Total Pageviews

Thursday, April 05, 2007

طب من بقك

الكاريكاتير من موقع مصراوي

وصلني خطاب التعيين من وزارة الصحة
جاء تعييني في شمال سيناء في واحدة من مفارقات الحكومة أم دم خفيف قوي
والله جميل جدا .. أنا في شمال سيناء وزوجتي في المنيا وربما نربي أطفالنا في السلوم في مقابل مرتب يصل بالحوافز والبدلات وكله كله 500 جنيه
أما عن الكادر الخاص وكل ما يصدعون به رؤوسنا ليل نهار , فقد لفت انتباهي هذا الخبر بموقع مصراوي عن عزم الأطباء للإضراب
هم بتوع المطاحن ولا عمال النسيج ولا حتى سائقي القطارات أحسن مننا ؟
أتركم مع الخبر وفي انتظار تعليقاتكم

القاهرة - دعا أطباء إلي اضراب شامل في المستشفيات لاجبار الحكومة علي إقرار الكادر الخاص للأطباء.
عبر الاطباء عن استيائهم من الاوضاع السيئة التي يعيشها 160 ألف طبيب غالبيتهم محرومون من التدريب والاطلاع علي أحدث ما وصل إليه الطب الحديث بسبب ضعف الامكانيات وتدني الاجور وتجاهل الحكومة لاحتياجات مهنة الطب من معدات وأجهزة وعدم تشجيع الاطباء علي حضور المؤتمرات الدولية التي تكسبهم الخبرة علي ممارسة المهنة.
أجمع اطباء في مستشفيات ووحدات صحية بمحافظات القاهرة والجيزة والفيوم وبني سويف والمنوفية والقليوبية علي العمل في ظروف صعبة جدا مقابل مرتبات تتراوح بين 120 و600 جنيه فقط فضلا عن حصولهم علي بدل مخاطر العدوي الذي لا يتجاوز 8 جنيهات.
وقالوا ان بدل المناطق النائية للاطباء العاملين في الوحدات الصحية البعيدة لا يشكل إضافة معقولة لاساس المرتب، بالنسبة للاطباء حديثي التخرج الذين يتقاضون راتبا شهريا 120 جنيها.
أعرب الاطباء عن صدمتهم من تهرب الحكومة من تحقيق مطالبهم وتجاهل تحسين اوضاعهم المعيشية رغم عمل الغالبية منهم بشكل متواصل وقضاء 24 ساعة في الوحدات والمستشفيات القروية دون مقابل يكفي احتياجاتهم في شراء مراجع علمية من ناحية والانفاق علي اسرهم من ناحية اخري.
وسخر الأطباء من تدني اجورهم وقالوا إنها لا تعادل اجر عامل اليومية وطالبوا بمساواتهم بعمال النظافة والعاملين في قطاعي الكهرباء والتليفونات فيما شبه البعض الاطباء بعمال التراحيل، حسبما ذكرت جريدة الوفد.
قالت الدكتورة رشا مرسي الطبيبة بالوحدة الصحية بقرية سندنهور بالقليوبية ان اجرها في الساعة لا يتجاوز 90 قرشا، وأن راتبها الشهري لا يكفي لشراء »بامبرز« لطفلتها الصغيرة آية.
وأكد الدكتور أحمد حمدي اخصائي جراحة، انه يعمل في مهنة الطب منذ 21 عاما، ويعجز عن سداد مصاريف الدراسة لأبنائه.
وحث الدكتور طارق توفيق استشاري علاج العقم، الاطباء علي اضراب شامل في المستشفيات، لاجبار الحكومة، علي إعادة النظر في وضع الطبيب، الذي يواجه ظروفا معيشية صعبة، ويعاني من مخاطر الاصابة بأمراض قاتلة.
واشار الدكتور أحمد شاهين، إخصائي مسالك بوليه، إلي ان راتبه لا يتجاوز 513 جنيها، بعد 25 عاما في المهنة، وقال انه راتب، لا يعادل أجر عامل النظافة.
وأكد الدكتور علاء الامير، طبيب حميات، ان راتبه الشهري 120 جنيها فقط، ويبحث عن أي عمل اضافي في المستشفيات الخاصة، لحين اتاحة الفرصة للهروب من مصر.
وكشف الدكتور رضا رجب، نائب اطفال، انه فشل في الارتباط والزواج، بسبب تدني راتبه، الذي لا يتجاوز 230 جنيها، لا تمكنه من توفير تكاليف الزواج.
فيما قال الدكتور طه النادي، نائب مدير مستشفي عام، انه يعمل طبيبا منذ 30 عاما، ولم يتمكن من شراء سيارة خاصة.
يذكر ان في مصر 160 ألف طبيب، يعملون في 1093 مستشفي و4 الاف و136 وحدة صحية.

15 comments:

Diabloooz said...

و إيه يعنى يا كابتن لما تشتغل فى سينا و لا حتى قرية سفندى العفاريت النموذجية

مش تحمد ربنا ان الحكومة جابتلك شغل و كماااان هاتدفعلك فلوس !!! مش زى عمال المطاحن اللى بيطلعوا أخر الشهر مديونين للشركه

ربنا يكون فى عون حضرتك انت و المدام و كل شباب مصر

david santos said...

Hello!
Very nice work. thank you
have a good day

Unknown said...

ازيك ياأشرف
كتاباتك حلوة جدا.. اول مرة احد بالي هاها
معلش!
على فكرة.. شمال سينا دي في فارة أسيا..يعني هتبقى طبيب عابر للقارات
طبيب باتريوت
بس محدش هايجيب سيرتك في الأخبار -"سكتم بكتم"
ربنا معاك!

Anonymous said...

هو انت اتجوزت خلاص؟ الف مبروك.. يا ترى بقى لقيت الجواز عامل ازاي؟

Anonymous said...

قطعت قلبي يابني.....هو الواحد كان ناقص...

انا عايز اهجّّ

أشرف حمدي said...

Hatem
ههههههههههه
انت اللي رسمك أحلى
أقدملكم حاتم فتحي .. أجمل فنان كومكس في الشرق الأوسط بجد مش تهريج
طبعا انت مش محتاج تقديم
أشكرك كثيرا علي تشريفك مدونتي المتواضعة

Rose
لقيت الجواز عامل كده هو :)
بجد أنا الحمد لله سعيد جدا لأن جوازي كان نتيجة طبيعية لقصة حب كبيرة في الكلية .. وسعيد لأني أثبت أن حب الكلية مش مجرد صحوبية وكلام ودموع وآهات ووداع في الآخر زي ما بيحصل كتير .. لأ .. ممكن فعلا يبقى جواز كمان وجواز سعيد .. نحمد ربنا ونشكر فضله

Erte3ashat
ياريت بقى تصوت علي الاستفتاء اللي أنا عامله في البلوج لو كنت ما صوتش
عموما الشعب كله بيصوت اليومين دول :)

Yasser Hussein said...

اللي بتتكلم فيه ده طبيعى
أنا مرتبى وصل بعد 11 سنة عمل في وزارة التربية قبل سفري للخارج
227 جنية
علما بأنى واخد علاوة دراسات عليا أربعة جنية بحالهم
منه لله اللي قال من فاتك الميري اتمرغ في ترابه

Haitham Abu Akrab said...

والله يا اشرف كنت عايز ازغرت لك بالمناسبه دي ياحبيبي
بس نعمل ايه بقي

.
.
.
.
جت في سينا
احب اهديلك الاغنيه الشهيره صباح الخير يا سيناء
وبالمناسبه 25 ابريل قرب
وهتسمعها كتير

•«ρяoιd»•™ said...

بتتكلم في ياه بس يا أشرف

تخيل انت لما دكتور زيك أو مهندس زيي

و مرتبي لا يتعدي ال 600 جنيه

و المفروض اني احوش منهم و اجهز شقتي عشان لو هتنيل اتجوز

مش عارف انا ازاي بجد

بلد عايزه الحرق

بس احلي حاجه فينا اننا رغم كل البلاوي اللي احنا فيها دي بنضحك

شعب عجيب بجد

و بمناسبة الضحك خد النكته دي بقي

هدية المولد حسنى مبارك ركب طياره هو وعيلته. طلع ورقه بمية جنيه من جيبه وقال >انا حأرمى المية جنيه دى واللى حيأخدها حأسعده. سوزان قالت له طب ما >تخليهم ورقتين بخمسين وتسعد إتنين. علاء قال طيب ماتخليهم خمس ورقات >بعشرين وتسعد خمسه . جمال قال طيب ماتخليهم عشر ورقات بعشره جنيه وتسعد >عشره. الطيار قال طيب ما ترمى نفسك وتسعد 75 مليون

تحياتي

فبركة said...

شمال سينا دى منطقة غنية بالأثار يا راجل..يعنى المفروض تفرح
ده حتى البانجو والحشيش هيبقوا عندك مجانا
وممكن تاخدهم مقابل كشف
وتبقى قايمة الأسعار كالتالى
خلع سنة= جوين حشيش
حشو سنة=جوين بانجو
خلع ضرس=عرنوسة بانجو
حشو ضرس=قرش حشيش
طقم سنة=طربة حشيش
بالهنا والشفا يا دكتور وعمار يا مصر وطب اسنان مصر

R.R said...

والله قلبت عليا المواجع

انا بقى استلمت تكليفى فى مكان مفهوش غير خلع بس المشكله البسيطه جدا
ان مفيش جوانتيات بيجيبوا كم علبه كل اربع شهور تخلص فى شهر ونستنى كمان اربع شهور
وبغض النظر عن المرتب 260
احساسك انك مش بتعمل حاجه
جامد جدا

وقربت انسى المهنه
بس الجانب المشرق انى مقضياها نصايح للبشر
ازاى تستخدموا فرش الاسنان بالطريقه الصحيحه
priventive
يعنى

اهو نحلل المرتب والسلام

ده غير الاوتو كلاف الى بيزود عدد الفيروسات


هنقول ايه بس

حسبنا الله ونعم الوكيل

ana ga3an said...

امال اية يا راجل الدكاترة الحيتان
اللي الكشف بتاعهم ب 300 جنية
ما هو انت لو كنت شاطر ودخلت نفس الكلية بتاعتهم كان زمانك دكتور قد الدنيا

الأستاذ جمال بيه said...

مين
هه
فين
ليه
مش فاهم
طب يعنى مش تستحى لما الحاج جابلك نيله شغل
ده انتم مفيش فيكم فايده
شعب عره

يحيا الحاج يعيش الحاج
باموت فى الحاج
ياعينى ع الحاج

nohamy said...

كويس انك ليقت شغل

YHYيــوســف الـمصـرى said...

ههههههههههه
يا سيدى الاجر والثواب عند الله
ربنا يكون فى عون شباب مصر
تحياتى

Counter