Total Pageviews

Tuesday, March 27, 2007

دستور يا أسيادنا



قنبلة بكل المقاييس .. أحلى من أي كاريكاتير والله العظيم
الكاريكاتير من موقع مصراوي دوت كوم


لن أخوض في تفاصيل تعديل الدستور

ولا في موضوع قانون مكافحة الارهاب

كل ما يشغل بالي هو أمر واحد يدعو للسخرية

يا من تطالبون الناس بالمشاركة .. لن أحدثكم عن فقدان الثقة

فقط أسألكم

هي الناس تعرف يعني ايه دستور ؟ هي الناس كان يهمها الدستورالقديم لما هتهتم بالاستفتاء علي تعديله ؟

الا صحيح ...هو كيلو اللحمة وصل لكام دلوقتي ؟

23 comments:

Tar2a3a said...

يعني تقريبا

الكيلو ب 32 جنيه

في بلدنا

أجيب لك كام كيلو ؟

حسبي الله ونعم الوكيل فيك يا للي في بالي

تخيل يا أشرف

رحت أصوت إمبارح قالولي اسمك مش موجود

ياجدعان اتصرفوا... مافيش فايدة

عموما

الناس اتطحنت يا ومش فايقة ل دستور ولا حنطور

الناس كل الي يهمنها دلوقتى توفير المم النهاردة لعيالهم

ربنا يكون في عون الشعب

ana ga3an said...

الدستور دة
يعني لما تكون داخل علي بيت في نسوان خالعة راسها
تروح مسقف وقايل دستور.

أشرف حمدي said...

مبروك يا حبايبي
نتيجة الاستفساء
9 مليون صوتوا
75 % قالوا نعم

وأما نعيمة بتقول نعمين

أسامه يوسف said...

مش عارف ليه محصليش حاجه من أعراض الخضه اللى المفروض تظهر على الواحد لما يشوف مستند زى ده
وبالنسبه للنتيجه أخبارك عادت قديمه يادكتور
ماحنا عارفين
ال 9 مليون اللى قالو آه
هاتلاقى 5 مليون حزب وطنى والباقى إنتوا عارفين

أسامه يوسف said...

صحيح
بعد إنتخابات موريتانيا أنا لما هاطلع صوت إنتخابى هاطلعه من هناك

Haitham Abu Akrab said...

طيب اشرف
ابقي حاول تبعت لي ميل اصلي زعلان منك جدا

مسرح الغلابا said...

دستوووووور

عندك حق يا اشرف.. الناس مابتفهمش في الدستور ...انا عامل كاريكاتير عن الموضوع ده بالظبط ...
ياريت تقولي رأيك ...

درويش

اوعي متجيش

Anonymous said...

الكيلو يا سيدي بحوالي 33 + اة - 2 جنيه و انت كنت في طب و عارف + او _ ديه :):):):):)

R.R said...

ايه ده كيلو الحمه عندنا بقى ب 35
مممكن الى عندهم ارخص يقولولى بس بيشتروها منين واهو نوفر 2 جنيه

Anonymous said...

جامد يا أشرف
حبيب العادلى كان بيقول انه هيحبس و يدفع غرامه أى مواطن بيحض الناس على المقاطعة
بس مقالش الحبيب هيعمل ايه للى يطلب من الناس انها تقول نعم
مع وجود اغراء كمان
...........
حاجة كدة من غير مناسبة
عارف انت لما تقابل حرامى و يقولك انا حرامى بس متقدرش تمسكنى
تفتكر هتحس بإيه؟
أكيد باللى حاسس بيه أنا دلوقتى
............
أسيبك

ابن مرّ said...

همم فعلا الاستسقاء جاب اخره والناس ورّمت ألا يابا الحاج الدستور اللي غيروه ده قال يمشي مع كل الأسياد؟أصلي سمعت ان أنه دلوقتي بقى ينفع كمان مع الجن الأزرق

وحسبنا الله ونعم الوكيل

Anonymous said...

د/ أشرف
هل تعلم ما هي المواد التي تم تعديلها في الدستور من وإلى حتى تتهكم عليها؟
أرجوك إبن آراءك على أساس علمي حتى لا تضع نفسك تحت طالة القانون
رقم تليفوني لأي إستشارة قانونيةيمكنني ارساله إليك إذا أردت
وشكرا

Haitham Abu Akrab said...

انت راجل متجوز وفاهم
.
.
.
بتسال علي كيلو الحمه
استني اقرب يوم
وهيقولولك لوحدك
؟

Anonymous said...

على فكرة كده مش 9 مليون بس لا دول كده 9 مليون و صوتين

:D مهى اما نعيمة بنعمين

بص يا استاذ اشرف
انا معنديش حاجة اقولها الا إنا لله و إنا إليه راجعون سواء طبيعى او على ايد التعديلات الدستورية الجديدة

تحياتى وللأسف

محروس said...

اشرف
الدستور ينص على
يتولى الرئاسه جمال
وان يفعلوا مايحلوا لهم بالشعب

khaled said...

ما عرفش كيلو اللحمة بكام
بس عارف البصل طبعا لانى كل يوم باكله و انا ساكت
:)
دستوووووووووووور

yamen said...

انا هاقولك علي حاجة انقح

مريض عندي امين شباب مشيخة ماعرفش ايه كده في الحزب الوطني وكان ماسك لجنة في الاستفتاء..

و قاللي هما كانوا بيعملو ايه..
الشرطة تدخل تقول للموظف اللي ماسك الصندوق انهم معاهم طربة حشيش لو مافتحش الصندوق هايلبسوهاله

فيفتح الصندوق ويخرج وهما يقعدوا يملو الصندوق ورق من بتاع امه نعيمة

و ماعنديش حاجة اقولها غير حسبي الله ونعم الوكيل

فبركة said...

دكتور اشرف حمدى..ذلك الرسام البارع والكاتب الأبرع ودكتور السنان الفاشل بحبك واحترمك ومفتقدك يا ابو ضحكة جنان يا ابو اشرف
شريف عبد الهادى
يا ريت تنور مدونتى الجديد المتواضعة

أشرف حمدي said...

علي عبد الغفار
مواد الدستور التي اتهكم عليها يمكنك اذا كنت لا تعرفها الدخول علي الوصلة التالية لمعرفتها
http://mashy.com/index.pl/constitution
اذا كنت في حاجة الي مساعدة مني لشرحها لك فلا تتردد
فقط ارسل لي رقم هاتفك ومرحبا بك
تحياتي

أشرف حمدي said...

شريف عبد الهادي
أكتر صحفي محترم فيكي يا مصر
علي فكرة مدونتك تحفة
يخرب عقلك بجد
سخريتك لازعة كحمض الليمون
بجبك موت بجد يا شريف

أسامه يوسف said...

مش ملاحظ حاجه يا دكتور
التدوينه اللى فاتت واحد مسكك وهات يا هجوم
التدوينه دى نفس الحكايه
بعد تعديل الدستور
نصيحه
خاف من العالم دى

أشرف حمدي said...

أسامة يوسف
أهو انت
:)

Amr Ahmed said...

دستور مين ياعم اشرف

انا مش عارف هما تعبوا نفسهم وعدلوه ليه
ماهو اللي عاوزينه بيحصل اصلا

الناس دي غاوية وش

او غاوية تغيظنا

Counter