Total Pageviews

Wednesday, November 15, 2006

تحذير هام

تحذير هام
مدونة الدكتور أشرف حمدى مخترقة أمنيا وهو نفسة يشتبة فى عملة مع أمن الدولة رجاء الحرص فى الكلام عند دخول هذة المدونة أو عدم دخولها أصلا خاصة بعد المشكلات التى أحدثتها المدونات فى الاونة الاخيرة حيث سيتم القبض عشوائيا على كثير من المدونين واعتقالهم
رجاء ابلاغ الرسالة لكل من تعرفة
فاعل خير

لو الأمر بيدي لمنحت صاحب هذه الرسالة جائزة نوبل في الدعاية والاعلان ان كان هناك جائزة بهذا الشكل !

الحكاية أنني قابلت الزميل البلوجر أحمد صاحب مدونة تهليس علي الميسنجر فأخبرني عن رسالة من مجهول نصها كما قرأتموه بأعلى وبأنها وصلته ووصلت لعدد كبير من زوار المدونة , ولقد قام مشكورا بنشر نص الرسالة في مدونته وأضاف تعليقا طريفا أسفله ووضع صورتي التي أبدو فيها كشحاتين السيدة .
وكما ترون فأنه سيتم القبض علي كل من يدخل مدونتي بتهمة الضحك , انت بتضحك ؟ طب خووووود .
كان هذا هو تفسير زيادة عدد الزوار بالأمس بعد أن انخفضت الزيارات الي حد ما في الآونة الأخيرة , كل الناس دخلت تشوف ايه حكاية المدونة المخترقة دي !
أشكر صاحب هذا التحذير الهام وفاعل الخير الهمام علي دعايته المجانية لي . بجد ميرسي جدا وياريت كل الناس تبلغها لكل الناس .

ملازم أول
أشرف حمدي

9 comments:

Anonymous said...

ولا يهمك يا سياده الملازم

المهم الكل لازم يعرف ان اللي يلعب بالكبريت ... هيولع

واللي يلعب بالديناميت ... هيفرقع

وسلملي علي الباشا مدير الامن



امين شرطه

برعي سن الفيل

Anonymous said...

سلام عليكم
أشرف بيه أشرف بيه
تعظيم سلام يا سعادة الباشا عاوزني واحد كاريكاطور للأخ أحمد تهليس تقديرا لجهوده الفزيعه فى مكافحه الإرهاب

أشرف حمدي said...

يبعت لي صورته وانا في الخدمة :)

ابن مرّ said...

أشرف باشا أنا عاوز واسطة عشان أطلع فيش وتشفيش
بس تعرف يا أشرف انها فكرة خلوة ما دام دور المناضل دا مش جايبلك غير الفلس ووجع الدماغ ما تبيع القضية ممكن تعملها قرشين حلوين في سوق الجمعة
اصبر يا أشرف
ربنا حيلها من عنده بس أهم حاجة حاول ما تطقش!

أشرف حمدي said...

انت كمان ؟
انا رايح أعمله بعد بكره :) شفلنا واسطة بقى احنا الاتنين !

القضية لو اتباعت حتجيب كام يعني ؟ دلوقتي أعظمها قضية مابتجيبش أكتر من تلاتة جنيه وبيضة في الزمن الأغبر ده :)

ومين قال اني ماطفشتش ؟
ما أنا طفشان ع النت أهوه .

MAKSOFA said...

بس والله لايق عليك تبقي ظابط

Anonymous said...

سيادة العميد ظبطشى قائمقام تانى وتالت وسابع اشروف
والنبى ياخويا كنت محتاجه عسكرى حارس أمن يوقفلى تشريفه على باب البيت
ممكن تبعتلى واحد من المخترقين دول لزوم الفشخره
ومبروك ياعم على الدعايه المجانيه

أشرف حمدي said...

حرسمهوملك وابعتهملك يا وينكي :)
شرفتيني بالزيارة

rashida said...

ههههههههههههههه شر البلية ما يضحك فعلا

Counter