Total Pageviews

Wednesday, January 31, 2007

سفاح المعادي أم فانديتتا ؟

حينما حكى لي أحد الأصدقاء عما قاله الصحفي مصطفى بكري في اتصاله التيفوني الذي أذيع علي الهواء خلال برنامج العاشرة مساء أمس , شعرت بتلك الرجفة التي تعتريك خلال ثواني تعجز فيها عن قول أي شيء .
هل من الممكن أن يكون ذلك حقيقي ؟


ملاحظة الأستاذ مصطفى بكري شديدة الذكاء , السفاح يختار ضحاياه من دائرة البساتين فقط , حتى ضحايا المعادي تكون من مناطق تابعة لقسم البساتين , ما الذي يمكن أن يعنيه هذا ؟ ربما لا شيء , ولكن لو افترضنا صحة شهادة إحدى الضحايا بأن السفاح قد همس لها ببضعة كلمات قبل أن يفر ملخصها هو أن تخبر ضابط معين بقسم البساتين بأنه لن يستطيع القاء القبض عليه أبدا , فهذا لا يدع مجالا للشك في أن هذا الشخص ليس سفاحا .
بل هو شخص تعرض لتجربة مؤلمة تحت يد ضابط شرطة بقسم البساتين فقرر أن يقلب حياته جحيما بهذه الطريقة , ولاحظ أن هذا السفاح هو أول سفاح في التاريخ لا يقتل ضحاياه , لم تمت اية ضحية تم الاعتداء عليها حتى الآن , مجرد جروح سطحية بسيطة هدفها هو شيء واحد ’ أن يبلغ رسالته , مع الوضع في الاعتبار أن جميع الفرص التي أتيحت له للاعتداء علي ضحاياه كانت فرصا مناسبة تماما للقتل السريع , ومن يقدر أن يطعن في الكتف قادر علي الطعن في الرقبة .

هذا هو سر الرجفة التي اجتاحتني وانا استمع إلى صديقي وهو يحكي عن مكالمة مصطفى بكري , لأنني ببساطة كنت أفكر في نفس الشيء ربما من ناحية أدبية بحتة , في اليوم السابق لهذه المكالمة كنت أفكر في كتابة رواية مستوحاة من فيلم فانديتتا الشهير عن شخص يقوم باعتداء وهمي فقط ليثبت جدارته وفقط لكي يحرج الشرطة في ذات الوقت .

هل هي قصة خيالية مثيرة حرقها لي مصطفى بكري علي الهاتف مصادفة ؟!!!
هل هي ملاحظة ذكية تحمل الكثير من الحقيقة ؟

فكروا معي
وهذه المرة سيكون لتعليقاتكم دورا ربما أهم بكثير من التدوينة نفسها .

14 comments:

yamen said...

و الله يمكن يا عم اشرف.. ولو ان اعتداءت ضباط الشرطه علي الناس واضحة ومش عايزة دليل.. والحقيقة ان الناس كلها بتتحول لسفاحين واحدة واحدة.. ولو ركبت المترو هاتعرف..الراجل اللي داخل معايا من باب المترو بيزقني كاني جوز امه.. ولو كرسي فضي تلاقي الراجل من دول جري عليه ويقعد ويبتسم بفخر لانه لحق الكرسي قبل ما الاشرار التانيين يقعدوا عليه..الناس بقت بتفش غلها في بعض..

اشوفك علي خير يا اشرف

سلام

FemTo said...

ممكن ليه لا
بس معقول الانتقام بالطريقة ديه

كلام لوجيك said...

كلاكيت تانى مرة
والله يا دكترة او دعنى اقول يا سيادة المفتش كولوكبو كلامك ده انا موافقك عليه بالحرف
ليه فعلا مايكونش السفاح ده انسان ناقم على الدولة والمجتمع وبداخله غل وغضب شديدين وذلك لظلم وقع عليه او لإمتهان كرامته داخل احد اقسام التعذيب اقصد اقسام البوليس
وده شئ وارد جدا جدا
وبقول لفيمتو ايوة ممكن جدا
لإن الانتقام اعمى والانسان عند يعميه الانتقام يكون مستعد لفعل اي شئ قد لا يتصوره عقل

وربنا يستر على عبيده
دمتم بخير
اسامة سامى

أحمد المصري said...

اعتقد أنها ملاحظة ذكية تحمل الكثير من الحقيقة هذا من المنطق العقلي البحت -وربما الممتزج ببعض التأثر بعالم الأدب-
الأمر أصبح إلى حد كبير حقيقة لا تقبل المناقشة وقابلة للحدوث في الواقع ولا تنسى أننا فراعنة..لكن رحماء..فالإنتقام انتقام مكانة لا انتقام جسد..هذا رأيي على الأقل وأشكرك على طرح الموضوع00
مع تحياتي 00
والسلام عليكم0

أشرف حمدي said...

حينما عرضت سؤالا غريبا بعض الشيء في بوست سابق بعنوان "مجرد سؤال" لم أكن أعلم أن الاجابة ربما تظهر بهذه السرعة

هل سيأتي اليوم الذي نتحول فيه الي 70 مليون فنديتتا ؟

لقد ظفرنا بواحد
وباقي ستة ملايين وتسعمائة ألف تسعمائة تسعة وتسعون
!!

وتذكروا دائما الخامس من نوفمبر :)
remember remember, the 5th of november

أشرف حمدي said...

يامن
عندك حق فعلا , تصدق وتآمن بالله أنا أكتر من واحد يقول لي نفس الكلام , احنا في زمن الهبش , أهبش وأجري لأنك لو ما هبشتش حد تاني حيهبش ويمكن يهبشك انت كمان شخصيا .
هل لإن الناس بقت كتيرة ؟
وفي نفس الوقت الفرص بتقل ؟
مين فينا السفاح ؟
ده سؤال مهم فعلا

Anonymous said...

فعلا فعلا الحكومة خدعت الشعب والشعب ينتقم ودائرة الانتقام بدأت

واحـــد مـــــن الـنـــاس said...

والله يا باشا الواحد من كتر التعميم والتضليل اللي مالي البلد مبقاش عارف الحقيقة
ربنا يكون في عون الشعب ده

بقولك يا كبير

انا باعتلك تاجين مرة واحدة
جاوب عليهم بقا :)

أحمــــــــدبــــــــــلال said...

و الله نظرية معقولة

بس هو الناس ذنبها أيه ماهم ضحايا زيه

معلش معلقتش على البوستات اللى فاتت لأن النت كان مقطوع بقاله أسبوع

عموماً تسميه سفاح دى مبالغ فيها أوى
بس أكيد هايظهر مقلدين فى نفس الفترة الزمنية
و ستجد أن أوصافه فى أقوال الشهود كل مرة بتتغير

أشرف حمدي said...

واحد من الناس
احم .. ياريت تشرحلي موضوع التاجين ده عشان انا مش فاهم
تاجين ايه ؟ وازاي ارد عليهم وهم فين اساسا ؟
أعذر ثقافتي البلوجراوية الضحلة
تحياتي

أحمــــــــدبــــــــــلال said...

أ/أشرف

تاجين يعنى بلا تطويل مثنى تاج
و هو بيكون بوست فى أسئلة موجهة لصاحب المدونة و فى نهاية الاسئلة بيوجه دعوة للبلوجرز أصحابه علشان يجاوبوا نفس الاسئلة

يعنى على باعتلك مجموعتين أسئلة لازم تجاوبهم و علشان تعرفهم شوفهم فى مدونته و جاوب عليهم فى مدونتك أنت

يلا هانعلمك البلوجر كمان

مسرح الغلابا said...

lazeez 2awi el blog dah ya ashraf ... 3ala fekra 2e7na 3amleen blog fiha caricateurat ya rab te3gebak ... ana darwish 3andi 20 sana ,,,, kolleyet handasa ...... we 2amana: salemli 3ala el safa7 we el nabi :P ....

Anonymous said...

انتقام ذو حدين
انتقام من ظابط ابن ستين فى سبعين
وانتقام من خلق ربنا اللى ماشيين فى الشارع
انت عارف ان موضوع سفاح المعادى ده سمعتله تحويرات مايعلم بيها الا ربنا
انت اول واحد تقولى ان مافيش حد مات
دا كل يوم باسمع بلاوى خلتنى احط منطقه المعادى كلها وتوابعه فى البلاك ليست
حاجه غريبه والله ياجدع

واحـــد مـــــن الـنـــاس said...

زي ما احمد باشا قالك يا دكتور
ها ايه رأيك ؟؟
رد بقا على التاجين
اشطة ؟

Counter