Total Pageviews

Tuesday, August 28, 2007

ميلودي تتحدى الدجاج








إضغط علي الصور للتكبير







يبدو أن ميلودي قد امتد نشاطها من تحدى الملل إلى تحدي الدجاج في انتاج البيض



ومن هذا المنطلق قمت بحملة كاريكاتورية علي بطلها الخارق أو قل الأخرق






ويبدو أن حملتي كان لها نتيجة خاصة مع الهجوم الذي شنته الصحف ومواقع الانترنت علي سخافة هذه الإعلانات لذا تكرمت القناة مشكورة بتنفيذ إعلان جديد يقول فيه البطل الأخرق



هاجموني في الصحافة يا بوبي



ولمن لا يعرف معنى كلمة بوبي



Booby



فهي الفتاة ذات النهود











لقد عرفت كثيرين ممن يصرون علي موقفهم حتى آخر قطرة دماء



ولكنه لنوع فريد من البشر من يصرون علي أن يتحدوا الدجاج طوال الوقت






أعرف أن البطل الأخرق سيقرأ هذا الكلام



لذا أتمنى أن يبلغ تحياتي لبوبي وإبنه الإفريقي



انكم حقا لعائلة دجاج

39 comments:

سجدة said...

بجد الإعلان دا بيجى على قناة ميلودى اصل انا الصراحة مش بشوف القنوات دى
بس بجد دا حاجة مقرفة جدا ومستفزة وغلصة ولا فيها اى تحدى لملل نهائى
والله سخافة
وسفه
شوية رعاع فعلا والدجاج احسن منهم

Mirage said...

انا مش فاهم ايه اللى مش عاجبكوا فى الاعلانات دى

دى قمة فى الابداع والتجديد

وبالنسبة لسجدة

فبالتأكيد يهمها ان يتحول المجتمع الى ابيض واسود

الرجال يلبسون جلاليب بيضاء والنساء يلبسن عبايات سوداء

حتى نبتعد تماما عن الحاجات الغلصة

هو يعنى ايه غلصة ؟

أسامه يوسف said...

والله فكره حلوه موضوع شن الحمله بتاعتك دى
ونسميها
ميلودى تتحدى الملل ونحن نتحدى ميلودى
إعلان بايخ ومستفز
وانا كنت هاعمل بوست عالموضوع ده
بس انت سبقتنى

أه سؤال مأرقنى
ليه فى نهاية الاعلان الولد الافريقى بيرقص
مش فاهم إيه علاقة ده بالعلان غير تطليع روحى

تحياتى

Doba said...

هيه اعلانات مملة قوى الصراحة الواحد بيقلب لما يلاقيها
=========
يا أهالى البلوجات الكرام
طم ططم طم طم

أسمعوا وأعوووووووووووو
لقد قمنا بنشر الفصل الجديد - للقصة المجنونة والجوهرة المدفونة - كشف المستور - وعلى الحاضر أنه يعلم الغايب بحضور المدونة لقراءة القصة وكتابة التعليق - وعلى كل زاير انه ميدخلشى الا برجله اليمين ويجيبلى حاجة حلوة قوى فى ايديه

يا اهالى البلوجات الكرام
مستنياكم كلكم

تعالوووو زوروووووونا
باى باى
دوبه

عبد الرحمن أبو بكر said...

اية يا فنان الشغل الجامد دة .وحشني شغلك في الكاريكاتير اوي
بجد انا شوفت الاعلان اكثر من مرة
واستفزني خلاص الاعلانات دلوقتي
لازم يبفي في بنت تطلع وتهز
عشان كدة تبقي بتتحدي الملل
. والنبي يا اشروف عايزك
تسائلي ابراهيم سعيد خطيبها
ازاي سمح لها تطلع بالمنظر دة قدام الناس والا هو نية طيبة ولا اية بالضبط
وليا عليك عتاب كبير قوي
عشان بطلت تزور مدونتي يا فنان
وما بتكتبليش اي تعليق عل الشغل
يعني من الاخر منفض خالص
ايوة ياعم ما انت مركز مع ميلودي
والفيبريشن وناسي زمايلك خالص

أشرف حمدي said...

عبد الرحمن
معلش عندي شغل كتير جدا في الشركة
لازم طبعا حزور مدونتك الجميلة

علي فكرة هي اسمها جوليا
خطيبة ابراهيم سعيد وماعنديش فكرة اذا كانوا اتجوزا ولا لأ
تحياتي

abo salah said...

بعد السلام عليكم

أحييك ياباشا علي رسوماتك الكاريكاتورية الرائعة ، و تسلم إيدك فعلا
أما بقي عن ميلودي ، هي مش دخلت في تحدي مع الدجاج ، ربنا يستر علاها من أنفلونزا الملل قصدي الطيور

تحياتي

سجدة said...

الاستاذ ميراج
انا حرة فى وجهة ونظرى ورأى ومش من حقك تستنج من كلامى مفاهيم وتفرضها عليا
انا مقولتش ابيض ولا اسود
ومش عاجبنى الإعلان
ورأى فيه انه سفيه
انت عاجبك الإعلان انت حر
دى حاجة تخصك

سجدة said...

دكتور اشرف الكاركتير بتاعك ممتاز وياريت تستمر فى الحملة لمواجهة هذا السخف

آخــر قــرصان said...

واضح يادكتور انك مش حتسيب الواد الكومبو ده فى حاله لحد يا اما الناس حتتحدى الملل فيه يا اما ينفوه بره البلد..ماكان ينتحر لازم يعنى تطلعله البنت اللى محتاجة ظبط زوايا دى..

Anonymous said...

بص يا عم أشرف
فتح ودانك معايا شوية عشان هاقولك كلمتين رخمين بس يا ريت تفهمهم
أولا انت ليه رسمك شكله وحش كدة بجد؟ بيتهيألى قبل ما تسمى نفسك رسام لازم تشكيليا مستواك يبقى أحسن من كدة
أعقد انك من كتر مانت مشغول مش لاقى وقت تحسن فيه مستواك
ثانيا أفكارك عادة بيبقى دمها تقيل و ساعات بتاخد أفكار ناس تانية و تحورها و كأنك انت اللى عاملها (يمكن ده توارد خواطر بس اشمعنى دول اللى مش بيبقى دمهم تقيل ؟ )
ثالثا لما انت مش عاجبك الاعلان و شايفه سخافة بتعرض دين أمه عندك على البلوج ليه و أول لقطة فيه هى صدر البت اللى انت تفضلت و كشفت سر معنى اسمها ؟
رابعا حاول تخرج شوية من الأوهام اللى انت عايش فيها و تحس بالدنيا بجد مش زى مانت نفسك تحس بيها صحافة ايه اللى هاجمت فيها الجدع يا حج؟ الرسومات دى اتنشرت فى موقع .. مو .. قع !!
خامسا بقى لكل الحلوين المؤدبين اللى مش بيحبوا الاعلانات بتاعة ميلودى و مع ذلك بيتفرجوا عليها و ما بيقلبوش ولا حاجة لما بتيجى ( الا اذا كان بابا قاعد ) الاعلانات دى نجحت للأن كل واحد فينا فى حتة جواه نفسها تبقى بالوقاحة دى و الجرأة دى و الحرية دى و هما لعبوا على كدة بس طول الوقت المجتمع بيضطرنا نبقى مش كدة و الهجوم اللى بتتعرضله أكبر دليل على نجاحها .. فى رسام مشهور ( يا بيه يا رسام ) قال ان العمل الفنى الناجح بيقسم الجمهور نصين ... نص مبهور بيه و شايفه جامد جدا و نص تانى مش طايقه و شايفه مقرف
أعتقد ان كلمة مقرف دى أحسن كلمة أختم بيها التعليق اللطيف ده !

أشرف حمدي said...

استعنا ع الشقا بالله
ماشي يا سيدي
واضح انك الممثل بتاع الإعلان

انا حبيت أنشر تعليقك وأرد عليه بشجاعة علي عكس حضرتك اللي مش قادر تقول اسمك ايه
مكسوف ؟

ماعلينا
أولا بالنسبة لمستوايا الفني ، الشخص الوحيد اللي من حقه تقييمه هو رسام كاريكاتير أفضل مني
عندك عمرو سليم ، مصطفى حسين ، بهجوري
وجميع الأسماء دي شهدت ليا بالتفوق في مجال الكاريكاتير
فأقدر أعرف مين سيادتك عشان تقيم مستوايا الفني من حيث التقنية ذاتها ؟

كوني باخد أفكار ناس تانية واتهامك لي بالسرقة كويس برده
هاتلي عدد واحد من الناس التانية دي

سب الدين في تعليقك يدل علي تربيتك وخلقك فلن أعقب عليه

باقي التعليق أترك المدونين أنفسهم للتعليق عليه في مدوني كاريكاطظ

أعتقد أن طظ دي أفضل كلمة انهي بيها تعليقي علي حضرتك
تحياتي

semsem said...

ممكن ارد يا استاذ اشرف على استعنا على الشقا بالله


اولا يااستاذ لو عاوز تسب الدين ودا من اخلاقك طبعا

اترك اسم الله بعيدا واى شقا هذا الذى تستعين عليه بالله

هو ان تسب الناس


حسبى الله ونعم الوكيل


تانيا انا فنانه تشكليه واكيد بفهم فى الفن


رسام الكاركاتير يا بنى ادم
مش المفروض يطلعك حلو ومسمسم


وان كنت اعتبر اشرف حمدى منافضل الرسمين الموجودين على الساحه الان


وحيات ابوك بلاش قرف احنا لابنشوف اعلانات دى ولا عاوزين نشوف قناه فقع المراة دى من اساسه


اسفه استاذى العزيز اشرف اصل الراجل دى عظنى

اللهى يارب يجى اللى بتحدى الملل فى وشه ان شاء الله

Anonymous said...

يا بنى ممثل اعلان ايه اللى انت متصور انه يعرفك أصلا !! سا أشرف فوق بقى بجد اذا كانت الناس دى مصدقة فانت بالذات لازم تكون عارف الحقيقة و ما تفتكرش ان اللى انت بتعمله ده فى حد حاسس بيه.
الحقيقة انت فاجئتنى كنت متصور ان ردك على موضوع مستواك ده هايبقى أكتر دبلوماسية و تقول حاجات من نوعية و الله يشرفنى انى لسة باتعلم أو اللى يدعى الكمال يبقى بيستعبط لكن انفعالك و عدم سيطرتك على نفسك خللوك اخترت كلمة جامدة أوى توصف بيها نفسك .. التفوق .. التفوق يا أشرف ؟
و بعدين هما لازم الناس دى هى اللى تقول عليك متفوق عشان تبقى متفوق ؟
أنا شايف ان الشجاعة اللى بتتكلم عنها دى تخلليك تجاوبنى فعلا على أسئلتى بدل ما تحاول تلاعبنى ألعالب عشان تعرف أنا مين
أنا لو مكانك هاهتم أكتر أعرف ليه فى حد شايف شغلى وحش بدل ما أتهمه بالجبن افترض يا عم انى حد تعرفه و الكلمتين دول محشورين فى زورى بقالهم عشر سنين و باقولهملك هنا بدل ما أقولهملك فى خلقتك عشان ما أجرحكش
أما موضوع سب الدين اللى طللعك على منبر خطبة الجمعة ده فانا يا سيدى أسف انى دنست مدونتك الطاهرة ( راجع الصورة بتاعة البووبى و حاسب نفسك تانى على وجودها فى الصفحة الأولى من مدونتك
و أسف تانى اذا كنت ضايقتك أو حسستك انى مجرد واحد منفسن عليك
أما الكتاكيت اللى ردوا على موضوع القنوات و الحاجات دى فأنا مش هارد عليهم لأنهم غلابة و محتاجين علاج نفسى هاقولهم كلمة واحدة بس
جربوا تغلطوا مرة عشان تفهموا انتوا بتعملوا الصح ليه
ودام المجد للقطيييييييييييييييع

ملحوظة أخيرة لأشروف
فكر كويس قبل ما ترد ... و لو لقيت انه الأنسب انك ما تردش ما تردش

غمض عينيك said...

الكاريكاتير حلو اوي بجد

:):)

الاختلاف في الرأي المفروض انه لايفسد للود قضية...وكل واحد بيعبر عن رأيه باستخدام ادواته
وياحبذا لوكانت الادوات والاسلوب من الاحترام اللي يقود للاقناع مش العكس

تحياتي ليك يا استاذ اشرف
محمد سمير

3abdo me7tas said...

يااااااااااااه
انت فين يا راجل
انت قلت كلام كتير الواحد كان نفسه يقوله بصراحة عندك حق الملل أرحم من الشخصيات الكارتونية اللى بيجبوها الأيام دى على التلفاز
انا مش عايز اقول كلام تانى لانى عارف ان الكلام مش هيعجب حد
سيب الطابق مستور يا عم أشرف

أشرف حمدي said...

استعنا ع الشقا بالله
ردي عليك هو نوع من مضيعة الوقت
لكن واضح انك مغلول مني قوي :)
بالراحلة يا راجل مش كده
صحتك

أولا ممثل الأعلان بتاعك ده مايهمنيش في شيء .. أنا معروف لدي شريحة كبيرة من المهتمين بالصحافة والكاريكاتير سواء في مصر أو برده مصر ومايفرقش معايا انه يعرفني او مايعرفنيش دي مش قضية نتكلم فيها

كل الفنانين لسة بيتعلموا
ولو حضرتك تعرف يعني ايه فنان حتعرف كويس انه حيفضل حتى آخر لحظة في حياته يتعلم ويطور من نفسه

كون واحد مجهول متغاظ مني لسبب ما دخل يقول اني مابعرفش أرسم ده شيء لا يستحق اني اقعد مع نفسي أفكر يا تري انا فعلا مستوايا مش كويس ؟
ده يبقى هبل
أنا عارف نفسي وعارف قدراتي كويس .. ومش مستني واحد خايف يجرحني في وشي علي حد قوله انه يعلمني شغلي اللي انا متفوق فيه رغم عن أنف حضرته الجميل

ولو انت ماتعرفنيش وبتتكلم ع الفاضي
فأحب أقولك اني متفوق بشهادة المسابقات العالمية اللي فزت فيها أكتر من مرة
قول بقى أن كوريا وايران ورومانيا مابيفهموش في الكاريكاتير أو انهم بيحبوا يجاملوني

بالمناسبة
الرسومات اللي بتقول عليها اتنشرت في موقع .. مو .. قع .. علي حد قولك
دي بتتذاع علي قناة أو تي في ،في الفواصل كذا مرة في اليوم
وكمان اتزاعت ضمن لقائي في المحطة علي الهواء

وبالمناسبة كمان ابقى تابع شغلي الوحش علي برنامج صباحك سكر زيادة في رمضان كل يوم جمعة

الظاهر أو تي في بتجيب رسامين وحشين عشان تخرب المحطة
صح ؟

كما لا أسمح لك باتهام زوار مدونتي بالقطيع
حاول تتعلم احترام الناس شوية

فكر انت كويس قبل ما تشتم غيرك

Ma 3lina said...

استفزاز هوا ده ردى الوحيد على الاعلان ده هوا و ممثلينه

Unknown said...

الحمد لله عرفت اوصل عند التعليقات المرة دى من غير النت ما يقفل
عجبنى اوى الكاريكاتير بتاعك و موضوع مروة ممتاز جدع و الله
تحياتى :)

мσнη∂ιš said...

أستاذ أشرف:
إذا نطق السفيه فخير إجابته السكوت
أحييك على شجاعتك و طريقتك في الإجابة، ثم من قال إن أعمالك رديئة، للأسف مازال هناك يوجد نوع من الإنسان الرديئ الغير الصالح بتاتا
أرجوك واصل حملتك ضد الملل الحقيقي و ربنا معاك يا دكتور

أشرف حمدي said...

أشكر جميع الزوار المحترمين علي تعليقاتهم المشجعة
علي وعد بمواصلة سلسلة الكاريكاتير حول موضوع ميلودي

كل عام وانتم بخير بمناسبة قرب حلول شهر رمضان الكريم
مع خالص حبي واحترامي وتقديري

ana ga3an said...

و الله يا اشرف انت غلطان بترد علي الاشكال دي
يا ابن الحلال الواحد منا ملوش غير اعصابة

بس سيبك انت مدام بوبو ولا بوبي
ولا عيل الصغير اللي باين علية ابن حرام دة
و ان دل دل علي شيء مهم جدا
ان عصر الفراخ قادم و بقوة
وولاد الحرام هايملو التلفزيون
وكل لقيط او عيل تاية هايقرف اللي جابونا
بحجة احنا بنتحدي الممل يا اخوانا
ويا اهلا بالفراخ

حسام مراد said...

بس يا جماعه انا فعلا بفرح باعلان منهم جداااااااااااااااااااااااااااااا

هو الاعلان بتاع العربيه بتاع ساندوتش البرجر
لما قاله انزلى ههههههههههههههههههههههههههههه
لمل اتاكل حته علئه تمااااااااااااام
والله فرحت جداااااااا بس زعلت عشان البت الرخمه اجت ولاول مره وضربوا الواد

Marwa Friday said...

صباح الفل
إزيك يا دكتور
ايه ده ده ده؟..أنا ما عنديش دش ولا وصلة -الحمد لله - ده اعلان يتحدى البيض نفسه!..ياللا يا بطل ..كمل المشوار ..مشوار ايه ده يا جدع ..!..وآه ياخوفي من آخر المشوار آه يا خوفي ! ..ده غير التلميحات القذرة ..الولد الصغير ..إلخ ..ألخ ..من الآخر خنيق ..خنيق ! الرسومات هايلة كالمعتاد ..فكرتني بحكايتك مع الضفادع في كلية الطب اللي كانت منشورة في إضحك للدنيا ..الله يرحمها ..تحياتي

Anonymous said...

ههههههههههههه
انا بحييك على البوست الجميل
ودا لانهم بصراحة شوية بيييييييض
انا بتفقع لما بييجي الاعلان
دا غير المدام لما تقعد كل شوية تقولي
داري وشك داري وشك داري وشك
خلاص همشي بالمقلوب علشان خاطر مولتي قصدي ميلودي
الى الامام يا استاذ اشرف في فضح العالم البيض
عايزينه يرجع تاني بمليم
تحياتي

Mirage said...

ايه يامعلم انت غايب باقيللك كتير

لعل المانع خيرا

أشرف حمدي said...

mirage
أشكرك علي التعليق
لا غيبة ولا حاجة
انا كل ما ارسم حاجة جديدة عن تحدي الملل أضيفها
الواحد مشغول في المجلة بس .. أصلهم بيقفلوا العدد الجديد وانا طالع عيني
تحياتي

мσнη∂ιš said...

سلام يا دكتور أشرف:
لو سمحت أنا ليا عندك طلب صغير، لو سمحت هل أستطيع نقل كاريكاتير الضابط اللي ماسك الحرامي علشان يعترف لأني بصدد تهييء مدونة جديدة بخصوص الإعترافات
و لك مني خالص التحية

أشرف حمدي said...

مهندس سري
بالطبع يا عزيزي
فقط تأكد من ذكر المصدر وعدم محو شعار الموقع أو الامضاء
you are welcome
كما يقولون
تحياتي

voice of love said...

شديد يا عم الدكاترة
فعلا الموضوع مستفز بشكل يفوق التصور
خالص تحياتى واحتراماتى

мσнη∂ιš said...

شكرا جزيلا

Anonymous said...

د.أشرف تسلم إيدك..

المفروض ميلودي تفتح مستشفي على حسابها عشان يعالجوا فيها الناس اللي بيجيلها عته منغولي بسبب اعلانات السيد الأصفر!!

الإعلان الأخير ده سافل و نظرتي لحضرتك تزيد لفوق قوي لو شيلت الفيديو من البوست.. لأن كل واحد هيشوفه هتاخد ذنبه.. كفايه اللي عملوه ..

د. أشرف استمر.. هم دايماً الوقتي بيكلموا الناس بشهواتها مش بألسنتهم و ودانهم و عقولهم ..

السيد "استعنا ع الشقا بالله" اهدى ياراجل..مش كده..

ياريت تعرض كلام بطريقة اظرف من كده.. عشان تبقى بتتحدى الملل ههههههههه

---------

في الأخير أدعوك دكتور و البلوجينجيين الكرام أن تزوروا مدونة "تيليسكوب"

http://www.tlescope.co.nr/

تحياتي.. GADELiOO

Anonymous said...

ايه دههو انا ماحطيتش تعليق على البوست ده؟؟؟
ازاى؟؟
فرصه للتريقه كده تفوتنى فى اول الموقعه
ماعلينا
كل سنه وانت طيب ياعم
وميرسي انك ما عملتش اللى كنت هاتعمله
فاكر ولا.....؟
;)

Zika said...

وال يقولك ميلودي تتحدي الملل
ده الملل هو اللي بيتحدي ميلودي
وعلي رايك
ده الملل ارحم ياعم
مجموعه في الجووون

قليل من التفكير said...


أنا هعلق علي الردود

أنا ملاحظ ان فيه ناس هرقاها ان اغلب الشعب مخنوق من الاعلانات العته ديه

يعني من التعليق التاني تحس كاننا غلطنا في البخاري ولا حاجة

وكانهم صدقوا ان ده اسمه فن

ربنا يشفيهم

koukawy said...

تفسيرى لموضوع البيضه ده.... انه سفاله و قلة ادب .... و خلاني اسأل حد هو انا اللي فكري وحش و لا هما قصدهم كده .... و كان الرد ان الناس وصلها نفس اللي وصلس سفاله و تقاله و مللللل

--==// Devilish -_- Eyes \\==-- said...

من الواضح ان الأستاذ استعنا ع الشقا بالله خرفجي كبير جدا ومش محترم في نفس الوقت .. يا بتاع بوبي يا وسخ .ههههههههههه

إسلام الحساني said...

السلام عليكم
هلا اشرف
بجد انا الو مره ادخل المدونه لقيتها مثيره وجميله وبجد تعابيرهم اسمحلى فى اللفظ قزره بيض ووو شويه شويه محدش عارف هيعملو ايه عشان الملل
بس هما اساسا الى اخترعو الملل
وبجد موضوع جميل اتمنا ردك وزيارتى
انا مدون جديد:ارجو زيارتى
شكررررا ليك يا غالى

إسلام الحساني said...

السلام عليكم
موضوع جميل وارجو وبجد موضوع البيض ده خلانا احنا نفرق
ارجو منك زيارتى

Counter