Total Pageviews

Wednesday, May 28, 2008

صفر الكاريكاتير


هناك قاعدة اعتدنا (نحن رسامي الكاريكاتير) الالتزام بها ، وهي عدم التعليق على نتائج المسابقات وقرار لجنة التحكيم مهما كان ، تماما كما اعتادت وسائل الإعلام على عدم التعليق على أحكام القضاء . وهو شيء أتفق معه تماما ، ففي كل الأحوال يجب أن تكون هناك جهة فوق كل الشبهات وغير قابلة للتشكيك في قراراتها لضمان مبدأ العدل ، لذا أقول في البداية أنني لا أشكك مطلقا في نزاهة لجنة التحكيم بمسابقة غزة التي أقيمت في إيران مؤخرا وتم إعلان نتائجها أمس .
ولكنني أتناول الموضوع من جانب آخر تماما وهو النحس الأزلي الملازم لي .
فقد فوجئت بأن اللوحة الحائزة على المركز الثاني (ألفان وخمسمائة يورو) هي تقريبا واحدة من ضمن اللوحات التي تقدمت بها للمسابقة ، نفس الفكرة وأسلوب تنفيذ مقارب للغاية ، بالطبع شعرت بالحنق ليس من لجنة التحكيم ولكن من الموقف نفسه ، حيث أنني بالرغم من ذلك لم أحقق أي مركز ولا حتى العاشر ، ولم يفز أي رسام كاريكاتير من مصر ، هي جت عليا؟ ، الظاهر صفر المونديال حيفضل لازق فينا إلى الأبد .
العجيب أيضا أن نفس الفكرة قام بتنفيذها رسام ثالث ، ولم يفز أيضا .
عموما أترككم مع الصور .
ملحوظة : اللوحات الثلاثة المتشابهة استخدمت خريطة غزة كجزء من سلاح ناري

واحدة من اللوحات التي تقدمت بها للمسابقة
لوحة لم تفز بالرغم من أنها نفس الفكرة تقريبا


اللوحة الفائزة بالمركز الثاني
2500 يورو
والآن إليكم باقي اللوحات التي تقدمت بها للمسابقة



12 comments:

محمد said...

أعتقد أن الرسم الفائز يبين سلاح ، كعبه شبه جزيرة سيناء وغزة هي الزناد وباقي السلاح خريطة شرق البحر المتوسط بما فيها لبنان وسوريا . وده فكر إيراني تماما لأهمية حزب الله وسوريا لهم

ميشيل حنا said...

أولا ألف مبروك صفر الكاريكاتير
ثانيا لوحتك بتاعة علم إسرائيل دي رائعة جدا ومتقنة جدا.
في اعتقادي كان لازم تاخد المركز الأول
ثالثا أنا مش فاهم إيه سر تكرار نفس الفكرة عند ثلاث رسامين بالشكل ده؟
هل ده كان منصوص عليه في المسابقة كتجسيد لفكرة المقاومة؟
بما أن الكاريكاتير صامت وله لغة عالمية مفهومة، أنا شايف ان أي أجنبي هيشوف الثلاث كاريكاتيرات بتاعة المسدسات دي هيفهم على طول ان الفلسطينيين إرهابيين. أنا حاسس ان اللي رسموا كاريكاتيرات المسدسات دول إسرائيليين مش عرب!
فعلا الفكرة جايبة نتيجة عكسية تماما، والغريب انها فازت!

enjy said...

معلش ان شاء الله حظك يكون احسن فى المسابقات اللى بعد كدة مع ان اللوحة الاخيرة معبرة اوى وحساسة بس هو النحس فعلا بس معلش بكرة تفوز بالمسابقة اللى جايزتها ميت الف يورو وتبقى الحياة وجدى وجدى وجدى وجدى لم لم لم لم.. الا قوللى انا حاولت اسيب تعليق على الاعلان الرهيب بس ما ظهرش.. اتراه نحسى التقليدى؟؟؟ المهم ان الاعلان رهيب و فظيع و عزيز و فظيع الله ينور .... انت فظييييييييييع

أشرف حمدي said...

محمد
بصراحة انا ماخدتش بالي وجايز كلامك فعلا يكون سليم
شكرا على الإضافة ، وتحياتي البالغة
--------------
دكتور ميشيل حنا
والله عندك حق يا دكتور ، انا فعلا لاحظت ان الفكرة دي ممكن تكون بنتيجة عكسية ، بس الظاهر ان ده حصل نتيجة لإن الموقع كان بينشر بعض الكاريكاتيرات اللي تم استخدام خريطة غزة كجزء من شيء ، وهي بصراحة قريبة السبه جدا بمسدس
شكرا على التعليق وميرسي على رأيك في لوحة علم اسرائل
-----------------
enjy
ربنا يسهل ان شاء الله ، إدعيلي بس

ياسر حسين said...

لوحة علم إسرائيل
رااااااااااااائعة
من حيث الفكرة والتنفيذ المتقن
بالنسبة لمقاييس التقييم في المسابقات الدولية للكاريكاتير أنا شخصيًا لم أستطيع أن أصل لمعرفة الالوب المتبع للتقييم
لذلك عند مشاركتي في اي مسابقة أو معرض دولي باكتفي بالمشاركة أما أني أفوز دي فسايبها على الله
مش الارزاق بيد الله
:)
على فكرة أول مدونة بافتحها كل يوم الصبح عشان أشوف الجديد
هي مدونتك
ربنا يوفقك
خالص تحياتي

أشرف حمدي said...

شكرا استاذ ياسر على التعليق وأهتمامك بالموضوع ، ما احنقني ليس عدم الفوز في حد ذاته ، ولكن تشابه لوحتى مع لوحة فائزة بالمركز الثاني
عموما أنا احترم هذه المسابقة وأهتم بالمشاركة فيها كل عام نظرا لشعبيتها الكبيرة على مستوى العالم
مع خالص حبي واحترامي وتقديري

tamer.sala7 said...

الف مبروك علي الصفر يا دكتور ومتزعلش نفسك خيرها في غيرها

انا شايف ان رأي محمد اول تعليق صح جدا وبضم صوتي معاه

الصورة اللي عجبتي بتاعة افران الاطفال معبرة جدا وليها رسالة مفهومة

يكفيك شرف المحالولة

أشرف حمدي said...

تامر صلاح
الله يبارك فيك يا حبي هههههههه
ميرسي على تعليقك وربنا يسهل ان شاء الله في المسابقات الجاية

أنا من كنت محتاجاً said...

عادي ... إنت كدا من مصر فعلاً .. إحنا بلد الصفر .. بس فعلاً لوحة أفران الأطفال جميلة وتستحق مركز جامد .. بس ولا يهمك يا بطل

إيه يعني 2500 يورو ..كلام فاضي

واحد من البلد دى said...

شوف يا أشروووف يا حبيى
خليك كده زى المتخب بتاع الكورة فى كاس العالم أدخل المسابقة كل سنة ولكن ليس للفوز أبدا ما عاز الله..ولكن-ودى الجملة اللى إتهلهلت معانا-للتمثيل المشرف..
الفرق الوحيد اللى حيبقى بينك و بين بتوع الكورة ..
إنك فعلا حيبقى تمثيلك مشرف..
وبالنسبة للوحة الفايزة أنا شايف إنها أقرب إلى الفن التشكيلى منها إلى الكاريكاتير..
وهذا رأيى المتواضع نظرا لخبرتى القليلة فى هذا المجال..
ملحوظة..لوحة الأطفال و الأفران عجبتنى جدا..لوجود الأطفال فيها.
يمكن لو كانوا رجال كانت بقت لوحة عادية..
ربنا معاك..
سلامى لعمرو

Anonymous said...

اية يا دوك فينك ؟ انا وليد علقت علو مواضيعك قبل كده . يلا نبتدي . بالنسبة للوحه بصراحه انا شايف ان ليهم حق يخسروك . انا مش شايف شيئ مميز مجرد سلاح . فك من كل ذه و ركز . فين بوستاتك الجامده فين بوستات القهوة اللي قفلت والست اللي كانت جوه انا فاكر ان يوم ما قريت البوست ده كنت طول اليوم بعيط عشان حاجه كده لكن لما قريته والله ضحكت جامد فين بوست التريقه علي الفتاوي الموديرن فين و فين و فين . وخشني كل ده . حاسس انك جالك احباط و ان الناس قلت . لكن لا . الكومينت مش مقياس . انا قريت بلوجك كله و معلقتش غير مرتين اوعي تحس انها كانت دوشه و خلصت انتا مهم يا مان . متعملش زي طهقان و بهظ اللي قفلوا اصبر للاجازه و هاهريك كومينت و خناقات و هعمل بلوج . اصبر هازبط . عايز بوسطات كوميدية حتي لو تاليف . عشان خطري . وليد . اسمع كولدبلاي . جامدين موت والله

مواطن مفروس said...

هاردلك وتتعوض المرة الجاية

Counter