Total Pageviews

Monday, March 12, 2007

أطفال الحجارة


حين تسمع عن اعتصام سائقي القطارات فربما يتبادر إلي ذهنك ان هذا امتدادا لإعتصام العمال المطالبين بحقوقهم , ولكن اعتصام سائقي القطارات كان لسبب آخر مختلف .
انهم يطالبون بتأمين عربات القيادة بعد تكرار حوادث اصابة السائقين بالطوب والحجارة التي يقوم الأطفال بإلقائها علي القطارات المسرعة !!!
هل هو فيلم كوميدي فانتازي ؟؟؟
أطفال يصيبون قطارات بالطوب , أنا اعرف ان الأطفال علي أيامي كانوا بيصطادوا عصافير , يصطادوا بلح من ع النخل بالطوب , انما صيد القطارات دي جديدة !
ما الذي يجعل طفل ــ من المفترض أنه بريء ــ يرشق القطارات بالحجارة؟
وما هو نوع زجاج القطارات الذي ينكسر بسبب زلطة ملقاه بل وتخترق الزلطة رأس السائق ليرقد في العناية المركزة ؟
بكره يصطادوا الطيارات بالنبلة .

11 comments:

ياسر حسين said...

يبدو إن الأطفال بتعاني من الكبت اللي بيتحول إلي ميول وأفعال عدوانية
ولو كانوا لقوا حاجة مفيدة يطلعوا فيها طاقتهم مكانش ده حصل
مركز شباب نضيف أو حديقة عامة نضيفة أو أب فاضي يوجههم ومش بيرجع آخر الليل بعد ميخلص شغله في ال3 وظايف اللي بيشتغلهم عشان يأكلهم
تحياتي

IRC President said...

ربنا يستر على الجيل ده والله

جبهة التهييس الشعبية said...

القصاص للأسرى المصريين

Mohamed Hamdy said...

أهلا دكتور أشرف

قرأت تعليقك فى مدونه مصطفى فتحى , والذى أبديت فيه غضبك من سرقه البروفايل الخاص بك , أنا هكون كداب لو قلت إنى إستوحيت فكرة البروفايل من دماغى , أنا فعلا لقيته عندك فعجبنى أخدته وغيرت فيه بما يناسب شخصيتى , يعنى حضرتك كاتب مبسم الشيشه لكن أنا مش مدخن ف غيرتها , كمان معالجه أسنان الناس أنا مبرمج مش دكتور ...

أنا مكنتش أعرف إن حضرتك ممكن تزعل من نقل سطر واحد كتبته مع التصرف , مع العلم إن الإنسان مبينقلش غير الشىء الى هو بيحبه وبيخش قلبه وعقله , يعنى كلامك بجد عجبنى ولو مكنش عجبنى مكنتش نقلته ..

وإحنا على الفضاء السيبرى كل لحظه بتطير إيميلات منقوله بين ملايين البشر , وموضوعات فى مدونات ومتديات متقدرش تعرف مين ناقل من مين , فهل السطر الى أنا نقلته هو الى زعل حضرتك للدرجه دى ؟ أما عن التلميح عن نقل الموضوعات فا ياريت تشرفنى بالزيارة وأتحدى لو لقيت كلمه منقوله من مكان بدون مصدر , دة إن كان فى شىء منقول اصلا ...

ورغم كل دة أنا بعتذر لحضرتك إعتذار كبير ولو لسه مصر على إنى حرامى ومضايق أنا هشيل الصورة وأحط كلام تانى , بس حضرتك تقولى , وياريت ترد عليا على الإيميل عشان أنا مش بتابع التعليقات هنا وإيميلى
mohamedhamdyonline@gmail.com

ولأخر مرة يا دكتور .. الواحد مبينقلش حاجه إلا لما بيحبها ...
شكرا ليك.

ملحوظه : مصطفى ملوش دعوة بكل دة أنا محمد حمدى المصمم الى نقل البروفايل والى عمل السايت ,

FrEe.PhArAoH said...

بما انى راجل بركب قطارات كتير وبسافر كتير بجد :) هقلك حاجه مرعبه

الاطفال اللى بيحدفو القطر بالظوب مش اطفال .. دول مذنبين .. خطاه .. اى حاجه المهم مش اطفال مفيهمش اى برائه

ناس كتير بتتعور وتتبهدل ويطلع عينها بجد .. وكمان مش كلهم اطفال .. فى سن كبير ..ي عنى مثلا 14 سنه او اكتر قليلا

وكمان فى حاجات تانيه .. محطات معينه بيتخطف حاجتك منها .. كيس او شنطه او كاب مثلا او نضاره .. اى حاجه ممكن تتخطف .. بجد عندهم حق السواقين

تحياتى

أحمــــــــدبــــــــــلال said...

نجوت بأعجوبة من حجر طاير
و أنا أركب أحد القطارات
هنا طبعاً فى الاسكندرية
تقع أغلب محطات القطار فى وسط المناطق الشعبية
تجد الاطفال يقذفون بالحجارة و الجزم و الزبالة و كل ما يمكن أن يقذف
و لذلك فدائماً زجاج القطار مدمر


لكن أنهم يقوموا بأضراب فده اللى شئ جديد بالنسبة ليا

على فكرة بوست خط الفقر رائع حقيقى سقطت من الضحك
و المرارة

أشرف حمدي said...

طيب أنا نفسي أفهم ليه !!!
ما هي المتعة في التخريب ؟
بلا شك الأطفال لديهم بعض الميول العدوانية علي غرار ضرب القطط وقتل العصافير ولكن أن يصل هذا إلي حد حوادث القطارات واصابة سائقيها فهذا هو الأمر الذي يصعب فهمه
!
يعني لو السواق اللي انضرب ده لو ماكنش حد لحق القطر بداله كان زمان كل اللي في القطر ماتوا
بسبب زلطة !

FemTo said...

انا وانا مسافر قبل كده فى القطر وناحية خط طنطا شبين اتدفت حتة طوبة دخلت وفتحت دماغ اللى كان قاعد قدامى ..شوفتها بعينى والله..المفروض يعملوا حماية على ازاز القطر او يجيبوا حاجة تستحمل الطوب اللى بيترمى عليه

وينكى said...

سؤال يطرح نفسه؟؟؟
هما الاطفال دول فى مصر ولا فى فلسطين؟؟؟
وهما السواقين دول مصريين ولا..... احم
من اخوانا البعده
ولو ماكانوش.. ايه درجة القرابه اللى بينهم وبين البعده عشان يتنشوا بالطوب؟؟؟

ert3ashat said...

Begad enta mawhooob awyy awyy awyyy mashaa allah wna mtb3ak men zmaaaaaaaaaaaaaaaaaaaaaaaaaaaaaan bs makntsh bab3at begad dammak khafef we rsomatak gamla gedan..wn delw2ty mdwen 7ades we ya rab te2blony m3akoo

اسكندراني اوي said...

تصدق ان لو حجر وزنه 200 جراماتحدف من يد طفل
لنقل بسرعه 3,متر في الثاتنيه
على قطار تبلغ سرعته المتوسطه 80 كم في الساعه

قوه الرتطام
تعادل
33 كيلو جرام

Counter