من سخرية القدر أن تصبح بعض أعمالي المرفوضة , رسوما مشاركة بمسابقة عالمية ! بالطبع أنا لا أفكر في الفوز مطلقا لأن هناك عمالقة مشاركين بهذه المسابقة من جميع انحاء العالم , ولكن كما يقولون : يكفيني شرف المحاولة .
المسابقة بعنوان :
Occupation Cartoon Contest-2006
وصلات :
موقع ايران كارتون
رسومي المشاركة
14 comments:
ربنا معاك
بس على فكرة كان فى حاجات جامدة ليك ممكن تنزل
best of luck ashraf..you deserve the best of every thing..
انت جميل وانا مع احمد ليك حجات كتيرة اوى جامدة واتمنالك من قلبي التوفيق
وقولنا اخبارك
ربنا معاك
الاستاذ الفنان أشرف حمدى
أولا يجدر بك الأشارة الى مكان النشر الذى رفض الرسوم ثانيا فأن الرسوم تعتبر مرفوضة للرسام فى حالة اعتيادة الرسم بمكان وليس بصدفة النشر ولذلك يجب توثيق كلامك حتى يتأتى لمن ينقل عن موقعك أن يتأكد من مصداقية الموضوع
أشكرك وتمنياتى بالتوفيق
د حازم نجيب
اية الكلام دة؟؟
رسومك حلوة اوى ومعبرة بدون اى فظاظة
حلو النحوى دة؟؟
بجد يعنى رسومك سهل ممتنع
بتدوس عالجرح بدبوس مدور
مش مسنن يعنى
اتمنا لك التوفيق
اهو نبقا نافعين فى حاجة يا أخى عالاقل
مش كله عندنا بطيخ
الفنان الجميل أشرف حمدى
مدونتك جميلة جدا ورائعة بصراحة من أجمل المدونات اللى دخلتها
لو سمحتلى بالمشاركة فى موضوع الاعمال المرفوضة دة فكبار فنانى العالم اترفضلهم شغل ودة اللى خلا بعضهم يعمل صالون للمرفوضين
لكن باعتقد بالنسبة للصحافة ولو انى مجرد قارىء بس بالا حظ ان مش اى مكان ممكن ينشر اى شغل يعنى مثلا الاشتاذ عمرو سليم بيرسم فى روز اليوسف حاجات وبيرسم فى الدستور حاجات اقوى يعنى هو نفس الخط بس لكل مقام مقال زى ما بيقولوا وانا متصور انك انت مثلا وديت الرسومات دى لمجلة صباح الخير فلازم تترفض ولو وديتها الاخبار والا الاهرام هتترفض بس لو وديتها صوت الامة ولا الدستور هيفرحوا جدا بيها وبالمناسبة لية مش بنشوف لك رسومات فى جرايد مهمة زى الاخبار والاهرام او الجرايد العالية اوى زى الدستور والاسبوع مع انك ماشاء الله مكسر الدنيا برة مص ولا هو لاكرامة لنبى فى وطنة
اشكرك واهنيك على المدونة
اخوك
على حنفى
مهندس مدنى
الباشمهندس علي
معك حق بالطبع . ولكن سبب رفض هذه الرسوم كان غريبا للغاية ! هي لم تتعارض مع سياسة المكان ولم تتخطى الخطوط الحمراء مثلا .. لقد رفضت لأنها غير مفهومة وانا اعتبر ذلك كارثة !
هل لابد وان يكون الكاريكاتير عبارة عن نكتة علي لسان واحد سكران كي تكون مفهومة ؟!
لقد عملت بالفعل بجريدة الأهرام وتركتها لنفس السبب . راجع بوست :
كاريكاتير مرفوض .. من الأرشيف !
أشكرك علي اهتمامك ومرحبا بك في المدونة
مع خالص حبي واحترامي
تعقيب ...
تسألني لم لا ترى رسوم لي في الدستور ؟
دعني أسأل معك نفس السؤال ! فالاجابة ليست عندي بل عند الدستور.
وأتمنى أن اعرفها !
أستاذ أشرف
انت زعلان اوى انك مش فى الدستور
تعالى ياخويا وشوف الفضايح والمدونات والشتيمة انت يابنى لو عاوز تشبة نفسك روح الدستور
زنجولا
الأخ العزيز زنجولا
بلا شك الدستور واحدة من ألمع الصحف في مصر وكنت سأتشرف بالعمل بها مع زملاء أعزاء مثل مخلوف وعبد الله ووليد طاهر وهاني شمس والفنانة الواعدة دعاء العدل . بغض النظر عن اي شيء نشر علي الانترنت . هناك مقولة شهيرة لا أدرى ان كان يجدر بي ذكرها هنا أم لا ولكن أحد رسامي الكاريكاتير العظام ( لا أذكر ان كان بهجت عثمان أم حجازي ) قال : الصحافة في مصر كلها زبالة . وانت لو عاوز ترسم في الصحف بتحاول تنقى أنضف لقمة في صفيحة الزبالة وتنفضها وتاكلها .
لا أقصد بهذا الكلام اية إهانة بالطبع ولكن المقولة للأسف صحيحة تماما .
أشكرك كثيرا علي اهتمامك
مع خالص حبي واحترامي وتقديري
فعلا يا دكتور أشرف والله كلامك صحيح الصحافة والزبالة وجهين لعمله واحدة والدستور دة صفيحة زبالة يجب أن تنأى بنفسك عنة ومن خيرى رمضان الى ابراهيم عيسى ياقلب لا تحزن كلهم بتوع مصالحهم وأنا أحترمت الاستاذ عمرو سليم جدا لما ساب المكان دة بعد ما اكتشف ان ابراهيم عيسى توجهه لامريكا ومش فاهم الناس ماسكة فيهم لية دول بيسبوا الاديان وبيروجوا للشيعيين فى مصر وكفاية فضايحهم اللى على النت واضح ان الفنان اللى بيحترم نفسة زى حضرتك كدة بيعانى كتير اوى
احترامى لك
على حنفى
مهندس مدنى
ربنا معاك يا دوك
ويارب كده أشوفك راجع بالجايزه الكبييييره
وساعتها ليا عندك الحلاوه يابيه
بس اشمعنى اللوحات دى هى اللى اخترتها للمسابقه؟؟
مش كنت تختار حاجه تعبر عن الشعب المصرى أكتر؟؟
مجرد تساؤل يعنى
يا أشرف أعتقد أنى حذرتك قبل كدة من ذكر أسمى فى هذا المكان ومش عارف يابنى أنا عملت لك اية بالتحديد مش معنى انى مكنتش معجب بشغلك انك تهاجمنى وبعدين عيب جدا أنك تقول كدة على ابراهيم عيسى وعلى الدستور والصحافة مش زبالة يا أشرف ولو هى زبالة ماتشتغلش فيها انت يابنى دكتور اسنان قد الدنيا خليك فى الطب وبطل شغل العيال دة انك تكتب وتبعت لنفسك وتشتم الناس وخد بالك ان فى ناس كتير بتشوف الكلام دة وبتنبهنى
خيرى رمضان
نائب رئيس تحرير الأهرام
أستاذي الفاضل خيري رمضان .
كل عام وانت بخير أولا بمناسبة عيد الفطر المبارك .
ثانيا أنا لم أذكر أسمك هنا. انت لم تقرأ البوست ولم تقرأ الردود ويبدو أن أحدا أخبرك بكلام مثل إلحق شوف أشرف كاتب عنك ايه فتدخل لتلومني وتتهمني بشغل العيال . أقرأ المدونة جيدا يا أستاذي الفاضل .
ثالثا : لم أفهم تماما قولك "يا أشرف أعتقد أنى حذرتك قبل كدة من ذكر أسمى فى هذا المكان " فرضا أنني بالفعل ذكرت اسمك هنا لسبب من الأسباب فهل هذا الذي تقوله يمكنني أن اعتبره تهديد ؟ وتهديد بماذا يا أستاذي ؟ هل ستغلق لي جريدة صباح الخير مثلا ؟
رابعا : انا لم انشيء هذه المدونة لشتيمة أحد فانت تعرف جيدا أنني أكبر من ذلك بكثير وأخبرتك من قبل بأنني لا أبصق في بئر شربت منه . فلا تحاول الايقاع بيني وبين شخص محترم مثل الأستاذ ابراهيم عيسى.
أما عن ردود زوار المدونة فليس من حقي أن أمنع رأي ما أو أحجبه أو أن أضع لائحة بصدر الموقع تقول ممنوع ذكر اسم الأستاذ خيري رمضان , بغض النظر عما اذا كان آراء الزار تنال رضاك أم لا .
خامسا: مقولة صفيحة الزبالة وصحف الزبالة ليست لي . انها للأستاذ الكبير حجازي وهي وجهة نظر مهمة خاصة وانها لواحد من اهم رسامي الكاريكاتير الرواد في الشرق الأوسط . ومن حقي أن أقتنع بهذه المقولة .
سادسا : أنا لن أترك مجال الصحافة أبدا . ليس هناك ما يشين في الاعتراف بأن المجال ملوث ورائحته تزكم الأنوف ولكن هذا لا يعني أنه لا يوجد الكثير من الشرفاء أيضا وأهمهم في نظري الأستاذ محمد فاروق .
سابعا وهذا هو الأهم : لقد طلبت من حضرتك تفسيرا لما حدث في اضحك للدنيا وأخبرت حضرتك بأنك مدين لنا بتفسير ما حدث . ربما كنت مظلوما كما قلت . أليس كذلك ؟ ولكنك لم تفعل . وكان أجدر بك أن توضح وجهة نظرك ولن أقول أن تدافع عن نفسك فأنت لست مطالبا بذلك .
وأخيرا هذه المدونة أو غيرها من المدونات ليس لأحد أن يحجر علي فكر أو رأي ما بها .
أتمنى أن تقرأ مدونتي بشكل أكثر عمقا اذا كانت تهمك الي هذه الدرجة بدلا من الاستماع الي الذين تقول عنهم بأنهم يخبرونك وينبهونك بما أكتبه هنا .
وكونك معجب بشغلي أو غير ذلك هو رأي شخصي ويجب علي نشره هنا للأمانة .
ولكنه لن يقلل من قدري .
مع خالص حبي واحترامي وتقديري
اشرف يا جميل
سبحان الله الدنيا صغيرة اوى
انا فعلا من اسبوعين كنت بقلب فى موقع كاريكاتير ايران ده و فرحت اوى لما لقيتك اول اسم فى التلاتة المصريين بس
بس قولى لو نقدر نساعدك و نديك صوتنا نعمل ايه او نبعت ايه
و احنا جدعان اوى و ممكن بصوتنا بس نخليك اجدع رسام فى العالم
بس ايه اللى استاذ خيرى كاتبه ده
لا حول ولا قوة الا بالله
شر البلية ما يضحك
الله يرحم
Post a Comment