Total Pageviews

Sunday, May 27, 2007

حتى لا ننسى


أعتذر عما قد يسببه هذا الشريط الصوتي من ألم
وبالرغم من أنه لا يناسب مدونتي الا أنني لم أتردد لحظة في عرض هذا الملف الذي عثرت عليه علي موقع يوتيوب , حتى لا ننسى كارثة الفساد التي راح ضحيتها مئات المصريين

لا تهتموا كثيرا بالمشاهدة فالصور لا قيمة لها وأكثرها مبتذل .. فقط استمعوا الي آخر التسجيلات أثناء غرق العبارة وأتركوا العنان لخيالكم ليصور ما حدث

12 comments:

sabsoob said...

لا حول و لا قوة الا بالله....
ألذ حاجة النقاش الجميل اللي كانوا بيتناقشوه...فكرني بأفلام الأبيض وأسود ..لما الدكتور يدخل عل أهل المريض و يقولهم ...
"........ده عندو ال"
....ربنا يصبر أهاليهم و يتوب علينا

YHYيــوســف الـمصـرى said...

مفيش كلام يتقال
حسبى الله ونعم الوكيل

البتاع said...

يااااااااه يااشرف قلبى وجعنى

عارف بحس بإيه لما باسمع التسجيلات دى؟

بحس انى كان نفسى اكون المرأة الخارقة ولو لنص ساعة
اروح اعمل اى حاجة انقذهم بيها
انا عادة بحاول ماخدش كل حاجة على صدرى عشان مااطقش
لان فى بلد زى دى الحاجات كتير

بس بجد 1000 بنى ادم بالف حلم والف مليون فكرة حرام يروحو كده
فطييييييسسسسس

ساعات بقول لازم ننسى عشان غضبنا يروح
وساعات بقول طب وليه يروح؟؟
خليه يمكن يجيلنا فرصة فى يوم ناخد حقهم؟؟؟


بس بجد مش عارفة اقولك ميرسى واللا الله يسامحك
بس فى الاغلب حقول ميرسى :-)

و ربنا يرحمهم ويصبر اهلهم
وياخدلهم حقهم من اللى قتلوهم

تحياتى

Yasser Hussein said...

المركب بتغرق يا قبطان
المركب غرقت يا قبطان
حسبنا الله ونعم الوكيل
ولا حول ولا قوة إلا بالله العلي العظيم
:(
:(
:(

نهى منير said...

دكتور أشرف
حضرتك شيلت اللنك بتاعى من عندك ليه
أنا زعلتك فى حاجة؟

أشرف حمدي said...

Sabsoob
القبطان ده مستفز جدا علي فكرة .. بارد بشكل مش طبيعي
تحياتي

البتاع
والله انتي أحسن مني . لأني بصراحة لما بسمع التسجيلات دي ببقى نفسي أتحول لظابط أمن مركزي وأنفخ صاحب العبارة لحد ما يبقى زي البالونة

لا مش لازم ننسى أبدا أبدا أبدا
لأن ده لو حصل لكلب أو قطة أمريكية لكانت الدنيا اتقلبت
مش حقولك ألف بنى آدم
تحياتي

الفنان ياسر حسين
للأسف كان نفسي في التسجيل الكامل لأني سمعت في برنامج فضائي بقية التسجيل واللي القبطان بيقول فيه
استني بس .. استني شوية
يقوم يرد عليه المساعد وهو بيبكي
أستني ايه بس .. المركب غرقت يا قبطان
وبعدين صوت القبطان الندل وهو بيصرخ
حد يجيب لي اللايف جاكيت .. اللايف جاكيت
قمة الندالة

نهى
أنا مش زعلان .. انا بس مندهش أني مش عارف ادخل مدونتك لأن فيه رسالة بتطلع لي
This blog is open to invited readers only
فتوقعت ان مدونتك قفلت أو انك منعتيني من دخولها
تحياتي

نهى منير said...

دكتور أشرف
المشكلة اتضح انها واحد من الهاكرز
لعب فى اعدادات البلوج عندى
البلوج مفتوح للكل الآن
غير كده منطقيا
انا لسه جديده فى التدوين
هعمل نجمه عليكم واقفل البلوج
هاهاهاهاه
بــــــــاى

Mirage said...

الفساد عندنا فى مصر بيجرى فى دم البلد

متقدرش تفصله عن مصر خلاص

مهما حصل

شعار الكل دلوقتى

اللى تقدر عليه خده

سندباد said...

ان بطش ربك لشديد

AHMED SAMIR said...

طب ليه بتقلب علينا المواجع بموضوع العبارة دة؟
على فكرة
موضوع العبارة دة بيحسسني ان احنا هنفضل كدة كتيرعمالين نخبط دماغنا في اتخن حيطة بلا اي فايدة
تحياتي ليك

reri said...

سمعته يا أشرف قبل كده ووجع قلبي
ربنا يرحمهم
راحوا ببلاش

اسكندراني اوي said...

دكتور اشرف
اولا احييييك بجد على البوج دي جميله ومفيده
ولذيذه
انا سمعت التسجيل ده قبل كده
اكتر من 500 مره
انا مش ححل ولا اقول ايه اللي حصل
بس فين باقي تسجيل الشريط قبل وبعد دا المهم
في حاجه غلط
رحمه الله على من توفي
ونحتسبه عند الله شهيد
تحياتي ليك

Counter