Total Pageviews

Sunday, July 15, 2007

انشرها والا فالويل لك

إضغط علي الصورة للتكبير
كفانا جهلا
كفانا سخفا
كفانا تخلفا
كفانا غرورا
كفانا ضحك علي أنفسنا
كفانا كذبا
كفانا "اشتغالات"
كفانا استهزاءا بأنفسنا وبديننا
كفانا استهزاءا بنبينا الذي بدأ يظهر في المنام لكل من هب ودب ويأمره بكذا وكذا والا فالويل له ولأهله
كفانا إرهابا
لو كنا نحن نحترم ديننا بحق ما كان لأحد أن يسخر منا .
ولكننا نسخر من أنفسنا.
نحن نستحق هذا وأكثر .

11 comments:

Yasser Hussein said...

اللي كتب الكلام ده يا أما شخص جاهل
أو عقله على قده
يا أما شخص غير مسلم ويريد إثارة السخرية ضد المسلمين
حلوة دي
اللي هينشر ها هيشوف الخير بعد 4 أيام
حقيقي هم يضحك

خالص تحياتي ليك
وخالص حزني على من ينشر ويعتقد في هذه المنشورات

m.bazeed said...

معلش الى كتب الكلام ده مش شخص جاهل على الاقل من وجهة نظره ووجهة نظر ناس كتير..,, ناس بقت مفكرة ان الدين بتاعنا بقى صلاة وصوم وشويه زعيق على سماع كام درس وخلاص ..بجد بجد احنا عمرنا فى مصر ماكنا بنفكر بالاسلوب ده على الاقل فى الخمسين سنه الى فاتت كنت هاتلاقى اغلب الى هايشوفو حاجة بالشكل ده مش هايقتنعو بيها وهايبتدو يحللوها لكن التسليم المطلق ده مكنش عندنا طب هو ايه الى جد على الناس علشان تبتدى تفكر كدة بجد موضوع يستاهل ان حد يدور على اصله

سعيد انحراف said...

دا شغل ناس دارسة يا بيه، كلهم من اعداء البلد

بيعملوا الحجات دي عشان يوزعوها جوه البلد و يسيروا الفتنة بين المسلمين الحمدلله عندنا في الباطنية بنعرف كويس قوي ازاي ندمر الشغل ده

و نصحتي ليك ان اول حاجة لازم تعملها هو انك تعمل ديليت للبوست ده يا اشرف يا حمدي لأنك بكده بتساعد على نشره بطريق مش مباشر حتى لو قصدك انك تنقده

أسامه يوسف said...

ناس بتشتغل نفسها
والألعن بتشتغل ناس تانيه معاها
والحاجات دى فى ناس بتصدقها وتنفذها

ربنا يشفيهم

تحياتى

Mohamed Elkady said...

بتفكرني بواحدة جامدة جدا قريتها من فترة
"
هذه الرسالة هامة جداً لا تتهاون بمحتواها
ذكر احد الأطفال بأنه رأى في منامه طيف أبيض و جاء له وبلغه الرسالة التالية .
ردد 3 مرات "‏أفتح يا سمسم ابوابك نحن الاطفال"
أرسل هذه الرسالة الى عشرة أشخاص وسترى بطوط في منامك
واذا قرأتها اكثر سترى ميسون وسيأتيك تويتى يحمل اخبارا سعيدة

تنبيه هام.....
ارسلت الى شخص واهملها فانقطعت عنه قناة سبيس تون
وشخص آخر عمل بها فرزق بشريط جرندايزر
وارسلت الى شخص واستهزأ بها فانقلب الى كعبول
"

محمد زكى عبد الرحمن said...

تعرف يا أشرف ، من فترة دخل عليا أخويا و ورانى ورقة نفس النظام كدة ،
بس تخيل بقى كان مكتوب فيها إيه ؟؟
بيقولك واحد اسمه الشيخ أحمد ، و الشيخ أحمد دة المفروض إنه شيخ المسجد النبوى ، شاف الرسول برضه فى و قاله أنا شفت ناس بتدخل جهنم عشان ما كانوش بيصلوا و لا بيحسنوا لوالديهم و حاجات كدة ، و بعدين بيقولك صور الورقة دى و وزعها على أكبر عدد "من المسلمون" - مكتوبة كدة - و بعدين بيقولك إن الورقة وصلت ثلاثة أشخاص : واحد عمل 25 صورة و وزعهم فربنا فتح عليه أبواب الرزق ، و واحد نسى يوزعها فاترفد من شغله و لما افتكرها صورها و وزعها فاتعين فى وظيفة أعلى من الأولى ، أما التالت بقى يامعلم قطع الورقة و رماها فمات بعد تسع تيام .. !-
بصراحة مش عاوز أسيب نفسى أتكلم لإنى غالبا ح أشتم شتايم أبيحة .-
أنا مازعلتش لما الرسام الدنماركى إياه شتم النبى لإنهم بيكرهونا أصلا .. بس بصراحة بالطريقة دى إحنا شتمنا النبى و الإسلام و ربنا كمان ، لإننا كدة حولنا الإسلام لشئ شبيه بالوثنية .. آل بعد أربع تيام ح تشوف الخير و الرزق ح ينزل عليك .. ياخى (...).-
و ما أستبعدش إن واحد ييجى ويقول إن سورة النساء بتعالج العجز الجنسى ، و سورة النمل بتطرد الحشرات من بيتك !!-

أُكتب بالرصاص said...

فعلا يا اشرف

احسنت بنشرك للموضوع دا

لان الواحد بصراحة شبع اشتغالات من دي
والاعجب
اني باقابل ناس مصدقة
وتروح تصور الورقة خمستاشر صورة
ويجيبي بابتسامة بلهاء ويقول لك تفضل

جاتهم القرف ملو البلد


وتحياتي لك مرة اخرى

Anonymous said...

ممتاز يا معلم
أنت كدة فلتت من الهلاك
شوف بقى يا ريس انت نشرتها لكام واحد شافو التدوينة دى
أبقى قوللى على اللى حيحصلك بعد 4 ايام و متيقاش تنسانا لما ربنا يفتحها فى وشك

الشيخ خليل

Saker said...

ممم .. الحكاية دى مش عندنا بس .. دى أول ماظهرت ظهرت عند الغرب .. انا كانت وصلتنى كام رساله من النوع ده بس أجنبية ... لكن الفارق الوحيد ان الرسالات الأجنبية كانت بتربط الموضوع بالقدر أما الرسايل اللى انت عارضها بتربط الموضوع بالإسلام ><

Anonymous said...

عزيزي أشرف ـ أو الفنان كما يقولون لك ــ أنا أتعذب فعليا و أنا أشاهد مثل هذه الرسالات المنحطة.. في نظري أن هذا أخطر على الإسلام من القضايا التي شبعنا أكلا فيها ـ و التي تروق للجميع ليتحدثوا فيها! ـ على غرار هيفاء وهبي أو روبي أو أم فاروق المصابة بالحول الرسمي .. هذا الأمر يحتاج لإعلام هائل ـ بدلا من برامج المتخلفين و الصحافة الصفراء ـ و طبعا لن تجد هذا الإعــلام في بلادنا .. حقيقة انا أريد أن أبكي قهـــرا..أصعب شيء هو تغيير أفكار و معتقدات غبية التصقت في رؤوس الناس كالتابو..خاصة إذا ما كانت الفئة المسئولة قد صدرت الطارشة عوضا عن تصدير الصناعات الحديثة!

قليل من التفكير said...

ربنا يشفي

الحكايات ديه بتجيب للواحد عته

Counter