Total Pageviews

Thursday, February 08, 2007

علشان يشبهلك حبيته !



علشان يشبهلك .. يا حبيبتي ..
علشان يشبهلك حبيتـه
كان نفسي اناديلك يا حبيبتي
كان نفسي اناديلك وناديته
كان نفسي اناديلك
اشكيلك
اسمع منك
ابكيلك
كان نفسي انور لك قمري
واعملك بإيدي الشاي
احكيلك في الليل حكاياتي
واغني لعنيك بناي
كان نفسي اضمك وبقوة
اضمك انتي مش هو
كان نفسي وجريت ايامي وخدني البحر ووداني
... كان نفسي
أغنية أخرى مدهشة لمحمد منير , أحب هذه النوعية الزاهدة توزيعيا , صوت محمد منير والبيانو فقط وحالة غريبة يغلب عليها طابع الشجن .
بالرغم من اعجابي بهذه التحفة الا أن فكرة مستفزة تؤرقني تجاهها , ما معني أن أقول : علشان يشبهلك حبيته ؟ الأمر لا يمكن فهمه علي نحو مخالف عن أن المطرب قد أحب ذكرا مثله لمجرد أنه يشبه حبيبته , ليس هذا فقط بل أنه يقول : كان نفسي أضمك وبقوة , أضمك انتي مش هو ! يعني كمان خده بالحضن ومش بعيد نزل فيه بوس كمان عشان يشبه حبيبته
ربما يعني البحر ..الا أن هذا الجزء لم يأتي بالفيلم لأن أغنية الفيلم ناقصة .
ربما أكون مخطئا في فهم المعنى فأتمنى أن تستمعوا الي الأغنية بجودة ممتازة من خلال الوصلة بذيل الموضوع لتخبروني برأيكم في الكلمات . لا غبار علي منير ولكن كوثر مصطفى هذه التي كتبت الكلمات لا أفهم تماما ماذا تقصد .
علي اية حال أهديكم هذا الألبوم الرائع ولكن لا تستمعوا الي أغنية لأ لأ لأ بصوت عمرو مصطفى لأنها مستفزة
الأغنية تم عملها لتكون ضمن أحداث الفيلم , مجرد خلفية شعبية لأغنية سخيفة ولم يكن يجدر بمنير أن يوافق علي عرضها بألبومه

14 comments:

محمد ياسر said...

اغنية جميلة اوى بحبها و بالنسبة للمعنى فهو متساب كده يمكن عشان تشوفه بالرؤية اللى تحبها انت زى ما اغانى كتير لمنير كده

بس الفيلم وحش على فكرة
تحياتى

إبـراهيم ... معـايــا said...

المصيبة إني بفهم إنجليزي ، بس مشمقتنع بيالبسطرين اللي تحت دول

عمر said...

مش يمكن جاب منها ولد وعلشان يشبهلها حبيته.. قصدي حبه؟

وبعدين انت بتسأل أسئلة شخصية ليه؟ كل واحد حر يا أخي يضم اللي يضمه

أحمــــــــدبــــــــــلال said...

مبلاش أفكارك الوحشة دى
لازم يعنى خيالنا المريض يدخل فى الموضوع
:)

على العموم الأغنية حلوة
بس للأسف الفيلم وحش أوى

أحمد مختار عاشور said...

انا جييييييييييييييييت
دائما ما يأتى عاشور عندما ينام الجميع
واحشنى جدا جدا جدا يا فنان
المهم خلينا فى البوست و نسيبنا من السلامات
الاغنية كلماتها ممتازة جدااااا لشاعرة ممتازة.....اما بالنسبة للكلمات...فلاحظ ان اسلوب مخاطبة الجنسين اتلخبط من زمان...هو كان المعنى الغالب ان المطرب يغنى لحبيبته وبيخاطب المذكر...بس لغاية دلوقتى مفيش مطربة غنت لحبيبها بصيغة المؤنث...ليه كدة؟
عشان نوال السعداوى تؤلف كتب و تتهمنا بأننا شعب ذكورى
بس يمكن الجديد فى الاغنية ديه انه خاطب حبيبته بصيغة المؤنث و التانية - التى قد تكون فتاة لا رجل- خاطبها بصيغة المذكر عشان زنقات اللحن
الموضوع باختصار انه حب واحدة شبه حبيته عشان حبيبته كانت غايبة (فاكر بتحبها ولا بتفكرك بيا لأنغام)
بس على فكرة انا مشفتش الفيلم عشان اعرف احكم على الكلمات كويس
بس الخوف من الاغنية ديه انك ممكن تلاقيها من الاغانى المفضلة فى مواقع المثليين....

أشرف حمدي said...

لحد دلوقتي فيه 3 تفاسير لكلمات الأغنية

التفسير بتاعي الذي وصفه أحمد بلال مداعبا بالخيال المريض

وتفسير عمر بأنه جاب منها ولد شبهها

وتفسير عاشور الجميل والذكي جدا (أقصد عاشور وتفسيره معا )

ولكن يؤسفني ( حلوة يؤسفني دي ) ان التفسيرات الثلاثة ليست لها علاقة بالفيلم مطلقا

لا كان فيه حد مثلي جنسيا ولا كان فيه ابن لحبيبته ولا كان هو بيحب واحدة شبهها ولا أي حاجة !

الفيلم ممتاز إخراجا , وسيء جدا جدا جدا كقصة وأحداث ... أفلام يوسف شاهين من السهل فهمها مقارنة بهذا الفيلم الذي ترقص حنان ترك فيه أكثر من نصف زمن عرضه
أعجبني جدا محمد منير كممثل أيضا

عموما الأغنية حلوة جدا , وفي انتظار تفسيرات جديدة لكلمات الأغنية

Rasha said...

اشرف انا بحب الاغنية دي
بس انا مش فهمتها زي ما انت فهمتها كل واحد وعقله
بقى:)


يعني حبيبته بعيدة احيانا لما الواحد بيحب حد وبيكون بعيد بيشوف صورة حبيبه في اي حاجه يعني ممكن يحضن مخده ههههه او عيل او اي حاجه قدامه

تحياتي

بنى أدم مع وقف التنفيذ said...

الاغنية دى اكثر من رائعه
انا لم اشاهد الفيلم
ولكنى سمعت الاغنية كثير جدا

شادي فايد said...

انا مكنتش ناوي اعلق في مدونتك تاني
مع اني لازلت اتابع مدونتك

لاني بحس اني ضيف تقيل
وبحس انك بتتجاهلني
وزي ما اكون مفروض عليك
ليه معرفش

واصحابي قالولي اللي ينفضلك نفضله

بس كل ما اسمع حبيبي الكينج

افتكر البوست ده
و اقول لنفسي
ده أشرف حمدي

د.أشرف حمدي

اجمل مدونة دخلتها على الاطلاق

أكيد انا اللي زعلته في كومنت ولا حاجة
فتجاهلني

فلم أجد بد من ان اعاتبك
واستفهم منك
ليه انا أشعر كأن كومنتاتي لا تقرأها

لو انا قلت كلمة زعلتك من غير ما أقصد فأنا أسف جداً

متتصورش أنا قد ايه ببقى حتجنن لما أحس ان في حد زعلان مني

وعموما
و على كل حال

ألف شكر على اللينك بتاع أغاني منير

أنا فعلا كنت محتاجها
mp3

الفارس said...

محمد منير بيغنى فى الأغنية دى



للقمر



!!!!!!!!!!

الفارس said...

محمد منير بيغنى فى الأغنية دى



للقمر



!!!!!!!!!!

Anonymous said...

اسمحولى اشارك بس علشان اقول اللى سمعته من الكينج شخصيا فى لقاء ليه

الاغنيه هنا بيتكلم عن الجسم انه بيحب جسمها علشان هوه جسمها
لكن فى الاساس هوه بيحبها هيه
علشان فى الفيلم اساسا المفروض ان
الفنانه حنان ترك لما لبست الدهب بتاع مراته افتكرها هيه من صوت الدهب

اغنيه بجد روعه وفكرتى باغنيه موسيقار الاجيال محمد عبد الوهاب

لما قال عشق الروح ملوش اخر لكن عشق الجسد فانى

واى اغنيه او كلمات اغنيه لمنير او ترجمه اغانى نوبى انا موجود

Anonymous said...

اسمحولى اسيب تعليق

الاغنيه دى الكنج فيها بيقصد لما قال علشان يشبهلك يقصد الجسم جسمها يعنى
يعنى بيحبه علشان هوه جسمها
لان المفروض فى الفيلم انه افتكر ان الفنانه حنان ترك هيه مراته لما لبست الدهب بتاعها وهوه كان فى الفيلم كفيف

الاغنيه دى روعه بجد وبتفكرنى باغنيه موسيقار الاجيال لما قال عشق الروح ملوش اخر لكن عشق الجسد فانى

منايرى

ALBARON said...

قد أكون مخطئاً أو مصيباً 
و لكني أعرف أنه يجب أن يتحلي مستمعي منير بصفتين هما..... إدراك و فهم معني الكلمة , و تخيل مضمون الموضوع .
== فدعونا نتخيل شخص جالس أمام البحر , سارح في شكواه له بحزن و شجن .... 
و فجأة رأي حبيبته التي كان يشتكيها ( في خياله أو واقعه ) .... فعاتبها بشوقه لها و برر شكواه للبحر لوجود التشابة بينهما 
( نظراً للمد و الجزر و تقلبهما من حال إلي حال ) إلا هناك فارق لصالح البحر .... أنه يستمع له و ليست هي من يستمع له .
إلا إنه في النهاية ييدرك إنها ليست حقيقة و لكنه كان يكلم البحر بصورتها بعد فوات الزمن و الفرصة.
(( كان نفسي ... وجريت أيامي..........................وأخدني البحر و ودان.......كان نفسي ))
فلم يبقي له إلا الشكوي إلي البحر و تخيل صورتها فيه .

و أسف للإطالة , قد أكون مخطئاً أو مصيباً و لكن تبقي أغاني منير مميزة بمعنيها و الحانها و صوته

Counter