Total Pageviews

Tuesday, April 08, 2008

حصاد الفترة الماضية

أن تلاحق كل هذا القدر من الأحداث المؤسفة التي تتابعت بشكل هستيري الفترة الماضية لهو أمر مرهق بالفعل ، فكما لاحظتم أنه وطوال عدة أشهر لم يمر يوم واحد دون كارثة ، وبالرغم من أن هذا يعتبر مناخ مثالي للكاريكاتير الذي هو وسيلة للنقد الساخر ، إلا أن متابعة كل هذا يوميا يصيبني بالإحباط المستمر ، على أية حال ، ونظرا لأنني لم أستطع تناول القضايا الساخنة التي أثيرت مؤخرا من خلال الكتابة التدوينية إن صح التعبير ، أسمحوا لي أن أتناول تلك القضايا بالكاريكاتير الذي نشر لي الفترة الماضية
الأعمال منشورة لي بموقعي مصراوي وماشي دون كوم
.
ليست هذه هي المشكلة ، ولكن المشكلة الحقيقية هي أنني حينما اتعرض للنشل في الأوتوبيس فأين يمكنني تحرير محضر بالواقعة ؟ بفرن العيش ؟
كما تعلمون أن سور الصين العظيم هو البناء الوحيد من صنع الانسان والذي يمكن رؤيته من سطح القمر ، كان هذا في الماضي قبل أن يبدع الانسان المصري طابور العيش العظيم

مع الإعتذر لأحمد السقا
وحمادة عزّو :)

طبعا الشعب لازم ينبسط ، لا تقوللي دريم بارك ولا ديزني لاند
وهو نوع من الكاريكاتير أطلق عليه اسم الكاريكاتير الاستفزازي ، ولا استبعد مطلقا أن يكون هذا هو الحوار الفعلي الذي دار بين قبطان البارجة والأشخاص اللذين أطلقوا النيران على البمبوطية

في الماضي كنت أرسم هذا المشهد مع اختلاف بسيط ، وهو أن الرجل عادة ما يسير وراء المرأة لمعاكستها وليس طمعا في التهام كلبها المدلل والذي لابد وأنه يأكل لحم النعام المعلب يوميا

احذروا ثورة الحمير القادمة ، لا اعتقد أن الحمير سيصمتون طويلا على أحداث الذبح والسلخ التي يتعرضون لها يوميا من قبل الجزارين المحترفين بدعوى توفير البروتين الحيواني للشعب المصري اسهاما منهم في تحقيق مبدأ المساواة وأهو كله بروتين .


20 comments:

بطوط حبوب said...

مش هتتخيل انا متظر مدونتك من اد ايه
وواضح انك محبط طحن
ماشى يا مولانا هنشوف الامور هتخلص على ايه
ربنا يستر
كريكاتيراتك مؤلمه اوى

أشرف حمدي said...

انت اللي مش حتتخيل قد ايه انا سعيد بمتابعتك للمدونة
الكاريكاتير مؤلم بالفعل ولكن الواقع أكثر إيلاما
تحياتي البالغة وشكرا على أول تعليق هنا

واحد من البلد دى said...

والله يا دوك أنا كان نفسى أكون أول تعليق.لكن مش مشكلة..تانى تعليق برضه بيدخل كأس رابطة البرطمان العربى....بس ليه حالة الإحباط دى..أنا عايزك تفرفش كده وتستنى قصيدتى الجديدة عن الإضراب...بعنوان (عم إبراهيم)على فكرة إنت أول واحد أقوله....وكل ما أمر على مدونة من خلالك لازم أقول لصاحبها...يا ريت كلنا نعمل كده...الموضوع ده حيقوى العلاقات بيننا بشكل كبير....والنبى يا شيخ تروق....والا أقولك بلاش شيخ دى أحسن الاقيك الصبح فى (خلف الأسوار)ههههههههههههه.

أشرف حمدي said...

هههههههههه
لأ ماشفتنيش حضرتك بالدقن ، لسة حالقها إمبارح ، انا جالي احباط من حال البلد بجد والغلاء الفاحش ده ، والمرتبات الضعيفة ، وتعبت من متابعة البرامج الحوارية زي العاشرة مساء وتعبت من قراءة الأخبار اللي تحرق الدم كل يوم
بس اهي ماشية
شكرا على التعليق وفي انتظار القصيدة
تحياتي

Asmaa mahaba said...

هههههههه هم يضحك هم يبكى
انا برضوا لسه منزله مدونه اسمها زغرطوا ادوا الكلاب عضمه
بس تسلم ايدك
تحياتى ليك سومه_87

Asmaa mahaba said...

صحيح نسيت اقولك شوفت تصريحات مستر تايد بتاعنا؟؟؟؟

أسامه يوسف said...

تحياتى على الابداع ده
وربنا يعينك عالإحباط

وعلى فكره حوار الشاب اللى بيعاكس الكلب مش الأموره هاتلاقيه فى يوتوبيا
بتاعة د.أحمد خالد توفيق
ربنا يستر وماناكلش كلاب

تحياتى كمان مره

عبد الرحمن أبو بكر said...

اشررررررررررررررررررروف الجميل

حلو أوي الجاليري اللي أنت عامله دة

والاجمد التعليقات اللي انت كاتبها علي الكاريكاتير من تحت

تسلم إيدك يا مان

اهو ده عيبه said...

هايل بجد
ومع ذلك ليك حق تعيش حالة الاحباط دى

الغلا ورغيف العيش وكرامة المصرى وحياته اللى مالهاش تمن

ربنا يستر من الايام الجاية

مواطن مصرى نايم said...

يا اشروووووووف
المهم انك تعرف ان الاضراب ده عمل حاجة
نظيف النهاردة
امر والامر لله طبعا
ان عمال المحلة حيقبضوا المرتب الشهر ده
خمس اضعاف مرتبهم
يعنى الناس عملت حاجة
انا بقى بكرة حولع فى اسكندرية
عشان ناخد مرتبات كده
ما هو ده اللى المفروض يحصل
لان هما مش بيجوا الا بالعين الحمرا

ناجي العلي 2000 said...

انا مش عارف انتم مكبرين الموضوع لية .... لحم كلاب ولا لحم حمير .... هي فارقة يعني؟؟؟

طيب انا بتحدي اي حد يقولي فارق واحد ما بين لحم الحمير ولحم البهايم!!ـ

ده حتي الحمار كائن لذيذ وظريف ودمة خفيف

ثم الحمار سعرة ارخص من العجل البتلو .... يعني لو الحكومة قننت ذبح الحمير يمكن تتحل مشكلة اللحمة ... في مصر ونلاقي كيلو اللحمة بـ 16 جنية زي زمان

وخصوصا ان مصر مليانة حمير

:)

أشرف حمدي said...

somma
بجد ؟ طب حروح حالا أشوف التدوينة دي
هههههههه عجبتني قوي مستر تايد دي :) أول مرة أسمعها
حتابع الموضوع ، تقصدي مرتبات العمال ولا دي تصريحات تانية ؟
-----------
أسامة يوسف
فعلا يوتوبيا أثرت عليا جامد لدرجة أني لسة عايش فيها لحد دلوقتي ، وكل ما حاجة تحصل في البلد أفتكر يوتوبيا
-----------
عبد الرحمن أبو بكر
شكرا ليك يا حبي ، ربنا يخليك ده بعض ما عندكم ، انا مش ناسيك على فكرة ، حتترسم يعني حتترسم
-----------
أهوه ده عيبه
أنصحك بقراءة رواية يوتوبيا عشان تعرف حجم الاحباط اللي الواحد فيه
بقينا بناكل كلاب وحمير وناخد على قفانا ونسكت ، حاجة قرف
شكرا على الزيارة
-----------
مواطن مصري نايم
ياريت لو على كده بقى أروح أولع في الشركة اللي بشتغل فيها :) هو الظاهر البلد مابتجيش غير بكده
حتابع موضوع التصريحات ده ، خمس أضعاف مرة واحدة ؟؟؟ معقول ؟؟؟
-----------
ناجي العلي 2000
أسكت أحسن الحمار يزعل منك :) بص هو الموضوع مش حييجي غير لما يطلع لنا فتوى بتحليل أكل الحمير ، وانت عارف دلوقتي الفتاوى بتطلع تفصيل

واحد من البلد دى said...

أشرووووف حبيبى ...وحياة والدك عايز منك خدمة...الله يخليك(بإعتبار إنك قلتلى أأمر)أول ما تقرا البوست بتاعى عن الإضراب...ترسملى فورا كاريكاتير يليق عليه....والنبى والنبى وحياة عمرو...بااااااااااااى

aya said...

هو ده التعبير
والله الكاريكاتير ده بيخلص كارثة كاملة فى صورة

برافو عليك يا دكتور
حلو اوى الحصاد ده

ربنا معاك ومعانا ومع المصريين
وربنا يعفو عنك وعنا وعن المصريين

دمت فى سلام

مواطن مصرى نايم said...

اشروف
انا استفسرت عن حكاية المرتب فى المحلة
لقيت ان الموضوع كالاتى
نظيف في مؤتمر عمالي بالمحلة الكبري يقرر صرف منحة‏ 30‏ يوما لعمـال غزل المحلة
‏ و‏15‏ يوما لكل عمال الغزل بالجمهورية
انا قلت اقولك

أشرف حمدي said...

واحد من البلد دي
آسف على التأخير في الرد ، بصراحة انا عندي انفلونزا مدمرة ، ححاول ان شاء الله أعمل حاجة لما اشد حيلي
--------------
aya
سعيد جدا برأيك في الكاريكاتير ، ميرسي بجد على التعليق
--------------
مواطن مصري نايم
تمام يا باشا :) دايما كده متابع الأخبار
تحياتي

عروسة ننوسة said...

بشكرك على رسمك وتخيلك للواقع المؤلم الذى اصبحنا نعيش فيه....ان شاء الله اتابعك دائما

أشرف حمدي said...

Gannah
أنا اللي أشكر تشريفك مدونتي المتواضعة
ويارب ما تقطعي الزيارات
أهلا بيكي ، وانشالله باقي الموضوعات تعجبك
تحياتي

صحفية روشة said...

كاريكاتير فى الصميم

Anonymous said...

على فكره المدونه دي نقفله احتراما

بالتوفيق ان شاء الله

Counter