Total Pageviews

Wednesday, May 30, 2007

أشرفوف حمديلوفيتش


بالرغم من كونه اختبار قد يدعو للسخرية والاستخفاف الا أنها فكرة طريفة بلا شك
قمت بالإجابة على بعض الأسئلة فظهرت لي هذه النتيجة الكابوسية المرعبة
حيث أكتشفت أن شخصيتي هي الأقرب لشخصية أودلف هتلر
نياااهاهاهاهاها
جربوا وقولولي انتم بقى طلعتوا مين
(أضغطوا علي الوصلة باللون الأخضر)

23 comments:

البتاع said...

ههههههههه

انا بقى جربتها من اسبوع كده
وطلع ان اقرب شخصية ليا بيل كلينتون :-)

فرحت اوى اوى لدرجة انى علقتها عندى فى المدونة للتاريخ :-)
هو انا اطول؟؟؟؟

بس لازم يبقى فيه مونيكا؟؟؟
اصلا انا افضل الرجالة بصراحة :-)

تحياتى ياباشا

Anonymous said...

شوف
رغم الطيبة
و الحنية
و الرقة
و انى مبحبش اشوف فرخة بتتدبح
انا برضه طلعلى هتلر
:)

LesaFaker said...

hahahahaha
This is me

http://images.similarminds.com/leader/8.jpg

By the way Ashraf, I would love to get your comment on my last post on my blog

Doba said...

صباح الخيرات

هههههههههههه----قعدت اضحك كتير قوى لما لقيتى طلعت الأم تيريزا

بس الأسئلة لطيفة قوى

عاوزين نعرف الأجوبة اللى طلعتك هتلر
يمممممممممممممم

سلام

أشرف حمدي said...

البتاع
هههههههههه
معلش .. نشوفلك مونيكو بدل مونيكا
تحياتي
--------------------------------
أحمد مختار عاشور
مش بقولك احنا ننفع صحاب قوي رغم انني لسة ماتقابلناش لحد دلوقتي
بص كده معانا اتنين هتلر
ناقص واحد موسوليني ونحكم العالم
--------------------------------
Lesafaker
بلاش تقول لحد انك طلعت شبه صدام أحسن يعدمووووك
حقرأ البوست بتاعك وأرد عليك يا باشا
--------------------------------
Doba
طب تمام والله
فيه ناس طلع لها صدام حسين :)
--------------------------------
أنا سعيد جدا بالتعليقات .. ياريت بجد كل الناس تجرب وتقول هي مين
عاوزين مادونا يا جماعة ولا شاكيرا ينغنشوا المدونة كده
ههههههههههههههههههه
تحياتي ليكم جميعا

Yasser Hussein said...

النهارده بس عرفت ليه أنا معجب بيك يا فنان
لأني بصراحة من محبي شخصية هتلر
وعلى فكرة .. هتلر في بداية حياته كان عايز يطلع رسام
بس الظروف مسمحتش

خالص تحياتي الفنية

Anonymous said...

هتلر مره واحده يادكتور جميل و الله
انا بقه ياسيدي طلعت الام تريزا
:))))))
بشكرك علي انك عرفتني علي الأسئله دي
تحياتي ليك

reri said...

أنا عملته من شهر كده والنتيجه عندي في البلوج
عارف طلعت مين
أينشتين
ههههههههه
بس هتلر يا أشرف ... يا نازي
ههههههه

سلاماااااااااااات

مشربية said...

اولا يا اشرف انت زيرتك فرحتني جدا للبلوجز بتاعي حقيقي الف شكر و لو مدونتك متواضعة فا مدونتي .... متشكر جدا
ثانيا:متشكر جدا علي تعريفي بالاختبار دة لاني مكنتش اعرفة
ثالثا : تخيل العبد الله يطلع اينشتين لغاية دلوقتي مش مقتنع دة انا مبعرفش اعمل اي حاجة
الف شكر يا اشرف

m.bazeed said...

على النعمه الموقع الموقع ده عامل اجدع دماغ حشيش.....
بقى انا اطلع اينشتاين....!!!!
دانا بقالى تلات ايام بحاول اجمع اتنين زائد واحد وفى الاخر طلعتهم سبعه
جايز والله ربنا قادر

أشرف حمدي said...

مشربية
ده أنا اللي التشرف بمعرفتك يا فنان يا كبير

الفنان ياسر حسين
ياريت حضرتك تعمل الاختبار وتقول لنا انت مين بقى

أجندا حمرا
أحمدي ربنا فيه ناس طلعت لها كلينتون
ههههههههه

Reri
تقصدي يا نازي وعدك ؟ هع هع هع


Bazeed
ماهو اينشتين كان أخيب واحد في الرياضيات وكان بيسقط كتير
مبروك
-------------------------------
والله يا جماعة أنا بدأت أفقد ثقتي في الموقع العجيب ده
لحد دلوقتي كل النتائح تنحصر في عدد قليل من الشخصيات
هتلر والأم تريزا وصدام حسين وكلينتون واينشتاين
هم ماعندهومش غيرهم ولا ايه ؟
تحياتي

Anonymous said...

انا لولا اسمع عن الموقع دة واعرف انة مشهور كنت قولت انة هبل انا طلعلى جون كندى

غمض عينيك said...

انا عملته من اسبوعين كده مرة طلعت الام تريزا ومرة طلعت كلينتون مش عارف لو عملت اطول اختبار هطلع مين بالظبط

تحياتي يا اشرفوف

الريس said...

ههههههههه كويس ان مفيش حد من العالم العربى لا كانت اترفعت قضايا سب وقذف على الموقع :)

Tar2a3a said...

طلعت تشي جيفارا

يمكن أنا محتاج ثورة تغيير في حياتي فعلا

يارب تكون قريبة

قريبة جدا..

وهآجي أخلص عليك يا هتلر ياشرير ;)

sabsoob said...

لأأأأأأأ أنا كلينتون...
يلا أهو أمووور برضة
:D :D :D
لقيت ميزة الحمد لله
:D ...
كان نفسي يطلع حد تايواني أو صييني
:D

moneer said...

وسع يبنى انت وهو انا غاندى الحكيم
شكرا يا فنان الفكره فعلا لذيذه و ممكن ترفع من الروح المعنويه
سلام يا هتلر ..قصدى يا اشرف باشا الفنان

Anonymous said...

انا كمان طلعت هتلر يا دكترة
نتقابل انشاء الله يوم الجمعة فى الجستابو

خليل

أحمد شوقش said...

أنا كلينتون برضو

Anonymous said...

كنيدي!

آخــر قــرصان said...

تخيل انى طلعت غاندى يادكتور اشرف...هاهاهاهاها
انا موت على نفسى من الضحك بس بصراحة عجبتنى مووووووت
يالا حبة تمر هندى وافيال وحاجات من دى بقى
بس بالله عليك تقدر تقولى ايه الشبه اللى بينى وبينه
يمكن فى عدد صوابعه؟؟

آخــر قــرصان said...

تخيل انى طلعت غاندى يادكتور اشرف...هاهاهاهاها
انا موت على نفسى من الضحك بس بصراحة عجبتنى مووووووت
يالا حبة تمر هندى وافيال وحاجات من دى بقى
بس بالله عليك تقدر تقولى ايه الشبه اللى بينى وبينه
يمكن فى عدد صوابعه؟؟

ياسمين حميد said...

أنا طلعت تشي جيفارا
"you have your own revolutionary arty style. Dying tragically on a mountain appeals to you"

أنا؟ فكرة الموت المأساوي على جبل تجذبني؟ أعوذ بالله
\:-o

Counter