Total Pageviews

Wednesday, April 30, 2008

اتخنقت

فترة غياب ، ربما طالت نسبيا هذه المرة ولكنني بالفعل كنت أحتاج إليها .
خاصمني الوحي الخاص بي ، بل رحل دون أية مقدمات وتركني خاملا عاطلا كئيبا متعكر المزاج قلق من ألا يعود . لم أعد أحترق بالأفكار كما اعتدت ، وهي حالة سخيفة تعتريني من فترة لأخرى ، لا أريد التفكير في أي شيء ، ولا أطيق مشاهدة فيلما كاملا ، ولا أحتمل قراءة أي شيء وأكتفى بعنوانين الأخبار ، بل لا أطيق عمل أي نشاط حياتي لأكثر من خمس دقائق ، لدرجة أنني لا أكمل طعامي بسبب الملل ، وبالطبع لم يكن لي المزاج المناسب للتدوين ، حتى أن مدونتي انا نفسي لم أزورها منذ أسبوع تقريبا ولا أعلم عنها شيئا .
أكثر من مرة وأنا جالس بمقهاي أشعر برغبتي في ترك كوب الشاي كما هو لأعود إلى فراشي وأنام ، وحينما أصحو أشعر بأنني كنت في حلبة مصارعة مع ثور وحشي .
ربما كان التوقيت الصيفي هو السبب ، او تغيير المناخ ، أو الإرهاق ، أو مياصة الفنانين ، أو استهبال من هم في إجازة ، أو أي شيء .
ياللملل ، لقد كتبت كثيرا في هذه التدوينة .
أنا بالفعل مندهش من قدرتكم على قراءة كل هذا الكلام الذي أراه فارغا ولا معنى له !
سأعود بعد قليل ، ربما يوم الأحد القادم ، ربما غدا ، ربما بعد خمس دقائق ، منتعشا ، متوترا ، منفعلا ، محترقا بألف فكرة جديدة .
فقط أنتمنى أن تنتظرونني

تحياتي

9 comments:

Anonymous said...

روق يا دكتره وهدى نفسك
مود ورايح لحاله كمان شويه
بتحصلنا كتيييييييير
المهم ماتستسلمش للمود ده كتير

مواطن مصرى نايم said...

اشرووووووووووف
المهم انك بخير يا كبير

و لعلمك غالبا فى دخول فصل الربيع
بعض الناس تصاب بهذا الشعور
و الاحساس دا عندى بس بحاول اتغلب علية

تمنياتى لك بالابداع و ذهاب الملل

فى انتظارك
سلامى ليك
eslam

Anonymous said...

الإكتئاب يا صديقى هو اسم اللعبة
اخرج من المود ده بسرعة
المود ده قاتل

رضوى said...

نصيحتى اشرب شاى أخضر كتير علشان بيعدل المزاج
ان شاء الله لما الصيف يدخل شوية الواحد مش هيحس بالملل أبدا, هتكون يا اما بتستحمى علشان العرق أو بتطارد الناموس و الدبان حواليك و كده يعنى
استعد....

yamen said...

اشرف باشا

عادي يا معلم
ده دور اكتئاب وبياخدله كام يوم في وشه كده ويروح علي طول

المهم انا كنت عايز اعلق علي الاغنية بتاعة شد الحشيش علي صدرك
انا كنت هاعلق هناك بس قلت هنا هايبقي احسن

طبعا غير الكلمات اللذيذة و ولعك بتكنولوجيا التوزيع زي مانا فاكر وانت كمان اكيد فاكر

بس انا كنت عايز اقولك ان ادائك الغنائي بجد فاجاني
ادائك هايل جدا يا اشرف بشكل انا ماكنتش متوقعه
لو حطيت دماغك شوية في الموضوع هاتعمل حاجة
و في حاجة تانية بقه جت علي بالي دلوقتي و هي عاجباني جدا وبتثير في الحقد في نفس الوقت
انك ماسبتش الحاجات اللي بتحبها برغم كل شئ
يعني لو تفتكر ايام زماااااااان لما كنا بنيجي عندك انا وفاروق والشباب عشان نسجل اغانينا وانت توزعها
فاكر ده؟
انا سبت المزيكا ورجعتلها مليون مرة وفاروق اتجرجر ورا الحياة العملية والتعيين والكلام ده كله
وانت برضه لسه بتعمل الحاجة اللي بتحبها

اشوفك بخير يا عزيزي ان شاء الله

اهو ده عيبه said...

يا استاذ اشرف حاله الملل دى بقت تقريبا الحاله الطبيعية لكا الناس على اختلاف ظروفها
لكن احنا اللى فى ايدنا نخرج نفسنا منها
واتمنى المرة الجاية يكون مودك احسن من كده ان شاء الله

Asmaa mahaba said...

دكتور اشرف
اولا الكلام مش فارغ خالص مالص اصلا احنا كشعوب رغايين فدا الطبيعى اننا منزهقش من الكلام وتلاقى المواضيع مبتخلصش وكمان كتير محدش بيستحمل رغينا فى الطبيعى ...فبنرغى فى المدونه يعنى حيبقى ولا فعل ولا كلام ادينا بنفضفض وخلاص
وصابرين على جيرانا السو يا يرحلوا يا تجيلهم وكسه تاخدهم ونرتاح
منتظرينك
تحياتى ليك سومه_87

واحد من البلد دى said...

انا بقى دلوقتى قاعد بسببك باسمع اغنية السيدة نجاة الصغيرة(أنا باستناك)...
ربنا يروق بالك
ويصلح حالك
ويخرب بيت الملل اللى جالك
سلاااااام يا باشا

الميكروباص said...

ساعات بيعدي وقت على البني آدم بيتخيل فيه ان فيه حاجات كتير بيعملها لا فائده منها، وانه لن يفعل أمور بعينها مرة اخرى لأن الوقت بيعدي و لا فائده مما يفعل، احساس بييجي ولكن مؤقت، مهما حاولت تبعد مش هتقدر يا دكتور، فأنت لم تختار أن تكون رسام ولم تختار أن تكون مدون ساخر، انت اتخلقت كده، ومهما حاولت تجري من الرسم هتروح منه فين؟

Counter