سؤال بريء .
لماذا يرسمون رئيس الجمهورية في رسوم الكاريكاتير المصرية بلا مبالغات وكأنه رسم تصويري يراعي نسب الملامح الحقيقية بل ويتعمد ان يكون رسم انيق ومنمق الي اقصى درجة ؟
والعجيب انه ربما تجد رئيس الجمهورية في الكاريكاتير وأمامه مواطن مصري بسيط . الرئيس مرسوم بأناقة والمواطن تم تطبيق كل فنون البورتريه الكاريكاتوري علي وجهه المسكين حتى أصبح وحش فرانكشتين .
ما الذي يمنع رسم وجه رئيس الجمهورية كما ترون في هذه اللوحة ؟
( انا اللي راسمها بالمناسبة )
:)
سؤال بريء ... بس مش بريء قوي يعني :)
في انتظار اجاباتكم .
11 comments:
من الطبيعى ان يخاف اى فنان ان يرسم دكتاتور زى رئيس الجمهورية او اى حاكم عربى بدون ان يعطية كافة الاحترام ومش بعيد يكون سيادتك بيرسم بايد واحدة والتانية بيضرب بيها تعظيم سلام
بس انا عايز اقولهم ان اذا كنا مش عارفين نرسمك الفنانين اللى برة بيرسموهم باوسخ صورة او بصورهم الحقيقية
شي طبيعي يا دوك
حلوة دوك ديه
لاننا بنتكلم هنا عن ديكتاتور محتاج دايما
للتلميع وانه يظهر باحلي صورة
عشان كده لازم يصبغ شعره
و يلبس درع زي مازينجر
و كمان يظبطوه في الكراكتير و كده
ياعم خاف على عمرك
انت ماعندكش عيال عاوز تربيها ولا ايه؟؟
الأستاذ الفنان أشرف حمدى
انا أتفق معك جزئيا فى الرأى لأن فى بلادنا تقديس الحاكم فرض وليس سنة ولكن دور فنان الكاريكاتير ليس الاصطدام ولكن التحايل لتوصيل الفكرة فالمباشرة فى رسم الحاكم قد تكون مضرة لانها تحمل قيمة مباشرة بينما الاجدى أن يتم التركيز على الفعل واللجوء الى رمز يفهمة الناس ولايستطيع احد أدانة الرسام الا اذا كان الهدف هو الصدام والجعجعه من أجل حصد شهرة وهو ماتنبة اية النظام الحالى فلم يعد يعتقل شتامينة بل يتركهم ينبحون
وتدليلا على كلامى لنأخذ جريدة مثل الدستور لنجد فيها أن بالرغم من أن رسم الرئيس متاح الا أن فنانا كبيرا مثل عمرو سليم أختار أن يرسمة من قفاة وهو رمز فى منتهى الذكاء والدلالة بينما أختار أخرون رمز الحاكم العسكرى و الملك مدوهى رموز وان كانت أوسع تدليلا الا انهه ليست بقوة الأولى التى تملك خصوصية حثيثة
أخيرا ليست المسألة فى رأىى رسم الرئيس كم نراة فى الصحف الحكومية مبتسما ونضرا ولا المبالغة فى ملامحة الكاريكاتورية لأظهار عيوب وجهه انما المسألة فى طرح فكرة قوية تفيد المتلقى
واعتقد أنة من غباء رسام الكاريكاتير ان يصطدم بالسلطة ويسجن فيحرم قراءة من التواصل معه
أشكركم لسعه الصدر واعتذر عن الاطالة
دكتور حازم نجيب
أستاذ بكلية الفنون الجميلة
جامعه الاسكندرية
hazemnag@gmail.com
عارف ليه؟
علشان هو شكلة كاريكاتير خلقة ربنا مش محتاج شلفطة
متشلفط جاهز
هههههههههههههههه
وينكي
هو حد عارف يجيب عيال في الزمن الأغبر ده أساسا عشان يخاف عليهم ؟!!!
دكتور حازم
اسعدني تشريفك المدونة وأشكرك علي رأيك وان كنت اختلف معك بعض الشيء حول نقطة أن دور رسام الكاريكاتير هو التحايل لايصال فكرته . هذا هو السائد في الأنظمة القمعية ولا يمكن ان نعتبر ذلك قاعدة . بوش مثلا يرسمونه كالقرد في كل كاريكاتيرات الصحف الصادرة من الولايات المتحدة نفسها.
كلبوزة
تعليق طريف للغاية .. عندك حق فعلا !
أستاذأشرف: حضرتك مش شايف أن شكله في الرسمة دي أحلي من الحقيقة بكتير؟ سؤال برئ برضه وربنا يقدم اللي فيه الخير
من الطبيعى أيضاً ألا يرسم رئيس الجمهورية بشكل كوميدى
لأنه من المحرمات اللى يجب الابتعاد عنها
أخر رئيس رسم كاريكاتير كان جمال عبد الناصر
على ما أعتقد
المفروض ينزله صورته الحقيقيه..هي لوحده كريكاتير
ٍاخي العزيز اشرف
انا لاحظت فعلا حكاية رسم كاريكاتيرات الرئيس في الصحف النفاقية -الحكومية سابقا - لكن ده شيء طبيعي
فهوا ولي نعمتهم وهو افندينا وهو الامر والناهي والحبر الاعظم واحلام سعادته اوامر ...وشلوت فخامته دفعة للامام ...وشخبطة معاليه تخطيط لمستقبل مصر ....
سيدي الفاضل ...احنا بنعيش بالعقلية الفرعونية ...عقلية تقديس وتأليه الحاكم .....
بس خلاص
بالمناسبة ...انا راسم في المدونة عندي صورة لقفا الريس - انا هاوي كاريكاتير برضه - ياريت تشوفها وتقولي رأيك
http://ali-x-man.blogspot.com/
أستاذى
أعتقد ان كلام الدكتور حازم منطقى
ايمن شعبان
تربية فنية
Post a Comment