علي مقهاي المفضل .
كما ترون فهم اثنين حبيبة موديل 2007
شاب يضع بجانبه علبة السجائر وفتاة مشيشتية يبدو أنها متسلطنة قوي علي مقهى من المفترض أنه مخصص للرجال فقط ونازلين في بعض حب وهيام .
هل هذه رومانسية هذا العصر ؟
التعليق لكم
...

15 comments:

chaos said...

الناس عايزه تمشي علي الموضه و اهي انفاس داخله خارجه بدل ما تبقي من غير طعم نخليها بطعم و ان كان حبيبك معسل يبقي يستاهل الحرق ها ها ها

Anonymous said...

واية يعنى انا وخطيبى بنشيش ونشرب سجاير سوا


خلينا بقى نعيش على طبيعتنا اة غلط واية اللى صح يعنى مش مهم

حرام
طب ماحنا بنكدب والكداب حرام
نحقد الحقد حرام

ماجتش على دى يعنى

تحية الشيشة

أشرف حمدي said...

مبروك الخطوبة
الفرح في انهي غرزة انشاء الله ؟

انا لم أقل حرام , أنا لست مفتيا علاوة علي أنني اصلا أشرب الشيشة

أنا اتحدث عن رومانسية المعسل
حب في المقهى
مشاعر الدخان

ايه الي جرى في الدنيا يا جدعان ؟

Anonymous said...

عندك حق يادوكتور أشرف أحنا الحياة عندنا بقيت خنقة حتي الحب أصبح يخنق أنا لا بشرب سجاير ولا شيشة هل أنفع أخطب في الزمن كله بنات معسلتية مش ه أقول أتجوز مشيهاخطوبة دلوقتي أتمنا أكون حظي أحسن من الشاب ده

أحمد المصري said...

ربنا يهديهم ..ويهديك انت كمان ..ماتفش غلك في الرسم أحسن..أهه حاجة فيها فايدة ..ولا إيه ..تحياتي لك ولمدونتك الجميلة 00
والسلام عليكم0

FemTo said...

ههههههه
رومناسية الشيشة بتخلى الحب عالى فى الدماغ

ربنا يكرمهم بكبسة

Anonymous said...

في خلل قيمي البلد غرقانه فيه..
وفرحتك بالمشهد إلي نقلته كاميرا الموبايل الخاص بك دليل على كده..

سيبك من كون الشيشة حرام ولا حلال..ده مش موضوعنا..

كلامك بيفكرني بمشهد من فيلم ..مش فاكر اسمه إيه..بيدور في دنيا المدمنيين..والمشهد كان الابطال بيوصفو فيه احساسهم بنشوة الماكس والهيرويين والكوكايين ..!!

ده التعريف بالمدونة بيتكلم عن الشيشو وكأنها خطيبتك ولا بنتك الصغيرة...

إصلاح إيه إلي إنت بتتكلم عليه !!

واحـــد مـــــن الـنـــاس said...

انا شفت مناظر من دي كتير في الحسين
معظمهم خلييجيين
بس اول مرة اشوف مصرييين بيعملو كده

هوا الشعب المصري دهو اللي @%@@
:)

أشرف حمدي said...

محمد مصطفى
أولا أنا مش فرحان بالمشهد ولا حاجة , من الواضح جدا إني مستنكره , ياريت تقرأ البوست بعناية

ثانيا دي مش كاميرا موبايل :)
دي كاميرا
Benq DC C500 5 mega pixel
وجايبها مخصوص عشان عملي الصحفي

ثالثا:
اسمها الشيشة وليست الشيشو
:)))

تحياتي

Anonymous said...

مبروك الكميرا ياعم الحاج عقبال متجيب التلاجة والغسالة والبوتجاز
هههههههههههههه

أشرف حمدي said...

جبتهم يا فالح
الا بالحق , هما خصخصوك ولا لسة ؟
ههههههههههه

Haitham Abu Akrab said...

اخيرا لاقيت لك فايده من دخان الشيشه يا اشروف
بس بيني وبينك

مفهاش حاجه كل واحد جايب كيفه معاه
بما ان الحب مبقاش كيف اليومين دول

تحيه ل بينكيو
الي خلتك خدت المشهد
وحلال فيها ال
800
جنيه

Anonymous said...

الحب ممكن يتوجد فى اى مكان يا أشروف
حتى لو كان على جناح طياره هليوكوبتر فى الجو(دالو كان ليها جناح من أصله)..خليك كول ياراجل
الحب مالوش مكان

أشرف حمدي said...

أنا متأكد من ده يا وينكي
الحب ممكن يتوجد حتى أثناء المجاعات والحروب
انما انا بقصد أعبر عن صورة لحبيبة هذا الزمن
أنا لا أتكلم باعتباري عشت في زمن أم كلثوم فأنا طبعا شاب من الجيل الجديد الصغير بس بندهش من صورة الحب في زمني
يا ترى ابني لما يحب حيحب فين اذا كنا دلوقتي بنحب علي القهاوي ؟
!!!

إبـراهيم ... said...

طيب ، أنا كنت كتبت رد ، وطار !!!!

كنت قايل فيه أولاً اسمح لي أهني نفسي على المرور هنا ، ثانيًا أتفق معاك إن دي مش صورة اثنين بيحبوا بعض أصلاً ، دي صورة اثنين لا مؤاخـــذة ............



بلاااااش بقى عشان دي أول زيارة ليـا برضك



كنت بقول برضه إني بحب الكاريكاتير جد(ن) ، وخاااااصة الكاريكاتير الحلو




وسعيد ، ومحمد ، وعلي و، وحسين ... إني عديت من هنا



تحيااااااااااااااتي

Counter