Total Pageviews

Thursday, March 22, 2007

57357 بشرطة


ما هي حقيقة مستشفى سرطان الأطفال ؟
متي يتم الانتهاء منها ؟
هل كل ما تم التبرع به من ملايين (سواء من أفراد وشركات وجامعات ومدارس فضلا عن تبرعات الأمراء العرب ورجال الأعمال المصريين ) علي مدار سنوات عديدة ليس كافيا ؟
من حقي أن أعلم كم بلغت قيمة التبرعات . ومن حقي أن اعلم كيف تم التصرف فيها .

في حوار تليفزيوني مع الفنان محمد منير قال بالحرف الواحد : أنا لست معترضا علي المشاركة في حملات التبرع والقيام بحفلات يكون كل ربحها للمستشفى ولكن أولا من حقي اعرف : الفلوس دي بتروح فين .

ولا إيه رأيكم ؟

25 comments:

Yasser Hussein said...

صدقني يا اشرف أنا شخصياً سألت السؤال ده لنفسي ولأصحابي من يجي سنتين فاتوا
ده احنا عدينا السبعين مليون نسمة من زمان
لو افترضنا ان اللي بيتبرعوا 35 مليون وكل واحد اتبرع بجنية
مش يبقى معانا 35 مليون جنية
شوف بقى بقالهم اكتر من عشر سنين بيلموا
وفي الآخر أنا أتوقع أنها تصبح مستشفى استثماري ... مش عارف آخرتها أيه ؟؟؟
تحياتي

Ahmad Hegab said...

ان بعد الظن أثم

والله انا مش عايز اشكك حول المستشفى بس زيها زي غيرها اكيد فى اهمال فى طريقة ادارة التبرعات

عادى يعنى انت فى مصر

أشرف حمدي said...

Ahmed_h
مش عارف ليه شيطاني الخبيث بيقوللي
كان زماننا بنينا مدينة كاملة مش مجرد مستشفى بالفلوس دي
يا راجل شوف كام سنة بيجمعوا تبرعات
انا مش بتكلم عن تبرعات الجماعات والمدارس واتبرع ولو بجنيه أو ولو بمكالمة تليفون والكلام الفاضي ده
انا بتكلم عن تبرعات رجال الأعمال والأمراء العرب وغيرهم ..
دي بقي بالملايين
حد يريحني ويقول لي التبرعات ولت لكام وجابوا بيها ايه ؟
فين الشفافية ؟
في الهدوم بس ؟

Anonymous said...

tb wlahy 3andak 7a2 ya ashrf amna geh fe baly so2al dh bsreg3t a2ol l2 aked msh hysr2o flos el mostahfa bs 3mlya zadet awyyy

FemTo said...

والله صح طب منبعت ايميلات للمسئولين عن المشروع او حتى نراسل البرامج زى القاهرة اليوم وممكن يعرفوا اللى فيها ولا رايكم ايه؟

Unknown said...

حتى لو كانت النوايا حسنة (وده في رأيي مستحيل تقريبا)، فالفلوس ده هتروح للموظفين في المستشفى

إسأل أي حد بيتبرع للملاجئ مثلا، الفلوس والأكل بيروحوا لمين؟ طبق ده على مثالنا هنا

أسامه يوسف said...

*بمناسبة المدارس من ساعة مابتدوا يلموا التبرعات وكل سنه ياخدوا من كل عيل 3 جنيه غصب واقتدار حتى اللى محتاج
*بالنسبه للبوست أنا تحت أمرك يا دكتور

yamen said...

انا معاك ان الموضوع طول اوي
بس الحقيقة احنا بنشوف المستشفي كل يوم عند القصر العيني و ده في حد ذاته فرحني
انما يعني انا مش مع الشك عمال علي بطال.
و لكن برضه بالتاكيد في شوية رايحين في جيب ده ومحفظة ده من باب السهو بس مش حاجة تانية لا سمح الله..
اللي مخوفني بقه مش موضوع الفلوس..
ولكن بعد المستشفي ما تتعمل ياتري فعلا هاتبقي مجانا زي مابيقولوا وهاتبقي للغلابة ولا هاتبقي للغلابة اللي هما اهاليهم ياعيني مايقدروش يبنوا واحدة زيها بفلوسهم
الله اعلم

Anonymous said...

اتقي الله يا دكتور
اللي بيته من زجاج ميحدفش الناس بالطوب
المشروع قائم ومستمر ولو كره الحاقدون.

أشرف حمدي said...

د \ نادر نبيل
ماهو انا عارف والله انه قائم والمستشفى بتتبني طوبة كل شهر
المهم سؤالين

المستشفى اتكلفت كام والتبرعات كانت كام
السؤال التاني : المستشفى حتكون مجانا ولا مشروع استثماري
يعني الشعب يدفع دم قلبه في مشروع مش ليه في النهاية .

تحياتي

R.R said...

هو ده ظلم الانسان لاخيه الانسان
يعنى ابن صاحب المستشفى ملهوش حق انه يشترى
استون مارتن
هو مش بنى ادم من لحم ودم

ايه يعنى اما ياخد شوية ملاين ويشتري اللى هو عاوزه

عموما الكل بيتسال فين الفلوس دى كلها وبتروح فين
بلاش نظلم الناس تقريبا المستشفى دى جملى

هنقول ايه بس

تحياتى

Anonymous said...

لايجوز يا دكتور أن تشكك في هذا المشروع الخيري الكبير وأنت أكثر الناس معرفة بارتفاع اسعار الاجهزة الطبية
أنت تحرض الناس بهذا الموضوع
ويبدو أنني سوف أضطر آسفاً لاتخاذ موقف قانوني ضدك

أشرف حمدي said...

د\ نادر نبيل
أنا غلطان يا سيدي .. ويارب أكون غلطان فعلا
أرجو أن تجحفني وتكسفني أمام جميع زوار المدونة بكشف موثق به قيمة التبرعات وتكاليف بناء وشراء الأجهزة

أنا لا أتهم أحدا
ولم أحرض أحدا علي أي شيء
أنا أسئل وانتظر اجابات . يبدو أنك لا تفهم معنى كلمة نقاش

مش دي فلوسنا يا دكتور ؟ مش من حقنا نعرف بتتصرف ازاي ؟
في انتظار الكشف وسوف أقوم بنشره هنا احقاقا للحق
تحياتي

Anonymous said...

بأي صفه تطالبني أو تطالب غيري بنشر كشف بالتبرعات؟
هل أنت جهة رقابة عليا
هل تتبع للجهاز المركزي للمحاسبات
أنت لسه خريج جديد
ويبدو من تدويناتك أنك فشلت كطبيب
لا تتدخل فيما لايعنيك حتى لاتري وتسمع ما لا يرضيك
وقد أعذر من أنذر

Anonymous said...

عذرا كتور اشرف
انا عاوزه اوجه كلامى

الى الدكتور نادر نبيل

اذا اردت ان تتخذ كما تقول موقف ضد الدكتور اشرف
يبقى من فضلك خد كمان كام مليون موقف لان الجميع بالفعل يتسالون
وبعدين لو حضرتك متاكد من النزاهه
ممكن تتفضل وتنورنا ويادار مدخلك شر
ولدى اقتراح لو كنت من المسؤلين عن المشروع ممكن نخلى الاضطلاع على كشف الحساب بكل ما يدخل لرقم الحساب فى متناول الجميع وايضا كشف المصاريف واحنا سهل نعرف الثمن الحقيقى للمعدات

وده مش تشكيك لا سمحج الله
ولكن اذا اردتم من الناس السكوت عن اقل حقوقهم
فى التعبير عن اللى بيشكوا فيه
فاقطعوا الشك باليقين

أشرف حمدي said...

د\ نادر نبيل
أطالب بنشر كشف التبرعات بصفتي مواطن مصري ساهم في التبرعات لهذه المستشفى
ولو بجنيه

أنا الذي أسألك بأي حق تهددني ؟
هل أنت طبيب بالمستشفى أم مسئول عن عملية التبرعات ؟
لقد أعطيت لنفسك الحق في مهاجمتي والاعتراض علي رأيي وأنا أحييك وأشكر لك تشريفك المدونة لكي تعلمني بخطأي , أجو أن تصحح مفاهيمي الخاطئة بمالعلومات الموثقة وأعدك بأنني سانشرها كما هي في صدر المدونة.

كوني فشلت أو لم أفشل كطبيب هو أمر يمكن كشفه بسهولة بالرجوع الي نقابة أطباء الأسنان لمعرفة ما اذا كنت مقيدا بها أم لا

مع احترامي وتقديري للجهات الرقابية العليا

Anonymous said...

دكتور اشرف
الموضوع زوبعة في فنجان
وسوف ينقضي..وأعتذر بشدة
فلم أكن أعلم بعض الحقائق عن شخصكم الكريم
واعتذر لقراءك

yamen said...

طيب يا دكتور نادر بما انك عرفت الحقائق عن شخصه الكريم
و اعتذرت له ولقراءه ودي شجاعة احييك عليها فعلا

انما نرجع لموضوعنا الاصلي

اذا كنت حضرتك من المسئولين عن المشروع او ليك ايه صله بيهم يبقي عليك انك فعلا ترد علي الشكوك دي

انا من اكتر الناس اللي تحمست للمشروع بس فعلا من حقي اعرف ايه اللي بيجرا
مش من باب التشكيك لا سمح الله..
انما من باب معرفة الحقيقة
و لانك عارف يا دكتور ان الناس فقدت الثقة في كل شئ تضع فيه الحكومة الكريمة انفها ولو من بعيد
ارجو الافادة و بدون الدخول في مهاترات شخصية

Bella said...

لما سألت السؤال ده قبل كده اتهموني بأني باوقف المراكب السايرة وشوية تهم من اللى قلبكم يحبهم

وحكاية الدال على الخير كفاعلة كانت السلاح المشهر دائما في وجه من يتجرأ ويفتح فمه بالسؤال عن

اين تذهب الاموال ؟؟

ولماذا بناء مستشفى بهذه الفخامة طالما هو بأموال التبرعات ؟؟
أليس الاولى بناء المستشفى كمبني عادي زي اي مستشفى طبيعي في الدنيا وبباقي الاموال يتم تجهيز المستشفى

طبعا الاجابة الجاهزة كانت

المبنى الجميل الغرض منه الترويح عن الاطفال مش كفاية عليهم انهم مصابين بهذا الداء اللعين نيجي كمان وننكد عليهم بمستشفى شكله كئيب

وطبعا والله انا لم اقصد مستشفى عادي يعني شكله كئيب

ولكن هذا لايعني ان يكون مستشفى فخم جدا وكلما زادت فخامته كلما طالت مدة تشطيبه وبالتالي طال طابور المستفيدين

ينط في وشي جواب آخر

حرام عليكي يامفترية ياشكاكة دول ناس اغلبهم متطوعين واعطوا المشروع من وقتهم الكثير

والله ماقلت حاجة بس يعني لماذا لانعرف اين تذهب هذه الاموال

ولماذا تنشط حملات الشحاتة علينا في الفضائيات في أوقات معينة ؟؟؟

كنت بافكر من فترة اعمل موضوع عن المستشفى وكويس اني لقيتك عامله
فجيت افضفض عندك شوية من الخنقة

الحمد لله ياربي لقيت ناس تانية شريرة زيي وبتفكر في نفس الافكار

طلب بعيد عن الموضوع

ياترى ممكن ابقى استلف كاريكاتير من كاريكاتيراتك الحلوة ؟؟؟

سبق وقمت باستعارة كاريكاتير واشرت لمصدره وكان موقع مصراوي ولك اكن اعرف انك من ترسمه

وشكرا مقدما

أسامه يوسف said...

أنا لسه قارى الكام كومنت بتاع د.نادر ولى كام تحفظ بعد إذن د.أشرف هاكتبهم
*بالنسبه لكشف التبرعات هذا حق كل مواطن ساهم فى بناء المستشفى
* بالنسبه لنجاح الدكتور أو فشله
هذا شأن الدكتور وحده
وبالنسبه للموقف من أعطاك الحق فى إتخاذ موقف(مع كل أسفى لإستخدام التعبير وإحترامى لك) إذا كان هذا حقك كمواطن خائف لى سمعة أحد فالدكتور له الحق كمواطن خائف على أموال أولاد بلده
مع كل إحترامى أسامه

Anonymous said...

عزيزى اشرف
انت بتقول انك مش هتتكلم عن اتبرع ولو بجنيه وتبرعات الجامعات والمدارس
لا اتكلم ولا حرج
لان القليل بيجمل
يعنى جنيه على جنيه بيعمل مليارات
دى غير العكايم والهوبر الكبيرة بتاعت رجال الاعمال و الحفلات الخيرية وحفلات الفنانين والخ الخ

انما بقى بتروح فين والكلام ده
فدة مش بتاعنا احنا
وما قالوا
من اعترض انطرد
و من اخترق احترق

بأنا حفظا لنفسى وللجنية اليتيم اللى فى جيبى

متبرعتش بيه عشان مفضلش اسأل عنه كتير

وربنا بقى يبقى يسألهم منين ولفين وساعتها بقى هو ده الجد

ومن كل قلبى

تحياتى

koukawy said...

تعرف يا اشرف ان انا اتكلمت في الموضوع ده مع ناس قبل كده و كان رأي ان في نصبايه بتتعمل و احنا مش فاهمين لأن معقول فعلا بعد السنين دي مخلصتش طب انت ذعارف ان انا معرفش مكانها فين اصلا كل اللي بنشوفه في التلفيزيون ماكيت بس
ليه حق محمد منير طبعا

Anonymous said...

كل سنة وانتو طيبين

كعادة المصريين اللت والعجن

ما كلفتوش نفسكوا انكم تزورا المستشفى او حتى موقعها على الانترنت

اتقو اللة

على فكرة المستشفى اتفتحت وشغالة من 7-7-2007

Anonymous said...

يا سبحان الله على الظلم

انا رحت المستشفى عشان مشروع التخرج بتاعى انى اعمل موقع على النت فقررت اعمله عنها

المستشفى دى كل اللى فيها بالمجان
من اول ما الطفل يدخل لغايه الدوا اللى بياخده وهو خارج و المتابعه و كل حاجه

انا الحمدلله انسانه مستوايا الاجتماعى كويس اوى
وعايزة اقولكم انى لما دخلت المستشفى انبهرت فعلا بشكلها و الاماكنيات اللى فيها

تخيلو ان فيها جهاز بيعالجو بيه هو الوحيد ف الشرق الاوسط

والاهى لو دخلتوها احسن من فندق 7 نجوم مش 5

من اول العيادات لغايه المطبخ

تعرفو ان حتى الاكل مجانا للمريض المقيم و المرافق

وفى غرف للعب و بيدو للاطفال هدايا

يعنى الغنى جوا زى الفقير
و المسلم زى المسيحى
و المصرى زى الاجنبى
و المتعلم زى الجاهل

انتو المفروض تكونو فخورين ان مستشفى زى دى ف مصر مش فمكان تانى

دى حتى واخده احسن تصميم ف العالم زى مكتبه الاسكندريه كدا


ادخلو اللينك ده و حتلاقو اجابه على كل الاسئله
http://www.57357.com/إستفسارات/أسئلةهامة/tabid/158/Default.aspx
ايــات

Anonymous said...

بيتهيالى انى مش لوحدى اللى بيسال نفس السؤال انا مرة سالت جوزى وهوة على فكرة شغال محاسب فى بنك وكمان فرع صغير وقالى ان كل يوم بيجى تبرعات كثيرة جدا خصوصا لهذة المستشفى ولو كانوا اعتمدوا على فرعهم بس كانوا عملوا كذا مستشفى وخصوصا ايام الشهر الكريم شوفوا انتوا بقى وهنيالك يا فاعل الخير والثواب..

Counter