Total Pageviews

Thursday, July 26, 2007

تسجيل لقاء أو تي في

أتمنى أن ينال اللقاء اعجابكم
في التدوينة القادمة أحكي لكم عن كواليس أو تي في
ومساءكم سكر زيادة

16 comments:

طهقان said...

يا جمالو يا جمالو

الف مبروووك يا فنان ،

بس بصراحة
الاتنين المذيعين دول اكثر من السماجة

دول بيتكلموا اكتر من الضيف

كان نفسي انك ترميهم بحاجة
او تستخدم مبسم الشيشة بتاعك
وتحطه في

عنيهم علشان يبطلوا رغي فارغ


بالنسبة للصور
ابعت يا عم ابعت

تقابلني ..على قهوة البروصة واخدهم منك
والا عند مدخل مترو انفاق التحرير من ناحية الهيلتون
والا اقولك
ايه رايك في نزلة السمان في قهوة هناك .انما حلوة
بأقولك
ابعتهم على الميل احسن
tah2an@gmail.com

admin said...

تمام اوي يااستاذ اشرف
وكلامك جميل جدا في البرنامج

وانت شكلك فعلا عبقري وعلي فكرة انا صاحب مدونة
no-dsl.blogspot.com
وانا دخلت هنا عن طريق تعليقك في مدونتي

واتمني ان اتعرف عليك عن قرب لان باحب فعلا اني اتعرف علي العباقرة

Doba said...

مبروك طبعا على البرنامج ده
اي البنت السخيفة دى عماله تتلكم وتشوح بايديها وطريقة كلامها اصلا مستفزة جدا - للأسف حسيت أنهم سطحيين جدا ومعندهمشى اصلا اى معلومات عن الكاركاتير وبيتكلمو وخلاص مكانوا يقرو ولا يسألو حتى - دى مش عارفة اساسا الأسماء بتاعت الناس الكبار بتوع زمان اللى بتسأل عنهم

حسيتك محرج قوى وصوتك هادى - مكسوف ولا متوتر بس بد شوية بقيت واثق من نفسك شويتين بس برده صوتك تناه هادى قوى

قلت حاجات كتير حلوة عن الكاريكاتير انا فعلا معرفهاش - بس هو حقيقى مفيش رسامين كاركاتير غير 40 بس مش معقول- غريبة جدا - بس برافو عليك والله يا دكتور

تحفة قوى الصورة بتاعت إنجى اللى انت رسمتها - اكيد ضربتك بعد الحلقة عليها - معلش بس اصلها غاظتنى قوى -حسيت انك لو كان معاك مذيع ولا مذيعة حلوين الكلام كان هياخد منحنى آخر - انا بحترم طريقة تامر أمين فى البيت بيتك - دايما تلاقيه بيكون ملم باللى بيتكلم فيه - كنت اتمنالك مذيع كده

اتمنالك منتهى التفوق والمزيد من الإزدهار يا فنان - وتحياتى

هبة

أشرف حمدي said...

طهقان
الله يبارك فيك .. ميرسي علي تشريفك المدونة وتعليقك اللطيف
بس المذيعين أنا شايف انهم كويسين والله .. يمكن الوقت ماكنش كفاية فكان لازم الأسئلة تكون بسرعة يمكن بس عشان كده انت حسيت انهم بيتكلموا كتير

حبعتلك الصور علي الميل قريب جدا .. ياريت تنشرهم بقى عندك وعند طهقانة بس انا عارف انكم حتصوتوا أول لما تشوفوهم
تحياتي

night light
عبقري ايه ؟ ده بس من ذوقك ربنا يخليك
انا اللي سعيد بتجربتك الجريئة وفرحان بجد بمدونتك .. كان لازم حاجة زي كده تحصل وكان لازم نقول لأ
انا اللي اتشرف اني اتعرف بيك
تحياتي

Doba
طب لما شريف يدخل دلوقتي ويشوف الكلام ده ؟ والله يا جماعة بجد انا رحت المحطة لقيت شريف طابع المدونة بتاعتي وقاعد يذاكر فيها والورق اللي قدامه كان فيه كم هائل من الأسئلة وقعدنا نتكلم مع بعض أكتر من وقت الحلقة نفسه قبل التصوير
المحطة خفيفة وبتحاول تقدم فقراتها بدون تكلف وانا بصراحة حبيت الجو ده أكتر من الثقافية اللي كل ما اطلع فيها يسألوني عن الأيدولوجية والمفهوم الميتافيزيقي للكاريكاتير !
وطبعا ماحدش ينكر ان انجي زي العسل :) خاصة الولاد اللي ده أكيد رأيهم

ميرسي جدا علي اهتمامك وتعليقك
ومش عارف اشكرك ازاي علي مجاملتك الرقيقة
تحياتي

Haitham Abu Akrab said...

ينفع يعني يا عم اشرف المذيعين بتوعنا يتقال عليهم كده عندك
الله يسامحك
اودي وشي من الناس فين دلوقتي
.
.
.
.

أشرف حمدي said...

مش بقولكم
طب والله مذيعين زي العسل وانا حبيتهم بجد مش عشان طلعت في البرنامج
وشريف اصلا شخصية محترمة جدا وذوق بشكل مش طبيعي وأنا بحبه جدا

FemTo said...

اللقاء جامد جداااااا ..زى العسل يا اشروف والله ..والروسمات بتاعت انجى وشريف حلوة بجد ..بس الحاجاة الوحيدة للى ضايقتنى ان الوقت كان صغير اووى ..ياريت تتكرر تانى على مساحة اكبرررر..مشرفنا علطول يا دكتورر

مشربية said...

حبيبي انا اسف علي التاخير كنت منور في البرنامج والله و اول ما شوفتك كنت قاعد في قهوة في وسط البلد اول ما شوفتك زعقت قلت " اية دة اهو اشرف حمدي" لقيت الناس كلها بصيت عليا بس و الله ماهمنيش يا ريس الف مليون مبروك و عقبال كل البرامج المهمة يستضيفوك فيها

rashida said...

ايه الجمال ده يا عم اشرف
و ايه الهدوء ده كمان
ده انت وديع خالص ع الشاشة الفضية
بس في منتهى الجمال
كان ناقص تتكلم كمان شوية عن ايران و مسابقاتها و عن اضحك للدنيا و يا ريتك كنت حكيتك شيئا من تجاربك الشخصية زي يوم ما حكيت لى انك رحت قابلت صاحب مجلة و رفض و قالك ان مجلته مفيهاش كاريكاتير و ميهموش
يعنى اعتقد انك كان عندك قصص كانت ممكن تلخص حاجات كتير ن الكاريكاتير
بس فقرة حلوة خالص والله
ربنا يزيدك و عقبال ما نشوفك على السي ان ان

صاحب البوابــة said...

الف الف مبروك

استمعت جدا بمتابعة الحوار

ولو اننى شعرت من كثرة ما تكلم المذيعين أنك من استضاف المذيعين وليس العكس

:)

تحياتي عزيزي

Yasser Hussein said...

ألف مبروك يا اشرف
وأتمنى لك مزيد من التقدم
بس احصائية 40 رسام كاريكاتير دي جابوها منين
انا من خمس سنين عدتهم طلعوا 120
:)
اللقاء كان بسيط وغير متكلف بس طريقة عرض أعمالك كانت سريعةجداً

إلى لقاء قريب بالقاهرة إن شاء الله

خالص تحياتي

أشرف حمدي said...

Femto
ربنا يخليك يا حبي .. ده بس من ذوقك

مشربية
هههههههه ميرسي بجد .. بس الناس ذنبها ايه وهي ما تعرفنيش ؟ طب كويس انها تعرضت ع القهاوي والله .. انا فاكر القهاوي بتعرض ميلودي وبس
تحياتي

رغدة صفوت
ميرسي ع المجاملة يا جميل . وعندك حق بس الوقت كان ضيق ولو كنت اتكلمت أكتر من كده كانت حتبقى بايخة للي ميعرفنيش وقاعد يتفرج عليا .. كده أحسن والله
خلينا نشوفك بقى على طول

الفنان ياسر حسين
جابوها مني أنا :) انا عديتهم لقيتهم 40 بس
ويمكن أقل كمان .. فيه اللي اتوفوا وفيه اللي سافر وفيه اللي اعتزل .. فعلا اللي بيشتغل دلوقتي فعليا في الصحافة يمكن والله أقل من الرقم ده بكتير
تحياتي

حبة حاجات (ايمان) said...

كل اللى اقدر اقلهولك بجد ربنا يوفقك
واستمر على نفس الخط اللى انت ماشى فيه طالما انت مقتنع بيه
وحلو ان الواحد يكون متميز ومبدع
وسلام

Anonymous said...

بجد انا فخور اني اعرف واحد زي حضرتك ممكن تعبر عن حاجة وجعانا من البلد دي او موقف سخيف بنطحط في كل يوم برسمة ترسم ابتسامة على وجهنا بعد الحزن الذي اصبح الوجه معبر عنه

3abdo me7tas said...

الف ألف ألف مبروك يا مان
انا بصراحة دخلت المدونة بتاعتك كتير بس جه الوقت اللى انا لازم احط تعليق عندك واقولك مبروك يا دكتور أشرف
بجد انا استفدت كتير جدا من البرنامج وعرفت اكتر عن الفن الجميل ده
مبروك
وربنا يكرمك يا رب بإذن الله

بس طلب صغيرة
إبقو غيرو المذيعه دى والنبى

أشرف حمدي said...

ايمان
أشكرك كثيرا علي التعليق وتشجيعك ليا
تحياتي

محمد فرج
ألف شكر يا باشا وياريت تتابع المدونة بقى باستمرار

عبده محتاس
الله يبارك فيك .. وماتحرمناش من تعليقاتك باستمرار
وياريت فعلا تكون الحلقة مفيدة زي ما قولت .
بس مش بزمتك المزيعة زي القمر ؟؟؟
تحياتي

Counter