معلش يا جماعة .. أرجوكم اعذروني لأن اللي بيحصل اليومين دول بيخللي الواحد يفقد سيطرته علي نفسه في البلوج . أنا بقالي أسبوعين مش عارف أكتب تدوينة واحدة محترمة بذمة . وحاسس بحالة غريبة من العبثية . سيبوني الله يخليكم أكتب كده تلقائي وعشوائي , أحسن أنا خلاص حفطس .
الموضوع النهاردة أعزائي المشاهدين عن فتوى رضاعة الكبير .
ولمن لم يسمع بالموضوع أقول له باختصار بأن هناك فتوى تلزم السيدة بإرضاع زميلها في العمل إذا كانت ظروف العمل تحتم عليهم الخلوة , وهي خلوة غير شرعية بالطبع ولكي تكون شرعية فعلى السيدة إرضاع زميلها خمس رضعات وبعدها تصبح الخلوة شرعية بل ويمكن للسيدة أن تكشف شعرها أمامه بعد ذلك .
ويجب أن تكون الرضاعة بشكل مباشر من مصدر اللبن نفسه .
والله الراجل ده عامل أحلى دماغ .. أنا شفت ناس كتير عاملة دماغ حشيش وناس عاملة دماغ بانجو وغيرهم عاملين دماغ كلّه .. إنما أموت وأعرف الصنف ده إيه .. باين عليه بيعمل دماغ عالية قوي .
طب بصوا .. انا مش حعلق علي الموضوع .
أنا بس عاوز أسأل شوية أسئلة :
طب دلوقتي لو أنا رجل واحد وسط خمس موظفات .. لازم أرضع منهم كلهم كل واحدة خمس مرات ؟
مش الواحد كده ممكن بطنه توجعه ؟
طب بلاش دي .. لو هي ست واحدة في غرفة بها عشرين راجل .. حترضع الجيش ده كله ازاي ؟ دي كانت تنشف .
طب أنا مش بحب اللبن سادة .. ينفع أضيف شاي أو كابتشينو ؟
طب بلاش الأسئلة الأبيحة دي . معلش انا قليل الأدب اليومين دول وأفكاري بذيئة .
عاوز بس أعرف ... ممكن لما أروح مصلحة حكومية ألاقي باب المكتب مقفول والساعي واقف بره بيقوللي : عدي علينا بعد نص ساعة يا حضرت .. أصل الموظفة بترضع زمايلها ؟
طب افرض اللبن قطع وانا مالحقتش آخد غير رضعتين بس أتصرف إزاي أنا دلوقتي ؟ ويا تري موقفى حيكون إيه ؟ الخلوة حتبقى نصف شرعية ؟
طب مش ممكن يحصل خلاف ؟ يعني أبقى داخل مصلحة حكومية ولا شركة ألاقي الموظفة بتتخانق مع زميلها :
خلاص مالكش عندي رضاعة يا خويا , انت واخد خمسة .. يقول لها : لأ دول اربعة بس افتكري كويس يا مدام؟
طب مين حيعد وراهم في الحكاية دي ؟
طب هو الموضوع ده ينقض الوضوء ؟
طب لو احنا في رمضان .. أرضع ازاي بس ؟ أروح مع الموظفة أرضع عندها في البيت بعد الفطار ؟ يعني أخبطت الباب يفتح لي جوزها : مساء الخير يا فندم .. انا زميل مراتك في الشغل وجاي أرضع وأمشي علي طول.
طب هي الرضعة طولها أو مقدارها قد إيه ؟ أرضع لحد ما أشبع يعني ؟ يعني ممكن أقعد أرضع خمس ساعات مثلا في المرة الواحدة ؟
حد يفتيني والنبي يا جدعان .
الموضوع النهاردة أعزائي المشاهدين عن فتوى رضاعة الكبير .
ولمن لم يسمع بالموضوع أقول له باختصار بأن هناك فتوى تلزم السيدة بإرضاع زميلها في العمل إذا كانت ظروف العمل تحتم عليهم الخلوة , وهي خلوة غير شرعية بالطبع ولكي تكون شرعية فعلى السيدة إرضاع زميلها خمس رضعات وبعدها تصبح الخلوة شرعية بل ويمكن للسيدة أن تكشف شعرها أمامه بعد ذلك .
ويجب أن تكون الرضاعة بشكل مباشر من مصدر اللبن نفسه .
والله الراجل ده عامل أحلى دماغ .. أنا شفت ناس كتير عاملة دماغ حشيش وناس عاملة دماغ بانجو وغيرهم عاملين دماغ كلّه .. إنما أموت وأعرف الصنف ده إيه .. باين عليه بيعمل دماغ عالية قوي .
طب بصوا .. انا مش حعلق علي الموضوع .
أنا بس عاوز أسأل شوية أسئلة :
طب دلوقتي لو أنا رجل واحد وسط خمس موظفات .. لازم أرضع منهم كلهم كل واحدة خمس مرات ؟
مش الواحد كده ممكن بطنه توجعه ؟
طب بلاش دي .. لو هي ست واحدة في غرفة بها عشرين راجل .. حترضع الجيش ده كله ازاي ؟ دي كانت تنشف .
طب أنا مش بحب اللبن سادة .. ينفع أضيف شاي أو كابتشينو ؟
طب بلاش الأسئلة الأبيحة دي . معلش انا قليل الأدب اليومين دول وأفكاري بذيئة .
عاوز بس أعرف ... ممكن لما أروح مصلحة حكومية ألاقي باب المكتب مقفول والساعي واقف بره بيقوللي : عدي علينا بعد نص ساعة يا حضرت .. أصل الموظفة بترضع زمايلها ؟
طب افرض اللبن قطع وانا مالحقتش آخد غير رضعتين بس أتصرف إزاي أنا دلوقتي ؟ ويا تري موقفى حيكون إيه ؟ الخلوة حتبقى نصف شرعية ؟
طب مش ممكن يحصل خلاف ؟ يعني أبقى داخل مصلحة حكومية ولا شركة ألاقي الموظفة بتتخانق مع زميلها :
خلاص مالكش عندي رضاعة يا خويا , انت واخد خمسة .. يقول لها : لأ دول اربعة بس افتكري كويس يا مدام؟
طب مين حيعد وراهم في الحكاية دي ؟
طب هو الموضوع ده ينقض الوضوء ؟
طب لو احنا في رمضان .. أرضع ازاي بس ؟ أروح مع الموظفة أرضع عندها في البيت بعد الفطار ؟ يعني أخبطت الباب يفتح لي جوزها : مساء الخير يا فندم .. انا زميل مراتك في الشغل وجاي أرضع وأمشي علي طول.
طب هي الرضعة طولها أو مقدارها قد إيه ؟ أرضع لحد ما أشبع يعني ؟ يعني ممكن أقعد أرضع خمس ساعات مثلا في المرة الواحدة ؟
حد يفتيني والنبي يا جدعان .
45 comments:
مسخرة والله العظيم الواحد ما هو عارف يعمل ايه فى البلد دى
حتى العلماء اللى الأمل عليهم برضه
مفيش فايدة
عزيزي أشرف
أنا وقعت من كتر الضحك وأنا بأقرأ تساؤلاتك
بس على فكرة في ناس هتهيص على حس الفتوى دي
يعني ممكن واحد يرضع اربع رضعات ويجيب شهادة من طبيب باطني إن اللبن ده بيعمل له نزلة معوية
:)
خالص تحياتي الفنية
:)
أنا سمعت عن الموضوع ده كتير
بس للاسف مش فاضي ابحث في الموضوع ده
انا بس عايز أعرف مين صاحب الفتوة دي
ياريت تفيدني يادكتور
:)
اشرف و الله انتي بتحبكها اوي يااخي
LOL
بس علي فكره تساؤلاتك في مكانها و طبيعيه جدا و انا بشكرك انك عرضتها لانها اكيد بتدور في دماغ ناس تانيه كتير من اللي سمعوا الفتوي ديه و يارب حد يسمعك و يرد علي تساؤلاتك عشان حتي كل الناس اللي عندها شك في حاجه تعرف
بجد بوست معبر و في الجون
تحياتي ليكي ياجميل
و المصيبة ان المهتز الل افتى باليطيخ ده و قال الفتوى الكسكسي كان على احاديث وردت في البخاري و مسلم و ارقامهم
البخاري 4000 5088-
مسلم 1453
انا اقعد اضحك لحد ماامى كانت حتطلبلى مشتشفى المجانين اسم الله على مقامك
اه والله
بوست مســـــــــخرة
انت دمك سكر بجد
انا سمعت عن الموضوع ده من اخر 2006 وعملت زيك ساعتها
بس خلاص يعنى
نتوقع اكتر طالما الفتاوى بقت سبوبة لوز فى الفضائيات
وريح الزبون يامعلم
ويافرحة الموظفات والموظفين بالمليطة
هههههههههههههه
بس بجد اضم صوتى لصوت شادى
مين الراجل اللى مجابتوش ولادة صاحب تلك الفتوى العصماء؟
عشان نديله جايزة اوبل وعليها رضعتين منكل مذة من مذذ العالم العربى كله ;-)
الراجل تعب برضه فى الفتى
تحياتى يامعلم
هههههههههههههه
دى أجمل تدوينة قريتها على الفتوى دى.
و الله أنا بدأت أقتنع إن الناس دى عايزين يطلعوا دينا
والله بقت عادى يادوك إنك تلاقى واحد مالوش شغلانه يطلع يديك فتوتين عجب يتشهر على قفاهم
طب خد عندك الفتوه اللى سمعتها على قناه محترمه وجاء فيها
حرام على النساء تنام جنب الحائط عشان الحائط ذكر وانت فاهم
التساؤل المهم
طب السرير حلال ولا حرام والسرير ذكر
ولا الأحسن حصيره عشان مؤنثه
آدى ياعم الوطن العربى
أبشروا يا قوم
أن صاحب هذه الفتوى البطيخية هو المفسد لخلق الله فضيلة الشيخ الجليل
عزت عطية رئيس قسم الحديث بجامعة الازهر.
وقد تم فصله اليوم
بس أكيد الناس عجبتها الفكرة ومش حترضى تطلع من نافوخهم
تحياتي
وبعدين يا دكتور حرام عليك
البوست بتاعتك كلها حلوه
وربنا يسامحك أنا ورايا إمتحان بعد بكره وشكلى هاطلع بملاحق
وزمان الأهل والأحباب جايين يهزأونى عشان قاعد عالنت
وابقى قابلنى لو حد تفهم إنى باعمل كومنت على البلوج بتاعتك
باى باى قبل ماحد يوصل
أسف جداً مازلت أحاول التوقف عن الضحك من بعد قراءة البوست
ده اللى قال الفتوى دى كان عامل دماغ رضاعة زى اللى قال عليها
يالهوى
أحنا وصلنا للمستوى ده من الحوار الدينى و الفتاوى
بالنسبة للموظف اللى قاعد مع خمس موظفات مش ضرورى يرضع من الخمسة لأنه هايبقى مع أمه فبالتالى هايتكسف يقل أدبه مع زمايلها و زمايله فى نفس الوقت
لا و أيه ده الخمس رضعات لازم يكونوا مشبعات علشان يتحسب أبن محرم عليها
تخيل شحط طول بعرض و مش بعيد يكون متجوز كمان هايرضع أد أيه علشان يشبع
و سؤال قبيح شوية أيه اللى يعرفنى أنه و هو بيرضع ماكنش بيفكر فى حاجة قليلة الادب و أخد الموضوع كله أستهبال
أيه اللى يضمنا أن الموظفة نفسها بترضعه بدافع الامومة
يانهار أسود على الأيام اللى بنشوفها
حقيقى صدمة قاتلة
كويس الواحد يبدأ يدورله على شغلانة فى مكتب كله ستات
و لما يطلبوا موظفات بعد كده هايكتب فى شروط التعيين
تجيد الكمبيوتر
و اللغة الانجليزية
و القدرة على الرضاعة
الظاهر في توارد خواطر بيننا
بس الحقيقة الموضوع دا مثير للسخرية اكثر من من مناقشة الفتوى
انا كمان تخيلت منظر الموظفين ازاي لو اخدنا بالفتوى دي
:)
تعرف يا أشرف ، سعادة البيه اللى
قال "الفتوى" دى أساء للإسلام أكتر
بكتير من الرسام الدنماركى إياه اللى
شتم الرسول .. و عشان أكون صريح ،
دا كإنه جاب مصحف و طرطر عليه .
و لا حول ولا قوة إلا بالله .
يا لهوى
طب واللى لسه متجوز يعمل ايه
ينفع لبن بدرة
يا ناس ارحمونه شويا
حسبى الله ونعم الوكيل
ما هم مقلوش الفتوى دى للمتجوزين بس ولا ايه
يعنى لو بنوته تعمل ايه
ولا اللى مش بترضع اصلا
بقول ايه انا شكلى كده هقل ادبى
يا رب احمنا من ام الهبل ده يقا
أنا فعلا قرأت عن الموضوع ده
الراجل ده بيقول كلام زى الفل
اوةةةةةةة....قصدى زى الزفت
ياسلام لو الراجل ده يبقى مفتى
ده الشعب يادكتور هينتعش
وهيبقى اللبن لمؤاخذه متوفر
اهى دى الفتوى ولا بلاش
على فكره يادكتره
الراجل ده عنده عقده من اللبن
كان وهو صغير كان بيشرب لبن بالعافية
علشان كده عايز الناس كولاتها تشرب لبن
نعم لجميع منتجات الألبان
بجد يافنان موضوعاتك عجيبة
إلا حكاية الرضاعة دى كمان
بس أهو آخد جزاؤه
وأتوقف عن العمل
شكله كده عايز يلفت الانتباه
يع
وينكي صاحبة أجمل وأبلغ تعليق حتى الآن مع احترامي للجميع
قالت حرفين
ي ع
عندك حق يا وينكي
تحياتي ليكي
هههههههههه
ههههههههههه
هم يضحك
الموضوع مهزله بكل المقاييس
تحياتي ليك
غبت فتره
لما رجعت قلبت في اللي فات
عجبني موضوع مس ايجيبت
و انت كده حتخليني اتابع
otv
انا بحب الافلام الاجنبي جدا
و مقتنعه زيك ان فكرة مقص الرقيب دي فكره هبله
افلام البورنو موجوده
و محدش حيتفرج على فيللم ساعتين عشان مشهد 5 دقايق
!!!!
اللي بيتفرج غاوي اجنبي زي حالاتي
و القص و اللزق ساعتا كتير بيبوظ الفيلم
هاي فريدة
ميرسي تشريفك المدونة
يؤسفني ان قناة
OTV
بقت تقطع من الأفلام
شكلهم خافوا يقفلوها ولا ايه انا مش فاهم
تحياتي
اللى كاتب الفتوى دى شكله عامل دماغ جامده اوى
الاسئله بتاعتك مش عارفه اجاوب عليها بس هلكتنى من الضحك و انا بتخيل نفسي رايحه اخلص ورق فى الحكومه و ادخل المكتب الاقى
لالالالالالالالالالالالالالالالالالالا
استحاله
مسخره بجد
!!!!
السلام عليكم يا باشا
صراحة انا متابع تدويناتك من فترة بس اول مرة اعلق عندك
الحمد الله ان الشيخ المجنون ده اتحول للتحقيق واتفصل من الازهر
وربنا يرحمنا من شيوخ الازهر الى كل فترة يطلعو بقتاوى عجيبة
ربنا يصلح حال الازهر الشريف (سابقا)
تحياتى
يوسف المصري
أهلا بيك يا مان .. وياريت تشرفني علي طول كده
تحياتي
مو معقول .. عنجد في هيك فتوى ..عم تمزح .. ياخ ياخ ياخ ..
بوست رائع و ساخر لقضية لا بد و أن تؤخذ بسخرية حتى لا نصاب بالفالج او بالضغط على اقل الامور
............
بس عارف المشكلة فين يا فنان
المشكلة كلها فى التراث
احنا سايبين التراث بتاعنا مليان بلاوى سودا
و بنطالب بدبح كل من يحاول الاقتراب منه
و كأنه هو القرآن ذاته
..............
احاديث رضاعة الكبير ذكرت فى البخارى و مسلم و ابن حنبل و ابن ماجه و غيرهم
...............
انا لا الوم الشيخ مصدر الفتوى هذه الا على جهله
و اعتماده على طاعتنا العمياء لكل ما تقوله السنة حتى و لو كان بها تضاربات كثيرة
.............
الحل يجب ان يكون جذرى لا فرعى
أحمد مختار عاشور
أنا كنت مستني ردك والله ومش عاوز أضيف بوست جديد غير لما تعلق
أتفق معك تماما
للأسف الشديد عدم فهم فلسفة الدين ومنطقه يتسبب في مثل هذه الفتاوي
انا ممكن أجيب من الدين ما يجعلني أقتلك
وأنهب أموالك
بكل بساطة
نظام : ولا تقربوا الصلاة
ونظام : وويل للمصلين
الراجل حرم مجرد جلوس رجل مع امرأة أجنبية ولكنه حلل أن يمص ثدييها
بجد حاجة في قمة التخلف
احنا نستاهل اللي بيقولوه عننا الغرب
حاجة تحسر الواحد والله
وممكن مدير ملتزم يستدعي الموظفات اللي عنده ويخلص معاهم مرة واحدة لأنه مايعرفش هيختلي مع مين الأول في تحقيق مثلاً ولاّ زيارة مفاجأة
أو واحد رايح يسأل عن واحدة وأمها بتشكر فيها .. دي بتصلي وتصوم وبتعري صدرها للكبير قبل الصغير
أو واحد ملتزم ينفصل عن مراته والسبب إن الفاجرة طلع عندها سرطان ثدي وقطعته قبل ما تفرق ع المعازيم
COMبسم الله الرحمن الرحيم االه اكبر اله اكبر الله اكبر الله اعلى واقدر وصل بكم الحال الى التعدي والاستهزاء بحدود الله عز وجل احب ان اوجه رساله الى الشخص المدعو عزت عطيه الذي يفتى بدين من عدنده دينه الجدييد الذي سوف يحرق به يوم القيامه وانا من وجه نضر هذا لايصلح ان يكون فاسق لان المفسقين في الارض اهم عقوبتهم واعتقد ايضا اننا سوف نحاسب على ما سمعناه ووقفنا امامه صامتين من باب من راى منكم منكرا اتق الله
طيب لنفرض ان الفتوى تم تطبيقها
سيأتي يوم وترفض النساء ذالك حافظا على شكل النهد الذي سيتهدل من رضاعة الصغار والكبار
دي اول مرة ليا في المدونه عندك
موضوعاتك ممتازة ودمك خفيف جدا
طبعا بعد مافقت من هيسترية الضحك بسبب الاسئله اللي انت سألتها
الموضوع فعلا غريب وعجيب ..يعني الحمد لله حلينا مشاكلنا كلها وافتينا في امور ديننا و حياتنا خلاص ..والدنيا بقت بمبي بمبي ومش ناقصنا بس غير موضوع ارضاع الكبير عشان ماتبقاش خلوه
هو عموما علي حسب معلوماتي في الموضوع دا ..ان احاديث ارضاع الكبير المذكورة في السنه صحيحه ..بعضها مذكور عند البخاري ومسلم .. بس اللي اعرفه علي حسب معلوماتي المتواضعه جدا في الموضوع دا انه كان خاص بمرحله تشريعيه انتقاليه وهي المرحله التي تم فيها تحريم التبني فكانت هذه الفتوي خاصه بشخص واحد في حاله محدده
بس انت متأكد من موضوع ان الفتوي كان فيها ان الرضاعه بتكون من مصدر اللبن نفسه
اصلي عرفت ان حديث الرسول الخاص برضاعة الكبير كان يقصد بيه الرضاعه من اللبن وليس من الثدي مباشرة
طبعا في النهايه تحياتي علي المدونه الاكثر من رائعه
طب دلوقتي احنا ينفع نعمم ال فتوه ده علي الفنانات و المغنيات كمان عشان عادي يطلعوا في التليفزيون عادي
ولو ينفع انا عليز اعرف رقم هيفا عشان نبدا في كورس الرضاعه ده :D:D
يا حاج أشرف يا مفترى
مين قال إن الرضاعه تكون مباشره
يا سيدى أنا سمعت تحليل (مش تعليق للفتوى) قالك يا موحد إن الرضاعه تكون غير مباشره
إزاى
مش زى الكوره طبعا
لكن لا مؤاخذه الست المحترمه الكمل تحلب لا مؤاخذه نفسها و تعبى فى كوبايه أو شفشق و توزع
اللببببببببنننننننن
حليب يا قشطه
none
سعيد جدا برأيك وبإن المدونة عجبتك وان شاء الله ماتكونش المرة الأخيرة اللي بتشرفيني فيها
أنا فعلا متأكد مليون في المية من أن الفتوى قالت وبالحرف الواحد أن الرضاعة تكون بالتقام الثدي وعندي تسجيلات صوتية للفتوى لمن يحب سماعها
تحياتي
--------------------------------
مواطظ مصري
مرحبا بك في مدونتي المتواضعة يا مان
ولكنني لا أعتقد أن من صحيح الدين ما قيل عن شرب البول وكل هذا الكلام الفارغ الذي لا يتفق مع أبسط مباديء الاسلام
تحياتي لك
--------------------------------
الدرويش المرووش
بقى أنا اللي مفتري ؟
انت اللي مفتري يا راجل حرام عليك .. شفشق بحاله ؟
طب قول فنجااااااان
الفتوى تؤكد بأن الرضاعة بالتقام الثدي علي فكرة
تحياتي
انا اكتر من مرة اقرا عن الموضوع ده ومش عارفة بالظبط هيه ايه الحكاية
هو الواحد الصح والغلط بقو متساويين ولا خلاص الحابل اختلط بالنابل وكله بقى فى الكلتش
الحلال معروف والحرام معرف واللى بيدعى بين البينين وبيحب الرمادى براحته يشيل بقى ذنوب زى ميحب ويقابل رب كريم
نقطة واحدة احب اضيفها واقول ان لما تكون حاجة غلط ونقعد نعيد ونزيد فيها بقينا بنعملها قيمة وهيه من الاصل ملهاش ولا نقطة قيمة
تحياتى........هبة
هو فعلا اعترف انة بيعمل كدة ع شان الانتشار و الضجة الاعلامية
يا اشرف انا لما سمعت الخبر دة قلت كلام ماينفعش يتقال في بلجوز
دة اظاهر و الله و اعلم انة بيحلل لنفسة التحرش الجنسي فقال الرضاعة للكبار ربنا يوفقة
الف شكر يا اشرف علي الموضوع
ربنا يخلصنا من الغباء بتاعهم
والله يا اشرف اسئلتك موضوعيه وفى مكانها
انا اول مره اكتبلك كومنت
الموضوع ده قالوا فيه كلام كتير انا رايى ان خلاص مفيش فايده من حد فى البلد دى
تحياتى
مشربية
لأ وانت الصادق .. تلاقيه اتفطم بدري :)
تحياتي لك وأهلا بيك في المدونة
Reri
أهلا بيكي وياريت تنورينا كده علي طول بتعليقاتك
kokko
أنا حاسس فعلا انه مافيش فايدة .. ربنا يسترها
تحياتي
السلام عليكم
في الحقيقة أنا منعزل تماما هذه الأيام عن العالم الخاجري..أخر ما علمت في هذا الموضوع أن الأزهر سيبت فيه لكني لم أعلم ماذا حدث بعد ذلك،هل لك ـ إن تكرمت ـ أن تفتينا بالتطورات أولا باول..
ملحوظة:أرى مدونتك متميزة برغم كونها زيارتي الأولى
الحقيقة مضوع غريب ومستفز إلي حد بعيد والحقيقة أن توقيته سيء جدا فهو لو كان نوقش في مجتعات تحترم الرأي والرأي الأخر وتتناقش بإحترام ما وصل لهذا الحد الحقيقة أن الموضوع علي حد علمي أن أحد المشايخ قدم إقتراح معين بخصوص هذا الأمر ولكنه في بلد للأسف إنشغل الناس فيها بالهايف والغريب من الأمور فقاموا بترويج الموضوع وإخراجه عن حده وعن مراد الشيخ له والحقيقة أن القول الصحيح عن هذا الموضوع أنه خطأ طبعا ولا يوجد أسمه رضاع الكبير في دين الإسلام فهذه الفتوي كانت مجرد إجتهاد من الشيخ والإجتهاد صاحبه لو أصاب فهو له أجران ولو كان أخطأ فهو له أجر واحد والحقيقة أن الشيخ صاحب الفتوة إياها أخطأ فله أجر ولكل من أستغل فتواه ووجه نظرة بطريقة سيئة ألف وزر
هو انا بس عاوز اسأل هو مين طلب من العالم دة فتوى في مثل هذه المسأله اصلا ولا هو طلعت في دماغه فجاة كدة واقعد يدور ويفحص في الاحاديث النبويه لحد ما لقي حاجة يبرر بيها موضع النقص اللي عنده في الرضاعة ده؟؟؟؟؟؟؟؟؟؟
أتقوا الله وتحققوا من القول أولا,,أذهبوا واقرأوا فأنكم لم تقرؤو,, وهي ليست بالكيفية التي تحدث عنها هذا المختل,,,أنها حالة أستثنائية لصحابي جليل أسمه أبى حذيفة وكان متبنيا لغلام عاش مع زوجته وأولاده كأبن لهم ,,فجاء الأسلام وحرم التبني,,وكبر هذا الغلام وأصبح رجلا يافعا ولكن ما زال في بيت هذا الصحابي وزوجته التي هي مكان أمه ,,فذهبت ألى النبي وقالت أنها ترى في وجه حذيفة زوجها بعض ما يكره من دخوله عليها لأن الأسلام حرم التبني ,,,فقال لها النبي أرضعيه,,ولكن يا جهلة ليس كأرضاع الطفل الصغير ولكن في وضع اللبن في أناء ,,فاتقوا الله وارجعوا فوالله مامس أحد هذا الدين بقول كالذي قلتموه حتى كانت نهايته معروفة وقريبة
Post a Comment