Total Pageviews

Sunday, February 04, 2007

بلد بتاعة خدامات صحيح

قل لي ما هو شعورك وأنت شاب في مقتبل العمل تبحث عن وظيفة بعد تخرجك من كلية الهندسة أو الطب أو العلوم أو حتى الحقوق فلا تجد غير الذل والمهانة في بلد تشعرك دائما بأنك ابنها بالتبني , وجدتك علي باب جامع فقالت تكسب فيك ثواب
!
حينما يقرأ هذا الشاب جريدة الوسيط ليعرف بأن هناك عشرات الإعلانات تطلب خادمات لأثرياء مصريين وعرب بمرتبات لم يكن يحلم هو أو اللي جابوه بربعها , فلابد وأن يفكر جديا بإخصاء نفسه والعمل فورا كخادمة
.
اضغطوا علي الصورة للتكبير
وأقرأوا الاعلانات جيدا
آه يا بلد

14 comments:

Mohamed A. Ghaffar said...

أنا عملت العمليه وجاهز لأستلام العمل يا فندم

الأباصيرى said...

حرااااام

يعنى اللى أتعلم وذاكر وأستحمل ذل الدكاترة والكليات بيشتغل ب 300 جنية(دة لو لقى الشغل أصلا) ، واللى أتعلمت الطبخ تاخد 2000 جنية وكمان بالاقامة

عندة حق جعفر المفروض كلنا نعمل العملية

افتكرت دلوقتى بيت شعر لنجيب سرور بس مينفعش يتكتب عشان الرقابة

أشرف حمدي said...

2400 يا أباصيري
والله العظيم شفت اعلان مكتوب فيه
2800
بس العدد ضاع مني للأسف
يعني ضعف مرتب وكيل وزارة

بالنسبة لبيت الشعر بتاع نجيب سرور أنا عارفه وحفظه كمان
ياريت كلنا نطبعه علي تيشيرتات ونلبسها

محمد عبد الغفار
انت أوحيت ليا بفكرة جهنمية .. حسيبها تستوي شوية وأكتبها في تعليق هنا
تابعونا :)

MAKSOFA said...

حلوة حكايه ابنها بالتبني دي
جابت المعني المفيد

FemTo said...

بلد بتاعت خدامات صحيح

يعنى تنصحنى اسيب الكلية واشترى مكنسة ادرب عليها :)

أشرف حمدي said...

Femto
لازم تعمل العملية الأول
وأنا اللي حدربك بنفسي يا مان

هيثم ابوعقرب said...

ها ايه رايك يا اشرف
شور عليا يا اخويا
وانت سيد العرفين ان الصحافه مش جايبه همها
قلت ايه

اتكل علي الله
وابعت مسج للجماعه اقولهم
انا مسافر المعادي
بما انها الخارج دلوقت

أحمــــــــدبــــــــــلال said...

حسبنا الله و نعم الوكيل
حسبنا الله و نعم الوكيل
حسبنا الله و نعم الوكيل

غيظانى اوى شغلانة شرم الشيخ و القاهرة
اللى بألفين جنيه

وينكى said...

طب انت بتتكلم على اعلانات الخدامات وخلافه
طب والله العظيم ..وبنا يشهد عليا
واحده قالتلى انها قرت اعلان فى الوسيط عن ممثله مشهوره طالبه واحده تاخد بالها من القطه بتاعتها
والمرتب من 1000- 1600 جنيه
طب دا يتقال عليه ايه ؟؟؟
شكلى انا اللى هانشر قصيده نجيب سرور كلها على الحيطان

واحـــد مـــــن الـنـــاس said...

مينفعش اشتغل خدام هناك ؟؟؟
اللهم لا اعتراض

أشرف حمدي said...

لدي فكرة خبيثة تتلخص في نشر اعلان بالوسيط كالتالي :

خريج طب أسنان يرسم الكاريكاتير ولديه خبرة بمجال الصحافة المتخصصة بمجال الكمبيوتر يبحث عن وظيفة كخادم لدى أسرة ثرية بمرتب
1500
جنيه

لو كل شاب في مصر دفع خمسين جنيه ونشر اعلان مماثل يكتب فيه مؤهله العالي ورغبته في وظيفة خادم أو خادمة في الوسيط ممكن رسالتنا توصل

عموما هي مجرد فكرة
وممكن الوسيط يفهم ويرفض نشر الاعلانات دي
في انتظار تعليقاتكم

ياسر حسين said...

المرتب مش ضخم زي ما الناس فاكرة لأنه بعملة الاسرة الخليجية هيطلع كلام فارغ نظرا لانخفاض سعر الجنية وارتفاع باقى العملات العربية وعموما هناك قول مأثور يقول خادم القوم سيدهم
تحياتي

masra7 El '3alaba said...

ايه ده .. لأأأأأأأأأأأا حراااااااام .... 2800 ...
طيب بوص هوة اكيد في حاجة غلط في الدنيا ... الغلط يأما عندنا يأما عندوهوم ... و احنا بنتعلم و بنعمل اللي علينا!!!!
انا واحد لسة عندي 20 سنة و في هندسة ... لو انا متفائل هتمني اشتغل اول ما اتخرج بألف جنيه ... و هيطلعوا عيني 12 ساعة شغل ...
دي حاجة تأرف
بص ... انا جبت أخري خلاص
بس انا مش هسكت ... انا هبهدلهم كاريكاتيرات ... اللي مايعجبنيش اتريأ عليه براحتي..

اوووووووف


سلام

Moody said...

للأسف يا أشرف ان فى كوسه حتى فى تعيين الخادمات , و الأولويه دايما للسريلنكيات و الفلبينيات , بس ممكن الواحد يعمل زى احمد أدم فى فيلم و لا كان فى النيه ابقى فلبينيه طالما الحكايه فيها اقامه و غذا و كام باكو

Counter