Total Pageviews

Saturday, December 05, 2009

Lon-Lee episode Zero!

حلقة لونلي التي تحكي بداية الأحداث
لا أدرى السبب وراء حماسي لهذه الفكرة ، شيء ما يجعلني أحب لونلي وأعلق صورته في غرفتي !
أتمنى أن تنال هذه التجربة إعجابكم :)

15 comments:

irik said...

جميلة جدا ياأستاذ اشرف
الله يكون في عونك انا عارف ان الشغل ده بياخد وقت طويل جدا
انا بصراحة لما بشوف اعمال الكرتون العربي على التليفزيون بحس اني عاوز " ا - ر - ج - ع "
لكن لما شوفت شغلك قولت لسه في امل ياولاد

بس كنت عاوز اعرف البرامج اللي بتستعملها
انا كنت بستعمل الثري دي ماكس لكن لقيت تمنه غالي جدا حوالي 5000 دولار فغيرت ودلوقتي شغال ببرنامج بليندر ثري دي وهو برنامج مفتوح المصدر وقوي جدا يكاد يتخطى الماكس والمايا في اشياء كثيرة
عموما
استمر ياريس متابعينك وربنا معاك

لماضة said...

حلوة قوي يا اشرف
لكني اتمنى يكون الريتم اسرع شوية والصور زياده كمان
طمع بقى بعيد عنك
عقبال يارب ما اشوفها بدل ظاظا وجرجير رمضان الجي

ناجي العلي 2000 said...

جامدة .... عاجبني اهتمامك بالتفاصيل يا دكتور
يلا بقي ... عايزين نشوف حاجة ما حصلتش

أشرف حمدي said...

irik
تشكر يا باشا
بس مين بيشتري برامج ؟ :) كله متكرّك طبعا ، دي الشركات نفسها بتشتغل بثري ماكس مضروب
على فكرة الأنيميشن ده مش ثري دي ، ده تو دي :)
التحريك والمؤثرات البصرية معمول على
after effects
والرسم على الفوتوشوب
والمونتاج على
vegas

أشرف حمدي said...

لماضة
أسرع من كده ايه ؟ ده انا كده اتجنن
المشكلة إني بعمل كل حاجة لوحدي وده مجهود خرافي بجد
ده انا قعدت يوم بحاله في المونتاج وتركيب الصوت ، كان صعب قوي ألاقي الأصوات اللي محتاجها
شوط اصتدام الصاروخ بالكوكب ده لوحده اخد يومين وهو بالظبط
1000
فريمة

كان فيه مشروع اني اعمل حاجة زي كرومبو كده وكانت بجد حتنافس بس ما كملتش للأسف ، اعتقد إن الممول ماكنش عنده الشجاعة يصرف على حاجة جديدة تماما وكان عاوز يستسهل ويقلّد وخلاص، ربنا يسهل

أشرف حمدي said...

ناجي العلي
ألف شكر يا باشا ربنا يخليك ، يااا مسهل :) أديني برسم في ستوري بورد الحلقة الأولى
بس اللي عاوز أوضحه إن الحلقات دي لا تعتمد على القصة
دي ميني سيرز كده ، حلقات منفصلة كل حلقة دقيقتين ويمكن أقل
مجرد موقف كوميدي زي حلقات
purple and brown
ممكن تتعرض كفواصل خفيفة بين مسلسلات الكارتون

FlashPack said...

روعة بجد والله
بس إنت عامل موسيقي حزينة أوي كدة ليه ؟!!

FemTo said...

الف فريم معقول .......انا كنت عارف ان الموضوع صعب جدا ونك تعبت فيه اووي بس للدرجة دي , علي كده بقه الموضوع كله اخد منك وقت قد ايه؟

وينكى said...

الله عليك يا فنان
احبك وانت بتمخمخ كده وبتطلع الحاجات الجميلة دى
كمل وانا اضمنلك انك تنافش بيها افلام الكارتون العيانه وتنزل على سبيس تون كمان:)
ماتنساش بقى.. عاوزه أعمل اصوات الشخصيات لو كان فيه حد بيتكلم أصلا :))

allah-slave said...

وانا برضو يا اشرف ابوس ايدك ده حلم عمرى انى ابقى فوكال في فيلم كارتون
بلييييييييييز
------------
بالنسبة للي بيقول تبقى اسرع من كدة دكتور اشرف مش هيقدر يزود الفريم ريت لانه ببساطة محاج يرسم صور اكتر كل ما عدد الفريمات زاد في الثانية الواحدة ده يدي ايحاء بالطبيعية
عشان كدة بنلاحظ ان بكار بيتزحلق مش بيمشي
والمعلومة دي عرفتها من دكتور اشرف نفسه
---------
اللى بيقول ان الموسيقى حزينة .. ما هو ده مطلوب عشان يناسب الفيلم ما هو الفيلم اسمه لونلى والشخصية الفضائية وحيدة عشان الكوكب انفكر بتاعها

انا بس كان نفسي يبقى في ابتكار في شكل الشخصية ولكن ده بجد بجد مجهود خرافى يحسب لدكتور اشرف

ياسمين حميد said...

ياريت لو ممكن تحطه على مكان تاني غير اليو تيوب لإنه ما بيظهرش عندي

على باب الله said...

جميل جداً ، انا فخور بيك

بس الموسيقى بتاعة قائمة شيندلر بتحكي مأسآة لم نراها ، يا ترى ليه ؟

معاذ رياض said...

شغل حلو، عجبني قوي فريق العمل كله أشرف حمدي. هي دي روح الجماعة والتيم وورك
ربنا يوفقكم يا أشرف

ياسمين حميد said...

حاجة تجنن، الفيديو مش طالع عندي خالص
يوتيوب عاملة خاصية منع الفيديوكليبات المحمية
وبتطلع لما احاول اشغل الفيديو بتاع لونلي!
هو انت حاطط موسيقى إيه؟

ياريت لو تحط الفيديو في مكان غير يوتيوب علشان أعرف اشوفه

TigerEye said...

جميل الفيديو
يا أشرف
وخاصة تتر النهاية :D

مجهود يستحق التحية والاشادة

Counter