Total Pageviews

Sunday, September 09, 2007

الشيخ محمد سامي


لا أقصد مهاجمة الفنان محمد سامي الذي طالما أسعدنا برسومه الرائعة والمتميزة للغاية كواحد ممن أجادوا رسم الكارتون علي نحو جدير بالاحترام وبحرفية عالية لا غبار عليها .
ولكنه ما إن يتناول الدين في كاريكاتوراته ، حتى يظهر لنا جانبا غريبا من شخصيته يمكنني أن أصفه بالتطرف وأنا مرتاح البال .
في البداية دعوني استعرض بعض أعماله وأعلق عليها .


في هذا الرسم ( والذي لا يمكن وصفه بالكاريكاتور لأسباب سأشرحها لاحقا ) يري محمد سامي أن خروج البنت مع خطيبها أشبه بكونه يلف بيها في كل حتة كأنها بتاعته ، وهو تشويه يستخدمه محمد سامي كثيرا مع العديد من الأمور الحياتية مثل الحب الذي يراه محمد سامي قلة أدب وانحلال ، وخروج البنت مع خطيبها والذي وصفه في إحدى رسومه بسحب الشاب لفتاته من رقبتها بواسطة حبل كالمعزة والأب الذي يسمح بالاختلاط يراه محمد سامي وكأنه قواد وهكذا .

تشبيه الفتاة التي تخرج مع خطيبها كالمعزة .. أي تشويه هذا ؟

في رسم آخر ارتكب محمد سامي جريمة فنية بوضع شرائط سوداء علي أجزاء من جسد امرأة وهو أسوأ ما يمكن فعله في رسم كارتوني ، وقد زاد الطينة بلّة لأن الخيال دائما يجسد صورا أبعد من البذاءة نفسها
لا أدرى ما الذي يحاول محمد سامي أن يخفيه هنا ؟
لقد عبث بخيال القاري علي نحو غريب بالفعل

استكمالا لأسلوب محمد سامي في تنفيذ دور الرقيب علي رسومه وحجب أجزاء منها بالشريط الأسود
.
كما أنه يرسم الفتيات جميعا بلا أثداء أو حتى أدنى بروز من أسفل الملابس للدلالة علي وجودها وكأنها مصيبة وبلوة يجب قطعها تماما وحرقها في النار !
يذكرني هذا بشعبان عبد الرحيم في فيلم مواطن ومخبر وحرامي حينما قام بتحجيب تمثال فينوس .
أو بتلك الفنانة التي تحجبت واستمرت في التمثيل وحينما سألوها كيف ستقومين بدور كليوباترا علي سبيل المثال قالت سوف أؤديه بالحجاب !

ما الذي يحاول أن يقوله محمد سامي هنا ؟
هل كل من ترقص في فرحها عاهرة مثلا ؟
كما أن ربط الرسم بعبارة " قالوا وجدنا آبائنا كذلك يفعلون " يوحي بأن ما يحدث في الرسم نوع من عبادة الأصنام


هذه الفتاة علي حل شعرها من وجهه نظر الرسام لأنها تخرج مع شيرين ورانيا ويمكن تقابل هشام وهاني وهيثم
منطق غريب لا أفهمه .. وكأنه قد أصبح محتوما اذا تقابل بعض الأصدقاء أن يكون ذلك علي فراش مثلا

تعقيبي الأخير هو أن الكاريكاتير أسمي من أن يتحول إلى أداة يروج بها أفكارا ذات طابع أقرب إلى التطرف .
الكاريكاتير ليس مقالا .. ولا يحتاج إلى تعليق من عشرة أسطر . كما أنه لا يحتاج إلى تعقيب أسفل الرسم من عدة أسطر لشرح وجهة نظر الفنان وربط الرسم بآيات من القرآن وأحاديث تظهر احيانا في غير معناها ، ربما يتفق البعض مع أفكار محمد سامي أو رسومه ، ولكن ما أحب أن أؤكده أنا أن هذا ليس كاريكاتير

وما أحب تأكيده أيضا نظرا لعقول البعض التي ترى الدنيا بمنظور سطحي
محمد سامي أختلف معه فكريا
أما من الناحية الفنية فأعتقد أن كلمة بارع هي أقل ما توصف به تقنياته الفنية
...
إذا كان لي أن أقيمها

29 comments:

Ehab said...

الصراحه الرسومات دي باشوفها من خمس سنين تقريبا .... الناس بتوع الاخوان في الكليه دايما بيحطوها في ملازم الامتحانات
في بعض الرسوم مواضعيها فعلا حلوه
اما الرسوم اللي محطوطه عندك دي فانا معاك
خصوصا موضوع الشرايط ... اصلا كونك لما بتخبي الحاجه بيبان كأن كان ورتها منظر فعلا قبيح

عبد الرحمن أبو بكر said...

د.أشرف ماتريكس

يعني شوف الريل ورلد علي حق
وانا قصدي هنا عالم الكاريكاتير
انا معاك انت محمد سامي
كا تيكنك رسام كاريكاتير تقيل
اما بالنسبة للأفكار فا انا عايز اوضحلك جزئية انت ممكن تكون عارفها كويس محمد سامي شغلة اطلب كتير
في منطقة الرسم اللي علية تعليق
كبير ورسومات الأرشادات
وغيرها وغير انه مصمم جرافيك ورسوم
متحركة يعني عايش في موال
فهو لاقي ان شغلة في المنطقة دي عالي
فمشي علي الطريق دة انا متفق معاك انه لازم يحكم دماغة ويتعبها في ايجاد فكرة جامدة
ومايستسهلش في الفكرة ويركز علي الناحية الفنية وبس
عشان ما يقعش في اخطاء يلام
عليها


بوست هايل يا فنان
وهزعل منك بجد لو بطلت تزور المدونة وتكتب تعليقك علي الشغل
وهزعل منك اكتر لو استمريت في فيلم الأسف اللي انت واخد
بطولتة دة وبتكتبة في كل تعليق علي شغلي

تحياتي

المهندس السري said...

سلام
فعلا، أشاطرك الرأي يا دكتور، أحيانا يصبح الغلو في الحقيقة شيئا غير مستحب، يا ريت لو تستمر رسالة الكاريكاتير في توعية الناس دون أن تؤدي بهم إلى مغالطات بدعية و غير مرغوبة
ميرسي بزاف ع البوسط

غمض عينيك said...

كل واحد وليه تفكيره ونظرته للامور
وان كنت اتفق معاك اني في حجات ملهاش لازمة زي حكاية الشريط
الاسود اللي بيبوز الرسم اصلا
اعتقد في افكار كتير واحسن من كده ممكن يوصل بيها رايه ومن غير حتى مايرسم اي بنت في الكاريكاتير بتاعه

تحياتي ليك
محمد سمير

عاليا حليم said...

طيب بيرسم ليه ستات ؟ لما هو مخبى نصهم و بيرسم ليه اصلا ان شاء الله الى بيفكروا بالطريقة دى بيقولوا على الرسم حرام و اننا حنروح النار و نولع مع رسوماتنا يوم القيامة طيب خلاص يشفلوا شغلانة تانية حلا

أشرف حمدي said...

أولا
أعتذر عن عدم نشر تعليق
Amir
بالرغم من اهتمامي الكبير به

التعليق يتناول خلاف فبالأدلة والوصلات بين اثنين من أشهر المدونين
فقط خشيت بنشر التعليق أن تحدث مجزرة علي مدونتي بعديا عن موضوع البوست
مثل المحزرة التي حدثت علي مدونة مصرنا بخصوص جريدة الدستور

لذا احتفظت بالتعليق عندي
أرجو قبول اعتذاري

أشرف حمدي said...

Ehab
بالفعل الأخوان يهوون هذه النوعية من الرسوم التي اعتبرها اخوانية بحتة
والعجيب أن الاخوان أنفسهم يرفضون فكرة الكاريكاتير والرسم بكل صوره وقد كان هذا واضحا خلال معارضي بالكلية
أعتقد أن الفنان محمد سامي قد ورط فنه بإضفاء طابع ديني عليه

عبد الرحمن
أحيي فيك تقبلك للنقد علي هذا النحو
فقط لم أرد أن يأتي شخصا ما ويقول عني أني طالع فيها وقاعد أنقد شغل الناس
أما اذا كنت ترحب بذلك فهذا يريح ضميري
تحياتي

المهندس سري
حمدا لله ع السلامة ومرحبا بك دائما في مدونتي المتواضعة
أشكرك علي التعليق

عاليا حليم
هذا هو نفس رأيي يا عاليا
تحياتي

ياسر حسين said...

محمد سامي من الفنانين اللي ايديهم تتلف في حرير
خطوطه قوية ومعبره وألوانه ملهاش حل
محترف بعنف
ولكن لابد الا نغفل ان فن الكاريكاتير من الفنون التي تدعو إلى التفكير
بمعنى ادق ان الفكرة في الكاريكاتير هي التي تلعب دور البطولة أكثر من الرسم أحياناً
وعندما تكون افكار فنان الكاريكاتير مقيده بحدود معينة فإن هذا يضعف من قيمة العمل ككل
أنا لم ارى لمحمد سامي كاريكاتيرات خارج هذا النطاق الارشادي
لذلك يمكننا أن نقول أنه ابرز نوع جديد من الكاريكاتير وهو الكاريكاتير الارشادي
أما بالنسبة للأفكار فمنها ما هو جيد ومنها ما هو يثير الجدل مثل ما اشرت إليه من تشبيه الخطيبة بالعنزة
وفكرة وضع الشريط الأسود على الرسم فهي تشوه الرسم وتضعفه
وربما الموقع الذي ينشر عليه أعماله هو الذي يقوم بوضع هذا الشريط وليس هو

الخلاصة
الفنان محمد سامي فنان متميز في خطوطه وألوانه .. وفي بعض أفكاره

خالص تحياتي

Ahmad said...

عزيزي أشرف
طبعاً من حقك أن تتفق أو تختلف مع أفكار محمد سامي , ولك حرية قبول أو رفض اسلوبه
ولكن اعتبار أفكاره(متطرفة) والتي يتفق معه فيها شريحة كبيرة من الناس , فهذا هو التطرف بعينه
اذا كنت ترى ان رسوماته لا تعتبر كاريكاتير فما المشكلة ؟
ان قواعد الكاريكاتير ليست مقدسة أو منزلة من السماء , بل هو فن تجريبي بحت
اعتبرها شيء اخر , (لوحات توعوية) مثلاً .
وأستطيع أن أقول لك واثقا ان أعمال محمد سامي من أقوى الاعمال التي رأيتها في حياتي -وأنا متابع جيد للكاريكاتير عالمياً- تأثيراً في الناس هنا .
فمثلاً الرسمة التي رسمها من قبل لصف من الجنود يقفون بانضباط وصف من المصلين يقفون بكسل وكثرة الحركة , أنا شخصياً اتذكر هذه الرسمة كثيراً وأخجل من نفسي كلما أسرح في الصلاة :)
فكل عمل من أعماله يمثل (قرصة) أو شدة ودن لكل شخص منا .

لنأخذ مثلا لوحة العنزة , فهو يسلط فيها الضوء باسلوب ساخر على مشكلة واضحة وخطيرة عندنا وهي ترك بعض الاهالي الحبل على الغارب لخطاب بناتهم بأن يصولوا ويجولوا مع بناتهم حتى تكاد علاقتهم تفوق علاقة الازواج. ومحمد سامي لم يعمم كما ادعيت , بل قال (بعض) .
واللوحات التي بها شريط أسود (والتي أتعجب لعدم فهمك لها بالرغم من ذكائك الفني) معناها واضح , اذ وضع محمد هذا الشريط كمبالغة ساخرة ليوصل ان ما تحت هذا الشريط تتعفف منه النفس السوية . وليس ليعبث بخيال القاري .
راجع بوستك يا أشرف ستجده ملئ بالاتهامات المرسلة , فلنحاول التخلص من تعصبنا يا أشرف :) ولنتقبل أفكار الاخرين بالسعة التي نطلب منهم أن يتقبلونا بها .

Ahmed Taher
creative director
www.TaherART.com

أشرف حمدي said...

أخي العزيز أحمد
أشكرك كثرا علي التعليق
انا بالطبع متابع جيد للفنان محمد سامي منذ أكثر من سبعة سنوات
أنت تذكر موقعه العبقري
Sami Studio
وفكرته في تصميم موقع يمثل غرفته واللوحات معروضه علي الحائط
للأسف لا أدرى السبب في محو هذا التصميم الأكثر من عبقري
وقتها كان يرسم بحرية أكبر دون أن يضع الدين نصب أعينه

أرجو ألا تتهمني بالتعصب
لقد أشدت بفن محمد سامي ، وأضيف هنا انني تعلمت الكثير من رسومه
كل يكفيك هذا ؟

أنا فقط أختلف حول مبدأ الكاريكاتير الديني
أو ما اسميته أنت التوعوي

وانها وجهات نظر لا أكثر
أنا لا أؤمن بالكاريكاتير التوعوي لأنه يصبح ثقيل الظل ويتخذ طابعا تربويا غير محبب بالنسبة لي
كما اختلف تماما مع المنهج الذي يتبعه محمد سامي في القسوة علي المجتمع بهذه الطريقة التي أراها فظة

حينما يتحول رسام الكاريكاتير الي رجل دين فهذه هي المصيبة

لا أدرى لماذا يعني الاخترف في الرأي وفي نقطة محددة أنه نوعا من الهجوم والاتهامات المرسلة والتعصب كما ذكرت ؟؟؟
هو ما ينفعش نختلف ونفضل نحب بعض ونحترم بعض ؟
انا يا سيدي بحب محمد سامي جدا وبحترمة جدا بالرغم من اني عمري ما شفته
بس مختلف معاه في نقطة واحدة وهي ربط أو قل تناول الدين في الرسوم

وأنا مجرد رسام كاريكاتير ولست ناقدا
لذا فهذا مجرد رأي ووجهة نظر لا أكثر

تحياتي يا فنان

أشرف حمدي said...

بالمناسبة
الموقع بتاعك وصلني من حوالي ثلاثة أشهر
وقمت بفتحه في الشركة التي اعمل بها ليشاهده جميع المصممين

انه تحفة بكل المقاييس
وأردت أن ابلغك بانبهار الجميع هنا

سعدت كثيرا لأنني عرفتك الآن
تحياتي يا فنان

ahmed said...

شكراً يا أشرف
دي شهادة أعتز بيها والله

وانا ضفتك ايميلك عندي في الماسنجر من حوالي اربع سنوات :)
عن طريق المعلم أحمد شوقي , بس ماشفتكش اونلاين ولا مرة في حياتي هههه

وانا رأيي ان الدين زيه زي أي عاطفة أخرى , بل هو أحياناً أقوى العواطف والدوافع , من حقه يكون له المساحة الملائمة في الفن والتعبير .. وليس شرطاً ان الشخص الذي يقوم به هو قديس أو معصوم من الخطأ

وشكرا مرة أخرى عالاطراء الجميل
Ahmed Taher
creative director
www.TaherART.com

أشرف حمدي said...

ahmed
يااااه .. كمان تعرف أحمد شوقي ؟؟ المعلم الكبير ؟؟
لأ بقى ده احنا خلاص بقينا جروب واحد

سيبك بقى من اختلاف وجهات النظر وخلينا في الحكاية دي
لازم تعمل مدونة علي فكرة .
والموقع انا مش بقول عليه مجاملات ولا حاجة
ده وصلني من واحد صاحبي شغال في البرمجة وباعت يقول لي شوف المستفز ده
فعلا دخلت لقيت استفزاز غير طبيعي وحرفية انا عمري ما شفتها في الوطن العربي

تحياتي وكن علي اتصال

ahmed said...

أنا أعرف أحمد شوقي من حوالي 6 سنين
وأعرف شقيقك كمان :D
شريف عرفة

سجدة said...

والله كل فنان بيعبر عن وجهة نظره قد لا تتفق معاها
وانا قد لا اتفق معه فى الشرائط السوداء
لكن لا اختلاف معه فى وجهة من هؤلاء
فالحرية يجب ان يغلفها شريعة نعيش عليها
وفى اسلامنا لا يجوز للخاطب ان يخرج بخطيبته وحدهما واتفضل حضرتك بقراءة عن فترة الخطوبة فى الإسلام
وهو لم يقول ان كل من ترقص فى حفل زفافها عاهرة
ولكن رقص المراءة سواء كان فى زفافها او غير زفافها فى حضرة الرجال هكذا اظنه امر ليس من شريعتنا ايضا

Marwa Rakha said...

Hello Ashraf .. I enjoyed that post so much and I loved your comments on the comics. True .. some people have issues with women .. and women's bodies ... and women's lives ... and women's hair ... and women's work ...

Those people have nothing better or bigger to think of.

أشرف حمدي said...

سجدة
ليس هدفي هنا الحديث عن أمور الدين
بل علي العكس .. هذه التدوينة أقصد بها أن اعلن رفضي لربط الدين بالفن وعن نفسي اتحدث عن الكاريكاتور
ولكل وجهة نظره

Marwa Takha
انا سعيد للغاية بتعليقك عندي
مروة يا جماعة بتقدم فقرة ممتازة علي قناة أو تي في .. عن العلاقات العاطفية
أشكرك بشدة
وكوني علي اتصال
تحياتي

سعيد انحراف said...

متنسوش ان محمد سامي سرق شخصية الشيخ عبدالله المتبهل من بيسو، و سرق فكرة سجن رمضان و بيسو و المذيعة و كله

و مش عارف حيسرقني انا كمان امتى

Dr. Tantawy said...

باشا :) انا نازل حالا بس لما قريت تعليقك قلت لازم ارد عليه بسرعه كده

انا متفق معاك في حرفيه سامي فنيا
و في النفس الوقت مستغرب جدااااا من النقد العنيف على افكاره لأنها ببساطه تعبر عنه و من حقه يقول ما اراد .. دي نقطه .. ثانيا ..هوه مقالش حاجه غلط شرعا .. عشان كده .. ان شاء الله لما ارجع هحاول اكتب بالتفصيل عن القضايا دي

المره دي النقد كان عنيف :) و مش ف الجوووول يا دكتور

تحياتي

مواطن زهقان said...

انا معاك فى رايك يادكتور
اشرف
والشىء اللى بيزيد عن الحد بيتقلب للضد
طبعا

وينكى said...

من وجهة نظرى ان الابداع الحقيقى محتاج حرية فكريه كامله من غير اى قيود
فن =حريه
الرسومات اللى شفتها دلوقتى ممكن تكون تقنيا مالهاش حل
لكن ابداعيا...من غير روح
اتمنى انى ماكونش جرحت حد بتعليقى
عموما كل سنه وانتم جميعا طيبين

abo salah said...

بعد السلام عليكم

كل سنة وأنت طيب يافنان
وبصحة وخير دايما
وكل رمضان وكلنا إلي الله اقرب

تحياتي
ورمضان كريم

el3araby said...

انا دايما بشوف رسوماتك
بس مكنتش اعرف ان انت عندك مدونة
غير لما فوجئت بانك مسجل علي الفيس بووك ولئيتك كاتب تعليق عند الاستاذ خالد الصاوي
بس بجد احب اعبرلك عن اجابي بكاريكاتيراتك
..........
ثانيا بقي وبالنسبه لمحمد سامي
انا متابعه من فترة
انا بصراحه مش ضد فكرة الكاريكاتير الديني
بس افكار محمد سامي هنا مش كلها صح
يعني اذا كان عايز يعمل كاريكاتير ديني يبقي كويس مش غلط
بس لازم يكون ميتعداش حدود الدين
بمعني اخر انه ميبالغش
يعني موضوع المعزه ده طبعا غلطه هو كبيره
وغيره الالبوم بتاع ابو جهل ده انا شفته كله
برغم انه الحاجات اللي انا مش موافق عليها فيه قليله وتقريبا اقرب الي الصح
لكن بارضه في حبة مبالغه
.........
تحليلك رائع وبوست رائع وان شاء الله اتابع مدونتك الرائعه دي علي طول
تحياتي

KIMOOOZ said...

هو فى ايه يا جدعان
هو الدين ماله بس مزعل الدنيا كلها ليه
يعنى كانوا بيقولو بلاش الدين مع السياسه قولنا اهو فيها وجهات نظر و دوله دينيه و مدنيه و الحوارات ديه

لكن الفن كمان ملوش دعوه بالدين

اكيد يا استاذ اشرف سمعت عن الفن الاسلامى و العماره الاسلاميه و كده يعنى

و بعدين اخر بوست انت راسمه بتاع الرد على الرسام السويدى

هو ده مش دفاع عن الدين برضه
ماله بقى الدين و مال الكاريكاتير

يا استاذ اشرف انا شايف كلامك ده هو التعصب بعينه

على فكره انت فنان عبقرى و انا عمتك سياح جامد اوى

أشرف حمدي said...

kimoooz
أخي العزيز , من الواضح انك لم تفهمني
البوست الأخير لا علاقة له بالدين ولكن بحرية الرأي والتعبير
انا لم أكتب أو ارسم البوست من منطلق ديني , ولكن من منطلق مفهوم حرية الرأي والتعبير التي يجب ان تبتعد تماما عن معتقدات الغير ومقدساتهم احتراما لهم ولمعتقادتهم وهو ما تم خرقه بالكاريكاتيرات المسيئة

وهذا لا يعني انني غير متدين
ولكنني أبدا لن أخلط الدين بالفن
الدين له رجال دين
والفن له نحن
تحياتي

KIMOOOZ said...

بص يا ريس انا مش عايز اخش مع حضرتك فى هذا الجدال
لكن انا عايز اقولك حاجه واحده بس

الاسلام دين شامل فيه كل حاجه
الفن و السياسه و الدنيا كلها

و عشان نوصل فكره دينيه مش لازم يكون طريقها الوعظ الدينى فى المساجد بس

ممكن اوى اوصلها بفكره كاريكاتير جيده

ممكن يكون على الكاركاتير ممكن برده اكون معاك فى بعض منها

لكن انك ترفض ان يكون هناك كاركاتير بفكره اسلاميه

ده انا مش قادر اقبله من واحد ذو تفكير سليم زيك

الفن يا ريسنا يستوعب جميع الافكار اللى فى الدنيا و اكيد يعنى ممكن ياخد الفكره الاسلاميه معاه يعنى

ولا ايه

أشرف حمدي said...

kimoooz
والله دي وجهات نظر يا مان
انا شايف ان الفن اللي واخد الدين سكته يبى ما يطلعش من فنان بس .. محتاج بقى جنب الفنان واحد شيخ أو عالم دين عشان الفنان مايعكش زي ما حصل في الكاريكاتير ده
مين قال ان كذا حرام أو كذا حلال ؟ وازاي ادي لنفسي السلطة في كده ؟
الفن فن
والدين دين
وأكرر جملتي في التعليق السابق

لكنني أبدا لن أخلط الدين بالفن
الدين له رجال دين
والفن له نحن
تحياتي

Anonymous said...

ٌ

فعلا دي وجهات نظر
و أنا بختلف معاك يا أستاذ أشرف لأن الفن عمرو ما كان بغير هدف و الا يتسمى الفن الغير هادف"هو طرح الأفكار السياسية في الكاريكاتير مقبول و في بأي موضوع آخر مقبول و في الدين لأ؟ ليه
محمد سامي رسام مبدع و بصراحة تعليقك في غير محله

Anonymous said...

الصراحة انا متفق مع محمد سامي ف كل اللى رسمه

Counter