Total Pageviews

Wednesday, December 05, 2007

البلد بتتحرك يا جدعان

قام موقع ماشي مشكورا برفع فيديوهات اعلانات القطر والبلد اللي بتتحرك
لمشاهدة باقي الإعلانات المسخرة يمكنكم الدخول علي الوصلات التالية
والله العظيم تلاتة مسخرة أنا عمري ما شفت زيها ، من زمان مضحكتش الضحك ده
يخرب عقلكوا حتموتوني
هههههههههههه

8 comments:

أُكتب بالرصاص said...

والله معاك حق يا دكتور

الظاهر ان البلد عايزة تفرفش الناس ، وتقدم فقرات كوميدية

افضل عروض كوميدية هي اللإعلانات اللي بتقدمها الحكومة
الضرائب
تنظيم الاسرة ،
وكلو كوم
والبلد بتتحرك كوم تاني

وإيه حكاية العيال اللي بتجري ورا القطر في كل اعلان وتتشعبط فيه... هوا مش كدا خطر ، والعيال الصغيرة ممكن تقلدهم وتتشعبط في المترو ؟

انا عندي اقتراح
يا ريت الناس اللي في القاهرة يتصلوا على الارقام دي.. ويقولوا لنا ... ردوا عليهم بإيه....
عايزن نشوف هايودوا المهندس فين والصيدلي فين ، والمحاسب يروح يشتغل عامل في اي مصنع !

اتصلواوقولوا لنا النتيجة .....دي البلد بتتحرك

Yasser Hussein said...

أهي سبوبة لصانعي الاعلانات
أنا أشتغلت في الموضوع ده سنة 1998
كان الاعلان بيتكلف 7 ألاف جنية
وبيتحاسب العميل على 17 ألف جنية
طبعاً في جيب الشركة اللي بتصور الاعلان
أنا كنت بأرسم
story board
فقط

خالص تحياتي

أشرف حمدي said...

أقتراح ممتاز من أكتب بالرصاص
تعالوا نعمل حاجة مع بعض ونعرضها في المدونة هنا
ياريت حد يتصل بالرقم ويسجل المكالمة ويقول فيها انه طبيب ومش لاقي شغل
وده مش كدب يعني لأن 90 % من الأطباء قاعدين ع القهوة
انا دفعتي كلها صايعة دلوقتي والله
المشكلة اني ما أعرفش ازاي اسجل المكالمات ، فيه طريقة تخليني اتصل عن طريق المودم وأسجل ع الكمبيوتر مباشرة ؟.

أمل عبد الحكيم said...

والله يااشرف الاعلانات دى تجيب احباط
اصلا اكتر ماهو موجود وفعلا فى شباب صدق واتصل
وبعدين ايه كله فى الكلاشنكوف
ومفيش حاجه بتحصل الاعلانات مجرد امتصاص غضب عشان الشعب ميقعدش يغنى ويقول فى بطاله فا بيبينلهم انه مفيش
وفعلا مع بيبسى رمضان كريم

أمل عبد الحكيم said...

اشرف ممكن تسجل من تليفونك الموبيل
لو فيه خصيه التسجيل
تتصل بالرقم واول مايرد
تروح فاتح الموبيل اسبيكر
وتفتح التسجيل بالطريقه العاديه
وتسجلها وبعدين تنزلها على جهازك وترفعها
عادى

Zika said...

يالهوي
طب مفيش حاجه نمسك فيها
احنا كده هنقع
.................
كنت عايز اقولك علي حاجه كده
بس الواحد محرج والله
احم احم
هو سعادتك بتركب ميكروباات الهرم من عند الجامعه
اصل لا مؤاخذه كنت راكب في يوم وواحد جه وقف علشان ماكنش فيه اماكن
وسبحان الله
شبهك بطريقه مريبه :)
بس انا طبعا اتكسفت اقوله .
هو انت استاذ اشرف حمدي
لا يطلع يعرفك ومتخانق معاك ولا حاجه
اروح انا في شربة ميه :p
تحياتي
سلام

أشرف حمدي said...

Zika
والله يمكن أكون أنا :) بس انا بركب ميكروباص الهرم من الجيزة وعمري ما ركبته من الجامعة
ماعتقدش ان فيه ناس كتير شبهي :) عموما انا زي الصورة كده بنضارة ودوجلاس وفي الشتا بلبس بالطو فرو خروف كده وبني كمان :) وغالبا كوفيه
عموما فرصة سعيدة جدا

Zika said...

:):)
انا اسعد
تحياتي

Counter