Total Pageviews

Wednesday, February 07, 2007

فضائحي الخاصة

مرر لي واحد من الناس تاجين ,
لا أقصد أنه مجرد واحد من الناس بل أقصد أنه " واحد من الناس " وليس أي واحد من الناس وخلاص , أقصد أنه " واحد من الناس " . ما علينا !
ولكنني سأرد علي تاج واحد منهم حتى لا يمل الناس من طول التدوينة هذه المرة .
سأختار التاج الثاني حاليا :

خمس حاجات ماحدش يعرفهم عني خاالص !

لقد اخترت الأصعب . ولكن لا بأس سأحاول

أولا : أنا الذي تسببت في جرح مستر سركاريا ! ما حدث باختصار أنه كان لدينا مدرس أحياء في أولى ثانوي اطلقنا عليه اسم سركاريا حتى أنني لم أحاول أبدا معرفة اسمه الحقيقي , وبصراحة كان راجل غلبان جدا ومش عارف احنا ليه كنا شياطين كده , وبالرغم من كوني طالبا وديعا إلا أنني لم استطع مقاومة رغبتي الخبيثة في العبث فوضعت إطار حديدي مخلوع لنافذة الفصل خلف الباب مباشرة بطريقة معينة حتى يسقط علي الأستاذ سركاريا حين يدخل الفصل ويغلق الباب خلفة , بالفعل وقع الاطار علي قدمه وتسبب في جرح بسيط نسبيا , صعب عليا وأخرجت منديلي القماشي ليربط به قدمه الدامية , وشكرني جدا ! لكنه لم يرجع لي المنديل ابن اللذينا لحد دلوقتي .

ثانيا : أحيانا كثيرة أقوم بتشغيل أغنية علي الكمبيوتر وأقف في وسط غرفتي متخيلا مسرحا وهميا أمامي وكأني أنا اللي بغني , ويا سلام بقى لو كنت لابس بدلة الخطوبة التي تجعلني فاتنا .

ثالثا : أحدث نفسي كثيرا بصوت عالي , ماحدش كان يعرف الجنان ده بس أديكم عرفتوا .

رابعا : نومي متقطع دائما , لا أنم أكثر من ساعتين لأستيقظ دقيقة ثم أعاود النوم .

خامسا : أتشاجر أثناء النوم , ممكن جدا ألاقيني صحيت علي صوت شتيمة وخناق وأكتشف ان أنا اللي كنت بشتم واتخانق , بس ساعات كمان بضحك وأنا نايم لما أهلك من الضحك وأصحي علي صوت هاهاهاهاهاهاهاها

بس خلاص .
دلوقتي جه دور الناس دي عشان أمرر لها التاج الفضيحة ده

9 comments:

walaaz said...

وخامسا تفسر رابعا

طبيعى لازم تصحى كل ساعتين على خناقة أو هاها ها

لأ بجد يعنى ربنا يعينك على نفسك
أوعى تنام وانت جنبك أى آلة حادة أو سكاكين
الخناقة تشد والسلاح يطول
lol

جبهة التهييس الشعبية said...

إيه ده؟

حاجة غريبة قوي

أصل فعلا احنا كان عندنا مدرسة كنا مسمينها سركاريا

وبعدين انا برضه باكلم نفسي بصوت عالي وباقفل الاودة علياواعمل اني انا اللي باغني

بس دي حاجة كل الناس تعرفها عني

هو انت كنت في مدرسة كلية السلام؟

عموما تحياتي

ههههههههههههههه

على فكرة

انت مدونتك حلوة قوي

اول مرة اشوفها

بس ح اخد اللنك بتاعها عندي

هههههههههههههههههههههههههه

واضح انك تربنتينا

still breathing said...

أنا برضه بتكلم و أشتم و انا نايمة...طنت فاكرة ان دي حاجة غريبة بس الحمد لله طلع في ناس زيي

الزرافة الحسودة said...

أنا أحسدكم
أحسدكم

و أكره , و أكره , و أكره

masra7 El '3alaba said...

اموت و أشوفك و انت نايم في المواصلات ...

مسرح الغلابا
الغلبان/درويش

MAKSOFA said...

والله صعب علي المدرس الغلبان ده
وبعدين كمان كنت عايزة يرجع المنديل موش كفايه انك كنت السبب ياشقي
وبعدين النوم المتقطع والخناق والكلام مع نفسك بصوت مرتفع دي حالات عاديه بتصيب المبدعين ياسيد مبدع

وينكى said...

دكتور اشرف
انا جاوبت على التاج عندى
ويخرب بيت الفضايح
تعالى واقراه بقى..على حاجه صغنونه من غير فذلكه

hend said...

مش كنت تقولى من الأول!

MAKSOFA said...

انا جاوبت علي التاج
تعالي شوفه

Counter