Total Pageviews

Monday, July 02, 2007

جريدة وبطيخة

واحدة من التدوينات الشخصية التي قلما تروق لكم ولكن أرجو اعتبارها مجرد فضفضة .

أجريت العديد من اللقاءات التليفزيونية
معظمها كان علي الهواء مباشرة مما يخالف طبيعة شخصيتي المنطوية المحبة للظل
كنت أرحب بالدعوات وأقبلها كلها بالرغم من رعبي الشديد من الأضواء واجتياز تجربة التعبير هذه المرة بالحديث وليس بالكتابة أو الرسم .
أشعر الآن بأنني لم أعد كما كنت نظرا لقسوة الحياة التي يعانيها أي شاب في مثل سني يريد العمل والاستقرار .
كان الاتصال قبل الأخير من القناة الفضائية المصرية لبرنامج كاريكاتير المصرية .. فوجئت بنفسي أسأل المخرج :
حتدفعوا كام ؟
سؤال لا يتناسب مع مبادئي ولازلت مندهشا منه ولا أجد له تفسيرا سوي أنني لم أعد بالنشاط السابق لي وأردت تطفيش المخرج مني .. لم أعد بهذا التوهج والاشتعال الذي يجعلني أتقافز في كل مكان وأنتهز كل فرصة بحثا عن مزيد من النجاح أو الشهرة .
أخشي اتهامي بالغرور .. وأخشي ألا يفهم الجميع أنني أفضل البقاء في الفراش بعد يوم عمل أقل ما يوصف به أنه معركة
أريد الجلوس علي مقهاي المفضل في ركن هاديء بعيدا عن الصخب ولعب الطاولة .. أدخن شيشتي التي ستقتلني يوما وأبحث عن فكرة كاريكاتير جديد . .
أريد أن أنام داخل قوقعتي وأهرب من الجميع .
بالطبع أشعر بالضيق من رغبتي هذه وأعلم كم ستجعلني أخسر الكثير .
اليوم جائتني دعوة من الفضائية المصرية أيضا للتصوير بمقهى بوسط البلد مع مجموعة من المدونين .. أسعدني اختيارهم لي ضمن أسماء شهيرة مثل وائل عباس ولكنني لن استطع . هناك الكثير من العمل غدا .. الكثير من المشاوير .. الكثير من الإرهاق جريا وراء لقمة عيش توفر حياة كريمة لأسرتي .
هل بدأت أتحول إلى موظف يرجع الي زوجته آخر النهار بالجريدة والبطيخة ؟
أخشى ذلك للغاية

13 comments:

Yasser Hussein said...

عزيزي الفنان أشرف
سؤالك هتدفعوا كام ؟
سؤال بديهي جداً ومفيهوش أي عيب
وسبق لي أنا شخصياً وأنا في مثل المرحلة التي بها أن صورت برنامج مسابقات للقناة الثالثة
وكنت أحل أنا ومجموعة من فناني الكاريكاتير الشباب آنذاك
كضيوف بالبرنامج
وكان المقابل هدايا وأجهزة منزلية خفيفة
أعتبرها معدو البرنامج انها المقابل بشكل اشيك من الفلوس
ما طلبته يا عزيزي لا يخالف الطبيعة
الشيء الآخر
بالنسبة لخوفك من حكاية الجورنال والبطيخة
هذه مرحلة وقتية تحدث للفنان بعد الزواج
وسريعاً ما تزول لأنه بطبيعته منطلق
مثلك يا فنان

خالص تحياتي الفنية

مشربية said...

انت عارف بجد اية اللي خايف منة عليك او علي اي فنان مبدع زيك يا اشرف اللجوء الي مبدئ النقود مع انها حاجة مهمة في حياتنا بس ضغوط الحياة علي اي انسان هي اللي بتجعل منة باحث بنهم عن النقود للعيش
لو مضايق من حاجة فضفض اكثر يا فنان و متقولش ان هذا النوع من التدوينات لا تروق لنا و ربنا يكرمك اكثر و اكثر بس كان نفسي اشوفك و الله في وسط البلد
ربنا يكرمك يا ريس

Michel Hanna said...

ألف مبروك.
على فكرة البطيخ غلي.

Haitham Abu Akrab said...

علي فكره احنا ممكن ندفع
برضو
.
.
.
.
.
.
.
.
بس ايه رايك

أشرف حمدي said...

الفنان ياسر حسين
أشكرك كثيرا علي تشجيعك .. كنت أحتاجه كثيرا

مشربية
ماكنش موضوع فلوس بقدر انه موضوع : هل الموضوع مفيد لدرجة اني اتغيب عن الشغل ويتخصم مني يوم ؟
ياريت تكون صورت في وسط البلد عشان تحكيلي :)

د. ميشيل حنا
ماقولتليش البطيخة بكام دلوقتي

هيثم أبو عقرب
واحد من أجمل معدي برنامج مساءك سكر زيادة علي قناة أو تي في
يا باشا أنا أجيلك حتى لو حدفع فلوس .. والله بحب المحطة دي جدا
تحياتي للجميع

مشربية said...

لا يا اشرف انت فاهم غلط انا مصورتش في وسط البلد لاني مش شخصية اصلا :)
العبد الله كان نفسة يشوفك في البرنامج بس ادي الحكاية

Unknown said...
This comment has been removed by the author.
voice of love said...

كان نفسى جدا أقابلك فى لقاء الفضائية المصرية
وزعلت جدا لأنك مجيتش التصوير
عموما باقية يا سيدى بس بطل كسل انت لسه شباب على الكلام ده
ربنا يوفقك

أبوعمر said...

متفهم موقفك يا عزيزي..هي بس المسألة في رد الفعل مش في التفكير..يعني أنا تفكيري ممكن يكون زي تفكيرك..إنما رد فعلي هيبقى مختلف حبة.عارف يا أشرف.فيه حاجات كده تسأل نفسك فيها هو مهم انك تضحي بحاجات كتير عشانها..أنا لقيت الإجابة قبلك لأني اتجوزت قبلك..التليفزيون و الظهور و العروض الخاصة و الندوات..كل دي حاجات تتعوض في يوم أو غيره..انما راحة البال اللي بتحسها وانت قاعد في بيتك مأنتخ وبتاكل البطيخ وهو طالع من الفريزي وبتتف البذر بتاعه بمنتهى التفنن في جل زوجتك تتقزز منه ومنك - وهو ما لا يحدث بالمناسبة - على عكس حساباتك الهندسية لتف البذر أيام الخطوبة..صدقني ده برنامج لوحده، وبعدين يا أخي ما تبقاش تسأله هتدفعوا كام..ابقى قل له عندي أكلة بطيخ في اليوم ده
محبتي

rashida said...

اشرف
انت زعلان من ايه
ده تطور طبيعي لحالة نشاطك الدائمة
لازم شوية راحة و شوية خمول و الا مش هتعرف تكمل
يا عم هم يومين و تفوق و ترجع تحارب اقوى من الاول
بطل تشاؤم
و بعدين انت عندك حق في سؤالك عنم الفلوس
مفيش حاجة ببلاش في الزمن ده
زعلان من ايه ؟
كبر ... ريح شوية ... و ارجع عيش
عادي بقى
روق و بلاش نكد و تهيؤات

أسامه يوسف said...

افتكرنا بشريحة بطيخ يا دكتور

بس إزاى هتبقى زى موظف البطيخه والجريده وانت قاعد معظم وقت فراغك يا إلا معانا على البلوج أو مع الشيشه

تحياتى

Anonymous said...

اشروف يا زميل التدوين
اى انسان فى الدنيا بيبقى محتاج فترة نقاهه ومراجعة حساباته
انا باعتبر الموضوع ده نوع من حساب النفس
متهيألى ان السبب الاساسي هو الضغوط اللى بتمر بيها زى ماقلت بالضبط
ماتحملش نفسك فوق طاقتها
سميها فتره وتعدى
ماتزعلش منى لانى اتأخرت فى الرد
انت عارف انى مايحوشنيش عن مدونتك غير الشديد القوى
هدى اعصابك وارجعلنا تانى

Anonymous said...

لا أدري ما المشكلة تحديدا..أنت تقول (طظ) فلا تبالي إذن

Counter