Total Pageviews

Thursday, April 17, 2008

المصري اليوم

كتب فاروق الجمل :
"كذلك يوجد أشرف حمدي وهو رسام كريكاتير .. متزوج .. و يعمل طبيب أسنان .. أشرف عرف من قبل اشتراكه علي موقع الفيس بوك من خلال مدونته " كريكاطوز " و التي كانت تنشر رسوم كاريكاتوريه من تصميه .
أعتاد أشرف منذ أشتراكه علي الفيس بوك علي نشر كليبات للتعذيب و صور توضح أعتداء الشرطة علي المواطنين بالاضافه الي رسومات من تصميمه .
الجدير بالذكر أن أشرف يقوم حاليا بتصميه لعبه الكترونية ثلاثية الابعاد ..أشرف معروف عنه الابتعاد عن المشاركه في المظاهرات .. لكنه يفضل الاضراب و الاعتصام لانه اكثر امانا و اكثر سلميه .


كان هذا جزءا من مقال للزميل والصديق العزيز فاروق الجمل نشر اليوم بجريدة المصري اليوم صفحة 7 عن مشاهير الفيس بوك ، بالطبع أنا شاكر لفاروق الجمل حديثه عني بهذه الصورة المشرفة باعتباري أحد مشاهير الشبكة الاجتماعية ، ولكن كان هناك توضيح لابد منه ، وقد فضلت الرد هنا بدلا من الرد بالمصري اليوم حتى لا يأخذ الموضوع أكبر من حجمه .
كل هذا الكلام صحيح إلا فيما يتعلق بنشر كليبات التعذيب وصور اعتداء الشرطة على المواطنين ، حيث أن هذه الأمور من اختصاص بعض من كبار المدونين ، ولعل أهمهم الزميل وائل عباس المعني بنشر مثل هذه الكليبات والصور من خلال مدونته المتميزة الوعي المصري والتي ساهمت إلى حد كبير جدا في تنشيط الحركة التدوينية بمصر والعالم العربي ، ولكن بالنسبة لي فلا أذكر أنني ساهمت في نشر مواد من هذا النوع سواء على الفيس بوك أو غيرها من وسائل النشر على شبكة الانترنت .
حيث أنني اعتدت على تناول القضايا من هذا النوع من خلال فن الكاريكاتير ، والذي ينشر لي على موقعي مصراوي وماشي دوت كوم ومن ثم يقوم المشتركون بتناقله عبر الفيس بوك والمنتديات .
فقط وجب توضيح هذه النقطة ، ولنسب الأمور إلى أصحابها .
مع خالص حبي واحترامي وتقديري
د. أشرف حمدي

11 comments:

مواطن مصرى نايم said...

ايه يا اشروووووووف
دا عاوز يلبسك تهمه و الا ايه ؟
بس بيتهيأ لى انه ميعرفكش كويس
لانى فعلا من ساعة ما عرفتك
مشفتش ليك اى حاجة من كليبات تعذيب
و لا اى حاجة
دا شغل وائل عباس فعلا
بس باقى الكلام فعلا يشكر عليه يعنى
ـــــــــــــــــــــــ
انت عارف ممكن يكون افتكر من بوست
otv
انك ارهابى بجد
و ده بسبب كلمة
و لقد اذعر من انعر
ههههههههههههه
سلامى ليك يا دكترة

أشرف حمدي said...

مواطن مصري نايم
انا شكلي حمسح البوست ده كمان ، أحسن يفتكروني ارهابي بجد

ربنا يستر ـ وصيتك المدونة من بعدي يا مواطن ، شكلهم عاوزين يعملوا مني بطل شعبي وانا ماليش في الكلام ده
تحياتي

بطوط حبوب said...

الكلام ده اتقال فى المصرى اليوم!!
يا خوفى ليقروا الخبر بتوعى الاهرام
كده هتبقى ولا كأنك ممسكوك متلبس وفى ايديك كليب تعذيب

بس المقال فى مجمله شغال
بس ربنا يستر بعده

اهو ده عيبه said...

كويس انك وضحت موقفك علشان فى ناس ما بتصدق

لكن ايه موضوع اللعبة ثلاثية الابعاد؟؟

واحد من البلد دى said...

الغالى..أشروووووووف...يعجبنى دبلوماسيتك فى الرد على من يتهمك أو يسيئ إليك وهذه الصفة قلما تتوفرإلا فى عظماء البشر...تحياتى لك

الميكروباص said...

من شيم الكبار هو اسناد الفضل إلى أهله، وعدم السعي للشهره بالباطل
وتجنب من يحبوا أن يحمدوا بما لم يفعلوا
ولهذا أحترمك يا دكتور أشرف
ولعل هذا التوضيح منك أكبر دليل على احترامك لنفسك و احترامك لمن يدخلون موقعك
شكرا على التوضيح يا دكتور، لأن ربما يكون هناك شخص يعرفك ممن في قلوبهم مرض رأى المقال في الجريده و اتهمك بأنك تزامل الصحفي وبأنه يكتب عنك ما لم تفعله
الفكره ليست فكره أن حد يفتكر انك ارهابي
الفكره فكره انك توضح للناس شيء نسبوه إليك وانت تنسبه لأهله
وهذا قليل في هذا الزمان
فكم من صحفيين يدخلون على النت و ينقلون أفكار لمقالات أو ينقلون مقالات كامله ويضعون عليها أساميهم
وهذا ليقال عليهم أنهم معجزات زمانهم
تحياتي لك من الميكروباص يا دكتور

أسامه يوسف said...

ماهو برضه معذور يا دكتور
لاحظ وجه التشابه الشديد بين اسمك واسم وائل عباس
التمس له العذر
:)

مش عارف ليه باحس ان الدستور فى اوقات بتنشر اخبار غلط كتير

تحياتى

عبد الرحمن أبو بكر said...

اشرووووووووووووووف الجميل


يا اشروف يا جامد ...... عاملي فيها واكل قلب ديب وبتحط صور وفيديوهات التعذيب وبتنشرها علي الفيس ...طب ربنا يستر وما يمسكوك زي الرسمة اللي انت كنت راسمعا والبوكي بيحجر وبيوقف علي الفيس بوك وبيقبض علي صورة البروفيل بتاعة الراجل ..

صحيح نسيت اقولك د.محمد فتحي ناقش رسالة الماجستير بتاعتة يوم الاحد اللي فات وخد الماجستير بدرجة امتياز وانا راسمله صورة كدة احب اسمع رايك فيها

هتلاقيها عندي علي البلوج

وربنا يجعله عامر

ناجي العلي 2000 said...

انا من رئيي انك تبعد عن فاروق الجمل اليومين دول
واضح انه بيحيك ... وعايز يوديك في دهية :)

أشرف حمدي said...

بطوط حبوب :) هي موتة ولا أكتر ؟ سيبها ع الله
-------------------
أهو ده عيبه
ده كان موضوع قديم وماكملش لأسباب انتاجية :) ههههههه هي البلد كده
شكرا على اهتمامك
-------------------
واحد من البلد دي
كلام لا أستحق نصفه ، أشكرك بشدة على التعليق ، وأعتذر عن غيابي عن مدونتك المتميزة الفترة الماضية نظرا لظروف العمل ، واحشتني اشعار حضرتك جدا
-------------------
لورانس العرب
ألف شكر يا باشا على الكلام الجميل ده ، مش عارف أرد أقول ايه
تحياتي البالغة
-------------------
أسامة يوسف
ههههههههههه ، فعلا التشابه واضح
بس الموضوع نزل في المصري اليوم مش الدستور
-------------------
عبد الرحمن أبو بكر
وأحب أقول لكل المدونين والمدونات أن أبو بكر هو زعيم التنظيم اللي بيبعتلي الفيديوهات عشان انشرها
هههههههههه
فيديوهات ايه يا عم ، هو انا بتاع الكلام ده برضه
-------------------
ناجي العلي 2000
انت حتقولي :) واضح فعلا

Asmaa mahaba said...

يااااه انا بقالى كتير مدخلتش هنا
مبروك على الشهره ابسط يا عم حتلبس قضيه بقى انت اللى فى ماشى دوت كوم...اما انا طلعت عامشه صحيح
وانا كمان فى ماشى دوت كوم ماسكه اشراف فى المدونه المنيله ربنا يهدى اللى بيدخلوها لحسن دماغهم شاتت وبقوا تخصص شتيمه والجو هناك اتغير عن الاول خالص عن ما كان من سنه
تحياتى ليك سومه_87

Counter