شد الحشيش على صدرك .. غيره ما يفيدك
وآدي دقني أهيه آه يا مصري .. لو عدلها سيدك
لو ، ماكنش صوتك يوصل وتغيّر بإيدك
حتعيش مذلول يا منيل .. والفقر يكيدك
***
ما تياللا بينا انت وياه .. ونشد القرش ده كله معاه
وأهو أي هباب راح نستعطاه .. أحسن ما تشكي لخلق الله
لا عاد فيه عيش ولا حتى غموس .. تركب أوتوبيس تطلع مفروس
لا تحط راسك بين الرؤوس .. ده لا عادشي فيه خيار ولا فاقوس
***
مع الاعتذر لسيد درويش ، ومحاولتي المتواضعة لتقليد صوته في الغناء
وآدي دقني أهيه آه يا مصري .. لو عدلها سيدك
لو ، ماكنش صوتك يوصل وتغيّر بإيدك
حتعيش مذلول يا منيل .. والفقر يكيدك
***
ما تياللا بينا انت وياه .. ونشد القرش ده كله معاه
وأهو أي هباب راح نستعطاه .. أحسن ما تشكي لخلق الله
لا عاد فيه عيش ولا حتى غموس .. تركب أوتوبيس تطلع مفروس
لا تحط راسك بين الرؤوس .. ده لا عادشي فيه خيار ولا فاقوس
***
مع الاعتذر لسيد درويش ، ومحاولتي المتواضعة لتقليد صوته في الغناء
19 comments:
انا شكلى جيت بدرى ولا ايه
الكلام هايل بجد والفكرة كمان
مكونتش اعرف انك بتغنى؟؟
صدقنى الحكاية محتاجه بس شوية رتوش ودعايه وبعد كده حتبقى مطرب الجيل
مع الاعتذار لسيد درويش
ههههههههههههه
ربنا يكرمك :) مطرب ايه بس ؟ ده انا مجرد بلعب
بس ميرسي على رأيك في الفكرة والكلمات
مش عارف ليه بتوع زمان كانوا بيخنفّوا لما بيغنوا ، قلت أخنفّ زيهم
تحياتي
إيه ده يا عم أشرف...هوه ده بقى السبب اللى بيخليك ما تزورنيش..يا سيدى مش مشكلة...إنت منافس عزيز على قلبى...حلوة جدا بجد...لدرجة إنى فكرت أبطل كتابة...تحياتى ليك
واحد من البلد دي
إوعى تكون بتتريق :) تبطل كتابة ايه عشان اللعب بتاعي ده :) ده مجرد ترويش
انا داخل أزورك حالا طبعا ، انا اصلا مدون أشعارك مش محتاجة كلام
هو بس الشغل تقيل اليومين دول وانا بحب أدخل أقرأ بمزاج
تحياتي
LOOOL
gamda gadnnnn , 7adrtk fanan begd
ta7yaty
:)
ahmed
شكرا بجد على التعليق :) سعيد أن الأغنية عجبتك
ماتحرمناش من زيارتك الغالية بقى
تحياتي
هههههههههههههههه
ايه ده انت ناوى تنافس تامر حسنى ولا ايه ؟؟
حلوة الكلمات
والاداء
دمت بخير اخى
ارجو التواصل
سالى
هههههههههههههههههه جميله قوى انت كاتبها عشان سيد درويش كان كده يعنى ولا ايه
جميله وربنا يوفقك يا رب
اعتقد ان البلد غارقة في الحشيش وانها الحاجة الوحيدة التي نجح النظام فيها وهي تغيب العقول
يا دمااااااااااغ بتوع السنان
تعرف لو لم تكن اسناننجيا لتمنين ان تكون اسنانجيا
بس تصدق الاغنيه عاليه
ومن هنا اقول ان ماااااات سيد درويش
فمحدش هيقدر يعوضه
ههههههههههههههههههههههه
حلوة بجد، تحشيش
هههه
بس بجد، غنيت حلو
أتوقع انهم ما كانوش بيخنفوا، وان آلات التسجيل أياميها هي اللي كانت بتطلعهم مخنفّين
انت بتستعمل برنامج إيه في التسجيل والميكس؟
ههههههههههه
مش عارفه اسمع الاغنيه خالص
انا حمشى من هنا بسرعه قبل ما اتسطل
تحياتى ليك سومه_87
جاااااااااااااااااااااااااااامدة موت يا اشروف
عجبني صوتك والله جامد مع انك محرف فية شوية
جامدة اوي والكلمات حلوة
انت اللي هتغني يا منعم
قصدي يا اشروووف
فل عليك يا مان
sally
حاولت أنافس تامر حسني بس هو شعر صدره أكثر غزارة الحقيقة
أشكرك على التعليق وأكيد حزورك باستمرار
-------------------
بنت مصرية
هههههه لا والله أبدا مش القصد ، انا اتعودت مادعبسشي في حياة الفنانين لأن حياتهم الشخصية ماتهمنيش ، سيد درويش عملاق بلا شك بغض النظر عن أي شيء
المهم انها عجبتك ، وميرسي على التعليق
-------------------
ابراهيم
بلاش نتكلم في السياسة يا عم ، ماتخدلك نفس ؟ :)
-------------------
بطوط حبوب
ماسمعتش انت أغنية البنات ، حتلاقيها في تدوينة قديمة هنا ، دي بقى كنا 5 دكاترة مع بعض وهيسنا تهييس حيعجبك قوي
شكرا على الزيارة يا باشا وربنا معاك في الامتحانات
-------------------
ياسمين حميد
شكرا على زيارتك الغالية
البرنامج هو
Acid Music Pro
وهو سهل الاستخدام على فكرة
-------------------
somma
الأغنية بتشتغل لوحدها اوتوماتيك :)
-------------------
عبد الرحمن أبو بكر
عشان تعرف أهمية القهوة :) ههههههه شكرا على التعليق يا حبي
جميلة جدا يا اشروف
طب اللى مش بيشرب سجاير يعمل اية ؟
اهم دول اللى خلاص مفيش امل فيهم
هههههههههه
تحياتى ليك
وااااااااووووووو تجنن تجنن يا فنان .. طب مش كنت ترسم نفسك ماسك عود و لابس زي الشيخ سيد؟ بس بجد صوتك حلو .. لو معاك فلوس اضرب كليب .. هيفرقع و الله :)) نحياتي و إحترامي الشديد يا فندم
ياسلاااااااام
فين يا أفندى انت وهو الأغنيه اللى قلتوا انكوا هاتلحنوهالى وهاتوزعوهالى
انتوا بتوزعونى انا ولا ايه؟؟
من ورايا الحاجات الجامده دى بتطلع؟
الكلام فطسنى من الضحك طبعا
روش ياعم براحتك
:)
بجد تحفه - الفكره - والمضمون - انت فنان - اتمني لك كل خير ونجاح
واتمني انك ترد لي الزياره علي http://faresbelagawad.blogspot.com/
تحياتي
الله الله الله
والله ضحكتني ومكنشي ليا نفس أضحك
تسلم يا ريس وتسلم الاغنية
الاغنية كدة أجمل بكتير
ياللا بقي تعالا زورني
Post a Comment