واقفا في انتظار عربة مايكروباس بعد منتصف الليل بميدان عبد المنعم رياض .كنت عائدا من مقابلة أحد أهم الفنانين التشكيليين في مصر علي مقهى بوسط البلد ...
أسترجع كلامه لي عن ضيق الحال وما لحق فن الكاريكاتير من تدهور ... أنظر الي ساعتي من حين لآخر وأشعر بالقلق من الانتظار ... موعد آذان الفجر يقترب ولم أتناول سحوري بعد ... ألمح أحد فناني الكاريكاتير الكبار يمر بالمصادفة فأهرع اليه ... نتبادل عبارات الترحيب والتهنئة برمضان ... ينظر بفرحة الي شيء ما خلفي فيودعني بكلمات سريعة ليلحق بعربة ميكروباس ... يزاحم الحشود ببسالة حتى يظفر بمقعد ... تنطلق العربة وخلفها يعدو عشرات البائسين يحاولون التعلق ببابها .
أسأل نفسي ...
هل سيظل ذلك حالي لربع قرن قادم ؟
أعود الي قلقي ... وأمنيتي الوحيدة في تلك اللحظة أن أظفر بعربة ميكروباس .
21 comments:
عزيزي اشروف
ابتسم .. انت في مصر
نسيت اقولك
فضلت واقف كتير ولا لحقت الميكروباظ اللي بعده
تحياتي
ههههههه
لأ لحقت اللي بعده :)
هم يضحك وهم يبكي والله
كده انت نسيت
هم يا جمل ... وهمبرجر
مودتي يا اشروف
ابقي خد بالك ومتمشيش في عبدالمنعم رياض وش الفجر احسن يقابلك ظابط عنده بنطلونوفوبيا
تحياتي يا زعيم
ودايما متنساش ... سيبها لله
قادر ياخد الريس
متقال
بتقول الريس متقال مات ؟
خلاص خلاص
قادر ياخد الريس حسني
الفرارجي
سلام
الابداع في البلد دي غلط على صحتك النفسية
يا استاذ أشرف انا اتعقدت خلاص
كنت فاكر رسام الكاريكاتير دة حاجة محترمة زى مبيطلعوا فى التلفزيون الاستاذ عمرو فهمى والاستاذ جمعة وكمان الاستاذ عمرو سليم فى صحصح للدنيا كلهم شكلهم محترم مكنتش اعرف ان رسام الكاريكاتير دى مهنة وحشة كدة ومبهدلة
انا هشتغل اى حاجة ياعم هو الواحد غاوى بهدلة يعنى
ايمن شعبان
كلية التربية الفنية
هو ده مصير كل الشعب
لا تبتأس عيش شقائك بتفاؤل
اعجبتنى موهبتك جداااااااااا
اكيد مش هيستمر الحال كدا لأن اللى قاعد فوق مش معقول هيستمر ربع قرن كمان
لييييييييييييييييييييييه هيبقا جدو الريس .. :)
خالص اعجابى
أيمن شعبان
أحزنني كثيرا أن ترسل لي لينك لفيروس في أحد الردود. لا اعرف ما هو هدفك من ذلك . اكتفيت برفض الرد ونسيت الموضوع حتى وجدتك ترسل لي مرة أخرى . إطمئن فلدي برنامج مضاد للفيروسات جيد جدا:)
أستاذى العزيز
والله العظيم انا ماعرف حاجة عن حكاية الفيروس ولا اعرف شكلة ويمكن حد كتب اسمى على اى رسالة وبعت فيروس فيها لانى مليش مدونة وبادخل عادى كدة بس والله انا ماليا ذنب واضح ان فية ناس بتكرهك وبتحاربك وانا مليش علاقة بحاجة وعلى العموم انا باقول لحضرتك اهه ان دى اخر مرة ابعتلك و انا مش عاوز أشتغل فى الكاريكاتير تانى ولا غاوى بهدلة ومشاكل
ايمن شعبان
كلية التربية الفنية
أيمن شعبان
عصبي انت جدا . انفعالي للغاية . ولا أجد مبررا لكل هذا .
عموما تشرف في اي وقت المدونة مفتوحة لجميع .
وصلني رد منك تنعتني فيه بسائق الميكروباس وقد قمت بنشره . ياريت والله أكون سواق ميكروباس والله بيكسبوا كتير قوي اليومين دول .
شكرا
الأخ أيمن شعبان أثار نقطة هامة
يتهمني بأنني أصبته بالاحباط والعقد النفسية من مجال الكاريكاتير . صدقني انا مصاب بالاحباط منذ أن بدأت اعمل بهذا المجال بشكل احترافي طوال سبع سنوات وحتى الآن .
الكاريكاتير من المجالات الغير مرغوب فيها بمصر . فبالرغم من أن رسامي الكاريكاتير المصريين لا يتجاوزوا الأربعين فنانا الا ان معظهم في حالة يرثى لها وذلك لثلاثة أسباب
أولا الكاريكاتير جزء من العمل الصحفي وهو مجال ميأكلش عيش حاف الا اذا كنت رئيس تحرير بتهبر 30 ألف جنيه في الشهر
ثانيا الكاريكاتير فن .. والناس في بلدي لا يهتمون بالفن بقدر اهتمامها بالطعام .. انظر الي محل فول وطعمية ستجد الناس أمامه بالطوابير وعلي الجانب الآخر أنظر الي معرض فن تشكيلي وشوف كام واحد دخل يتفرج علي اللوحات بالرغم من أن الدخول مجانا والله .
ثالثا نحن نعيش في ازهي عصور الرخاء الاقتصادي اللي وصل فيه ثلاثة ارباع الشعب الي تحت خط الفقر .
بعد كده عاوز رسام الكاريكاتير يبقى مستور منين ؟؟؟
عشان تجيب فلوس من الكاريكاتير يادوب تاكل وتشرب لازم تشتغل في خمس أماكن علي الأقل ... من كل مكان تحصل علي 200 جنيه في المتوسط ليكون دخلك الشهري 1000 جنيه تقريبا .
وتأكيدا لكلامي
رسام الكاريكاتير المصري في احدى بلاد الخليج يحصل علي ما يعادل 60 ألف جنيه مصري شهريا .. نكتبها بالحروف ؟ ستون ألف جنيه مصري شهريا مقابل كاريكاتير واحد اسبوعيا ... 4 كاريكاتيرات يا عالم بستين ألف جنيه .
طبيب الأسنان المصري حديث التخرج عديم الخبرة يحصل علي ستة آلاف ريال سعودي شهريا بالاضافة الي مسكن وهنا في مصر بياخد 200 جنيه وبالعافية .
احنا هنا مش عايشين يا جماعة . فوقوا بقى الله يخليكم
انا برسم عشان بحب الكاريكاتير . وعلي رأي أحد رؤساء التحرير : أشرف حمدي ده فقري
الدكتور أحمد خالد توفيق ينصحني دائما في كل مناسبة : سافر يابني وسيبك من البلد دي .. كلها كام سنة وترجع مليونير .
بس الظاهر فعلا أني فقري .
أمال ياعم اللىبيطلعوا فى التليفزيون دول عمرو فهمى وجمعه وعمرو سليم اللى كانوا كاتبين فى جريدة الخميس انة بيشتغل فى 14 مجلة وجرنان ودخلة عشرين الف جنية وجمعه فرحات كانوا كاتبين فى مجلة المجلة أنة بياخد 3000 جنية فى حلقة البرنامج وأنة بياخد فى رسمة الكاريكاتير الواحدة 500 جنية و مصطفى حسين اللى عندة ملايين وعمرو فهمى اللى عنده عربية مرسيدس وغيرهم أكيد احنا منعرفهمش دول من الاربعين شحات اللى بيرسموا كاريكاتير ماهم دول فى مصر برضة والا اية رأيك وعلى فكرة انا مجرد قارىء للصحف بس قارىء جيد وقريت المعلومات دى وعندى الجرايد ممكن الاقيها ولا انت رايك اية مش دول عايشين فى مصر برضة الموضوع محتاج نظرة
على حنفى
مهندس مدنى
الأخ علي حنفي
شوف انت ذكرت كام رسام . ثلاث رسامين ؟ صح ؟ طب والباقي ؟
جمعة ومصطفى حسين وصلوا الي السعر الذي تقول عنه بعد ان تخطوا الستين ! رحلة طويلة جدا من المعاناة والشقاء علاوة علي ان أموال مصطفى حسين ليست من الكاريكاتير فهو شريك بقرية سياحية وصاحب مطعم وكافيه خمس نجوم . عمرو سليم يعمل بأكثر من مكان بالفعل ولكن لا اعتقد انه يحصل علي المبلغ الذي ذكرته أبدا والذي لا تعلمه ان عمرو سليم لا يتقاضى مليما من صحصح معانا وهو يقدم فقرته مجانا لأنه يحب الناس ويحب الكاريكاتير . عمرو فهمي ايضا ليس شابا كما تظن . اللي بيطلعوا في التليفزيون حاجة واللي بيطلع عينهم زيي حاجة تانية :) انا شغال في قناة أوربت ببرنامج القاهرة اليوم . بشتغل بملاليم وشغل غير منتظم وموسمي تماما . فيه عوامل كتير قوي لازم تجتمع مع بعض عشان رسام الكاريكاتير يبقى غني أو حتى مستور ... مش مجرد العمل في التليفزيون .
أشكرك علي اهتمامك .
ياحرام
يابنى سيبك من الاختراع الكئيب اللى اسمه الميكروباص ده
واعمل اشتراك مترو أحسن
أنا عارفه ان الطياره الكونكورد بتاعت دادى لسه بتتغسل
والعربيه الشيروكى بتتدهن دوكو
والمرسيدس بتاعت مامى بيتغيرلها الفانوس
معلش.. استحمل بقى
أهم حاجه ربنا يعينك على المزاحمين والمزاحمات
بس أعتقد برضة يا جماعه ان الموهبة عليها عامل كبير والا كانت كل الناس نجحت يعنى لو كل رسامين الكاريكاتير بيرسموا زى عمرو سليم يبقوا من حقهم يقبضوا عشرين الف جنية زية دة بالعقل كدة حلوة بالعقل دى هههههه
منى مندور
دكتور أشرف عجبانى قوى المقدمة اللى عنك فى اول صفحة للبلوج وكنت عاوزة اسألك عن الدكتور الفنن شريف عرفة ازاى اقدر اوصلة لان بفتح الموقع بتاعة مش بيفتح
ربنا يخليك لو تعرف ايميلة اصل انا معجبة بية جدا بس مش عارفة اوصلة ازاى
ميريت
دكتور شريف عرفة عاكف الآن علي تصميم موقعه الجديد وسيفتتحه قريبا جدا بإذن الله .. أعدك بأن أنوه عنه هنا فور افتتاحه
الي الظريف الذي انتحل شخصية الرسام ابراهيم البريدي وأرسل رسالة مسمومة بغرض اشعال الحرب بيني وبين أساتذتي :
لكي أريحك فأنا لم أقل كلمة واحدة في حق مصطفى حسين أو جمعة تسيء اليهما . انا اتحدث بصراحة عن مجال لم يعد مطلوبا ولم يعد يلقى الاحترام الذي يستحقه كما كان في الماضي . وهي فرصة جيدة لأعترف بفضل الأستاذين جمعة فرحات ومصطفى حسين ولهما كل الاحترام والتقدير فهما من شجعاني ووقفا بجانبي بمجلة كاريكاتير . الأستاذ جمعة تحديدا جار لي وقد حضر خطوبتي بالمناسبة وهو أمر لن أنساه طوال حياتي .
دكتور أشرف
انت لية بتتراجع عن كلامك
انت فهمتنا ان دول واكلينها والعه ومش سايبين فرصة لحد اللى بيشتغل فى عشرين مكان واللى مكوش على البزنس واللى عايش فى النعيم ومش دريان بالناس جرالك اية انا حبيت مدونتك لأنك جرىء ولا هتعمل زى اللى بيعملوا وتقدم تنازلات علشان توصل
على حنفى
مهندس مدنى
جري ايه يا عم حفنى ؟
انت حتقولني كلام ماقولتوش ؟ :) ياراجل ايش حال لو كلامي كله منشور هنا وقدام الناس كلها .
انا لم أقل مطلقا انهم مكوشين وواكلينها والعة وكل هذا الكلام طبعا . أنا اقصد أن أقول بأن الكاريكاتير مش بيأكل عيش الا لو اشتغلت في 20 مكان ... أقصد أن أقول ان الكاريكاتير في بلدي مش بيجيب فلوس الا بعد ان تصل الي سن مصطفى حسين أو ان تعمل بمشروعات أخرى جانب الكاريكاتير مثله .
أقرأ تعليقاتي السابقة مرة أخرى وبلاش سوء ظن :)
Post a Comment