Total Pageviews

Thursday, May 10, 2007

OTV


وضعت شعار أنا أشاهد "أوه تي في" مؤخرا بمدونتي .
لست مراهقا ولست في حاجة لقناة فضائية مصرية تعرض أفلاما كاملة كي أدافع عنها دفاعا صبيانيا نابعا من هرموناتي الذكرية , ولست مدافعا عن العري كما أنني "علي حسب علمي" لست فاسقا أو ماجنا أو عربيدا , كما أن المحطة ليست مملوكة لزوج عمتي .

كل ما في الأمر هو أنني أدافع عن عدة مباديء أقتنع بها تماما .
أولا : من الناحية الأخلاقية فهذه المحطة ليست أرضية ولا يمكنك استقبالها بمجرد تلفاز أربعة بوصة وسلك "مدلدل" من الشباك , كي تشاهد هذه القناة فعليك بشراء "ريسيفر" وطبق ثم تقوم بإدخال الترددات الجديدة الخاصة بالقناة وتجلس لتنتظر فيلم العاشرة مساء , حينما تفعل كل هذا المجهود وتدفع كل هذا المال لتشاهد فيلم "الفطيرة الأمريكية" كاملا لتحسب كم لقطة ظهرت فيها فتاة عارية موضحا نوع العري ومقداره وموقعه بدقه بالغة , فضلا عن متابعتك لقصة الفيلم بالكامل لتستنبط مدى انحطاطها فكريا وأخلاقيا , ثم تصبح في اليوم التالي لتملأ الدنيا صراخا "أوقفوا هذه المهزلة" فأنت بالفعل تمثل حالة "التناقض المصري" مجسدا بأروع صوره .
ما هو وجه اعتراضك علي عرض فيلم كامل لم يمر علي مقص الرقيب ؟
* الأفلام الكاملة يمكن مشاهدتها علي أجهزة الكمبيوتر خاصة مع اختراع "التورنت" وخطوط الاتصال السريعة التي تمكنك من تحميل فيلم كامل في أقل من ثلاث ساعات .
* الأفلام الكاملة يمكنك مشاهدتها علي القمر الأوروبي "وغيرها من كل ما لذ وطاب لخيالك البذيء"
* الأفلام الكاملة يمكن شرائها بالدستة من ميدان العتبة "أي رصيف يعجبك"

هل قامت المحطة بعد كل ذلك بكشف المحظور ؟ وإذا كانت قد فعلت حقا , فلماذا جلست تشاهد أيها "الخلبوص" ؟ هل تم عرض الفيلم الكامل مدسوسا وسط برامج أطفال ؟ هل تم عرض الفيلم "على غفلة" وأنت تتابع برنامج عن فنون الطهى ؟ هي أيقظتك المحطة ليلا وجذبتك من رقبتك لتجلس وتشاهد ما يتعارض مع مبادئك ؟

ثانيا: من حقك أن تقاطع القناة وتمحوها محوا من قائمة مفضلتك وتنسفها نسفا من جهاز الاستقبال , كما من حقي أنا مشاهدة أفلام لم تمر بمقص الرقيب "الغبي" الذي يحول الفيلم إلي أشلاء ممزقة لا تعرف لها رأسا من "قفا" ودون أن أضطر إلى دفع اشتراك قناة مشفرة بملغ وقدره أو تحميل الأفلام من الانترنت من خلال اشتراك باهظ التكلفة أيضا .

ثالثا : أنا ضد مقص الرقيب نهائيا , إما أن يتم عرض الفيلم كاملا أو عدم عرضه من الأساس " لم أسمح لأحد أن يعدل لي أي كاريكاتير قمت برسمه , إما أن ينشره كما هو أو يمنع نشره بتاتا وهذا حقه ", العمل الفني لا يجوز العبث به بأي صورة .
فيلم في دور العرض الآن مثل "بيرفيوم" لا يمكن قص لقطة واحدة منه و إلا دخل هذا في نطاق الجريمة من وجهة نظري , فهو تحفة فنية وأدبية بكل المقاييس , حينما يتم قطع عشرات الأجزاء منه يتحول الفيلم في النهاية إلي ما يشبه أفلام الحركة في خمسينات القرن الماضي . ليس من حقك أن تقوم بالتعديل علي كاتب ومخرج ومونتير وممثل لمجرد أن ما قاموا به تراه أنت من منظورك الشخصي ليس لائقا . ليس لائقا لمن ؟ للشعب المصري بأكمله مثلا ؟ أم للشباب أو الأطفال أو الفتيات أو النساء ؟ أليس هناك تصنيفا عمريا تخضع له حتى ألعاب الفيديو في أمريكا "أكثر البلاد انحلالا كما تقولون"؟

من هذا المنطلق أنا أدافع عن حقي الذي قدمته لي قناة عادية مجانية اخترتها بنفسي وقمت بإدخال تردداتها الخاصة وجلست انتظر فيلمها الجديد مساءا برغبتي الحرة كإنسان ناضج وعاقل لا يحتاج إلي رقيب أو تدخل من مجلس الشعب أو رجل دين لحمايتي أخلاقيا .

26 comments:

SomeOne said...

القنوات دي مدسوسة علينا من اعداء الاسلام اللي عايزين يبوظو البلد يضيعوا شبابها

دا على اساس ان البلد سليمة وشبابها مية مية

أشرف حمدي said...

لا يا شيخ ؟

Yasser Hussein said...

الفنان أشرف حمدي
مافيش حد بيضرب حد على أيده
عشان يتفرج على حاجة مش عايز يتفرج عليها .. ده لو مكانش شاف الفيلم ده قبل كده ده لو كنت تقصد فيلم آمريكان باي
وده فيلم قديم ولا مؤاخذه ملقح على الهاردات والكمبيوترات من سنين
موضوع جميل
كم نحن متناقضون

خالص تحياتي

أحمــــــــدبــــــــــلال said...

بالطبع انا ضد مقص الرقيب لأن فى النهاية الرقيب على الأنسان هو الانسان نفسه يعنى أنا أحدد لنفسى ايه اللى عاوز أشوفه و مش عايز ابنى يشوفه و مش هاعرف اشوفه مع اهلى و أقول لأصحابى يتفرجوا عليه

و زى ما قال عمرو خالد بالرغم من أنى مش متابع له بشكل جيد بس اللى سمعته بيقوله أنك قادر انك تغير اى قناة مش هاتعجبك مش لازم تتفرج على العرض للنهاية علشان تنتقضه و تقول يـــع أيه القرف و المسخرة دى
و سواء مدسوسة علينا أو لأ فى النهاية بأيدك ممكن تمسح ترددها من الريسيفر زى ما قلت


بس صحيح أيه رأيك فى الفطيرة الامريكية ؟
أتفرجت على الفيلم بس علشان افهم ايه سر الفطيرة و للأسف أكتشفته فى نص الفيلم
و فى نهاية العرض عرفت ايه هى الفطيرة الامريكية
بصراحة فطيرة مريرة و لكنها تحمل لذة ما

نقطة مية said...

احنا المصريين كده بنشجع سياسة "تحت الترابيزة"...هيقولولك احنا عارفين ان الشباب بتنزل الأفلام على النت و السيديهات مالية الشوارع و الفيديو كليب مخلاش و الأقمار الأوروبية موجودة و شغالة مية مية...لكن قناة عربية لاااااا...بس بصراحة مزنقتش على الأفلام دي و انت قلتها الفيلم فكرته مش مظبوتة يعني مبتعالجش حاجة.. عشان تبقى القناة حرة مليون موضوع في بلدنا محتاج حرية مش مجرد افلام تتعرض كاملةو كأن الحياة عال و المجتمع ديموقراطي و حرية التعبير باللسان مكفولة و هي بس الأفلام الكت اللي قاتلانا طب حتى يعرضوا فيلم عليه القيمة

Anonymous said...

عارف يا أشرف
انا اكتر حاجه بتخنقنى بجد هو ان ييجى واحد مالوش لازمه ويعمل نفسه وصى عليا وعلى عقلى لمجرد ان سنه او مركزه او فلوسه اكتر منى شويه
تماما زى الديسك اللى بياكل نص مقالاتك اللى بتكتبها لمجرد انه معاه قلم جديد فرحان بيه
حاجه تخنق ياراجل

البتاع said...

هههههه
على فكرة بقى انا اؤيدك وبشدة
موضوع مقص الرقيب بقى عامل زى مقص ترزى اعمى
بيقص عشان لازم يقص
ثم ان القنوات المحترمة عندها rating
يعنى اى فيلم مفيهوش ولا نقطة رقابة
بس تخصيص سن كام يشوفه
عندك مثلا فيلم زى guru
الفيلم ده عجبنى بغض النظر عن اللمحات الجنسية اللى فيه بس فيه تخبيط جامد بالدين
وده اللى خلى ال
rating بتاعه
18 سنه فى امريكا
وقيس على كده كتير
بس بينى وبينك
فيه ناس لسة منضجتش ومش حتنضج
حتفضل تستنى الافلام دى على انها افلام شكس
وتقعد عشان المناظر بغض النظر عن القصة
وللناس دى اقول
ارجوكم
لا تشوفو او تى فى
ولا اى قناة من شو تايم خالص

وحتكو واكسة

بس خلاص
تحياتى الحارة

نهى منير said...

Amirecan Pie
واو
هو جه إمتى ؟
يا خسارة فاتنى
معلش نبقى نشوفه فى الإعادة
طبعاً أنا مع رأيك يا فنان
طظ فى الرقابة
هاهاهاهاها

بااااى

أشرف حمدي said...

نقطة مية
لم أقل أن فكرة الفيلم مش ولا بد , أو غير محترمة , انها مجرد سخرية . الفيلم هو من النوع الكوميدي الخفيف , أفلام الصيف التي هدفها الاضحاك والتسلية فقط , وبصراحة هو فيلم مسلي من وجهة نظري

الحرية ليست بالعري
ولكن الحرية هي ما تتعلق بارادة المشاهد ومعاملته كانسان ناضج له حق الاختيار والرفض أو حتى المقاطعة
قالها نظيف من قبل اننا شعب لم ينضج ديموقراطيا بعد
ويبدو انهم يعاملوننا باعتبارنا لم ننضج عقليا أيضا

تحياتي

أشرف حمدي said...

وينكي والبتاع وياسر حسين وأحمد بلال
أشكركم علي التعليق , سعدت كثيرا برأيكم

نهى منير
مافتكيش حاجة يا نهى , الفيلم ملقح علي هاردات البني آدمين وع الأرصفة وف كل مكان
وطلع منه جزء جديد أشد منه :)
ههههههه
تحياتي

semsem said...

يعنى هو مقص الرقابه دة اللى محافظ على اخلاق الشباب والبلد هتبوظ لو خبنى المقص
يمكن (انا مع المقص وهجيب مقص كمان على حسابى بس لو حد قال ان ده هو اللى هيصلح الدنيا )

Haitham Abu Akrab said...

فيه حاجه تانيه يا اشرف
القناه محده الفئه العمريه بتاعها وهو من سن 16 الي 36
يعني شباب
والموضوع في الاول والاخر زي منت قولت تناقض مصر خالص
يعني نقعد نجعر ع الحريه
ولما تحصل ندور ع الرقابه

تائهة فى أرض الأحلام said...

انا فعلا عجبتنى القناة بس علشان قناة شبابية بجد
رغم جمهورها الى حد ما الشباب ذو المستوى الاقتصادى المرتفع لانها بتعتمد فى تغطياتها على احداث وأخبار طبقات عالية من المجتمع زى بتوع الجامعة الامريكية وغيرها

ولكن انا كان اعتراضى الوحيد ان جمهورها شباب من سن 15 تقريبا وانها تعرض حاجات un cut

انا معك انه لا بد ان يكون هناك حرية ولكن لابد ان يكون هناك التزام ببعض المبادئ مادام موجهة لجمهور شباب من 15 سنة على الاقل الالتزام بعدم عرض أشياء فيها نوع من الاباحية التى نقصدها نحن كالايحاءات والمشاهد الجنسية وغيرها
خاصة وان هذه المشاهد ممنوعة لمن هم دون الثامنة عشر حتى فى الغرب
فمابالنا نحن مجتمع مسلم

تحياتى لك

تائهة فى أرض الأحلام said...

أعذرنى فى تلك العودة السريعة
ولكنى حسيت بشئ من التناقض

كيف تطالب بالحرية ورفع مقص الرقيب وحرية التعبير

وتجعل الردود والتعليقات لا تظهر الا بموافقتك

هل هذا معناه انك ستحذف اى رد لا ترضى عنه

أحييك استاذى الفاضل

أشرف حمدي said...

تائهة في أرض الأحلام
لا تناقض هناك .. كل ما في الأمر أنني لن أترك باب بيتي مفتوحا في الليل ليعبث به اللصوص . أليس كذلك ؟

لم أكن أتحكم في نشر الردود من قبل ففوجئت بكم هائل من الاعلانات والقصص الجنسية وعناوين مواقع اباحية وشتائم وسباب من أشخاص مهووسين بالعبث والتخريب حتى أنهم كانوا يرسلون تعليقات علي هيئة كتب من 1000 صفحة لتخريب المدونة فكان علي حماية مدونتي
الأمر لا علاقه اطلاقا بحرية الرأي
ومن حقك أن تقولي رأيك بصراحة مطلقة وسوف انشره مهما كان
تحياتي وأشكرك علي الزيارة

Anonymous said...

بعد اذن الاستاذ اشرف هل تقبل انت مثلا وانت تجلس فيظهر امامك مثل هذا الفيلم من قناه لا تتوقع منها ذلك ومعك فى نفس الغرفة اختك أو امك
هل تستطيع الرد على بهذا الشأن ؟

Anonymous said...

يا استاذ اشرف أين الرقيب الأكبر الذى يجب كلنا أن نخشاه ألا وهو
الله سبحانه وتعالى

أشرف حمدي said...

كريم زين العابدين مرة أخرى

طبعا أستطيع الرد عليك
وانا ايه اللي يخلي أختى تقعد تتفرج علي قناة معروف عنها انها بتزيع أفلام
Uncut
الساعة 12 بالليل ؟
دي تبقى قاصدة تشوف بقى مش كده ؟

انت لو مامتك قاعدة أو أختك ماتفتحش المحطة بالليل عشان ماحدش بيجبرك علي انك تشوف
هو الرموت مش معاك ولا ايه ؟
ههههههه
تحياتي

fable said...

احب اقولك يا اشرف حمدي باشا انك مادمت مش هاتقدر تتفرج علي الفيلم ده و اختك او مامتك جامبك يبقي اكيد انت بتعمل حاجة غلط ... ولا ايه رايك ؟يعني انت لو لاقيت اختك قاعدة بتتفرج هاتعملها ايه ؟ هاتزعقلها ؟ يبقي اكيد برضه هي بتعمل حاجة غلط ولبقناه برضة هي السبب علشان كدة لازم يكزن في وقفة
وبعدين هي الحرية ان انا اتفرج على ناس عريانة عمر الحرية ماكانت كدة
وكما حاجة الناس اللي بتقول ان البلد مليانة حاجات كتير غلط وان احنا سبنا كل ده ومسكنا في الموضوع ده فيبقى تناقض ... انا بقوا ان فعلا في حاجات غلط كتير ... بس المفروض ان احنا بحاول نصلح الحاجات الغلط مش نزودها
و الاخ شادي فايد اللي بيتيرق ياريت تتقي ربنا
والست نهي منير ياريت تفتكري ان انت بنت واللي انت بتقوليه ده مش صح
ارجو نشر مشاركتي وعدم حذفها ... وارجو الرد علي مشاركتي

أشرف حمدي said...

Fable
لم يكن هناك داع للرد عليك عزيزي المجهول نظرا لأسلوب السخرية الذي اتبعته في ردك .. لقد فات عصر الباشوية منذ دهر .. كما انك لا تظهر بشخصيتك الحقيقية أو حتى بمدونة يمكنني أن اتواصل معك فكريا من خلالها
ولكن لا بأس

هل تريد من مامتك أو أختك أن تكون معك وانت تستحم مثلا ؟
هل معني ردك : لا طبعا, علي هذا السؤال أن الاستحمام خطأ؟
انا فقط أعطيك مثالا بعيدا الي حد ما عن موضوعنا ولكنه يفى بالغرض .
الأفلام الكاملة الغير محذوف منها ليست مناسبة لأختي الصغيرة بل ستكون ضارة لها في هذه المرحلة العمرية كما انها ربما تكون ضد مبادئها حينما تنضج أيضا .
وأنا لم أنادي بأن يفعل الناس ما هو ضد مبادئهم
أنا فنان وأقدر وأحترم الفن
واتحدث عن الموضوع من الناحية الفنية

حديثك عن العري والحرية يبدو لي مبتذلا للغاية ولا جدوى من النقاش حول هذا الأمر ان كنت تفكر بهذه الصورة ولكن اختصارا أجيب عليك
لا علاقة بين الحرية والعري

يا سيدي مش عاجباك المحطة ولا عاجباك الأفلام الغير محذوف منها ماتشوفهاش
ولكن لا حق لك في مهاجمتها ان كنت تعرف معنى الحرية

الحرية هي انني لا أفرض عليك شيئا والمحطة لم تفرد عليك ادخال الترددات الخاصة بها ولم تجبرك أن تشاهدها
حريتك تحتم عليك ألا تشاهدها لأنها تختلف مع مبادئك ولكن حريتك لن تعطي لك الحق في منع الأخرين من مشاهدتها

تحياتي

Anonymous said...

أهنيك يا اشرف على ذكر الموضوع و اغلاقه تماما حيث انه احدث ضجة فاضية من غير سبب مقنع ,و لكي اريكم كم نحن متناقضين فهناك المئات من القنوات الفضائية الغنائية اللي تنشر الرذيلة بالأكوام و ليس بلقطة او لقطتين كما في الفيلم ,و ايضا من يظهرون في هذه الفيديو كليبات أغلبهم عربيات و الفرق بينهم و بين الأمريكان ان تعرينا يكون نوعا ما بحشمة ,اي نحاول ان نتعرى بحشمة لتفادي السخط مثل قناة ميلودي ,وايضا لم نقل اي شيء عن ذلك, الخلاصة انو الله امرنا بغض النظر عند رؤية المنكر ,وبيني و بينكم اللي يبغى يشوف الفيلم و اي اي فيلم اباحي مافي اسهل من كذا خاصة في زمن العولمة و التكنولوجياو الانترنت زي ما قلت اشرف بالضبط , اما بشكل عام فالقناة ممتازة و متميزة و تعرض اشياء تفيد الشباب فمن المفروض تشجيعهاوبالمناسبة ان مش مصري ....وشكرا

Anonymous said...

أهنيك يا اشرف على ذكر الموضوع و اغلاقه تماما حيث انه احدث ضجة فاضية من غير سبب مقنع ,و لكي اريكم كم نحن متناقضين فهناك المئات من القنوات الفضائية الغنائية اللي تنشر الرذيلة بالأكوام و ليس بلقطة او لقطتين كما في الفيلم ,و ايضا من يظهرون في هذه الفيديو كليبات أغلبهم عربيات و الفرق بينهم و بين الأمريكان ان تعرينا يكون نوعا ما بحشمة ,اي نحاول ان نتعرى بحشمة لتفادي السخط مثل قناة ميلودي ,وايضا لم نقل اي شيء عن ذلك, الخلاصة انو الله امرنا بغض النظر عند رؤية المنكر ,وبيني و بينكم اللي يبغى يشوف الفيلم و اي اي فيلم اباحي مافي اسهل من كذا خاصة في زمن العولمة و التكنولوجياو الانترنت زي ما قلت اشرف بالضبط , اما بشكل عام فالقناة ممتازة و متميزة و تعرض اشياء تفيد الشباب فمن المفروض تشجيعهاوبالمناسبة ان مش مصري ....وشكرا

Anonymous said...

يا استاذي انت بتنفخ في اربة مقطوعة .. الناس مخها مقفل و نظرية المؤامرة مسيطرة

Anonymous said...

مساء الخير
أنا جيت هنا بالصدفة يا جماعة وانا شغال مش عارف إيه اللي كعبلني وقعني معاكم، بس واضح إن انتو قعدتكو ميتشبعش منها واستفزتني وخلتني اقرأ الصفحة كلها
وليا كام تعليق كدا ومش عايز أطول عليكو
أولاً: الحرية: لازم ماتتعارضش مع العادات والتقاليد والدين والأصول والعرف وإلا تبقى إنحلال، مش كده ولا إيه؟
ثانياً: الفن شيء جميل ومن وجهة نظري الشخصية إن مش المفروض إن الفن يصور القبح بل يرمز إليه ده شيء كافي جداً وأنا كمشاهد عليا أكمل بخيالي القبح
ثالثا: في أفلام ومسلسلات أمريكاني كتير فيها حرية في التعبير والرأي وبتتطرق لمواضيع أكثر حساسية بس بشكل رمزي ومش مبتذل ممكن نشوفه كلنا من غير ما يتخدش حيائنا
رابعا: فيلم أمريكان باي بالذات فيه محطات كتير أمريكانية وأوروبية بتقول على نفسها عندها مباديء مبتعرضش الفيلم ده أو على الأقل بتحذف منه، يعني هم ذات نفسهم شايفين إن في حاجة أوفر
خامسا: فرضنا إن أنا راجل مثقف وكويس وابن حلال وبتفرج على الفيلم عشان الفن مش عشان المزز العريانة أو المشاهد الجنسية لا سمح الله، طيب مانا أخويا أو بنتي أو ابني ممكن يفتح القناة اللي فاتحاها على البحري دي وأنا مش موجود أو نايم ونربي جيل ثقافته الجنسية مأخوذة من أمريكان باي يا فنان، شوف انت بقى
خلاصة القول: ومش عايز أكون طولت، بصرف النظر الفيلم لطيف أو بذيء هي مش قضية الفيلم ده بالذات، دي قضية إن إحنا نوافق ندخل بيوتنا حاجات تتعارض مع اللي اتربينا عليه "بشكل معلن" يعني ببجاحة -سوري في اللفظ- ولو خلاص هنموت عشان نتفرج على كل حاجة كده بيبولها العام سام كفاية علينا نتفرج من تحت الترابيزة بمبدأ إذا بليتم فاستتروا
صعب عليا اتخيل بنتي شايلة في شنطتها كاندم أو ابني عنده بوي فريند، يمكن أكون رجعي يا أخي وسي السيد ومتناقض بس لو عملت الغلط أحب أقول عليه غلط محللوش لنفسي ولا لغيري
لا مؤاخذة طولت عليكم

أشرف حمدي said...

معدي بالصدفة
كلامك صحيح في حالة واحدة وهو أن نصبح جميعا قردة وببغاوات :)
حينما اشاهد فيلما عن سفاح ليس معنى هذا أن أقلده
الفيلم مخصص لمرحلة عمرية معينة .. والأب الذي لا يستطيع السيطرة علي ريموت الكونترول فهو لا يصلح أبا
أنا رافض مبدأ تحت الترابيزه
كفانا دفنا لرؤوسنا في الرمال
تحياتي

Anonymous said...

على فكرة البلوج بتاعك خفيف ولذيذ ودى اول مرة اعمل كومنت لبلوج لان كل البلوجات الى قبلتها بصدفة كانت قافشة وانا طبعا واحد من الناس الى متحبش تشوف اى فيلم كات)(لازم يكون un cut ,,,كتير اوى قصة او موقف بيفكس بسبب انهم عملو كات لجزى معين ياراجل دا حتا البوس بداو يعمللو كات حراام يعنى هوا البوس دا لعبة دا مشاعر وحب وتسلية وكل حاجة حلوة هههههههه j/k فل ياريت لو ليك حد فى او تى فى تقولهم يعرضو فيلم the girl next door (un cut) بجد الفيلم دا جامد فشيييييييح مش عشان المناظر الى فية بس القصة عامتن جامدة انا شوفتة مليون مرة على البى سى بس الافلام على التى فى اجمد بكتير سورى على التطويل ......ربنا معاك

Counter