Total Pageviews

Thursday, February 15, 2007

حاجة أصفرا



أضغط علي صورة المقال للتكبير


رغم أنني أعمل بمجلة صباح الخير رساما للكاريكاتير , إلا أن ما كتبه أحد الصحفيين الكبار بالصفحة الأخيرة بها العدد الحالي تحت اسم سيدة تدعى نادية عابد حول موضوع فضيحة هالة سرحان , لم يترك لي خيارا سوى التعليق عليه هنا .
الأستاذ الإعلامي الكبير الذي اعتاد أن يخالف المنطق سعيا وراء أي شيء بعيد عن الدور الصحفي الذي من المفترض أن يقوم به , كتب هذه المرة يدافع عن هالة سرحان بمنطق واهي يدعو إلي السخرية وبشكل جدير لأن أعرضه هنا في مدونة الكاريكاتير . لأنه بالفعل أبلغ من أي كاريكاتير رأيته في حياتي .
أصبحت هالة سرحان لها مضمون , وأيضا مضمون له دلالة وليس أي مضمون وخلاص , كما يرى أنها ناجحة وما حدث سوف يزيدها نجاحا علي النجاح الأولاني كمان

أصبحت الفتيات الكومبارس عاهرات محترفات

هل من حقك يا ست نادية أن تخوضي في أعراض الناس بهذا الشكل المستفز ؟


لن أعلق أكثر من ذلك , أترك لكم قراءة الموضوع والتعليق عليه .
ولكن اسمحوا لي بإجابة بعض الأسئلة التي تضمنها مقال الست نادية .

السؤال :
أريد أن أفهم ــ بالعقل ــ هل البنات اللواتي ظهرن في برنامج هالة شو شربن لحظة الاتفاق معهن ( حاجة أصفرا ) جعلت إرادتهن مسلوبة وضعفت كل واحدة أمام المبلغ المقترح ؟

الإجابة :
لا ... لقد شربن المر من ظروف البلد , شربن الذل والقهر واليأس وفقدان الأمل , إذا كان لك أن تلومي شخصا ما , فلن يكون هذا الشخص هو فتاة فقيرة تعمل كومبارس لدى إعلامية غشاشة خالفت أبسط مباديء العمل الصحفي.

سؤال :
لماذا الضرب في هالة سرحان الناجحة ؟ لماذا محاولة التنكيل بها بين الحين والآخر .
الإجابة :
هالة سرحان ( مضروبة ) أساسا ولا تحتاج لمن يضرب فيها , كما أن نجاحها الذي يعتمد علي تقديم برامج تناقش العادة السرية وفتيات الليل والخيانة الزوجية وقوام ناسي عجرم وجسم منّة شلبي بشكل لا علاقة له بالصحافة أو الإعلام وبأسلوب عروض السيرك والبهلوانات , فهو ليس نجاحا وإلا اعتبرنا أن كل من تخلع ملابسها ليصفق لها الناس ناجحة .

وأسأل نفس السؤال الذي أثير علي المدونات خلال الأيام القليلة الماضية . هل تجرؤ هالة سرحان على مناقشة قضية اللواط في السعودية وضع تحت كلمة سعودية هذه ألف ألف خط ؟ هل تجرؤ علي مناقشة قضية اللواط في الخليج ؟ هل تجرؤ علي مناقشة قضية الأثرياء العرب وهم يلتهمون لحم بنات مصر مستغلين الفقر والظروف القاسية ؟ إذا كانت تجرؤ علي ذلك فمن حقك يا نادية أن تقولي ما تشائي عن النجاح والإعلام والصحافة والمضمون ذو الدلالة .
ولكنها لا ترجؤ يا نادية
عارفة ليه ؟
عشان إحنا مالناش ضهر .. واللي مالوش ضهر ينضرب بالجزمة حتى من هالة سرحان
تحياتي



16 comments:

Anonymous said...

تفتكر مقالة نزلت من سنة تقريبا فى الدستور بقلم بلال فضل
عنوانها....رسالة من شاب مراهق الى صحفى فى سن الضياع....وكان عليها رسمة لعمرو سليم عن الاستاذ
"مستفيد فورى"
للأسف الشخصية المفيدة ديه بقت مهزقة جدا...غير انه بيدافع عن شخصية مفضوحة....خالص...تابعله اخر حوارات و لقاءات و انت تعرف انه اصبح شخص يستحق الرثاء اكثر من السخرية عليه

أحمد المصري said...

هالة سرحان؟00مممممم
شفت اما طلعت عالقاهرة اليوم وقاعدة ياعيني تدافع عن حبها لمصر وعن مصر كمان؟
قال يعني كنا محتاجين واحدة زيها عشان تدافع عن مصر 00نادية دي تلاقيها هيا اللي شاربة حاجة أصفرا مع اعتذاري لكونها زميلة في العمل الصحفي0
مع تحياتي00
والسلام عليكم0

ola salem said...

طبعا انت معاك كل الحق فى اللى قلته ده
بس النقطة اللى مستفزيانى فى الموضوع
هى هالة سرحان دى فقدة اى قدرة تملكها لتجمع مادة حقيقية تعرضها على الناس الغلابة اللى بيصدقوها يعنى
وهل بقى ما دام كله تمثيل فى تمثيل
يبقى كل اللى كانت بتعرضه علينا ان كانت حقيقى او تمثيل برده فهو كدب وضياع!!!!!!!!!!!

إنسان || Human said...

اللي مالهوش ضهر بيضرب على بطنة......ههههههه..أولا يافنان ولا دكتور احسن أنا أتفاجأت بمدونتك الجميلة دي وبجد انا ندمان اني لسه مكتشفها قريب ..أنا بجد وحشتني رسوماتك من ايام الفقيدة (إضحك للدنيا )و أتمنى ترجع ....ثانيا تعليقا على موضوعك اللي هو كاريكتير في حد ذاتة ...انا شفت حلقة 90 دقيقة والصراحة كنت تابعت حلقة من خلقات هالة سرحان إياها
طبعا هالة سرحان من ايام الart>
مضروبة ..وبتحب تعمل شو على حساب قضايا لا تناقش بتلك الطريقة ..وهي تناقشها بطريقة مستفزة الهدف منها زيادة نسبة المشاهدة وتختلق جدل ساخن من لا شئ

Dr. Tantawy said...

والله انا مش بقرا صباح الخير ولا روزاليوسف :) بطلتهم من زمان اوي عشان الضغط

بس عموما .. لما قريت اللي انته كاتبه توقعت انه مفيد فوزي برضه .. بس ليه بيكتب باسم تاني ؟؟ ده قصر ديل ولا ايه ؟؟؟؟ فهمني ينوبك ثواب فيه

كلبوزة لكن سمباتيك said...

بيطبلوا لبعض
ماهو انت عارف الصاحب ليه لصاحبة 3 كذبات

عالم سافلة في بعض

ان كان مفيد لهالة
الاتنين لهم يوم حيتفضحوا و الفرجة تبقى ببلاش

تحياتي

أحمــــــــدبــــــــــلال said...

بعيداً عن أرائنا الشخصية فى هالة سرحان و برامجها و أسلوبها فى تناول المواضيع
محدش فعلاً قال للبنات دى يوافقوا يقولوا حاجة
و مش ضرورى علشان واحد دفعلى قرشين أطلع أقول أنى شاذ مثلاً
اللى يغيظ فعلاً
الحلقة دى بيتعملها أعلانات من بدرى و بيجيب لقطات من الحلقة
لما هما شافوا أنهم ظاهرين زيادة عن اللزوم ماأعترضوش ليه
و بنات زى دول أيه اللى هايخليهم يرفعوا قضية يطالبوا فيها بمبلغ فادح زى ده
بمعنى أصح المبلغ ده موجه أساساً للوليد بن طلال صاحب الروتانيات
و بعدين ماهى مصر فيها الوحش و الحلو
خلاص يعنى أول مرة يعرفوا أن مصر فيها بنات عاهرات و لابيتعاطوا مخدرات

و بعدين لما برنامج قبل أن تحاسبوا فى قناة أقرأ جاب حياة الشواذ الرجالة و الستات فى لبنان من عدة جنسيات و معترفين بكده و بتكلمهم عن حياتهم الشخصية و أدق التفاصيل ليه ماحدش أعترض بالرغم من أنه موضوع شائك للغاية
و لما شفت الحلقة دى ماتطلعتش بحاجة منها غير أن لبنان فيها جمعية حلم للأعتراف بالشواذ العرب و الدفاع عن حقوقهم

بمعنى أخر الكلام فى المواضيع دى لا هايقدم و لا يأخر
لأنهم كلهم
عاهرات و شواذ و مدمنين و مرتشين و حرامية و قتلة وووووو ألخ
موجودين حوالينا طول الوقت أيه اللى هانستفادوا لما نشوفهم يعنى
غير قصص حياتهم و أزاى سقطوا

أحمــــــــدبــــــــــلال said...

زمن معيوب
الزمن اللى تطالب فيه العاهرات بحقوقها
يبقى زمن معيوب

Amira said...

انا طول عمري مش مقتنعه بالدكتوره هاله سرحان كإعلاميه

و كذا مره افكر أكتب عنها انتقاد و بعدين الاقي ان خساره فيها تضييع الوقت

و عارفه ان ناس كتير مش طايقاها
و ده اللي خلى كل الناس اللي بتتكلم في الموضوع سعيده انها اخيرا وقعت

و الناس لا بتفكر هي فعلا جابت كومبارسات و لا لأ و ان كانت مظلومه و لا دي ضجه مبرره

المهم اننا حنستريح شويه من طلتها البهيه
و حوارتها الألمعيه
و خطبها الرنانه
و ضحكتها المستفزه

Nadine Alfred said...

بصراحة المقال مستفز جدا
جدا جدا جدا
فى جملة بتقول: انا لا الوم هالة سرحان لأنها ارادت ان تثبت كيف يبدأ سقوط البنت

فعلا
ارادت امن تثبت كيف يبدأ سقوط البنت
جابت بنات يمثلوا و فضحتهم و خلت الطريق قدامهم وردى و المستقبل مفروش دولارات

و جملة تانية بتقول: إذا كانت سمعتهن غالية عليهن, فلماذا ذهبن إلى قناة تليفزيونية و صارت الفضيحة بجلاجل؟؟

و هو حضرتك كنت عايزاهم يسكتوا و التهمة تلزق فيهم و خلاص يبقوا ساقطات رسمى؟؟
البنات طلعوا شجعان
اى نعم اللى عملوه كان غلط
بس التصرف الشجاع ده يشفعلهم

ليك حق تقف قدام مقال زى ده
كلام اهبل صحيح

أشرف حمدي said...

أحمد بلال
لا تقترف نفس خطأ الست نادية عابد وتخوض في أعراض ناس
من قام انهن عاهرات ؟

كونهن قبلن القيام بهذا الدور مقابل المال فهو ليس ذنبهن
هن أولا وأخيرا ممثلات , ديكور , كومبارسات.
كما أن هالة سرحان وعدتهن بعدم الكشف عن شخصياتهن وأغرتهم بالمال وبعد ذلك قالت :
اللي ترضى تعمل حاجة عشان 400 جنيه تبقى عاهرة بجد

حسنا
أذا كن عاهرات
فهالة سرحان قوّادة
أليس كذلك ؟

أحمــــــــدبــــــــــلال said...

طبعاً هى كذلك و ده معروف من زمان

و برضه أنا أؤكد أن ليس كل من يدفع لى أفعل له ما يشاء

يعنى لو كانت أعطتهم ألف جنيه مثلاً مش بعيد كانوا طلعوا قالوا أحنا أهالينا هى اللى مسرحانا

ana ga3an said...

موضوع الفتيات هاعرات ولا لا
فا في واحدة فيهم عاهرة حقيقية
الملخص
هي بنت ناس فعلا لكن الاهل في دولة عربية
و البنت طفشت من البيت و تزوجت عرفي
و حملت و سقطت
و اتفقست كانت بتاخد درس مع اخويا الصغير زمان وكانو العيال بيعبطو في بعض :)
و ام الواد صاحب البيت رنتهم كلهم علقة موت
سيبك من دة
نادية عابد دي حقيقي ولا راجل و بيسرح بينا كل السنين دي
فهمني الله يخليك

أشرف حمدي said...

أنا جعان
اقرأ تعليق عاشور أعلى الصفحة لتعرف من هو نادية عابد :)

أحمد بلال
معك حق بالطبع
ولكن الموضوع الأساسي يتعلق بهالة سرحان التي وقعت في شر أعمالها.
وزمانها دلوقتي يا عيني هي اللي مش قادرة تغمض عينيها
!

Anonymous said...

لا تعليق

Anonymous said...

بصراحة انا مكنش عاوز اكتب تعليق بس قلت في باللي يا واد طيب شوف الانسة --عفوا -- المدام نادية كالح عفوا عابد كاتبه ايه لقيت فعلا انها انسانة مستفزة يا دووب قريت اول كلمتين لقيت الحجة كالح كاتبة ازاي انسانة شريف عفيفة تقبل تقول علي نفسها كده طبعا مش هقوللكم انا الدنيا اسودت في وشي وببقيت اتمني انها متلاقيش تاكل وتفتقر عشان نشوفها هتعمل ايه ده اذا هدورتش علي هالة سرحان عشان تخليها تعمل برنامج العادة السرية عشان تكون بطلتها وتقبض وساعتها بقه هبقي اسالها هي ليه عملت كده مع انك عفيفة بس يا ريت تعرف ان الضرب في الميت حرام يعني واحدة زي هالة سرحان دي خارجة بفضيحةوداخلة بفضيحة في اي قناة توصلها واحدة زي هالة سرحان دي اللي هي بتقول عليها ناجحة خلت كل الوطن العربي اللي اغلبهم متخلفين بالوراثة يفتكر ان مصر دي مدعرة بالمفتشر طالما ممبقاش في حاجة اسمها عيب يعني بالبلدي الخليخ كله بينظر لمصر نظرة شهوانية بيبص للرجل المصري علي انه يبيع حريمه عشان خاطر الفلوس وقال يعني هالة سرحان كانت جايبة دلال عبد العزيز والاتنين قال ايه بيستنكروا الكلام قصدي السيناريوا اللي هما عامليته قدام الناس اراهن اذا مكانتش هالة سرحان دي اصلا قوادة وجايبيين دلال عبد العزيز بتلوي بوزها ويعيني مستغربة ده علي اساس ان فيلم النوم في العسل كان بطولة الفنانة اللهلوبة مش دلال عبد العزيز اقول ايه بس فينك يا عادل يا امام وقال ايه بتقول وبتستغرب الواحد بقه بيتكسف يقول لبنته انتي جبت اللبس ده منين لا يا فنانة الكلام ده عندكم في الطبقه بتاعتكم طبقه العاهرين والعاهرات كان قصدك تقولي الواحد بيتكسف يقول لمراته هو الفنان الفلاني باسك وحضنك في الفيلم ولا لأ للاسف يا ناهد للاسف يا هالة سرحان للايف يا دلال أمثالكم هو اللي بيخلي شوية متخلفين يا خدوا عننا فكرة شهوانية وفعلا انتي متجرئيش تتكلم مثلا عن اللواط في السعودية ولا بلاش كده متتكلمي عن السحاق في السعودية مع اننا واحنا كلنا عارفين ان احقر مما نتخيل واخرتك ان شاء الله هتكون اسوء مما تتخيلي وساعتها ابقي سلميلي علي الفن اوكيه بااااااااااااااي
الــــــمـــــــــتـنـــــــــبـي

Counter