Total Pageviews

Thursday, May 31, 2007

المعجز الوجيم

أيمن حيسيبنا يا جدعان ويروح شركة تانية
حسبنا الله ونعم الوكيل
صديقي العزيز أيمن
تخليدا لذكراك معنا طوال هذه الفترة .. أنشر القاموس الخاص بك والذي قمت بجمعه علي مدار ستة أشهر كاملة
تحياتي لك .. وتمنياتي لك بالتوفيق .. ولو لقيت مكان ليا في الشركة الجديدة ابقى ابعتلي يا مان
المعجز الوجيم
أيمون الصحاح
لسين حمبقة = لحين ميسرة
يتفحس = يتفحص ويتمعن
شمين ولا يمان = يمين ولا شمال
الأكسوزين = الأكسوجين
زمن الفن الأسير = زمن الفن الأصيل
بندو = برده
قميل = جميل
حسوس = حساس
الأفضال = الأفاضل
أبخلت عليك بحاجة = بخلت عليك بحاجة
الشواهد والعيون = شاهد عيان
هذا لا يفسد في الودن قضية = ويقصد بها للود
يتهلق لكم = يتهيأ لكم
بحدية = بشدة
العدسية = العبثية
حامل الشم همهم = حامل هم شيلهم
ملبت بالغيوم = ملبد بالغيوم
سوكّيتو=سوكّيتي بمعنى في هدوء وصمت

10 comments:

Doba said...

عقبال مخلصت القاموس بتاعكو حاولت اتكلم عربى تانى معرفتش

ههههههههههههه

تمنياتنا بالتوفيق للكل والله ولو فيه مكان فى الشركة الجديدة ابقو قولولى ونروح كلنا سوا---سلام

أشرف حمدي said...

أمال أنا اعمل ايه ؟
انا اللي بقالي مع أيمن حبيبي ست شهور بحالهم
ههههههههههه

m.bazeed said...

فى الاول احب اشكرك جدااااا على الزيارة الى عملتاه للبلوج بتاعى
ثانيا هو انا عايز اعرف حاجة ..هو ايمن عنده سنه فى سقف بقه..؟؟؟؟؟

غمض عينيك said...

ايه بس الكلام ده
؟!!دي لغة جديدة ولا ايه
تحياتي
محمد سمير

مشربية said...

تسمح لي اختلف معاك دي اسمها لغة المحمحة و اللي اختراعها عم واحد صحبي و قواعدها سهلة قوي بتقولك انك تشقلب الكلام وتجعل الجملة عاشق و معشوق و دة عشان الناس اللي جنبك متفهمكش
و من ضمن الكليمات
عربية = عبرية
بس كدة = سب دكة
علي طول = عطالول
للاسف مش فاكر باقي الكلام
علي فكرة دة شرف ليا معرفتك و الله
و دة الميل بتاعي
meedo5985@hotmail.com

الريس said...

ههههههههه...وكان بيكتب مقالات ازاى..سكم بكم :) مدونتك جميلة اووى يادكتور

BaTresYa said...

اووف..وهو بيعمل كدا ليه فيكم ؟ ... حاجات صعبه اوي...اها بالمناسبه شفت الكاريكاتورز اللي باعتها في موقع ماشي على فكره تحححفه من ناحية الفكرة وكله بجد عجبتني مووت بالتوفيق ان شاء الله...وعلى فكرة صعبه اوي ان حد بتحبه ومتعود عليه يسيبك ويروح مكان تاني :(

أشرف حمدي said...

bazeed
لا شكر ولا حاجة .. مدونتك فعلا جميلة جدا وأحييك عليها بشدة
كده ايمن يزعل :) لأ أبدا مافيش حاجة في سقف بقه
---------------------------------
مشربية
أشكرك يا مان وربنا يديمها معرفة .. انا عملت فيديو كده في البلوج ابقى قوللي رأيك الفني فيه .. طبعا زفت أنا عارف :) أنا مش دارس سينما طبعا
تحياتي
---------------------------------
الريس
أشكرك جدا يا ريس .. بس ماقولتليش انت رئيس ايه ؟
---------------------------------
غمض عينيك
شكرا علي تشريفك المدونة يا باشا .. تحياتي ليك
---------------------------------
batresya
أشكرك جدا علي رأيك في الكاريكاتير
ياريت يفضل يعجبك كده علي طول
فعلا حاجة تضايق جدا .. تقريبا فيه أربعة مشيوا في يوم واحد
هيييييه .. دوونيا

Anonymous said...

نشمين ولا يمان = يمين ولا شمال .. حلوه الكلمات المطرقعة دى

Anonymous said...

و على فكره أنا ساعات بتكلم كده :) يا أشرف أتمنى تكون فاكرنى

Counter