Total Pageviews

Thursday, September 25, 2008

رأيي في الرسوم المتحركة المصرية


إضغط على الصورة للتكبير

أجرت جريدة البيان هذا الحوار معي حول فن الرسوم المتحركة في مصر والعالم العربي
ولأن لساني عاوز قطعة ولأن الموضوع حارق قلبي فقد قلت كل شيء بصراحة شديدة ربما تتسبب في بعض أو كثير من المضايقة للعديد من أصدقائي بالوسط الكارتوني إن صح التعبير ، ولكنني لست نادما على كلمة واحدة مما قلته

عموما المقال أمامكم وفي انتظار تعليقاتكم

تحياتي

24 comments:

TAFATEFO said...

أنا مش شايفه يزعل حد

احنا دبلجنا السنافر .. وأليس في بلاد العجائب .. وكعبول .. وكابتن ماجد .. ومازنجر .. وجرندايزر و........... غيرها

شوف دول من أد ايه .. وشوف عربية اسم الله حارسه سوبر هنيدي بتمشي ازاي .. ولا بيقاتل الأشرار والوحشين ازاي .. وبعدين حد يزعل؟؟!!

اللي يزعل يشرب من المالح على رأي البورسعيديه

Anonymous said...

كلامك كله صحيح
عن تجربة... احزن على اولادي من تدفق الكرتون باللغة الفصحى او الخليجية
مثلا لما قالي ابني مره الفتيات دا كرتون حلو مره!!!فين و فين لما فهمت ان قصدوا جدا.كمان كرتون يوجي ابني يقعد يتخانق و يصرخ تمثيلا" حلوا الاصفاد" هاهاهاهاها على ايامنا كانت كلابشات و خد من ده كتير.مش بزمتك ايام جونجر و جرندايذر كانت احلى ايام بدل الفزلكة اللي بلا معنى.

قلم جاف said...

شغل "منى أبو النصر" كله كان مرحلة .. والمشكلة مش في شغل "منى أبو النصر" اللي كان مرحلة .. المشكلة في اللي عايزين يحبسونا جوة مرحلة عدِّت ليها اللي ليها وعليها اللي عليها ..

فكرة "بكار" ما عجبتنيش .. إلا إني أعترف بإن الكاراكتر علَّق مع الناس واتعرف ..

lamonata said...

لا عندك حق فعلا بس انا عايزة اعرف ايه كرتون ساعة لقلبك ده بيجي على ايه ؟؟

في كمان سوبر هنيدي حلو اوي اهو الى حد ما بقى في حاجة غير بكار ..الحمدلله احسن من مفيش ربنا يكرمنا ويكرم الفنانين يارب

كلامك صحيح وفي محلة كنت فكراك هتتخانق وتكسر عليهم حاجة
عشان مفقوع مرارتي من زمان

سلام ..:D

أكون او لا أكون said...

الموضوع مهم جداً...
ورأي حضرتك كان صريح ولاأظن أن أحداً سيلومك لأن هذه هي الحقيقه...

أنا بصراحه لم اتابع شيئا من المسلسلات الكرتونيه... لكني شاهدت مقتطفات من مسلسل هنيدي...ولم يكن هنالك مايشدني للمتابعه...
ولو كانت المسلسلات الأخرى لاقت نجاح لكنت سمعت بها...

على الرغم من أن تاريخ القصص العربيه غزير إلا أن أحداً لايستفيد منها...

خصوصا أن هنالك قصص قديمه وجديده خرافيه كالأساطير لو عمل بها كرتون باتقان واحتراف لأنشرت عالمياَ...

تسلم يادكتور...
ومستنيين المحسلجي بكل شووووووووق...
بجد شخصيه تحفــــــــــــــــــه...

أشرف حمدي said...

tafatefo
والله فكرتني بمسلسلات جميلة جدا خاصة كعبول ، هييييييه كانت أيام
شكرا يا باشا على التعليق
------------------
anonymous
طبعا انا بحب العامية المصرية في الكرتون بس برضه الفصحي ساعات بتكون مكتوبة كويس جدا حتى لو الأطفال اتكلموا بالفصحة ده شيء كويس إنما يتكلموا بالسعودي أو الخليجي دي المصيبة ، لازم موضوع الهوية ده يكون في الحسبان
وشكرا على التعليق
------------------
قلم جاف
عندك حق طبعا ، المشكلة اننا فضلنا في المرحلة دي كتير جدا وبقت الحكاية استسهال وإسهال كرتوني لو كان ينفع نقول عليه كده
ملاحظة مهمة فعلا
------------------
lamonata
ساعة لقلبك بييجي بعد الفطار مباشرة أو أثناء الفطار يعني على أو تي في
ليا ملاحظات كتير عليه بس شايف انه اتقدم بشكل جديد وجدير بالاهتمام
فعلا بكار ممكن يكون علق مع الناس لمجرد إن مافكنش فيه غيره وكان هو كل المتاح
انما لو كان طلع حاجة تانية أفضل ماكنش قدر يصمد قدامها أبدا

أشرف حمدي said...

أكون أو لا أكون
انتي أثرني نقطة مهمة جدا
احنا عندنا تراث مصري ــ ومش حقول عربي عشان التراث العربي كبير جدا ــ يكفي لعمل مئات الأفلام والمسلسلات وألعاب الفيديو وقصص الأطفال وكل حاجة
انا اللي مش قادر أفهمه إزاي قصة متوسطة الجودة زي هاري بوتر تكسر الدنيا واحنا عندنا بلاوي متلتلة ممكن يطلعمنها بلاوي أكثر تتلتلا
!!!!!!
احنا فعلا محتاجين منتجين مخهم نضيف وكتاب مخهم أنضف ورسامين فايقين ورايقين وماحدش بيجري وراهم عشان يخلصوا السببوبة وياخدوا الملاليم اللي بياخدوها
محتاجين ناس بتصرف بسخاء فلوس ومجهود وفن وإبداع وكله موجود والله العظيم
بس فين النفس ؟
لما نيجي نشوف حاجة عبيطة زي السوبر هيروز الأمريكية والنجاح الكبير اللي قدرت تحققه
انا لسة شايف فيلم هالك ــ الرجل الأخضر ــ وبحسد الفنان الأول اللي بدع الشخصية وقعدت تتطور لحد ما بقت سلسلة أفلام مكسرة الدنيا
ولا بات مان اللي حقق المركز الثاني في الإيرادات بعد تيتانيك
هل ممكن تشوفي بكار في فيلم يجيب ايرادات كده ويغزو العالم ؟
نكتة سخيفة مش كده ؟

أحمــــد said...

بسم الله الرحمن الرحيم
أحب دائا احترام التخصص
أكيد حضرتك كمتخصص ترى ما لا يمكن لغير المتخصص إدراكه
هذا من الناحية الفنية
ولكن تبقى فكرة الموضوعات ملكا للجميع ما رأيك فى الأفكار المقدمة هذا العام
هل تفيد الأطفال
ام تعمل على مسخ شخصياتهم
حقيقة لم أسمعها
أريد رأى حضرتك

Anonymous said...

الفنان د/اشرف
ياريت تتحفنا بمقطع رسوم متحركة كده على الماشى يورينا قدراتك كفنان رسوم متحركة بيعطى رايه فنانين كبار راحلين أمثال د.منى ابوالنصر استاذة الرسوم المتحركة بكلية الفنون الجميلة واللى تخرج من تحت ايديها ناس كتير
وسلام كبير قوى للصحفى اللى عمل الموضوع وعرف ينقى ضيوفه اللى يقولوا رأى مفيد للناس
فى انتظار تورينا قدراتك يادكتور
ومن غير فزلكة

Oss said...

بكار علّق مع الناس علشان طول مع الناس
(ده انا وعيت وبكار موجود وقعد معايا لغاية السنه قبل اللى فاتت)
وبردو علشان بكار كان بيجى ساعة الفطار
بس كانت شخصيه رخمه
ماجابتش للأطفال غير الشلل و..
هوى يا اصحابى

بس بجد اللى اتنين اللى سمعتهم وعجبونى
سوبر هنيدى
بجد بجد انا اول مره اشوف كارتون تحفه بالمنظر ده
عمر طاهر ابدع فيه
وساعه لقلبك اللى متاخد من حلقات الراديو بتاعة زمان

بس (مع الاعتذار) مستوانا الحالى يبشر بإستحالة الوصول لأفلام ديزنى وبيكسار وأفلام زى شريك وكونج فو باندا و وال إى

تحياتى

شاب مصري said...

الفكرة مش فى الكم ياعم اشرف ..
الفكرة فى الكيف ..
يعني مثلاً .. عندك حاجة زي الكابتن ماجد ..
علقت مع الناس كتير سواء عشان شوية الكورة اللى فيها او معاني الصداقة العجيبة اللى ماتلاقيهاش غير فى الكارتون بصراحه ..
ومازنجر وجراندايزر انتاج السبعينات وحاجة زي الفل بس في ابطالهم نبل عجيب ..

يعنى مثلاً جو نجاي اللى عمل مازنجر وجراندايزر مازنكايزر ومازنجر الكبير وغيرهم كتير ماهو عمل حاجات كتير ..
بس بيقدم فكر وإثارة ومتعة وتشويق :D على رأي عادل امام يعني ..

مش فى الكم ..
فى الكيف ..

ورأيك ما يزعلش حد ..
انت قولت الحقيقة بصراحة ..
واللى يزعل من الحق يبقى عيان ..

أشرف حمدي said...

أحمــد
مسلسلات الكرتون العربية تصيب الأطفال بالتخلف العقلي ، الأطفال ربما يقبلون عليها لأن هذا هو المتاح وإلا فالأفلام الأجنبية بالطبع
تحياتي
-------------
أما بالنسبة للجندي المجهول اللي انا عارفه كويس ومكسوف يقول اسمه قدام الناس
anonymous
من الواضح جدا في المقال أنه قد تم تعريفي كفنان كاريكاتير ، ده أولا
ثانيا كانت لي تجارب مع العرين فيلم بمسلسل قصص القرآن الذي أذيع على القناة الأولى كمصمم خلفيات ثري دي واسمي كان منور في التتر والحمد لله ، ده عن ثانيا
ثالثا بقى لازم تعرف إن فن الكاريكاتير والرسوم المتحركة متصلين تماما وده اللي ماحدش فمه زي حضرتك كده ، يعني باعتباري فنان كاريكاتير أقدر كويس قوي أقول رأيي في الرسوم المتحركة وإلا ماكنتش جريدة كبيرة زي البيان تاخد مني تصريح بالشكل ده
د\ منى أبو النصر رحمة الله عليها فعلا طلع من تحت اديها ناس كتير
فشـــلة
وانت لو شغال في مجال الرسوم المتحركة أو على الأقل احتكيت بيه حتعرف قد ايه الموضوع بتنجان خالص ، بدءا من تسميم الشخصيات والفواعلية بتوع الـ
inbetween
والعمال بتوع التحبير
وطلسق خمس كادرات في الثانية وحط خلفيات بطيخ وأقلب عشان المسلسل يخلص
وفي النهاية شغل لا يرقى لمستوى 80 سنة فاتت
عموما خليني انا أطلب منك نفس الطلب
ما تورينا انت شغلك العبرقي عشان لما أقول إن مافيش رسوم متحركة في مصر ولا العالم العربي أبقى غلطان ؟
ابعت لنا لينك كده من اليوتيوب لإبداعاتك يا سيدي وانا أنزلها البوست الجاي
تحياتي

أشرف حمدي said...

Oss
تصدق بقى إن ممكن نوصل لمستوى بيكسار وأحسن منه ؟
بس الرك على التكلفة والدماغ النضيفة
أنا حابب اتكلم في الموضوع بس لو اتكلمت عاوزلي مدونة كاملة للحكاية دي بس أديك مثال
عندنا هنا شغالين بنظام الأكلاشيه والبهرجة
يعني حاجات ثابتة فاكرين انها الصح وبهرجة الألوان والخلفيات والإضاءة المزعجة
عمري يا أخي ما شفت مشهد ثري دي مصري أو عربي واحد في الضلمة مثلا
طالما انهم تعبوا أو شايفين انهم تعبوا في تكوين المشهد يبقى لازم كل حاجة تبان ولازم الإضاءة تكون كتير وإلا يفتكروا انهم عملوا شغل وراح عليهم ، وخد من الامثلة دي كتييييير جدا
لازم عشان نعمل حاجة زي بكسار أو ديزني اننا نشوف الشغل ده وندرسه كويس قوي ، علاوة على إن فيه جيوش بتشتغل في الفيلم الواحد مش مجرد عشريت تلاتين واحد
العشرين تلاتين دول برّه يادوب يقعدوا يرسموا ستوري بورد مش يعملوا كل حاجة زي هنا
تحياتي

أشرف حمدي said...

شاب مصري
طبعا ، مين قال موضوع الكم ده ؟ :)
أنا شايف إن البداية بتكون في الكتابة الكويسة
دي نقطة مهمة جدا مش واخدين بالنا منها خالص

TAFATEFO said...

على فكره يا د/ أشرف

كان في مشهد ثري دي حلو أوي شفته من فته أكيد حضرتك شفته .. بتاع الرجل اللي في لجنة الانتخاب .. ده كان عاجبني أوي

أنا طبعاً بطيخه ومش فاهم أي حاجه في التيكنيكال جارجونز اللي حضرتك بتكلمنا وتتنظظ علينا بيها دي

بس أنا كان عاجبني .. لو افتكرت اسمه أو عرفت لنك ليه هحطهولك

TAFATEFO said...

ده لنك الفيديو يا د/ أشرف

بس ده واحد واخد الفيديو وحاطه على التشانل بتاعته .. أنا كنت شوفته زمان على قناة اللي عامله .. بس مش فاكر اسمها .. ودورت مش لاقيه

http://www.youtube.com/watch?v=DLcKQ4W9dxk

أشرف حمدي said...

tafatefo
حاولت أشوف كام لقطة من الفيلم بس انا ماعنديش في البيت
DSL
حبقى أشوفه في الشغل بكره

وأنا على فكرة ما بتنططش على حد :)

أشرف حمدي said...

tafatefo
انا شفت الفيلم على الـ
Dail up
مصبرتش لإنك حمستني

بصراحة هي تجربة جامدة فعلا ، إضاءة وإخراج قريب جدا من الشغل الإحترافي العالمي
التحريك كان فيه شوية حاجات جامدة قوي زي رعشة جفن العين في بداية الشوت بتاع الراجل اللي بينتخب
تصميم الشخصيات حلو برضه بس فيه شوية اخطاء بسيطة
من الآخر دي حاجة بتاعة
8\10
كده
ما تعرفش مين اللي عاملها ؟؟؟ حاسس اننا لو مشينا في السكة دي حنوصل قوي
تحياتي يا مان وشكرا على الفيلم
وحدفعك فاتورة التليفون المرة الجاية :)

3ali said...

loooooooooool
totally agree with you man

:)

by the way I worked in the animation field as an animator and in storyboarding and drawing backgrounds , and I WON'T intend to go back in the field

firstly because of the AWFULL MONEY .. all the producers are really ******

secondly because I didn't feel like having any kind of experience because of the - always - timing ( el 7ala2a de lazem tetkarwet fe shahr 3ala ad flosha - as my ex manager said once ) ..


that sucks man !!


regards

focaljob said...

بصراحة سوبر هينيدي كان تحفة
وقمة في الجمال
ربنا يديه الف عافية
ونشوف رسوم تانية حلويين

omar said...

انا مخرج رسوم متحركة مصرى وكان لية عمل بعنوان يوميات الاستاذ سحلاوى تم اذاعتة على القناة الاولى المصرية وكنت اتمنى ان اجدكم تتحاورون حولة لكن واضح محدش شافة على العموم هوموجود على يتيوب ياريت لو مهتمين تشاهدوة

HaLa_MounirS said...

الكلام ده صح
ازاي مش عارفين نعمل كارتون محترم على الاقل زي جريندايزر في التحريك مع ان فيه طبعا غلطات الي هي اختلاف الرسم بس ال prespective
بتاعه في الرسم تحفة تحفة بكل المقاييس كفاية اللقطة الي هو بيجري فيها في مدخل جرينديزر اللقطة بتلف بالكاميرا مع العلم ان الرسم كان كله بالايدين وقتها ازاي من اكتر من 20 سنة هم عملوا الحاجات دي واحنا مش عارفين نعمل لقطة زييها لحد دلوقتي دي حاجة تجنني بصراحة بحبي في الرسم والكارتون من ناحية الشغل فيه او الفرجة عليه .. احنا عندنا ناس كتيرة جدا في مصر تعرف ترسم يعني حتى من غير برامج لو اتجمع مجموعة محترمة ممكن تعمل كارتون مدته 5 دقايق بس يكون رسمه عدل مش عارفة مشكلة اخراج ولا مشكلة رسامين ولا مشكلة ايه بالضبط من ناحية القصص كلها واقعة مفيش حاجة عدلة شفتها يمكن انا متعلقة بالثقافة اليابانية شوية بس انا رأيي ان الكارتون مش للأطفال بس وللأسف برضه زي مااحنا عندنا رسامين كويسين عندنا كمان ناس بتكتب كويس ليه مفيش حاجة زي full metal alchemist او hikaru no go والاخيرة دي من واقعية القصة وكتابتها اخدت شهرتها بسيطة في القصة بس ال concept معناه تحفة
اتمنى في المستقبل القريب اعمل حاجة حلوة زي دول واعرف اوصل لمرحلة كويسة في انتاج الرسوم المتحرمة على العموم شكرا انا بس حبيت اشارك في الموضوع لأن دي الحاجة الوحيدة الي بتثير اهتمامي الانيميشن والكارتون ^^

HaLa_MounirS said...

as for يوميات الاستاذ سحلاوي
i didn't watch it before i just saw alittle bit form it and i love such a good production good very very good i like it , although Japanese style is my thing :P but great work really , el tone 7elwa awy we alwan we el 7arka gameela did u use tooonboom or another program ?

أشرف حمدي said...

انا لوحدي بعمل كارتون كامل ، دقيقتين الحلقة مش محتاجة فريق ولا حاجة
لكن المشكلة أبيع لمين ؟ ومين يشتري مني بدون ما يخنقني ويعدّل عليا عشان الصراحة مابحبش حد يعدل عليا وهو مش فاهم حاجة
انا بشتغل
after effects
لإني مقتنع بيه كبرنامج تحريك ممتاز رغم إنه مش برنامج تحريك :)
وبشتغل
anime studio
لمجرد يبقى اسمي بشتغل على برنامج تحريك رغم إني مش مقتنع بيه وشايفه محتاج تطوير كبير جدا عشان يبقى برنامج محترم

Counter