Total Pageviews

Tuesday, October 23, 2007

يريدونني ملحدا !


تلقيت عرضا للعمل في صحيفة فرنسية عن مصر
هذا نص البريد الإلكتروني
Hi, I saw your Blog, and also a sample of caricatures you made, someoneshown me at OTV channel. Unfortunately I cannot read arabic, but theytranslated a bit to me.I m journalist at lepetitjournal.com, Cairo edition. This is a frenchnewspaper about Egypt : politic, society, culture, art, interviews...We are looking for someone to draw caricatures to add to articlesthey might need this.Are you interested in a collaboration with us ? If yes, contact me by mail
soon.Best regards

بالطبع هو شيء يدعو للفخر ، وقد قبلت العرض فورا ودون تردد وانتظرت المكالمة الهاتفية بخصوص تفاصيل العرض ، ثم فوجئت بهذه الرسالة اليوم

Hi Ashraf,
I had a look to your last caricatures on your blog, and, in the end, I do not think it can match with an objective newspaper. First of all, you named yourself as an egyptian muslim cartoonist. Why not, but our newspaper is free of any tag, political, religious... Second, about Lars Vilks, basically, I think it was his right to draw a caricature about the Prophet, as you use the right as well to draw people taking the risk to make them upset. Me, I think, that, this is the danish newspaper which made a mistake by ignorance, publishing something can hurt muslim people. But in the end, the freedom of expression exists, and we cannot deny it. The thing is, in France, we think that we can laugh about everything, even god, and you do not ignore i think that most of us are atheists. But I know perfectly how on Egypt there is no way for most of people to laugh about this, and I respect this, bt I work for a french newspaper, about Egypt, that is why we never give our opinion, but still we write with distance. Anyway, I think your opinions are a too straights somehow to cooperate to this newspaper Sorry, I prefer to be clear with you. It doesn't affect my opinion that your way to draw is good.
Best Regards,
Marie

حسنا .. بالرغم من اعتراض البعض على رسومي باعتبارها تبدو لهم منحلة لأنني ربما أرسم شيئا جريئا أو رسما لفتاة خليعة بما تفرضه علي الفكرة الجيدة أو التي أراها جيدة من وجهة نظري ، فإن هذا الصحفي يراني متشددا وعنصريا ولا أؤمن بحرية الرأي والتعبير ويتهمني بأنني قد لقبت نفسي في كاريكاتيرات لارس فيلكس برسام الكاريكاتير المسلم المصري .

ولا أنكر أن اسلوبه مهذب للغاية وأنا أحترم أسلوبه وان كنت لا أحترم رأيه
ولكن
هل لابد لي وأن أكون ملحدا كي أحظى بشرف العمل بجريدة فرنسية ؟
هو سؤال خطر لي ويستحق التفكير من منطلق : هم عاوزين مننا ايه بالظبط ؟

هل الإلحاد الآن قد أصبح عنصرا من عناصر الرقي والتقدم ؟
لم أرد على هذا الخطاب .. ولعل الصحفي الفرنسي يتابع مدونتي وسيجد من يترجم له هذا الكلام
ولكنني لن أتشرف أبدا بالعمل في جريدته
مع خالص إحترامي وتقديري

" حاجة تفقع والله يا جدع"

28 comments:

Anonymous said...

فعلآ شرف لك أنك ترفض الشغل معاهم

و لو عاوزينك و بيعملوا حساب للحرية يبقى يقبلوك زى ما أنت

أنت كده على حق

Unknown said...

سلام عليكم
انا شايفة ان رد فعلك صح جدا وان مش علشان هتشتغل في مجلة فرنسية توافق علي حريتهم الغبية دي انهم يعترضو علينا مش مشكلة بس ملهمش دعوة برسولنا
وثانيا اكيد ربنا هيكرمك بحاجة احسن من دي علشان انت انسان غيور علي رسولك ودينك قبل اي مديات
وربنا يوفقك بجد
سلام
مني

Unknown said...

ونسيت اقول لحضرتك كل سنة وانت طيب علي التابيدة
وعقبال ميت تابيدة
سلام

Anonymous said...

ولا يهمك يا فنان خيرها في غيرها

"هم عاوزين مننا ايه بالظبط ؟" .. ممكن بس اعرف مين "هم" السفلة دول؟ يمكن اقولك عايزين مننا ايه

اسكندراني اوي said...

اشرف
لا يسعني الا ان اقول لك

تسلم ايدك اللي كتبت البوست ده

وربنا يكرمك

تحياتي

мσнη∂ιš said...

كلامك صح يا باشا

Yasser Hussein said...

يعني لما بعتولك العرض في الأول مكنوش عارفين وشايفين رسوماتك عن لارس وكلمة الرسام المسلم المصري؟
يا عزيزي ده أسلوب ملتوي عشان يشعروك أنك خسرت عمل بسبب أنك مسلم ولك موقف .. السم في العسل
ده أسلوبهم ومفقوس قوي بالنسبة لشعب دهن الهوا دوكو
:)

خالص تحياتي الفنية

Anonymous said...

انا مش شايف انه عاوزك تكون ملحد
هو ده الكلام اللى حتسمعه لو اشتغلت فى اى صحيفة تانية زى الأخبار او الأهرام
حيقولولك ان المفروض الصحفى يكون محايد و حيحطوا بعض القيود على كتاباتك و رسومك
بما يتناسب مع توجهات و سياسات الجريدة
و الله انا رأيى انك اتسرعت فى الكلام الجامد اللى كتبته فى البلوج لأنك لو راجعت الكلام هو ماطلبش منك تكون ملحد.. و مش معنى ان ده رأيه -زى رأى أى اوروبى على فكرة-أنه حيطلب منك تسب الرسول فى رسوماته مثلاً او ان صحيفته الفرنسية دى حتنشر الرسومات.. خاصة انه أدان موقف الصحف اللى نشرت الرسوم
هذا رأيى .. مع خالص احترامى لأراء الجميع

Mirage said...

انت عارف إن من الأسباب الرئيسية انهم يختاروا عمر الشريف للعمل فى سينما هوليوود انه يهودى

:)

الطائفية موجودة فى كل العالم لدرجة إن استراليا ذات نفسها اللى هى بلد هادية ومالهاش فى حاجة بقى فيها تفرقة اتجاه العرب وليس الدين بمعنى إنى سواء مسلم أو مسيحى فأنا عربى لذا انا متخلف بغض النظر عن دينى ولكن لجنسى وعرقى

انت ياباشا المدح والإعجاب عمال يهل عليك من برا مصر ومن جوا مصر ومن صحفيين عالميين ومن وزرا مصريين ومحدش عارف أخرتها إيه معاك
:)
وكل ده يتزامن مع عيد ميلادك
يعنى هديتك وصلتك من جوا وبرا

يارب بالتوفيق دايما وإن شاء الله ليك مستقبل مشرق

BaTresYa said...

اساسا هما في بلدهم معندهمش حريه دينيه زي ما بيزعموا لأن الحجاب ممنوع هناكـ ... ثانيا يعني هو مش عارف من الاول انك مسلم... وهو كونك مسلم هيعيب فيك يعنى!!! طز فيهم

وانت رسام رائع وهتلاقي ان شاء الله كتير يقدروك

نهى منير said...

أنا لو منك كنت رفعت شعار البلوج بتاعى فى وشهم
كاريكا ......طظ
:)))))))
بـــــاى

أشرف حمدي said...

ما تتصوروش سعادتي قد ايه بالردود المرادي
يمكن أكون فعلا كنت محتاج حد يقف جنبي في حالة الإحباط الشديدة اللي الواحد بيمر بيها
يعني الواحد يبقى بينه وبين النجاح خطوة وفجأة هوب يقولك انت مسلم وانت مش مؤمن بحرية الرأي والتعبير وانت مش عارف ايه

ربما اتفق مع رأي صديق عمري خليل في كون الصحفي لم يطلب مني أن أكون ملحدا ولكنه رفض التعامل معي كما أنه يرى أنه لا عيب في سب الله نفسه وليس الرسول فقط في الكاريكاتير !
لذا فقد اخترت صورة المرحاض لتكون موتيفة هذا البوست .. أي منطق هذا الذي يفكرون به ؟ وأي حرية رأي هذه التي تعطيني الحق في سب الله ؟ أنا من يرفض التعامل معه ، وقد كانت مبادرة مستفزه منه ان يرفض هو أولا التعامل معي

ربما اتفق ايضا مع رأي الفنان ياسر حسين ، بصراحة ربما لأنه يريحني وقد صادف هوى ما في قلبي بغض النظر عن الحقيقة فعلا

أشكر جميع من وقفوا بجانبي
وربنا يسهل وأكون عند حسن ظن الجميع
بجد بحييكم بشدة
وأحبكم أكثر

Anonymous said...

لحظة علشان كلامى يتفهم صح
انا قلت انك اتسرعت فى البوست الجامد دة .. مش انك اتسرعت فى الرفض
طبعاً يا أشرف كان لازم ترفض
لكن انا قصدى انك مش بالضرورة تستغرب موقفه او تعتبره موقف عدائى.. هو شخص تانى من مكان و ثقافة مختلفة.. و زى ما احنا مش عارفين نفهم موقفه .. هو كمان مش عارف يفهم موقفنا فى تقديس ما هو مقدس
الموضوع موضوع اختلاف فى الأدمغة
المهم فى الموضوع أن الفرصة اللى راحت منك دى مش فشل
دى قمة النجاح
أن شغلك يتشاف برة مصر .. أنا شايف ان ده نجاح كبير جداً
فاكر يا أشرف زمان من 7 سنين لما كتبتلك ان "أنا مؤمن بك و بموهبتك و بالتأكيد هناك أخرون"
عرفت أن كلامى صح و لا لسة
انت فنان كبير .. و عندك ميزة مش موجودة عند ناس كتير
هى ان عندك طموح و إصرار
الإصرار اللى خلاك توصل للى انت فيه النهاردة رغم صعوبات كبيرة جداً انا عارفها كويس بحكم العشرة اللى بيننا
إن شاء الله يا أشرف فى يوم من الأيام
حيتشهد لك بأنك أفضل فنان فى مصر و العالم العربى
ما أقصدش انك كدة دلوقتى .. لكن منحنى نجاحك ده حيخليك كدة إن شاء الله
بالتوفيق يا فنان

أشرف حمدي said...

صديق عمري محمد خليل
أحم ...
لا تعليق

كل اللي أقدر أقوله ان كلامك ده حطبعه وأحتفظ بيه
مش عارف أقولك ايه
أشكرك بشدة
مع خالص حبي واحترامي وتقديري
أخوك أشرف

Anonymous said...

استعوض ربنا خير يا اخ اشرف و إن شاء الله ربنا يعوضك بحاجه احسن

تحياتي

fr3oon said...

حسبي الله ونعم الوكيل
وبقولها من كل قلبى
ومع انى متفق مع بعض الآراء هنا زى انهم اصلا بالنسبه ليهم حاجه زى كده يقولوهالك عادية بالنسبه ليهم
ومع رأي تانى اللى بيقول هرفع عنوان البلوج فى وشهم طـــظ بس من غير كاريكا
على حق يابا

simple girl.. ..simple dream said...

حرية الابداع مكفولة للجميع
طالما انك بتعبر عن مبادئك وافكارك يبئا من حقك تستخدم كل الوسائل اللى انت شايف انها هتخدم المعنى

تحياتى لك


would u plz visit my blog and participate in my poll
i really need ur opinion


with my best regards

حبة حاجات (ايمان) said...

طبعا هايل زى ما الكل قال ان جرديه زى دى بعتت ليك عشان تكون معاهم

بس مش عارفه انا لو مكانك اه كنت هفخر بدا بس فى نفس الوقت هقلق
يمكن لانه كان ممكن يخلونى اكتب حاجات ولو ملامحاو طراطيش عن الاسلام ماتعجبنيش

مش عارفه عموما الواحد بقت ثقته فى الاخرين فيها بعض الشك وطبعا المقصود بالاخرين معروفين طبعا

عموما الاهم من دا كله انك فعلا مثال للمسلم الناجح الموهوب بدليل انهم بعتولك من قيبل ما ياخدو بالهم انك مسلم

كدا كفايه

واتمنى انى اكون من اصدقاء اللى عندك وطبعا ليا الشرف

Anonymous said...

يا عم إنت باين عليك لسه ما فهمتش النظام ماشى إزاى .. أقولك أنا: حرية التعبير عند الرمم دول هى إنك تشتم المسلمين - و العرب منهم على وجه الخصوص - و تتريق على القرآن و الرسول و سنة الرسول ، و حط زى مانت عاوز الإكليشيهات المحفوظة بتاعة "الإسلام دين الإرهاب" و "العنف أساسى فى العقيدة الإسلامية" إلخ .. أما بقى يا حلو لو جيت تفكرهم باللى عملته أمريكا - مثلا - لما ضربت اليابان بالقنابل الذرية و اللى عملته فى فيتنام و أفغانستان و العراق ، دا غير الأنظمة الديكتاتورية اللى دعمتها فى أمريكا اللاتينية و أفريقيا ، و اللى كان ضحاياها ملايين ، و لو عاوز تتوسع شوية خد عندك المذابح اللى عملتها فرنسا فى الجزائر (ثورة المليون شهيد) و الطلاينة اللى قتلوا نص سكان ليبيا أيام حكم موسولينى ، و ارجع لورا و افتكر جرايم الاستعمار البريطانى ، و تجارة العبيد و إبادة الهنود الحمر و ممكن نملا مجلدات فى كل دا .. كنت باقول جرب كده تفكر الغرب "المتحضر" بتاريخهم ده و شوف إيه اللى ح يحصل .. ! طبعًا ساعتها ح تكون عدو الحضارة و الديمقراطية و التقدم .. إيه يعنى كام مليار بنى آدم ماتوا ؟ دول ماتوا فى سبيل الحضارة ! فى سبيل الكمبيوتر و الموبايل و الدش و الديفيدى و الهمبورجر و الكوكاكولا!ـ
نهايته .. من العيب - عندهم - أن تكون صاحب هوية و صاحب شخصية و أن تقول : إنى عربى مسلم! إنهم يريدوننا بلا هوية و لا كرامة ، و أن نسمع و نرى شتيمتنا من أشخاص لا يساوون بضعة ملاليم كذلك الحيوان النجس المدعو فيلكس ، فلا نرد عليه .. أوجه لك التهنئة على موقفك ، و إن كنت أتمنى لو كنت حادًا أكثر من هذا.ـ

Unknown said...

هههههه
كانوا عاوزين يجندوك
بس والله يا عم اشرف انت صح وعشره على عشره كده
بس اعتقد ان المساله مكنتش مجرد شغل
ولا رايك ايه
على جنب
كل سنه وانت طيب كنت مفكراك اكبر من كده سنا طبعا
لانك فعلا كبير مقاما والله
معلش بقى جت متاخره

a3trafat lylyah said...

فعلا حاجة تفقع

هما اساس العنصرية فى العالم كله

shorouk said شروق سعيد said...

بصراحة مش عارفة أرد أقول إيه
عندي كلام كتير ممكن أقوله
بس أحياناً أبلغ رد بيكون الصمت



عموماً
كل سنة و حضرتك طيب و عقبال اليوبيل الماسي

إنسان || Human said...

أحسنت ..أحسنت
وهذا هو واجبك ...ومايجب أن تفعلة

إنسان || Human said...

صدقني يافنان ..ربنا هايعوض عليك كتير كتير كتير ..

فبركة said...

السلام عليكم
هايل البوست الجميل ده
بالمناسبة انا كتبت بوست عن أزمة مصر الخالية اللى الكل بيمر بيها خاصة الشباب ووضعت فيه وجهة نظر يمكن تكون كلاسيكية مثالية شوية لكن أعتقد أنها ممكن تفيد لو حاولنا نطبقها ولو حد مختلف معاها أكيد هيحط البديل ليها
أتمنى التفضل بالدخول على مدونتى وقراءة آخر بوست
رجاء ضرورى وأمنية أتمنى تحقيقها
تحياتى

Ahmed Al-Sabbagh said...

نظرا لتميز مدونتك تمت أضافتها لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نُذّكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ

http://thedayunique.blogspot.com/ said...

عزيزى
أول زيارة لى لمدونتك-سعيدة بزيارتى ولكن تسمح لى أن أقول لك-لقد وجد على عنوانها هذه الجملة-كلمة عبقرية هى من حرفين ولكنها أبلغ من ألف مقال-(طظ)-فما رأيك بالكلمة الأكثر حقاً عبقرية وسحراً وتستطيع أن تنطق الحجر وهى أيضاً فقط حرفين!!!! أنها كلمة-(حب)- فما رأيك عزيزى.
أشكرك لإستمتاعى بزيارة سطورك
تحياتى
راندا
http://thedayunique.blogspot.com/

Devilish ^-_-^ Eyes said...

ولا يهمك يا ابو الفنانين .. نفضلهم يا نجم .. هههههه أفتحلهم الهاوييس يعني .. وبعدين قلهم انا كدة, مصري كدة, ورسوماتي كدة, وبحب رسول الله كدة واللي يتكلم عليه بأسلوب وحش هرسموا كدة وكدة
..
المهم برافو عليك انك رفضت كدة

Counter