Total Pageviews

Thursday, September 11, 2008

عمارة أشروفيان - الحلقة الثانية


شايف قميص نوم ؟
عيش أحلى ما في اللحظة

هل هذا لون معروف لأي شخص لديه الحد الأدنى من الثقافة اللونية إن صح التعبير ؟
هل هو البمبى المسخسخ الذي يحكون عنه ؟

لا أدرى في الواقع ، وليس لدي من الشغف لأن أعطي لهذا اللون اسما إن صح ان نطلق عليه لقب لون ، كل ما أعرفه هو أنه لون سخيف قام صاحب الشقة المجاورة بطلاء جزء كبير من الممر به في اعتقاد منه بأن هذا الجزء يتبع أملاكه الخاصة ، وفي كل صباح ، يصفعني هذا اللون وانا ذاهب إلى العمل على قفاي ــ أعني أن اللون يصفعني على قفاي لا أنني أذهب العمل على قفاي وإن كانت الفكرة الأخيرة غير خاطئة تماما ــ وأود ان اعلن هنا ومن هذا المنبر التدويني رأيي بكل وضوح وصراحة ، ليس كفنان ولكن كمواطن عادي بعبش على أرض هذا الوطن الغير عادي ، هذا لون سخيف ، مائع ، مخنث ، مقزز ، مقيء ، قميء ، وغد ، دنيء ، برازي الطابع ، مخاطي الملمس ، بصاقي المغزى ، يتنافى مع أبسط حقوق الانسان في كل مكان وزمان وتحت ظل أحلك العصور سوادا ، اللون الذي عجز الشيطان عن خلطه ، وعجزت الخنافس المتشعلقة على الحوائط عن احتماله ، اللون الذي يعبر عن نكبة ثقافية وفنية عصيبة ، هو لون الجهل حينما يتجسد ، لون الغباء حينما يعلن عن نفسه ككيان مادي .
في دول العالم المتقدمة بتاعة فيلم الإرهاب والكباب ، لا يجرؤ جار على دهان شباك منزله دون الإلتزام بقانون صارم حفاظا على الذوق العام ، الذوق العام يا بشر ، وليس أذواق المصابين بعمى الألوان والعشى الليلي .
في الحلقة القادمة ، أحدثكم عن أحدث الوسائل العصرية التي كانت لعمارة أشروفيان السبق في ابتكارها لإيقاظ النيام وقت السحور ، بل وبعد السحور أيضا ، ولكن هذه حلقة أخرى .

19 comments:

أكون او لا أكون said...

هههههههههههههههههههههههههههههه
انا ضحكت ضحك! مش طبيعي... خفت اهلي يفيقوا من النوم يقولوا البنت اتجننت...
الصفات ده لازم تضاف للترجمه...
المعتمده للون...

وكمان لو عاوزين نشتم حد... مجرد ان نقولوه بمبي مسخسخ... يكون وصل المسج...

تشكر يادكتور... بجد بوست تحطيــــــم...

بانتظار الحلقه الثانيه ان شاء الله...

TAFATEFO said...

في دول العالم المتقدمة بتاعة فيلم الإرهاب والكباب ، لا يجرؤ جار على دهان شباك منزله دون الإلتزام بقانون صارم حفاظا على الذوق العام

في دول العالم المحترمة .. والمحترمة المقصود بيها العالم مش الدول

الذوق العام .. كلمة لغاها مجمع اللغة .. وأورد بدلا منها "قلةالذوقالعام" كمصطلح يدل على تلك الحاله التي وصل إليها "الذوق العام سابقاً" ..سعد وبعرور وأصفر في أخضر وولاد لابسين شباشب وبناطيل تحت كعوبهم ومتوسخه ومقطعه وشعرهم فوق راسهم يحتوي على عالم الحشرات و و و و و و .. وبتتكلم عن الذوق العام
رمضان كريم

احنا عندنا إيقاظ النيام وقت السحور بإشعال ثلاث صواريخ وإلقاءها في مدخل العمارة.
واللي ميصحاش ويفتح نور الشقه جاره يرميله صاروخين في أوضة النوم

ام كوكي said...

هههههههههه
وصف دقيق 100%
والله يأخي الله يكون في عونك
ده انا احوليت من الصورةبس
امال لو بصتبح بيه كل يوم عالريق
يعععععععععععع عوووووق
المشكلة ان كل واحد فاكر ان الحتة اللي قدام شقته دي تبعه ، اللي تلاقي حاطط بواقي سيراميك الشفة على كل شكل ولون ومافيش مانع من كام قصرية زرع كدة عشان الاكسجين يدخل الشقة طبعا
وطبعا الوان مأساوية زي الحالة المميتة اللي انت فيها دي

اوعى يكون هو نفس الشخص بتاع الحريقة؟
انا رأيي تكتبله عالحيطة يعععععععع أو الاوصاف الجميلة اللي اتحفتنا بيها في البوست، و ياريت تكتر من المواضيع دي في رمضان تصدق نسيت الجوع خاااااالص

أشرف حمدي said...

أكون أو لا أكون
ههههههههه طب الحمد لله :) والله بفرح لما ألاقي نفسي ضحكت حد في ظل الظروف العصيبة دي
ميرسي بجد على التعليق
والحلقة القادمة قريبا جدا بإذن الله
--------------
tafatefo
منك لله يا شيخ حرقت لي البوست الجاي
هو انتوا كمان كده ؟
دي بقت موضة بقى
ولكن هذه حلقة اخرى .. برضه هههههههه
--------------
أم كوكي
آه والله يا ام كوكي انا خلاص جالي تخلف عقلي من كتر ما بشوف اللون ده في الداخلة والخارجة
لأ دي الشقة اللي جمبنا من الناحية التانية ، الشقة بتاعة الحريقة دي بيعملوا حاجة تانية ، بيشخبطوا على الحيطة بألوان الشمع
ده احنا عمارة مسخرة

TAFATEFO said...

ده احنا عمارة مسخرة

لولا اني خايف تزعل وتفهم الجمله غلط .. كنت قولت لحضرتك امال انت عايز عماره تسكن بها تبقى ايه؟؟!!

يعني أنا لما ةصف مدونتك أوصفها انها ابداعيه .. جميلة .. متفتحة .. ومسخرة :D

والله انت راجل --- (عسل) وقعدتك ميتشبعش منها

blackghost said...

اية المدونة الجامدة دى كانت تايهة منى فين تحفة وبجد خلتنى امةت على نفسى من الضحك


برازى الطابع ياعم اتقى اللة اية دة ومخاطى الملمس نسيت تكتب وتكوين الترجيع مع شوية مخاط
علشان مش راضى اقول برابير

وينكى said...

ههههههههههههههههههههه
نياهاهاهاهاها
بوهاهاهاهاهاهاها
ااااااااااااه يابطنييييييييي
بجد انت ترجمت كل اللى نفسي اقوله
انا باكره اللون ده جدا ومش عارفه هو لسه عايش ليه على وجه الارض
ونفسي اللى اخترعه يعدموه حرقا ورميا بالبلغ
لا بجد مش قادره ابص للصوره اصلا
انا احوليت فوق الاستجماتيزم اللى عندى
بجد
يع

أشرف حمدي said...

tafatefo
يا عم قول ولا يهمك :) مش كفاية انا ساكن جنب اللون ده ؟
ربنا يخليك يا باشا :) وماتفكرنيش بالعسل عشان انا جعان جدا دلوقتي
------------
black ghost
أهلا بيك في المدونة يا باشا وإنشالله متكونش ىخر مرة
في انتظار تعليقاتك باستمرار بقى
تحياتي
------------
وينكي
ايه ده ؟؟ انتي تعرفي مين اللي اخترع اللون ده وساكتة ؟
أموت واعرفوووووووووووه
جرررررررررر

صفا said...

المدونة كلها تحفة بجد
هو الحل ان كل يوم تكتبلة جملة من وصف اللون ده على الحيطة يمكن ياخد باله
تقبل مرورى

مواطن مصرى نايم said...

ههههههههههههههههه
ههههههههههههههههه
انت اشتغلتنى
لا لا لا لا لا
انا عاوز البمبى المسخسخ
ههههههه
كنت متوقع على فكره ان البمبى المسخسخ حيطلع حاجة غير اللى اتفهم من الكلمة
بس بجد شرف وافى و وصف دقيق للون
المفروض تعمل معجم و يكون اسمة معجم اشروفيان

بوست وقعنى عالارض من الضحك
جامد يا اشروف
تحياتى

Tinkerbell. said...

لا ولاهى.. ده نفس الراجل بتاع الدش.. انا لو منك كان زمانى خليته هو اللى بمبى ومسخسخ

Oss said...

حلو القاموس بتاع الشتايم ده
:))
بس بجد ربنا يكون فى عونك
لحظه كده
:)
اللون ده اتعمل فى مدرسه خاصه عندنا السنه دى
انت متأكد ان جارك مش مدير المدرسه دى
:)
كان الله فى عونك

يعقووبوو said...

تعال بليل واكتب عالحائط
بس اوعى حد يشوفك d-;

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Anonymous said...

أسنانجي برضه

اهلا يا اشروفيان
انت راجل عسل ورسوماتك افكارها حلوة

لكن على فكرة
اللون ده له فائدة زي ما انت قلت
ان حتى الخنافس لا تستطيع احتماله

يبقى الراجل عاملها فيك بجميلة وبيوفر لك ممر آمن خال من الحشرات

تفتكر انا لو دهنت عيادتي باللون ده هحتاج البنج في حاجة

ههههههههههههه

كل رمضان وانت طيب

enjy said...

يخرب بيت تعليقاتك عيش احلى ما فى اللحظة يا لهوييييييييييييييي موتتنى من الضحك لتانى مرة على التوازى بردو كنت عامل كاريكاتير على مصراوى بتاع الكلب واللحمة الضانى كله عيش احلى ما فى اللحظة والله يا اشروف انت دماغ بجد والله بنى ادم زى الفل ذكى و طموح وعسسسسسسسسسسسسسسسسسسسسسسسسسسسسل

أُكتب بالرصاص said...

هو لون الجهل حينما يتجسد ، لون الغباء حينما يعلن عن نفسه ككيان مادي

يا سيدي على التعبير

هو دا

انا الحمد لله عندي عمى الوان
ولو كنت معاك ساعة الدهان ، ،كان ممكن اقول الله
ايه الجمال دا

لكن جملتك عن وصف هذا اللون ... يطلع زي ما يطلع ...
جملة إجرامية


كل عام وانت بخير
ما تشوف لي شقة عندكم!

ketchup said...

ياما

بص يا فنان

في مشهدين من فيلمين مختلفين افتكرتهم اول ما شفت الصورة
بجد قفزوا قدامي فوراً

اول مشهد من فيلم اسمه فيلاديلفيا بطولة توم هانكس و دينزل واشنطن

كان بيسمع اوبرا ايطالي و هو بيتمشا في الاوضة بالمحلول اصله كان عنده ايدز

المهم الاضاءة كلها اتحولت فجأة للون الاحمر زي اللون بتاع الحيطان دي تمام تمام وقتها انا وصل لي احساس بالرعب و كنت عاوز اقوم من قدام الفيلم


الفيلم التاني اسمه
shining
لجاك نيكلسون سنة 1980 ودا اكتر فيلم رعبني في حياتي رغم اني مش بحب افلام الرعب اساسا

الفيلم دا كان فيه مشهد في الحمام وكانت الحيطان تقريبا بنفس اللون المرعب دا

فعلا فعلا

الله يكون في عونك ياراجل د انا حاسس ان في روح شريرة هتطلع من الحيطان دي

قطرات من شواطئ الحياة said...

تاعب نفسك ليه؟
عيـش أحلى مافي اللحظة
;-)

Counter