Beat Your Boss Game.
.
هل تعمل في شركة قطاع خاص ؟
هل تم تعيينك ؟
هل هناك رقابة من مكتب العمل أو التأمينات ؟ هل قاموا بالتفتيش يوما علي شركتك ؟
هل تتقاضى راتبا مجزيا ؟
هل تحصل علي إجازاتك كاملة ؟
هل تعمل أكثر من عشر ساعات يوميا ؟
هل تؤمن بما تفعله حقا أم انك تنفذ الأوامر ؟
هل تشعر برغبة ما في قتل مديرك في العمل أو دخول الشركة بمدفع آلي لتنسف الجميع ؟
هل تشعر بأن الحكومة قد تركتك فريسة متاحة سهلة للقطاع الخاص يلهو بك كيفما يريد ؟
سموه تدوينة.. سموه تاج .. سموه أي شيء ولكن يهمني معرفة إجاباتكم .
هل تم تعيينك ؟
هل هناك رقابة من مكتب العمل أو التأمينات ؟ هل قاموا بالتفتيش يوما علي شركتك ؟
هل تتقاضى راتبا مجزيا ؟
هل تحصل علي إجازاتك كاملة ؟
هل تعمل أكثر من عشر ساعات يوميا ؟
هل تؤمن بما تفعله حقا أم انك تنفذ الأوامر ؟
هل تشعر برغبة ما في قتل مديرك في العمل أو دخول الشركة بمدفع آلي لتنسف الجميع ؟
هل تشعر بأن الحكومة قد تركتك فريسة متاحة سهلة للقطاع الخاص يلهو بك كيفما يريد ؟
سموه تدوينة.. سموه تاج .. سموه أي شيء ولكن يهمني معرفة إجاباتكم .
17 comments:
نعم
افعل اشياء كثيرة وانا لست مقتنع بها
نعم
تركتنى الحكومة فريسة للقطاع الخاص
نعم
لا اخذ اجازاتى كاملة
عارف
البلد بقت عاملة زى طبق السلطة الحمضان
يا راجل نعم ايه ولا ايه ؟
دردش يا راجل .. فضفض وقول اللي في نفسك
ده الواحد اتخنق
ياريت كل واحد يقول اللي في نفسه بخصوص شغله .. انا عاملها تدوينة متنفس وكمان عشان حاجة مهمة جدا
عاوزين نعرف هل هي حالة عامة فعلا ؟
انا شايف الحكومة سابتنا فريسة للقطاع الخاص بدون ضوابط
تحياتي
ممكن يعنى
لوسمحت
معلش
ممكن أخش معاكوا على أساس أضرب مدير المدرسه
(:
عزيزي اشرف
أنا لما كنت شغال في الحكومة
وفي مجال عمل الرسوم المتحركة لبرمجيات الوسائط المتعددة
وكان لي زملاء بيشتغلوا بعد الشغل الحكومي بالليل مبرمجين في القطاع الخاص
وبيقبضوا فوق الألف جنية
لما كانوا بيواجهوا المدير الحكومي بأن حرام تقبضونا هنا 200 جنية في الشهر
وبره بارت تايم فوق الألف جنية
كان بيقول لهم
اللي مش عاجبه يسيب الشغل
بالله عليك ده احنا لو كنا شغالين في طابونة مكانش يقدر يقول كده
بالنسبة للوصلة بتاعة اللعبة
كل ما أحاول أدخل لها تطلع لي الرسالة دي
Access Denied (content_filter_denied)
Your request was denied because of its content categorization: "Adult Content;Adult Material"
For assistance, contact your network support team.
أصل الكويت من البلاد اللي عاملة فلترة لبعض المواقع ع النت
خالص تحياتي
يا نهار اسود
والله انا جريت اجرب الوصلة لقيتها زي ما هي .. مافيهاش حاجة خااااااالص !!
يمكن الراجل شعره باين ومش لابس عقال ؟
ههههه
الوصلة نظيفة يا فنان .. الكويت دي بلد غريب جدا
أشكرك علي التعليق
أيوه بشتغل قطاع خاص
يعني إيه تم تعييني
أنا عملت انترفيوز وإخترت أحسن عرض جالي
مفيش لارقابة ولا نيلة
ولا تأمينات ولا غيره
دا أنا لو عييت هصرف مرتبي ع العلاج وأشحت باقي الشهر
باخد فلوس كويسة ومكفياني أكل وأشرب
بس الفلوس قليلة بالنسبة للي الواحد بيعمله ف الشغل
أجازة !!!!
يعني إيه أجازة؟
الكلمة دي إتلغت من زمان
يوم ما بشتغل عشر ساعات ببقي مبسوط
وتلاقيني مروح بدري وأخر تمام
أنا بشتغل من 9 الصبح ل 11 بالليل
أنا بحب شغلي وبعمله كويس
وشغلانتي فيها تحدي وإبتكار
أصل محسوبك software developer
مش دايما
بس أكيد بتيجي فترة بتبقي فكرة المدفع اﻷلي لطيفة
الحكومة منفضة ومش فاضيالنا
والقطاع الخاص بيعمل فينا اللي هو عايزه
تلاقيهم ياخدوا من قانون العمل اللي علي مزاجهم
وينفضوا للي في مصلحة الموظف
إحنا عندنا قوانين بس مش بتتنفذ
تحياتي
The alien
أشكرك كثيرا علي الرد .. ما قصدته بالتعيين هو العقد وربما خانني التعبير
أعتقد أن معظم شركات القطاع الخاص لا تقدم عقودا لموظفيها وحتى ان قدمتك فهي لا قيمة لها
وقت ما يحب يقولك امشي حيعرف يمشييك
أراك متفق معي في كون القطاع الخاص بيعمل فينا اللي هو عاوزه
انا حاسس ان كل التعليقات حتقول كده
تحياتي
مافيش منه على حريمي
يعني
لعبة كدا
اضرب مراتك
علشان الواحد يفش غليله
ويجعله عامر
هل تعمل في شركة قطاع خاص ؟
كنت اللى ان دخلت القاع الحكومى
هل تم تعيينك ؟
فى القطاع الخاص لا
ولا فى الحكومه قالولى لما تبقى تعدى 3 سنين نبقى نشوف
هل هناك رقابة من مكتب العمل أو التأمينات ؟ هل قاموا بالتفتيش يوما علي شركتك ؟
لا بيفتشو علينااحنا بس انا بتكلم على الحكومه
هل تتقاضى راتبا مجزيا ؟
لالالالالالالالا لا
فى القطاع الخاص احيانا
هل تحصل علي إجازاتك كاملة ؟
نعم وفقوهم كمان اجازات من عندى
هل تعمل أكثر من عشر ساعات يوميا ؟
فى الخاص اه كنت بعمل اكتر من كده وبروح اكمل فى البيت والله
هل تؤمن بما تفعله حقا أم انك تنفذ الأوامر ؟
نعم اومن بما افعله
انا كنت بحبه شغى جدا فى القطاع الخاص ودلوقتى بردو بحبه شغلى لان اعمل ما احب
هل تشعر برغبة ما في قتل مديرك في العمل أو دخول الشركة بمدفع آلي لتنسف الجميع ؟
لا مش للدرجادى بس لو مشى يبقى كويس
هل تشعر برغبة ما في قتل مديرك في العمل أو دخول الشركة بمدفع آلي لتنسف الجميع ؟
الاتنين اسوا من بعض
الحكومه مبتتعلمش فيها جديد الا نادرا
والخاص بيمص دمك بالفلوس الللى بيدهالك
تحياتى يا فنان وشرفتنى بالزيارة يارب دائما
semsem
انا اللي اتشرفت بزيارتك مدونتي
علي فكرة مدونتك لذيذة جدا .. ياريت كل الزوار هنا يجربوها :)
تحياتي
لا قطاع عام عاجب
ولا قطاع خاص عاجب
ولا بطاله عاجبه
ولا وظيفة عاجبه
ماله بس يااشرف القطاع الخاص
ماالعالم كله قطاع خاص
والعالم كله بيشتغل اكتر من 15 ساعه فى اليوم
خالص تحياتى
هههه .. الظاهر انك اطردت من شغلك ^^... انا لسه حكومى "طالب" ربنا يسهل ... أنا أفضل الشغل الحر lone Wolf ... أريح و بصراحة هتلاقى فيه المتعه اللى انت عاوزها .. هتمارس نشاطك و هوياتك و فى نفس الوقت هتقبض فلوس && ... شكرا على التدوينة ^^... بصراحة المدونة دى عجبانى أوى **... ربنا يسهل وأتابعها
أحمد صقر
لأ لسة مانطردتش بس شكلي حنطرد قريب :)
أشكر تعليقاتك علي التدوينات السابقة وأتمنى ان المدونة تطون عجبتك
تحياتي
مدونة كسبان
القطاع الخاص علي عيني وراسي لأنه الحل الوحيد لكل مشاكل الشباب ولو ماكنش فيه قطاع خاص ماكنتش حتجوز اساسا
ولكن ده مش معناه ان مايكونش فيه اي ضوابط
دلوقتي انت بتشغل في القطاع الخاص بالظبط كأنك عامل في سوبر ماركت .. ممكن صاخب المخل يقولك مع السلامة في اي لحظة .. ومش عشان انت وحش لا سمح الله لكن ممكن يكون عاوز يجيب ابن خالته مكانك وكل واحد حد في شركته
لو الحكومة دي محترمة ماكنتش سابتنا للقطاع الخاص يمرمطنا 15 ساعة في اليوم بدون عقد ولا تأمين عليك ولا اي حقوق
وزي ما قال
The alien
في التعليق اللي فوق ان صاحب الشركة القطاع الخاص بياخد من قانون العمل حقوقه هو بس
تحياتي
هل تعمل في شركة قطاع خاص ؟
نعم
هل تم تعيينك ؟
لا جيت عن طريق المعارف
هل هناك رقابة من مكتب العمل أو التأمينات ؟ هل قاموا بالتفتيش يوما علي شركتك ؟
نعم
هل تتقاضى راتبا مجزيا ؟
إلى حد ما
هل تحصل علي إجازاتك كاملة ؟
نعم
هل تعمل أكثر من عشر ساعات يوميا ؟
لا
هل تؤمن بما تفعله حقا أم انك تنفذ الأوامر ؟
انفذ الأوامر مع بعض الإيمان
هل تشعر برغبة ما في قتل مديرك في العمل أو دخول الشركة بمدفع آلي لتنسف الجميع ؟
لا نهائى بالعكس
هل تشعر بأن الحكومة قد تركتك فريسة متاحة سهلة للقطاع الخاص يلهو بك كيفما يريد ؟
اه طبعا
ههههههههههههههههههههههههه
يعنى انت ماحسيتش بده الا دلوقتى يا دكتور
احنا اللى بقى ينطبق علينا مثل هاتروح فين يا صعلوك وسط الملوك
على فكره اللعبه دى عندى ومنها كذا فيرجن كمان
الجميل اشرف حمدي .. انا كنت متابع امالك بدايه من اضحك للدنيا الصراحه اللي انا معرفش سبب توقيفها الحقيقه .. وكان راي انك فنان حقيقي لانك بتحب اللي بتعمله.. بيني وبينك كل انسان هتلاقي في واحد فوق دماغه عايز اضرب ..ناظر المدرسه اومديرها اودكتور الماده اوعميد الكليه اورئيس الجامعه اوشيخ البلد اوالعمده او المحافظ او الوزير او ... احساس ان حد واقف على دماغك احساس صعب ..لانك لو متخنقتش على الاقل دماغك هتوجعك ..بحييك على متنفسك ومتنفسنا او مدونتك يعني وبدعوك لزياره مدونتي ومستني ايك.. ودايما في تقدم
خد عندك نفس نوع اللعبة بس أحلى وأجمد ومتنوعة أكتر
http://www.doodie.com/anger_management.php
Post a Comment