Total Pageviews

Monday, May 12, 2008

فيلم : مذاكرة

يسعدني أن أقدم لكم أول تجاربي الفيلمية إهداءً لكل الطلاب بمناسبة موسم الامتحانات والمذاكرة
قمت بإطالة لحيتي لمدة شهر كامل بسبب هذا الفيلم ، كما استغرق مني أربعة أيام للتصوير والمونتاج
أتمنى أن ينال هذا الفيلم القصير اعجابكم
مع خالص حبي واحترامي

27 comments:

الميكروباص said...

فيلم ظريف وواقعي كعادتك، تعرف، نسبة تركيز الطلبه بترتفع جدا قبل ايام الامتحانات، وممكن الطالب يستوعب مناهج كامله في وقت قصير دجدا، وكمان يدخل يجيب تقدير، فكرتني بالذي مضى يا دكتور، انا دلوقت عندي 29 سنه، راجل عجوز، وله كانت ايام

S H E B A K said...

اول تجاربك تستحق التقدير جدا على فكرة .... عاجبنى التصوير و المونتاج ... و جزء التركيب بتاع التلات شخصيات ملعوب تمام .... الوان الفيلم يافندم مش بتاعت حد يبجرب على فكرة ... انت فاهم اللعبة كويس ... انبسط جدا ... و مستنى اشوف اللى بعدة

أشرف حمدي said...

لورنس العرب
أشكرك على رأيك ، أنا برضه أعتبر عجوز بالنسبة للفيلم :) بس بجد الوقت ده لما بيحل عليا بحس ان عندي امتحانات بجد ، ومش عارف اتخلص من الشعور ده
تحياتي
------------------

Shebak
بجد مش عارف أقولك ايه :) ميرسي بجد ، سعيد جدا ان الفيلم عجبك ، وفعلا شجعتني أعمل حاجات تانية كتير
شكرا على التشجيع ده

Unknown said...

عارف يا أشرف و انت داخل تنام على السرير حسيت انى قعدة فى سينما و الناس بتصقف و تصفر

لا بجد حلو على فكرة فى مهرجان بيتعمل كل سنة فى الساقية للمهرجان الافلام الروائية القصير و لجنة التحكيم بتبقى من فنانين مرعروفين

Unknown said...

اه على فكرة اتقنت بجد تقديم الثلاث شخصيات بدون ما احس انه تركيب

كانت طبيعية جدا و انت كمان موظف الموسيقى التصويرية حلو اوى

أشرف حمدي said...

عاليا حليم
أشكرك بجد على تشجيعك :) طب ما تظبطينا بقى في موضوع المهرجان ده
ياريت تبلغيني بشروط الاشتراك وكل حاجة
تحياتي

عبد الرحمن أبو بكر said...

اشروووووووف الجميل

عجبني الفيلم اوي بس اكتر حته عجبتني حتة تركيب التلت شخصيات مع بعض

عملتها ازاي دي ؟؟؟؟؟؟؟؟؟؟

أشرف حمدي said...

عبد الرحمن أبو بكر
شكرا يا باشا ، ربنا يخليك
ده سر المهنة يا حبي :) ههههههههه
نقعد ع القهوة وأحكيلك بقى كل حاجة اتعملت ازاي
واحشني جدا والله انت وأبو صلاح
سلملي عليه بجد

Asmaa mahaba said...

هع هع هع هعععععععع
حلو قوى مواد متعرفش انها عندك فى المنهج
تحياتى ليك سومه_87

Michel Hanna said...

حلو.

khobayb said...

رائع ..

زيارتي الأولى لمدونتك ..

لكن كعهدي برسومك : فنان

دمت بخير

Unknown said...

ههههههههههه
كلنا هذا الرجل
فيلم حلو بجد
وفعلا زي ما قالت عاليا فكرة التلات اشخاص كانت معموله باحتراف شديد
الله ينور

واحد من البلد دى said...

لما انت شاطر كده يا باشا..
مافيش كاريكاتير على البوست بتاعى اللى اسمه(مولد يا دنيا)
على فكرة ..؟؟أنا باسامحك بس علشان خاطر عمرو إبنك
.....ربنا يباركلك فيه..
الفكرة جميلة جدا جدا والتنفيذ أجمل
..بس اللى عجبنى أكتر شيئ..الإلقاء فى الأداء الصوتى.....تحفة..
تحياتى يا كبيييييير

بطوط حبوب said...

فناااااااااااان والله
امى عجبها اوى
هههههههه
وعماله تقول دا بيعمل زيك

اهو ده عيبه said...

هايل بجد وفكرتنى بايام المذاكرة المملة

ما شاء الله ممثل ومونتير ومخرج حاجه جامده

فعلا يستاهل الدقن الطويلة والشغل اللى اتعمل عليه

Anonymous said...

لطيف جدا الفيلم يا اشرف. عجبني فعلا

الجزء بتاع رصه الكتب و كتاب
english grammer in use
فكرني بايام اعدادي و الامتحانات اللي بتهل فجأة :)

maYHam said...

الفيلم اتحذف

هوا كان فيه حاجة عيب؟؟؟؟

أشرف حمدي said...

somma
آه والله فعلا ، كنت باجي على الآخر واكتشف مواد جديدة :) العجيب كنت بنجح فيها
------------------
Michael
تشكر يا باشا

------------------
خبيب
وانشالله ماتكونش الزيارة الأخيرة
سعيد بتشريفك مدونتي
------------------
لماضة
ميرسي بجد على تعليقك :) فعلا اللقطة دي طلعت عيني بس الحمد لله انها عجبتكم
------------------
واحد من البلد دي
ياريت بجد ماتكونش زعلان مني ، انا فعلا ملخوم في مليون حاجة ومطلوب مني حوالي اربع رسومات في اليوم بالإضافة لشغلي الأصلي
فأعذرني بجد
------------------
بطوط حبوب
كنت مستني تعليقك يا مان والله :) لأنك من الناس اللي عملتلهم الفيديو ده مخصوص
تشكر يا حبي ، نفسي أعمل حاجة عن الكلية ، بس مش عارف حصور ازاي فيها
------------------
أهو ده عيبه
ألف شكر بجد ، مشجعني على طول كده
------------------
Amy
الكتاب ده لقيته عندي ، وطلع بتاع المدام لأنها كانت لغات
المهم انه كان تخين وملظلظ وينفع الفيلم
تحياتي
------------------
أنا من كنت محتاجا
ههههههههههههههههههههههههههه
لأ يا باشا ماتحذفش ولا حاجة ، جرب تاني
هو اليوتيوب كان واقع فعلا حتى بص
We are currently performing site maintenance. Be cool - we'll be back 100% in a bit
انت بس ماخدش بالك من الجملة دي لو كنت دخلت على الموقع

Yasser Hussein said...

الفيلم احترافي جدا
تسلم ايديك يا فنان
:)

ناجي العلي 2000 said...

فيلم رئع والله
ديماً متميز يا عم اشرف

بس بيتهئلي مدة الفيلم كانت عايزة تطول عن كدة شوية
يعني حاسس انه اقصر من الازم

بس روعة ... وعلي رئي استاذ ياسر ((( فيلم احترافي فعلا )))

أشرف حمدي said...

أستاذ ياسر
أشكرك على التعليق ورأيك في الفيلم
تحياتي
---------------
ناجي العلي 2000
عندك حق طبعا ، انا برضه قلت كده بعد ما شفت الفيلم ، بس ده كان أطول حاجة ممكن أعملها نظرا للوقت المتاح ليا ، أكتشفت فعلا قد ايه الحاجات دي بتاخد وقت ومجهود مش طبيعي ، المونتاج لوحدة مصيبة سودة والتصيير أو الـ
Rendering
بياخد وقت كبير جدا من الكمبيوتر
ومشهد الشخصيات الثلاثة ده طلع عيني :)

ححاول المرة الجاية أعمل حاجات أطول من كده
أشكرك على اهتمامك

Unknown said...

الامتحانات... يالها من كلمة منيلة بستين نيلة ...بس سيبك طلعت جامد اوى فى السينما يا معلم...سؤال رفيع هو انت مطنشنى فعلا ؟يعنى ما زورتش المدونة ولا رديت علية ولا اى حاجة انت مغرور وللا ايييييييييييييييييييييييييه؟؟؟

tamer.sala7 said...

سيبك من الرسم خليك في التمثيل

أشرف حمدي said...

enjy
مغرور ايه بس كفالله الشر
والله مشغول جدا ، وبحاول بجد أدخل كل المدونات اللي أعرفها ، ربنا يسهل
وشكرا على التعليق

Tamer
ممكن برضه
ليه لأ ؟ :)

ٍSOU said...

تصدق ايام المذاكرة فعلا ههى افضل ايام الالهام عندى..كنت بعمل حاجات عمرى ماكنت افكر او حتى اعرف اعملها فى الايام العادية ..زى انى ارسم مثلا..انى اسمع موسيقى و احسها و ارسم صورة ف بالى على ورق او اترجمها لكلام يعبر عنها ..ياااااة كانت ايام
كنت م النوع اللى مبدء عندى انى ادخل الامتحان من غير ماخلص مادة الجغرافيا بالذات..كانت خنيقة
يلا الحمدلله ايام و راحت
الفيديو تحححححححححفة ...تسلم ايدك

Anonymous said...

قششششششطه :) !
جميل اوي !
ده انت فنان والله :) !
انا عملت كذا فيلم قبل كده بنفس الأسلوب بس مش بالجمال ده من أول مره :) !
فعلاً إبداع . .
بس حلو موضوع المواد اللي معرفش عنها حاجه !
ده لو حصل معايا كده ممكن أطب ساكت :) !

Caramella said...

دمت مبدعا :)

Counter