Total Pageviews

Tuesday, September 22, 2009

عشان تعرفوهم .. روحوا شجعوهم

لو كان الأمر بيدي لحاكمتهم بتهمة الغباء الإعلامي

عشان تعرفوهم .. روحوا شجعوهم

مهزلة إعلانية جديدة برعاية كوكاكولا .. مهزلة حقيقية لا كغيرها من المهازل المعتادة .. مهزلة متفردة وجديدة ومدهشة بعد أن ظن المواطن منا أنه لا جديد في عالم المهازل

بالطبع شاهدتم سلسلة الإعلانات المتسفزة ، ولكن لمن لم يشاهدها أقول بأنها سلسلة إعلانية لمشروب كوكاكولا يتم من خلالها الاستعانة بواحد من لاعبي منتخب مصر يتعرض لموقف ما يدل على أنه غير معروف ، الفيديو بأعلى هو احد هذه الإعلانات والبطل هذه المرة اللاعب أحمد فتحي وهو يقف بسيارته في مكان غير مخصص لذلك فيأتي أمين الشرطة ــ بقلة أدبه المعتادة ــ ويخبط على سطح السيارة ثم يشير بيده للسائق كي يفتح الزجاج ويصرخ به : ياللا يا حبيبي مافيش وقوف هنا ، فينطلق اللاعب المسكين المؤدب والذي لا يخرج له من السيارة ولا يمسك بالأمين من قفاه ويقول له الجملة المعتادة : إنت مش عارف إنت بتكلم مين يا حيوان ؟

التعليق : يعني هو بروح أمهم الغالية ربنا يديها الصحة ، إذا كان الامين يعرف شخصية قائد السيارة ، فهل هذا معناه أن يسمح له بمخالفة مرورية بإعتباره فوق القانون أو فوق الشعب ؟ المواطن السوبر اللعيب ؟ وهل هذا يعني أن أمين الشرطة يجب أن يكون قليل الذوق مع الشعب كله إلا لاعبي كرة القدم حيث أن لهم معاملة خاصة ؟ الخطأ المروري خطأ مروري ، وقلة الأدي قلة أدب ، مع وزير مع غفير مع شحات مع رقّاصة مع وزير الداخلية شخصيا الكل واحد ، أو هكذا من المفترض أن يظهر في إعلان تليفزيوني ، أما البجاحة والسفالة في ترسيخ هذا المفهوم القذر فهو مالا أقبله

إعلان آخر ، إسلام رمضان في مطعم وجبات سريعة ، بعد أن يحمل طعامه يكتشف أن هناك طلب ناقص فيكلم الكاشير الذي يقاطعه في قلة ذوق : ثانية واحدة يا حبيبي .. ثانية واحدة

التعليق : نفس قلة الأدب والسفالة ، كاشير سافل ومنحط ، ولو كنت أنا في موضع اللاعب لعرفت كيف أعمله الأدب ، ولكن ماذا يقصد بالإعلان هنا ؟ المعنى واضح : لو جاءك لاعب كرة إضرب له تعظيم سلام أما لو مواطن عادي إديله باللي في رجلك ، لاعب الكرة مواطن سوبر مش مواطن عادي محدود الدخل يا معفنين يا بيئة جاتكم داهية مليتوا البلد

إعلان آخر ، المدير الفني لمنتخب مصر في السينما ، يشرب كوكاكولا بصوت عالي فيلتفت أحد المشاهدين أمامه ويقول له : الصوت يا خواجة مش عارفين نركز

التعليق : هذه المرة كان المدير الفني هو قليل الذوق ، ماحدش بيشرب كده يعني ، والمشاهد يتحدث معاه بأدب ويترجاه أن يكف عن الشرب بهذه الطريقة ، الرسالة التي وصلتني من الإعلان أنه من حق المدير الفني أن يتجشأ ويتقيأ ويبصق براحته في السينما واللي حواليه يحطوا جزمة قديمة في بقهم ، ده المدير الفني يا زبالة ، وكمان خواجة يا غجر مش واحد معفن زيكوا بياكل فول وطعمية

لا أجد ما أعلق به على باقي الإعلانات ، فقط اعلن موقفي تجاه هذه المسخرة التي تبث رسائل قذرة لترسخ أكثر بالمجتمع

تحياتي

21 comments:

Unknown said...

و فيه ده كمان
ابقى ضيفه
سواق تاكس بيبوق فى اللعيب و يقوله معلش يا بابا انت حتنزل هنا عشان انا نازل يمين
http://www.youtube.com/watch?v=Ej77GTsNdo8&feature=related
-----
على فكرة اعلان السنيما يضايق و اعلان العسكرى لكن اعلان الاكل انا مش فاهمه خالص
و لا فاهم تعليقك عليه

على باب الله said...

الإعلانات بتفترض أن لاعب الكره هو مواطن من الدرجة الأولى في حين أن مشاهد الإعلان مواطن من الدرجة الثانية
مش عارف أي غباء هذا لمنتج بيحاول يعلن عن نفسه عن طريق تحقير المشاهد ( القوة الشرائية ) حتى لو كان عن طريق تمجيد أي حد تاني

أعتقد انها حملة دعاية فاشلة جداً و غبية جداً

الميكروباص said...

معلش
بكره يكبر والناس تعرفه
وساعتها لو بتاع الشرطه قاله مفيش وقوف هنا هايخرج من العربيه يلعن أهله واللي جابوه

وحيات امي ما احنا نافعين

قوس قزح said...

ابنى عنده 10 سنين
لما شاف الاعلانات دى

قالى انا عايز ابقى مشهور يا ماما
اصل الناس المشهورين بيتعاملوا بطريقة مختلفة عن باقى البنى ادمين


اهو ده اللى بيعلمه الاعلام لولادنا

Anonymous said...

على فكرة كمان في اعلان لكوكاكولا في أول رمضان كان ادوارد بيقدم اتنين اصحابة لكريم عبد العزيز وكريم بيرد علية ويقولةة:اوزو و موزو في رمضان !! بعد كدة غيروة وشالو الرد بتاع كريم عبد العزيز وخلوة: باظت !! تفتكر ده ينطبق تحت بند الغباء الاعلامي ولا ايه

أشرف حمدي said...

بدراوي
الكاشير في الإعلان كان قليل الذوق مع الزبون ، يجب التركيز على أن الكاشير قليل الذوق بشكل عام وليس من المنطقي أن يكون قليل الذوق مع الناس كلها إلا لاعب كرة القدم حيث أن له معاملة خاصة
الإختيار هنا خاطيء تماما
الإعلان ببساطة يسمح للكاشير أن يكون قليل الذوق مع الناس كلها مافيش مشكلة عندهم في دي ، إنما المشكلة إنه يبقى قليل الذوق مع المواطن السوبر اللعيب

ماذا نفترض ؟
إذا كان اللاعب معروف للكاشير فسيعامله بأدب واحترام مبالغين ، ولأنه لا يعرفه فسيعامله بقلة ذوق
هل هذه هي الرسالة ؟

أشرف حمدي said...

على باب الله
بالظبط ، هذا جانب آخر من الغباء ، تخيل بالفعل أن تقدم منتجا لجمهور أنت تشتمه ، مش بعيد نلاقي إعلان بيقول : روح اشتري كوكا كولا يا حيوان :)
---------------
لورنس
ايوة بالظبط كده :)
---------------
قوس قذح
أهو ده اللي انا خايف منه
---------------
مجهول
هههههههههههههههه
دي مسخرة وقلة أدب ، يعني لو مش في رمضان يبقى موزو وزوزو حلوين ؟
ده دعاية للذوذ الجنسي ولا ايه ؟

Sweet Violet said...

مش اعلانات كوكاكولا بس اللى كده
الفترة دى فعلا كل الاعلانات بقت مستفزة للأسف
v_v

MegaOne said...

فعلاً
حاجه مستفزه جداً


كوسه

تفكر الغلط على الإعلان ؟؟؟

لا طبعاً

الغلط هو اللي في الشعب
اللي خلى التخلف والإستهبال ده هو الطبيعي

والمعامله العاديه دي تبقى منه وكرم زائد وطيبه ملهاش حدود

Yasmine Madkour said...

و فيه واحد تاني واحد طالع ف عماره و التاني بيسأله رايح فين ؟
علي أساس ان الشخص المعروف لا يُسأل رايح فين و لا جاي منين لما يدخل بيوت الناس!!!!

a.magdy said...

هناك اعلان اخر عن احمد مجدي لاعب منتخب الشباب..
في السينما برضة، المفروض ان اتنين كابلز داخلين يقعدوا جنبه فالولد بيطلب من احمد انه يتاخر شوية..

انا مش شايف ان فيها إهانة لأحمد اوي يعني..بأستثناء ان الواد بيقوله يا كابتن او يا نجم مش فاكر..

لكن مفيهاش حاجة عموما لما اغير قعدتي عشان اريح حد تاني.

Mohammed Elhifnawy said...

هو أولا واخيرا ده إن دل فانما يدل على طبيعة كتير من الشعب بتاع مصر المتأصلة فيه ,, ولا يدل على مبادئ الشركة اطلاقا ,, الشركة بدون مبدأ ومستعدة تعمل اللي تعمله عشان تبيع ,, والدليل إن لو شفنا إعلانات الشركة في دول تانية حتلاقيها مختلفة تماما,, الشركة بتعمل كل إعلان بما يتناسب مع طبيعة الشعب اللي بتعلنله ,,طبعا أنا ضد المبادئ اللي بتعلنلها الشركة في سلسلة الإعلانات دي,, بس تخيلوا معايا هل ممكن يعملوا إعلانات زي دي فيامريكا ولا اليابان ولا الصين لأ طبعا لأن دي تتنافى وطباع الشعوب دي ,, لكن هم عشان عارفين إن السايد في مصر إن الممثل ولعيب الكورة لهم قيمة عالية قوي ,, استخدموهم مواد اعلانية ,, وجابوا في الإعلانات دي طباع الشعب المصري في المواقف المختلفة ,, فيحسسسو إن الشركة زيه ومنه وعليه فالناس تشتري من عندهم ,,ده هدف على المدى البعيد ,, لكن الshort message هايا عشان متفوتش فرصة إنك تكون قدام حد من "المشاهير" دول ومتعرفش ,, تروح تشجعهم ,, طبعا برعاية Coca cola

abdallah mortada said...

تصدق انا في الاول كنت مبسوط بالعلان خصوصا اعلان التاكسي يعني كنت حاسس انها كوميديا جديدة

انا لما فكرت شوية ( وكان ليك الفضل في انك نبهتني) ان ده دعاية سيئة لمصر اصلا يعني احنا بلد متستحقش تنظيم كاس عالم للبهايم اصلا ...كمان هوا الناس برة متعودة ان الىل شايل لاسلكي يبقى ظابط مثلا او عسكري انما لو واحد مش من مصر هيستغرب ليه واحد بقميص وبنطلون ماسك لاسلكي وبيؤمر ( مواطن )* انو يتحرك .... ولسه اصلا يتحرك ومفيش علامة وقوف في الممنوع مثلا معنى كدة بيقولو للناس هاي احنا عندنا بلطجة رسميين يتبعون للحكومة وبتفويض شامل منهم

بجد افكار زبالة اوي

وبالنسبة للاخ الىل بيقول انو تحفيز للقوة الشرائية ما ده موجود من الحملة اللى فاتت
يعن يمطلع البنات اغبيا اغبيا لانهم مطلعينهم بيشجعوا مصر وخلاص بغض النظر عن اللعب وكطلعينهم بيحبوا احمد حسن اللى هوا اغلس واحد في تاريخ الكرة المصرية

ده غير الفرافير ... الخ

وحملة كريم عبدالعزيز المستفزة اللى يقلك قوم هات كوكا حالا .. انا مستهلك مبحبش صيغة الامر دي يعني هقوم اشرب عشان انت كريم عبدالعزيز يعني ولا ايه بدل ما تقول مثلا قوم انتعش قوم غير مزاجك ...

حاجة تقرف والله

انا عاجبنى اعلانات موبينيل كلها
بالمناسبة

أحمــــــــدبــــــــــلال said...

أعلانات كريم فى رمضان أساساً كانت مملة
يمكن أظرفهم أعلان أنتصار معاه
بس بجد الحملة اللى عمالها كوكاكولا لللاعبين الجدد
سخيفة للغاية بتوضح أنك لما تكون مشهور هاتقدر تاخد حاجة مش من حقك
و أهم من كده أزاى الناس بتعامل بعضها هنا فى مصر
و كمية الاهانة اللى ممكن تتعرضلها فى كل مكان
لأن الناس و لا عارفه حقوقها و لا واجبتها
طبعاً المدرب طلع فى الاعلان أنه قليل الذوق بس الاهم أنه بيبين أزاى الناس مش طايقة بعض
طيب فين المعاملة الحلوة للأجانب اللى طول عمرهم خانقينا بيها فى التليفزيون المصرى
يبقى كله كدب
بالرغم من أن مجال عملى هو السياحة
بس احب أقولك أن الاجانب بيتعاملوا هنا معاملة أقل ما يقال عنها انها مهينة للغاية

أحمــــــــدبــــــــــلال said...

على فكرة نسيت أعلق على طاقية الامريكان اللى بيلبسوها و هم بيشجعوا
بس بشكل علم مصر
دى لوحدها اهانة كافية أننا دولة معندهاش قدرة على الابداع الجديد
تفتكر ممكن يرضوا يلبسوا عمة صعيدى بألوان علم مصر
مش دى هاتكون مصرية أكتر

Moses said...

روح يا شيخ الله يفتح عليك و يقفلها في وجههم.
قلت إللي في نفسي من ساعة ما شفت الخرة العملاه كوكاخرة في إعلاناتهم!
بجملة الTEEEEEET اللي في البلد

خالد كامل said...

Welcome to Egypt

بهدوء said...

احييك فعلا على البوست دا
مع تحفظى على بعض الكلمات و الجمل

لو هما ناس مش كويسه حاول متنزلش لمستواهم ..

Captain L.J.Silver said...

ana kan 3agbny el e3lanat fe3la..kont 7ases fekret-ha gedeeda...bs bgd ba3d ma 2ret el post da ektana3t awi be weg-het nazrak ...bgd 3andak 7a2 fe kol elly 2olto.....

Zika said...

an asef eny bakteb bel franco bas el lap dah mafhosh 3araby

ana fe3lan awel mara abos lel mawdo3 men el na7ya de bgd 3andak 7a2 howa ya3ny la37bey el kora dol nazlen m el sama bala waksa

weghet nazarak sa7 gedan

طهقان said...

تعرف يا اشرف
الاعلانات دي دونلوتها كلها مرة واحدة
عجبتني في أول مرة
وبعد كدا بدأت اشغل المخ
لاقيت حاجة مسخرة فعلا وقلة فيمة وترسيخ مفاهيم زبالة
معظم التعليقات والملاحظات اللي السادة زوار المدونة قالوها في التمام



وبعد مبارة كوستاريكا

علشان تعرفوهم..روحو شفوهم ...علشان تنفخوهم

Counter