Total Pageviews

Sunday, May 18, 2008

تدوينة مرئية

أول تدوينة مرئية لي :) عموما هي تجربة استغرقت مني ساعة واحدة
يارب تعجبكم
:*

17 comments:

S H E B A K said...

هيهيهىىى
ملعوبة جدا

أشرف حمدي said...

شكرا يا باشا :) ربنا يخليك
على فكرة مدونتك جامدة جداااااا
حضيفها قريب عندي مع مجموعة مدونات متميزة
تحياتي

اهو ده عيبه said...

ههههههه انا فى الاول قلت تدوينة ايه اللى بالبيجامه دى

وتحمست بقى لموضوع الظواهر الخارقه وصدقت بس فهمت اللعبه اول ما لقيتك خارج من باب الاوضه وموت من الضحك

كمان حته الايحاء ان الشقه مسكونة او فيها حاجه خارجه عن الطبيعه خصوصا لما بعدت عن الكاميرا
ومش بعيد العفاريت هى اللى كانت بتضرب الجرس

عموما بجد تدوينه هايلة واحييك عليها وفكرة جامده

أشرف حمدي said...

أهو ده عيبه
هههههههههههه ، تمام يا باشا ، بجد أشكرك قوي على رأيك ، كده اللي كنت عاوز أقوله وصل .
سعيد انك ضحكت ، انا فعلا عامل حاجة
Funny
أحسن الناس تفتكر اني بحاول افبرك حاجة مرعبة مثلا :) أدينا حرقنا التدوينة بس مش مهم
تحياتي ، وشكرا على التشجيع

Anonymous said...

و الله انت راجل زي العسل

و فكرة الفيديو جامده و انت باين عليك حريف في حكاية اللعب في الفيديوهات و المؤثرات اللهم لا حسد ما شاء الله :)

عايزين حاجات من دي كتير اوووووي :)

أشرف حمدي said...

هههههههه
من عنيا :) منكوا لله كبرتوها في دماغي :)
ميرسي بجد على التشجيع الرائع ده
وأوعدك أعمل أفكار تانية كتير ان شاء الله
تحياتي

أحمد حلمى الشناوى said...

الحقيقة انت رائع
و شكلك كدة هتعمل حاجة جديدة و جميلة جداً فى المجال دة
أو هتكون أنت صاحب الفضل فى إنتشار مثل هذة المواضيع

و قوللى صحيح ، انت بتستخدم برنامج أية فى الخدع دى

أشرف حمدي said...

أحمد حلمي الشنواني
أشكرك بشدة على التعليق :) والله عارف ان فيه ناس كتير حتطلع وتقلد تقليد أعمى وده بدء يحصل فعلا ، بس مش مهم ، المهم اني راضي عن اللي بعمله بغض النظر عن اي شيء ،
والله فيه برامج مونتاج كتير جدا
Combustion
After effect
Vegas
Adope premeir
كلهم تقريبا بيعملوا التأثيرات دي ، مع بعض الجهد والتركيز في أدوات كل برنامج
انا ما بستخدمش برنامج واحد ، ممكن البرامج دي كلها وبرامج تانية كمان ، باخد من كل برنامج أفضل ما فيه
تحياتي

Anonymous said...

يا ولد يا لعيب
أنا أول ما شوفت العنوان و صورتك و انت بالبيجامة الصراحة ماتحمستش بس لما شوفت التدوينة حبيتها جدا .
و كمان عجبتني حتة التشويق اللي في الأول لما كنت مش عايز تقول الموضوع و عمال تقول دا موضوع مهم و كدة و أنا حاموت و أعرف إيه هوة الموضوع .و جالي إحساس إن الفيلم حايخلص من غير ما أعرف الموضوع و بيقى هوة دة المقلب.
بس طلعت فكرة تانية و جامدة جدا.
معلش في الأخر حتة رخامة*)
قبل ما تخش الأوضة علطول حسيت إن فية قطع في الصورة.
طبعا أنا عارف إن ده بسبب المونتاج ,بس معلش بقي مش أنا قلت حارخم :)

tamer.sala7 said...

هو انا مش قولتلك سيبك من الرسم وخليك في التمثيل صدقني حتكسب اكتر
وبعدين يعني هو هو انت اقل من شوية التافهين اللي بياخدو ملايين
جرب كدة يمكن تضرب معاك بس ابقي افتكرنا :p

khobayb said...

رائع جدا

ما شاء الله

مبدع كالعادة ..

أنا عشت الدور معاك ، وفجأة لقيتك ماشي وراك !

يا ريت تكرر التجربة دي كتير

Anonymous said...

حلو اوي :) !
ايه الحاجات الحلوه دي !
مرتين ورا بعض ابداع كده :) !

أشرف حمدي said...

أحمد زقزوق
هههههههه ألف شكر يا حبي ، بجد سعيد برأيك جدا
موضوع البيجاما اللي أكتر من حد علق عليه كان لمجرد إني أعطي احساس بيتوتي إن صح التعبير :) يعني واحد قاعد في البيت وسط كراكيبه وكده يعني ، وبيني وبينك أنا نفسي مش عارف ليه مالبستش حاجة عدلة
بالنسبة لموضوع القطع قبل ما ادخل الأوضة تاني فعندك حق ، للأسف الكمبيوتر عندي تقيل فمش بشوف كل حاجة في الـ
Preview
قبل الاخراج النهائي للملف ، فبشتغل عمياني إلى حد ما ، القطع بان بسبب الإضاءة اللي بره لأنها اختلفت فجأة بعد ما قفلت الباب ، وكمان بسبب دخان السيجارة من الشمال اللي اختفى فجأة برضه مع القطع
أشكرك على النقد يا باشا ، وعموما هي كانت تجربة سريعة كده وحبقى أخللي بالي من التفاصيل الصغيرة المرة الجاية ان شاء الله

أشرف حمدي said...

tmaer sala7
ايدي على كتفك :)
------------------
خبيب
تمام يا باشا ، وشكرا على التعليق ، عندي كذا فكرة لكذا حاجة كده يارب تعجبك
ان شاء الله ألاقي وقت وأعملهم
تحياتي
------------------
أحمد يحي
ههههههه ربنا يخليك ميرسي قوي
ان شاء الله المرة الجاية كمان تكون فيديو

الميكروباص said...

كنت قاعد مركز معاك جدا
لكن لكا الجرس ضرب وقمت فتحت فضلت اضحك لما كنت هاموت
جامده يا دكتور

علم الهسس said...

احلفلك بالله ان كنت فهمت حاجة من الفيديو
هو ليه كمالة
ولا هو دا
وثانيا من اللى كان بعدى من وراك دا ؟؟
دا شبحك ولا اخوك؟؟
ارجو التوضيح
وعذرا للإحباط

Anonymous said...

اشرف يا حمدى
بيتك مسكون .. الحق
روح اشترى كيلو بخور وهات الشيخ عطعوط يقرالك ويعملك زار
بس عسل قوى التدوينه دى
ومين قرينك اللى طلع من ورا ده
يامى يامى يامى

Counter